Логест

Қазақстан Республикасы 

Денсаулық сақтауминистрлігі Фармациякомитеті 

төрағасының 

201   жылғы  “____ ” ________

№  ____  бұйрығымен

БЕКІТІЛГЕН

Дәрілік затты 

медициналық қолдану жөніндегі нұсқаулық

Логест®

Cаудалық  атауы

Логест®

Халықаралық патенттелмеген атауы

Жоқ

Дәрілік түрі

драже

Құрамы

Бір драженің құрамында

белсенді заттар: 0,02 мг этинилэстрадиол

                             0,075 мг гестоден 

қосымша заттар: лактоза моногидраты, жүгері крахмалы, повидон 25, магний стеараты, 

қабық құрамы: сахароза, повидон 90, макрогол 6000, кальций карбонаты, тальк, монтангликоль балауызы. 

Сипаттамасы

Ақ түсті дөңгелек драже

Фармакотерапиялық тобы

Жыныс гормондары және жыныс жүйесінің модуляторлары.

Жүйелі  пайдалануға арналған гормональді контрацептивтер. Прогестиндер және эстрогендер (бекітілген біріктірілімдер).

Гестоден және этинилэстрадиол.

АТХ коды G03AA10

Фармакологиялық қасиеттері

Фармакокинетикасы

    • Гестоден

Сіңірілуі

Ішу арқылы қабылданған гестоден асқазан-ішек жолында тез және толық сіңеді. Бір Логест® дражесін қабылдаудан кейін сарысуда гестоден ең жоғары концентрациясына 1-2 сағаттан соң жетеді. Гестоден биожетімділігі  қабылданған дозаның 99% жуығын құрайды.

Таралуы

Гестоден сарысулық альбуминмен және жыныс гормондарын байланыстыратын глобулинмен (ЖГБГ) байланысады. 

Метаболизмі

Гестоден стероидтарға тән метаболиздену жолынан өтіп, толық метаболизденеді. Сарысудан клиренс жылдамдығы 0,8 мл/мин/кг құрайды. 

Шығарылуы

Терминалдық фазада жартылай шығарылу кезеңі 18 сағатқа жуық құрайды. Гестоден өзгеріссіз күйде шығарылмай, тек метаболиттер түрінде 50% жуық несеппен және шамамен 33% нәжіспен шығарылады. 

    • Этинилэстрадиол

Сіңірілуі

Ішке қабылдаудан кейін этинилэстрадиол тез және толық сіңеді. Қан сарысуында ең жоғары концентрациясына 1-2 сағатта жетеді. Бауыр арқылы алғашқы пассаж есебінен биожетімділігі, орта есеппен, 45% жуық құрайды. 

Таралуы

Этинилэстрадиол альбуминмен толық дерлік байланысып, ЖГБГ синтезін индукциялайды.

Метаболизмі

Этинилэстрадиол жіңішке ішек шырышты қабығында және бауырда жүйе алдында конъюгациялануға ұшырайды. Этинилэстрадиол алдымен хош иісті гидроксилдену жолымен метаболизденеді, осы орайда бос метаболиттер түрінде де, глюкурон және күкірт қышқылдарымен конъюгаттар түрінде де әр алуан гидроксилденген және метилденген метаболиттер түзіледі.

Ин витро зерттеулерінде этинилэстрадиол да CYP2С19, СYP1А1 және СYP1А2 ферменттерінің қайтымды тежегіші, сондай-ақ CYP3А4/5, CYP2С8 және CYP2J2 қайтымсыз тежегіші болды.

Шығарылуы

Жартылай шығарылу кезеңі шамамен 28 сағат құрайды. Организмнен өзгеріссіз күйде шығарылмайды. Этинилэстрадиол метаболиттері бүйрекпен (40% жуық) және нәжіспен (60% жуық) шығарылады. 

Фармакодинамикасы

Эстроген-прогестинді монофазалық контрацептив үшін түзетілген Перль индексі 0,07 құрайды (19,095 оралым).

Логест® контрацептивтік тиімділігі әртүрлі 3 фактордың өзара әрекеттесуіне негізделеді:

-  овуляция тежелісі (гипоталамус-гипофиз жүйесіне әсері)

-  сперматозоидтардың өтуін бөгейтін жатыр мойны шырышының өзгеруі

-   имплантацияға кедергі келтіретін эндометрий өзгерістері. 

Қолданылуы

- ішуге арналған контрацепция 

Логест® препаратын тағайындау шешімі, басқа біріктірілген гормональді контрацептивтермен салыстырғанда, веналық тромбоэмболияның (ВТЭ) қауіп факторларын, сонымен бірге Логест® препаратына байланысты ВТЭ қаупін қоса, пациент әйелде болатын қауіп факторларын ескере отырып, қабылдануы тиіс («Қолдануға болмайтын жағдайлар» және «Айрықша нұсқаулар» бөлімдерін қараңыз).

   Қолдану тәсілі және дозалары

Ішке қабылдауға арналған.

Дражені күн сайын белгілі бір уақытта (егер қажет болса, аздаған су мөлшерімен) ішке қабылдау керек. Тәулігіне бір дражеден 21 күн бойы үзіліссіз қабылданады. Әр келесі қаптаманы қабылдау әдетте соңғы дражені қабылдаудың 2-3-ші күні басталып, жаңа қаптаманы қабылдау басталғанша аяқталмауы мүмкін тоқтатудан болатын қан кету байқалатын 7 күндік үзілістен соң басталады. 

