Лилайз Роза

Медициналық бұйымды медицинада қолдану 

жөніндегі нұсқаулық

 Медициналық бұйымның атауы

Лилайз Роза, қынаптық свечалар, 5мг, №10

Құрамы

Бір қынаптық свечаның құрамында:    

натрий гиалуронаты 5,90 мг (гиалурон қышқылына баламалы 5,00 мг),     қатты май, азия центелласының  майлы сығындысы, алоэнің майда еритін сығындысы, қырмызыгүлдің майлы сығындысы, шай ағашының майы, бутилденген гидрокситолуол, пропилпарагидроксибензоат, изобутилпарагидроксибензоат, бутилпарагидроксибензоат. 

Медициналық бұйымның сипаттамасы

Медициналық бұйым бір рет пайдалануға арналған. 

Ақ немесе ақ дерлік түсті иіссіз свечалар. 

Қолданылу саласы

    Гиалурон қышқылы табиғи биополимер болып табылады. Ол тұтқырлық, серпімділік пен су молекулаларын байланыстыру қабілеті сияқты бірегей физикалық және биохимиялық қасиеттері бар жүйелі полисахарид. Гиалурон қышқылы бүлінген тіндердің жазылуы мен қалпына келтірілуіне қатысатын жасушалардың көшуіне түрткі болады, тіндердің гидратациялануына ықпал етеді, эпителиальді тіндердің қалпына келтірілуі мен өсуіне ықпал етеді, қынап шырышты қабығының тез қалпына келуін ұстап тұру факторы болып табылады. 

Лилайз Роза:

    - босанудан, қынапқа хирургиялық операциядан, эрозияны күйдіруден, химиялық емнен кейін иондалған лазермен сәулеленген қынап шырышты қабығының дистрофиясында  

- қынаптың  менопаузадан кейінгі қынап құрғауында, табиғи менопаузадан немесе медициналық араласудан  (гистерэктомия, овариоэктомиядан), кортикостероидтарды ұзақ қолданудан кейінгі  туындаған қынап құрғақтығында қолданылады.

Қолдану тәсілі 

Интравагинальді. Енгізудің алдында қолды жуу, қынаптық свечаларды  (қаптамасын қайшымен қиып) босату керек. Қынаптық свечаларды қынапқа тереңдете енгізу керек.  Егер қынаптық свечалар тым жұмсақ болса, оларды тоңазытқышта бірнеше минут бойы алдын ала салқындату немесе (пластик қаптамасынан шағырудың алдында) салқын судың астында ұстау қажет. Әдеттегі дозалау кешке ұйықтау алдында ( немесе дәрігердің нұсқауына сәйкес) күніне бір рет бір қынаптық свечаны құрайды. Ішке қабылдауға болмайды. Свечаларды  тікелей пациент немесе медицина қызметкері (оның ішінде күтім көрсететін адам) енгізе алады.

Жағымсыз әсерлері 

Елеулі жағымсыз әсерлері байқалмаған.

Қолдануға болмайтын жағдайлар 

- Медициналық бұйымның компоненттеріне жоғары сезімталдық

Айрықша нұсқаулар 

Жергілікті пайдалануға арналған дәріні ұзақ қолдану аса жоғары сезімталдық симптомдарын туындатуы мүмкін, бұл жағдайда емдеуді дереу тоқтату және дәрігермен кеңесу керек. Көзге түсуінен аулақ болыңыз. 

Жүктілік пен лактация. 

Жүктілік кезінде қолдану тәжірибесінің жеткіліксіздігіне байланысты қынаптық свечаларды тек дәрігердің ұсынысымен қолдану керек.

Дәрілік заттың көлік құралдарын немесе қауіпті механизмдерді басқару қабілетіне әсер ету ерекшеліктері. 

Емделушінің атокөлік құралдарын немесе қауіпті механизмдерді басқару қабілетіне әсер етпейді.  

Артық дозалануы

Байқалмаған.

Шығарылу түрі және қаптамасы 

Поливинилхлоридтен   және полиэтиленнен жасалған пішінді ұяшықты қаптамада 5  қынаптық свечадан.

2 пішінді ұяшықты қаптамадан медициналық қолдану жөніндегі қазақ және орыс тілдеріндегі  нұсқаулықпен бірге картон қорапшаға салынған.

Сақтау шарттары 

    Құрғақ, салқын жерде  25 °С-ден аспайтын температурада сақтау керек.

    Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары 

Рецептісіз

Өндіруші
    Spey Medical Ltd., Лондон, Ұлыбритания

Өндірістік алаң:

    HELP S.A., Аттика, Греция

Өндірушінің уәкілетті өкілі:

«CEPHEUS Medical» (ЦЕФЕЙ Медикал) ЖШС,

Панфилов к-сі 98, «OLD SQUARE» БО,

Алматы, Қазақстан Республикасы