Логест® қабылдауды қалай бастау керек 

Алдыңғы айда қандай да бір гормональді контрацептивтер қабылдау болмағанда:

Логест® қабылдау етеккір оралымының алғашқы күні басталады. 

Басқа эстроген-прогестинді контрацептивтерден (біріктірілген ішуге арналған контрацептивтен (БІК), қынаптық сақинадан, трансдермальді бұласырдан) ауысқанда:

Логест® қабылдауды алдыңғы контрацептивтің құрамында гормон бар соңғы таблеткасын қабылдаудан кейін келесі күні бастаған дұрыс немесе ең кешірегі – үзілістен кейін келесі күні. Қынаптық сақинадан немесе трансдермальді бұласырдан ауысқанда Логест® қабылдауды сақинаны немесе бұласырды алып тастаған күні бастаған дұрыс немесе ең кешірегі –

келесі жоспарлы салынатын күні.

Тек прогестинді контрацептивтерден (мини-пили, инъекциялық түрлер, имплантат) немесе гестагенді босатып шығаратын жатырішілік жүйеден (ЖІЖ) ауысқанда:

Әйел микродозаланған контрацептивтен Логест® препаратына оралымның келесі күні көшуі тиіс, бұл орайда Логест® қабылдауды микродозаланған контрацептив қабылдауды тоқтатудан кейін келесі күні бастау керек. ЖІЖ немесе тек прогестинді имплантаттан ауысқанда Логест® қабылдауды алып тастаудан кейінгі келесі күні немесе инъекциялық контрацептивтің келесі инъекциясы жасалуы тиіс күні бастау керек. Барлық жағдайларда Логест® қабылдаудың алғашқы 7 күні ішінде контрацепциялық бөгеу әдісін қосымша пайдалану қажет.  

Жүктіліктің бірінші триместріндегі аборттан кейін 

Әйел препарат қабылдауды дереу бастай алады. Осы шарт қадағаланғанда әйелге қосымша контрацептивтік қорғану қажет болмайды. 

Босанудан немесе жүктіліктің екінші триместріндегі аборттан соң

Босанудан кейінгі ерте кезең тромбоэмболияның жоғары қаупімен астасқан; эстроген-прогестинді контрацептивтер қабылдауды босанудан соң немесе жүктіліктің екінші триместріндегі аборттан кейін 21-28 күн өтпей тұрып бастауға болмайды. Егер қабылдау босанудан немесе жүктіліктің екінші триместріндегі аборттан соң 28 күннен кешірек басталса, Логест® қабылдаудың алғашқы 7 күні ішінде қосымша контрацепциялық бөгеу әдісін пайдалану қажет. Алайда, егер Логест® қабылдау басталғанша жыныстық қатынас орын алса, ішуге арналған эстроген-прогестинді контрацептив қабылдауға дейін жүктілікті жоққа шығару немесе алғашқы етеккір келуін күту керек.

Өткізіп алған дражелерді қабылдау

Драже қабылдауды өткізіп алу жүктілік қаупін ілестіреді.

Драже қабылдауды өткізіп алғанда, әсіресе, егер ағымдағы қаптаманың соңғы дражесі мен келесі қаптаманың бірінші дражесі арасындағы уақыт аралығы ұзарса, контрацепциялық қорғаныс төмендеуі мүмкін.

Егер драже қабылдаудағы кешігу 12 сағаттан аз болса, дражені мүмкіндігінше тезірек қабылдау қажет; келесі драже әдеттегі уақытта қабылданады. 

Егер драже қабылдаудағы кешігу 12 сағаттан көп болса, контрацепциялық қорғаныс кепілді емес. Бұл орайда келесі негізгі екі ережені жетекшілікке алу қажет:

• екі қаптама арасындағы үзіліс 7 күннен аспауы тиіс 

• гипоталамус-гипофиз-аналық без жүйесінің талапқа сай бәсеңдеуіне жету үшін дражені 7 күн үзіліссіз қабылдау қажет болады. 

Демек, күнделікті практика жағдайларында келесі нұсқауларды беруге болады:

Препаратты қабылдаудың алғашқы аптасы ішінде

Өткізіп алған соңғы дражені, егер тіпті бұл екі драженің бір мезгілде қабылдануына тура келсе де, мүмкіндігінше тезірек қабылдау керек.  Келесі драже әдеттегі уақытта қабылданады. Келесі 7 күн ішінде контрацепциялық бөгеу әдісі (мысалы, мүшеқап) қосымша пайдаланылуы тиіс. Егер дражені өткізіп алу алдындағы 7 күн ішінде жыныстық қатынас орын алса, жүкті болып қалу ықтималдығы бар. 

Қанша көп драже өткізіп алса, ал өткізіп алған уақыт жаңа қаптаманың басталуына қанша жақын болса, жүкті болу ықтималдығы сонша жоғары. 

Препарат қабылдаудың екінші аптасы ішінде 

Өткізіп алған соңғы дражені, егер тіпті бұл екі драженің бір мезгілде қабылдануына тура келсе де, мүмкіндігінше тезірек қабылдау керек.  Келесі драже әдеттегі уақытта қабылданады. 

Егер дражені алғашқы өткізіп жіберу алдындағы 7 күн ішінде препарат қабылдау дұрыс болса, қосымша контрацептивтік шаралар пайдалану  қажет емес. Екі және одан көп дражені өткізіп алғанда 7 күн бойы контрацепциялық бөгеу әдістерін қосымша пайдалану қажет. 

Препарат қабылдаудың үшінші аптасы ішінде 

Контрацептивтік әсердің төмендеу қаупі драже қабылдаудағы 7 күндік үзілістің жақындығына байланысты өте жоғары. Дегенмен де, контрацептивтік әсер төмендеуіне драже қабылдау режимін келесі үлгіде түзету арқылы жол бермеуге болады:

- егер өткізіп алған драже алдындағы 7 күн ішінде драже дұрыс қабылданса, қосымша контрацепция әдістерін пайдалану қажет емес. Төменде көрсетілген екі режим нұсқасының бірін ұстану керек.

- керісінше жағдайда, әйелге драже қабылдаудың бірінші режимін ұстану және 7 күн бойы контрацепциялық бөгеу әдістерін қосымша пайдалану ұсынылады. 

1 режим

Әйел өткізіп алған соңғы дражені, егер тіпті бұл екі драженің бір мезгілде қабылдануына тура келсе де, мүмкіндігінше тез қабылдауы тиіс. Келесі драже ағымдағы қаптамадан драже біткенше әдеттегі уақытта қабылданады. Келесі қаптаманы бірден, яғни екі қаптама арасындағы үзіліссіз бастау керек. Екінші қаптама біткенше тоқтатудан қан кету ықтималдығы аз, бірақ драже қабылдау аясында жағынды бөліністер немесе құйылған қан кетулер білінуі мүмкін. 

2 режим

Әйелдің ағымдағы қаптамадан драже қабылдауды үзуіне де болады. Драже қабылдаусыз ең ұзақ аралық драже қабылдауды өткізіп алған күндер санын қоса, 7 күнге созылады, артынан жаңа қаптамадан драже қабылдауды бастау керек. 

Егер әйел 1 және одан көп драже қабылдауды өткізіп алса, ал қабылдаудағы үзіліс кезінде тоқтату қан кетуі болмаса, жүктілікті жоққа шығару қажет.

Асқазан-ішек бұзылыстары жағдайында берілетін нұсқаулар 

Логест® дражесін қабылдаудан кейінгі 3-4 сағат ішінде құсу немесе диарея сияқты ас қорыту бұзылыстарында, гормон сіңуінің азаюына байланысты препарат әсерінің уақытша төмендеуі орын алуы мүмкін, сондықтан драже қабылдауда 12 сағаттан аз уақыт кешіккенде берілетін нұсқауларды бағдарға алу қажет. Келесі қаптамадан драже қабылдау керек. Осындай көріністер бірнеше күн ішінде қайталанған жағдайда драже қабылдауда 12 сағаттан көп уақыт кешігуге қатысты нұсқауларды бағдарға алу ұсынылады. Ұзаққа созылатын көріністер кезінде контрацепцияның басқа сенімді әдісін қарастыру керек.

Пациенттердің ерекше санаттарына арналған қосымша ақпарат 

Бауыр жеткіліксіздігі бар пациенттер

Логест® бауырының ауыр бұзылулары бар әйелдерге қарсы көрсетілімді («Қолдануға болмайтын жағдайлар» бөлімін қараңыз).

Бүйрек жеткіліксіздігі бар пациенттер

Логест® бүйрек жеткіліксіздігі бар пациент әйелдерде арнайы зерттелмеген.

   Жағымсыз әсерлері

Кейбір жағымсыз реакциялар сипаттамасы

«Айрықша нұсқаулар» бөлімінде егжей-тегжейлі сипатталған біріктірілген гормональді контрацептивтер пайдаланатын әйелдерде миокард инфарктісін, инсульт, транзиторлы ишемиялық шабуылдар, веналық тромбоз және өкпе артериясы тромбоэмболиясын қоса, артериялық әрі веналық тромбоз және тромбоэмболия бұзылуларының жоғары даму қаупі хабарланған.  

Бас сақинасын қоса, бас ауырулары және қан кету/қан жағылу сияқты  жағымсыз реакциялар туралы ерекше жиі (> 10%) хабарланды. 

Келесі жағымсыз әсерлер ішуге арналған эстроген-гестагенді контрацептивтер қабылдайтын әйелдерде сипатталған:

Жиі (≥1/100, <1/10) 

- вагинит, қынаптық кандидозды қоса

- көңіл-күйдің өзгеруі, депрессияны қоса, либидо өзгеруі

- күйгелектік, бас айналу

- жүрек айну, құсу, іштің ауыруы

- акне

- сүт бездерінің ауыруы және кернеуі

- дисменорея, қынаптық және етеккірлік бөліністер өзгерісі

- сұйықтық іркілісі/ісіну

- дене салмағының өзгеруі (артуы немесе азаюы)

Жиі емес (≥1/1000, <1/100)

- тәбеттің артуы немесе төмендеуі

- артериялық гипертензия

- іштің түйілуі, кебуі

- бөртпе, хлоазма (меланодермия), персистирленетін сипатта болуы мүмкін, гирсутизм, алопеция

- сарысуда липидтер деңгейінің өзгеруі, соның ішінде гипертриглицеридемия

Сирек (³  1/10000, < 1/1000)

- есекжемнің өте сирек жағдайларымен болатын анафилаксиялық реакциялар, ангионевроздық ісіну, тамыр және тыныс алу жүйелерінің ауыр бұзылыстары

- глюкозаға төзімділіктің бұзылуы

- жанаспалы линзалар тағумен байланысты тітіркену

- артериялық тромбоэмболия және веналық тромбоэмболия 

- холестаздық сарғаю

- түйінді эритема

Өте сирек (< 1/10000)

- гепатоцеллюлярлы обыр, бауырдың қатерсіз ісіктері (мысалы, ошақтық түйінді гиперплазия, бауыр аденомасы)

- жүйелі қызыл жегінің өршуі

- порфирия өршуі

- хорея өршуі

- көру жүйкесінің невриті

- панкреатит

- өт қалтасындағы тастар, холестаз

- мультиформалы эритема

- гемолиздік-уремиялық синдром

Жиілігі белгісіз

- ишемиялық колит

Келесі күрделі жағымсыз құбылыстар «Айрықша нұсқаулар» бөлімінде  сипатталған біріктірілген ішуге арналған контрацептивтер пайдаланатын әйелдерде болды: 

Ісіктер

Сүт безі обырының диагностикалану жиілігі БІК қабылдайтын әйелдер арасында өте мардымсыз жоғарылаған. Сүт безінің обыры 40 жасқа толмаған әйелдерде сирек білінетіндіктен, осы аурудың жалпы даму қаупіне қатысты диагноздар санының көбеюі болымсыз. Оның біріктірілген ішуге арналған контрацептивтер қабылдаумен байланысы дәлелденбеген.  

Басқа бұзылулар

- Біріктірілген ішуге арналған контрацептивтер қабылдаумен өзара байланысы дәлелденбеген жай-күйлердің пайда болуы немесе нашарлауы: гестациялық герпес, отосклероз туғызған гипакузия, эпилепсия, Крон ауруы, ойық жаралы колит

- Тұқым қуалайтын ангионевроздық ісінуі бар әйелдерде эстрогендер туғызған ангионевроздық ісіну симптомдарының пайда болуы немесе нашарлауы 

- Бауыр функциясының бұзылуы

Өзара әрекеттесулер

Біріктірілген ішуге арналған контрацептивтердің басқа дәрілік заттармен (ферменттер индукторлары) қабылдаумен өзара әрекеттесуі салдарынан препараттың контрацептивтік тиімділігінің төмендеуі және/немесе құйылған қан кетулер («Дәрілермен  өзара әрекеттесуі» бөлімін қараңыз).

Дәрілік препаратты тіркеуден кейін күдік тудырған жағымсыз реакциялар туралы хабарламаның маңызы зор. Бұл дәрілік препараттың пайда/қауіп теңгеріміне үздіксіз мониторинг өткізуге ықпал етеді. 

Орталық порталында http://www.dari.kz эл. мекенжайы бойынша орналасқан Қазақстан Республикасы Денсаулық сақтау  министрлігі ДЗ, ММБ және МТ сараптау ұлттық орталығының нұсқауларына сай барлық күдік тудыратын жағымсыз реакциялар туралы хабарлау керек.

   Қолдануға болмайтын жағдайлар

Біріктірілген гормональді контрацептивтер келесі оқиғалар болғанда қолданылмауы тиіс. 

Егер осы жай-күйлердің біреуі біріктірілген гормональді контрацептивтер қабылдау аясында алғаш дамыса, препарат дереу тоқтатылуы тиіс:

- веналық тромбоэмболия қаупі немесе оның болуы

      • қазіргі уақыттағы (антикоагулянтты емде) немесе анамнездегі веналық тромбоэмболия (мысалы, терең веналар тромбозы немесе өкпе артериясының эмболиясы)

     • тұқым қуалау себебінен немесе жүре пайда болған веналық тромбоэмболияға бейімділік, мысалы, белсенділенген С протеиніне төзімділік (Лейден V факторын қоса), антитромбин ІІІ, протеин С немесе протеин S тапшылығы      

      • иммобилизация ұзаққа созылатын ауқымды хирургиялық араласулар 

     • көптеген қауіп факторлары салдарынан болатын веналық тромбоэмболияның жоғары қаупі

- артериялық тромбоэмболия қаупі немесе оның болуы 

    • қазіргі уақыттағы немесе анамнездегі артериялық тромбоэмболия (мысалы, миокард инфарктісі) немесе артериялық тромбоэмболия алдындағы жай-күйлер (мысалы, стенокардия)

    • цереброваскулярлы бұзылулар - қазіргі уақыттағы немесе анамнездегі инсульт немесе цереброваскулярлы бұзылулар алдындағы жай-күйлер (мысалы, транзиторлы ишемиялық шабуылдар)

    • тұқым қуалау себебінен немесе жүре пайда болған артериялық тромбоэмболияға бейімділік, мысалы, гипергомоцистеинемия және фосфолипидке қарсы антиденелер (кардиолипинге антиденелер және жегілік антикоагулянт)

    • анамнездегі ошақтық неврологиялық симптомдармен болатын 

бас сақинасы

    • көптеген қауіп факторлары салдарынан болатын артериялық тромбоэмболияның жоғары даму қаупі, мысалы:

-         тамыр асқынуларымен қант диабеті 

-         айқын артериялық гипертензия

-         айқын дислипопротеинемия      

-         қазіргі уақыттағы немесе анамнездегі бауырдың ауыр аурулары, бауыр функциясы көрсеткіштерінің қалыпқа түсуіне дейін 

-         қазіргі уақыттағы немесе анамнездегі бауыр ісіктері (қатерсіз немесе қатерлі)

-         диагностикаланған гормонға тәуелді қатерлі аурулар (мысалы, жыныс мүшелерінің немесе сүт бездерінің) немесе олардан күдіктену

- генезі анықталмаған қынаптық қан кету 

- препарат компоненттерінің кез келгеніне аса жоғары сезімталдық

- шайқураймен үйлесімде қолдану («Дәрілермен өзара әрекеттесуі» бөлімін қараңыз). 

- құрамында омбитасвир/паритапревир/ритонавир және дасабувир бар дәрілік заттармен үйлесімде қолдану («Айрықша нұсқаулар» және «Дәрілермен өзара әрекеттесуі» бөлімдерін қараңыз). 

   Дәрілермен  өзара әрекеттесуі

Қатарлас емді тағайындағанда потенциалды өзара әрекеттесуін анықтау үшін тағайындалатын әр препараттың дәрілермен өзара әрекеттесуі бөлімімен танысу керек.

Құрамында эстроген-прогестин бар контрацептивтердің дәрілік заттармен өзара әрекеттесуі плазмада эстроген-прогестин концентрациясының жоғарылауына немесе төмендеуіне әкелуі мүмкін. Плазмада эстроген-прогестин концентрациясының төмендеуі етеккіраралық қан кетулер жиілігінің артуын және етеккір оралымының бұзылуын және эстроген-прогестинді контрацептив тиімділігінің болжамды төмендеуін туындатуы мүмкін. 

Ферменттер индукциясы емнің бірнеше күнінен кейін-ақ бақылануы мүмкін. Әдетте ең жоғары ферментативтік индукция бірнеше апта ішінде көрінеді. Ем аяқталғаннан кейін ферменттер индукциясы 4 апта бойына сақталуы мүмкін. 
 

Бір мезгілде қолдану қарсы көрсетілімді:

+ Шайқурай

Шайқурайдың ферменттерді индукциялау әсері есебінен плазмада гормональді контрацептив компоненттері концентрациясының төмендеуі ықтималдығы зор күрделі зардаптарға ұласатын тиімділігінің төмендеу немесе әсерінің болмау қаупімен қатар жүреді (жүктілік дамуы).

+ Протеаза тежегіштері (омбитавир, паритапревир және дасабувир)

Гепатоуыттылық жоғарылауы.

Құрамында омбитасвир/паритапревир/ритонавир және дасабувир рибавиринмен немесе онсыз дәрілік заттармен үйлесімде қолдану АЛТ жоғарылауы қаупін ұлғайтуы мүмкін («Қолдануға болмайтын жағдайлар» және «Айрықша нұсқаулар» бөлімдерін қараңыз).         
Осыған байланысты Логест® препаратын қабылдайтын әйелдер жоғарыда көрсетілген препараттар біріктірілімі көмегімен ем басталғанға дейін баламалы контрацепция әдісіне (мысалы, прогестагенді контрацепция немесе гормональді емес әдіс) өтуі тиіс. Логест® препаратын қабылдауды біріктірілген емнің осы сызбасы көмегімен ем аяқталғаннан кейін 2 аптадан кейін жаңғыртуға болады.

Бір мезгілде қолдану ұсынылмайды:

 + Ферменттер индукторлары 

Құрысуға қарсы дәрілер (фенобарбитал, фенитоин, фосфенитоин, примидон, карбамазепин, окскарбазепин); рифабутин, рифампицин, эфавиренц, невирапин, дабрафениб, энзалутамид. Индуктор әсері есебінен бауырда гормональді контрацептив компоненттерінің жоғары метаболизмі салдарынан контрацептивтік тиімділікті жоғалту. Бір мезгілде қабылдаудың бүкіл барысында және ол аяқталған соң бір оралым бойы толықтыру ретінде контрацепцияның қосымша әдісін, әсіресе, бөгеу әдісін пайдалануға кеңес беріледі.

+ Ламотриджин («Сақтануды талап ететін бір мезгілде қолдану» бөлімін де төменнен қараңыз)

Бауырдағы жоғары метаболизмі есебінен ламотриджин концентрациясының төмендеу және тиімділігін жоғалту қаупі. Ламотриджин дозасын таңдау кезеңінде ішуге арналған контрацептив қабылдауды бастамаған дұрыс.

+ Модафинил

Модафинилмен емделу кезінде және ол аяқталған соң бір оралым өткенде оның энзим-индукциялау қуаты есебінен контрацептивтік тиімділігін жоғалту қаупі. Ішуге арналған контрацептивтерді қалыпты дозада немесе контрацепцияның басқа әдісін пайдалануға кеңес беріледі.

+ Нельфинавир

Гормональді контрацептив деңгейлерінің төмендеуі есебінен контрацептивтік тиімділігін жоғалту қаупі. Бір мезгілде қабылдаудың бүкіл барысында және ол аяқталған соң бір оралым бойы контрацепцияның қосымша әдісін, әсіресе, бөгеу әдісін (мүшеқап немесе жатырішілік жүйе) пайдалануға кеңес беріледі.

+Элвитегравир

Контрацептивтік тиімділігінің төмендеу қаупімен этинилэстрадиол концентрациясының азаюы. Одан бөлек, прогестин концентрациясының жоғарылауы.

Бір мезгілде қабылдаудың бүкіл барысында және ол аяқталған соң бір оралым бойы толықтыру ретінде құрамында кемінде 30 мкг этинилэстрадиол бар басқаэстроген-прогестинді контрацептив пайдалану немесе контрацепцияның қосымша әдісін, мысалы, бөгеу әдісін пайдалануға кеңес беріледі.

+ Ритонавирмен бустилденген протеаза тежегіштері

Ритонавир әсерімен бауырдағы метаболизмінің жоғарылауы салдарынан гормональді контрацептив деңгейлерінің төмендеуі есебінен контрацептивтік қорғаныстан айрылу қаупі.

Бір мезгілде қабылдаудың бүкіл барысында және ол аяқталған соң бір оралым бойы толықтыру ретінде контрацепцияның қосымша әдісін, әсіресе, бөгеу әдісін (мүшеқап немесе жатырішілік жүйе) пайдалануға кеңес беріледі.

+ Топирамат

Топираматтың тәулігіне 200 мг және одан жоғары дозаларында: эстроген концентрациясының төмендеуі салдарынан контрацептивтік қорғаныстан айрылу қаупі. Контрацепцияның басқа әдісін, атап айтқанда, бөгеу әдісін пайдалануға кеңес беріледі.

+ Вемурафениб

Тиімділігінің жеткіліксіз болу қаупіне сәйкес эстроген/прогестин концентрациясының төмендеу қаупі.

+ Перампанел

Перампанелдің тәулігіне >12 мг дозаларын пайдаланғанда: контрацептивтік қорғаныстың төмендеу қаупі. Контрацепцияның басқа әдісін, атап айтқанда, бөгеу әдісін пайдалануға кеңес беріледі.

+ Эстроген-прогестинді контрацептивтермен бірге қолданғанда АИТВ инфекциясын (ЖИТС) немесе СВГ инфекциясын (С гепатиті) емдеуге пайдаланылатын көптеген дәрілік заттар (протеаза тежегіштері және кері транскриптазаның нуклеозидті емес тежегіштері) плазмада эстроген немесе прогестин концентрациясын арттыруы немесе азайтуы мүмкін. Кейбір жағдайларда осы өзгерістер клиникалық мәнді болуы мүмкін. Нұсқаулар алу мақсатында АИТВ немесе СВГ емі үшін қолданылатын әр дәрілік заттың (протеаза тежегіштері және кері транскриптазаның нуклеозидті емес тежегіштері) медициналық қолдану жөніндегі нұсқаулығымен танысып шығуды өтінеміз.

Сақтануды талап ететін бір мезгілде қолдану:

+ Бозентан

Гормональді контрацептивтің бауырдағы жоғары метаболизмі есебінен контрацептивтік қорғаныстан айрылу қаупі. Бір мезгілде қолданудың бүкіл барысында және ол аяқталған соң бір оралым бойы толықтыру ретінде қосымша немесе баламалы контрацепцияның сенімді әдісін пайдалануға кеңес беріледі.

+ Гризеофульвин

Гормональді контрацептивтің бауырдағы жоғары метаболизмі есебінен контрацептивтік қорғаныстан айрылу қаупі. Бір мезгілде қолданудың бүкіл барысында және ол аяқталған соң бір оралым бойы толықтыру ретінде контрацепцияның басқа, атап айтқанда, бөгеу әдісін пайдалануға кеңес беріледі.

+ Ламотриджин

Бауырдағы жоғары метаболизмі есебінен ламотриджин концентрациясының төмендеу және тиімділігін жоғалту қаупі. Клиникалық мониторинг және ішуге арналған контрацептив қабылдау басталған кезеңде және ол аяқталған соң ламотриджин дозасын таңдау қажет.

+ Руфинамид

Этинилэстрадиол концентрациясының орташа төмендеуі. Контрацепцияның басқа, атап айтқанда, бөгеу әдісін пайдалануға кеңес беріледі.

Назар аударылу керек бір мезгілде қолдану:

+ Эторикоксиб

Эторикоксиб 60-тан 120 мг/күнге дейінгі дозада құрамында 0,035 мг этинилэстрадиол бар біріктірілген гормональді контрацептивтермен бір мезгілде қабылдағанда плазмада этинилэстрадиол концентрациясын 1,4-1,6 есе арттырады.

+ БІК клиренсін төмендететін заттар (ферменттер тежегіштері) 

Зеңге қарсы азол препараттары (мысалы, итраконазол, вориконазол, флуконазол), верапамил, макролидтер (мысалы, кларитромицин, эритромицин), дилтиазем және грейпфрут шырыны сияқты күшті немесе орташа CYP3A4 тежегіштері қан плазмасында эстроген, прогестин немесе екі заттың да концентрациясын арттыруы мүмкін.

Алайда, осындай әсерінің клиникалық мәні белгісіз.

Басқа препараттарға БІК әсері

Біріктірілген ішуге арналған контрацептивтер басқа препараттар метаболизміне ықпал етуі мүмкін, бұл олардың қан плазмасындағы және тіндердегі концентрациясының жоғарылауына (мысалы, циклоспорин) немесе азаюына (мысалы, ламотриджин) алып келеді. 

Клиникалық зерттеулер деректері этинилэстрадиол CYP1A2 субстраттарының клиренсін тежеп, бұл олардың плазмадағы концентрациясының аздап (мысалы, теофиллин) немесе орташа (мысалы, тизанидин)  жоғарылауына алып келеді деп жорамалдау негіздерін береді.

Зертханалық зерттеулер

Біріктірілген эстроген-прогестинді контрацептивтер, бауыр функциясының, қалқанша без, бүйрек үсті бездері және бүйрек көрсеткіштерін, кортикостероид байланыстырушы глобулин және липидтер/липопротеидтер фракциялары сияқты плазмадағы (тасымалдаушы) ақуыздар деңгейін, көмірсу алмасу көрсеткіштерін, коагуляция және фибринолиз параметрлерін қоса, кейбір зертханалық зерттеулер нәтижелеріне ықпал ете алады. Бұл өзгерістер, әдетте, қалыпты мәндер шегінен шықпайды.

Айрықша нұсқаулар

Сақтану шаралары және сақтандырулар.

Төменде көрсетілген жай-күйлердің немесе қауіп факторларының кез келгені болса, Логест® қолданудың мақсатқа сай болуын әйелмен талқылап алу қажет.

Осы жай-күйлердің немесе қауіп факторларының кез келгені күшейген немесе алғаш көрініс берген жағдайда әйел өз дәрігерімен кеңесуі тиіс.

Веналық тромбоэмболия қаупі

Біріктірілген ішуге арналған контрацептивтер пайдалану пациент  әйелдерде, оларды пайдаланбайтын әйелдермен салыстырғанда, ВТЭ даму қаупін арттырады.  

Құрамында левоноргестрел, норгестимат және норэтистерон бар препараттардың ВТЭ дамыту қаупі өте аз.  

Логестâ препараты сияқты, басқа біріктірілген гормональді контрацептивтермен байланысты қауіп дәрежесі 2 есеге дейін артуы мүмкін. Біріктірілген гормональдіконтрацептивтердің ВТЭ қаупі төмен түрлерінен ерекшеленетін кез келгенін пайдалану шешімі әйелмен бірге оның Логестâ қабылдау аясында ВТЭ дамытуы мүмкін қауіптер туралы мағлұматтанғанына және өзінде бар қауіп факторларының аталған қауіпке қалай әсер етуі мүмкін екенін, сондай-ақ біріктірілген гормональді контрацептивтер қолданған бірінші жылы ВТЭ қаупінің барынша жоғары екенін білетініне көз жеткізу үшін талқылаудан кейін ғана қабылдануы тиіс.

Бұдан бөлек, қабылдау барысында 4 апта немесе одан көп үзіліс жасаған соң біріктірілген гормональді контрацептивтер қабылдауды жаңғыртқанда қауіп артуының білінуі мүмкін екеніне кейбір дәлелдер бар.

Біріктірілген гормональді контрацептивтер қолданбайтын әйелдерде және жүкті болмағанда, ВТЭ 1 жыл бойына 10 000 жағдайға 2 жиілікте дамиды. Алайда, бұл қауіп әр әйелдің жеке қауіп факторларына қарай едәуір жоғарылауы мүмкін (төменнен қараңыз).

Құрамында гестоден бар біріктірілген гормональді контрацептивтер қабылдайтын 10 000 әйелде, құрамында левоноргестрел бар біріктірілген гормональді контрацептивтер пайдаланатын 10 000 әйелге 6 жағдаймен салыстырғанда, 1 жыл ішінде 9-12 жағдайда ВТЭ дамуы мүмкін. 

Екі жағдайда да жылына ВТЭ даму жиілігі жүктілікте және босанудан кейінгі кезеңде күтілуінен төмен. 

Веналық тромбоэмболия 1-2% жағдайда өліммен аяқталуы мүмкін. 

Біріктірілген гормональді контрацептивтер қабылдайтын әйелдерде басқа қан тамырларының, мысалы, бауыр, мезентериальді, бүйрек немесе торқабық тамырлары тромбозының жағдайлары аса сирек. 

Веналық тромбоэмболия дамуының қауіп факторлары 

Егер әйелде қосымша қауіп факторлары болса, әсіресе, көптеген қауіп факторлары болғанда біріктірілген гормональді контрацептивтер қабылдау аясында веналық тромбоэмболия асқынуларының даму қаупі елеулі жоғарылауы мүмкін (төмендегі кестені қараңыз). 

Егер әйелде веналық тромбоздың жоғары даму қаупіне себеп болатын көптеген қауіп факторлары болса, Логестâ тағайындау қарсы көрсетілімді («Қолдануға болмайтын жағдайлар» бөлімін қараңыз).

Бірнеше қауіп факторлары біріккен немесе қауіп факторларының бірінің айқындылығы аса жоғары әйелдерде тромбоздың жоғары синергиялық қаупінің ықтималдығын ескеру керек. Ондай жағдайларда жоғары қауіп барлық факторлар есептелетін жай жиынтық қауіптен жоғары болуы мүмкін. Біріктірілген ішуге арналған контрацептивтерді қауіп/артықшылық арақатынасы теріс бағаланған жағдайда тағайындауға болмайды («Қолдануға болмайтын жағдайлар» бөлімін қараңыз).

Кесте. ВТЭ дамуының қауіп факторлары 

Қауіп факторы

Ескертпе

Семіздік (дене салмағы индексі30 кг/м² көп )

Жоғары ДCИ қауіпті едәуір арттырады.

Басқа қауіп факторларының болуын есепке алу ерекше маңызды.

Ұзаққа созылатыниммобилизация, күрделі хирургиялық араласу, аяққа немесе жамбасқа жасалатын кез келген операция, нейрохирургия немесе күрделі жарақат

Ескертпе: уақытшаиммобилизация, 4 сағаттан аса ұзаққа созылатын әуеде ұшуды қоса, атап айтқанда, басқа қауіп факторлары бар әйелдерде ВТЭ даму қаупін арттыруы мүмкін. 

Осы оқиғаларда біріктірілген ішуге арналған контрацептивтер пайдалануды тоқтатып (жоспарланған операция жағдайында, кем дегенде, одан төрт апта бұрын),  қабылдауды иммобилизация аяқталған соң екі апта бойы жаңғыртпаған дұрыс. Жоспарланбаған жүктіліктен сақтану үшін басқаконтрацепция әдісін пайдалану қажет. 

Егер Логестâ препаратынтоқтату алдын ала жүргізілмесе, тромбозға қарсы ем тағайындау қажеттілігін қарастыру керек.

Отбасылық анамнез болуы(жақын туыстарының немесе ата-аналарының едәуір жас кезінде, яғни 50 жасқа дейін қашан болса да кездескен веналық тромбоэмболия)

Егер тұқым қуалайтын бейімділік белгілі болса немесе жорамалданса, әйел біріктірілген гормональдіконтрацептивтер қабылдау мүмкіндігі мәселесін шешу үшін дәрігермен кеңесу қажет.

ВТЭ-мен байланысты басқамедициналық жай-күйлер

Ісіктер, жүйелі қызыл жегі, гемолиздік уремиялықсиндром, ішектің созылмалы қабыну аурулары (Крон ауруы немесе спецификалық емес ойық жаралы колит) және орақша пішіндес-жасушалықанемия

Жас шамасы

Әсіресе, 35 жастан асқан

Веналардың варикозды кеңеюі және беткейлік тромбофлебиттің веналық тромбоэмболиялардың дамуы немесе өршуінде рөл атқару мүмкіндігі таласты мәселе күйінде қалады.

Жүктілік кезінде, әсіресе, босанудан кейінгі кезеңдегі 6 апта ішінде тромбоэмболияның жоғары даму қаупін ескеру керек («Жүктілік және лактация кезеңі» бөлімін қараңыз). 

Веналық  тромбоэмболия симптомдары (терең веналар тромбозы және өкпе артериясының тромбоэмболиясы)

Әйелге осы симптомдар туындағанда өзінің біріктірілген гормональді контрацептив қабылдап жүргенін дәрігерге дереу хабарлауы тиіс екенін мәлімдеу керек.  

Терең веналар тромбозының симптомдары: 

- аяқтың біржақты немесе аяқ венасының бойлай ісінуін, 

- тік тұрған немесе жүрген кезде ғана болатын аяқтың ауыруын немесе жайсыздануын, 

- зақымданған аяқ-қолда жергілікті температураның көтерілуін, аяқтағы тері жабындарының қызаруын немесе реңін өзгертуін қамтиды. 

Өкпе артериясы тромбоэмболиясының симптомдары: 

- түсініксіз ентігудің немесе жиі демалудың кенеттен басталуын, 

- қан түкірумен қатар жүруі мүмкін күрт жөтел шабуылын,

- кеуде қуысының қатты ауыруын, 

- күрт әлсіреу немесе қатты бас айналуды; 

- жүректің жиі немесе жүйесіз соғуын қамтиды. 

Осы симптомдардың кейбіреуі (мысалы, «ентігу» және «жөтел») спецификалық емес және осыған орай едәуір жиі және ауырлығы аз бұзылулардың белгілері (мысалы, тыныс жолдарының инфекциялары) ретінде қате түсіндірілуі мүмкін. 

Тамырлар окклюзиясының басқа белгілері: 

аяқ-қолдың кенеттен ауыруын, ісінуін және көгеруін қамтуы мүмкін. 

Көз тамырлары окклюзиясында көрмей қалуға дейін үдеуі мүмкін бұлыңғыр көру білінуі мүмкін. Кейбір жағдайларда кенеттен дерлік көрмей қалу болуы мүмкін. 

Артериялық тромбоэмболия қаупі 

Эпидемиологиялық зерттеулер деректері біріктірілген гормональді контрацептивтер пайдаланумен байланысты АТЭ (миокард инфарктісі) немесе цереброваскулярлы бұзылулардың (мысалы, транзиторлы ишемиялық шабуылдар, инсульт) жоғары даму қаупін айғақтайды.  

Артериялық тромбоэмболия құбылыстары өліммен аяқталуы мүмкін. 

Артериялық тромбоэмболия дамуының қауіп факторлары 

Біріктірілген гормональді контрацептивтер қабылдау аясында артериялық тромбоэмболия асқынуларының немесе цереброваскулярлы бұзылулардың даму қаупіәйелде қауіп факторлары болғанда артады (төмендегі кестені көріңіз). 

Егер әйелде артериялық тромбоздың бір күрделі факторы немесе көптеген қауіп факторлары болса, Логестâ тағайындау қарсы көрсетілімді («Қолдануға болмайтын жағдайлар» бөлімін қараңыз).

Егер әйелде тромбоздың қауіп факторы біреуден көп болса, жекелеген қауіп факторларының қосындысынан қауіптің артуы көбірек болуы мүмкін – ондай жағдайдаАТЭ жалпы даму қаупі бағалануы тиіс. Егер пайда және қауіп арақатынасы теріс болса, біріктірілген гормональді контрацептив тағайындауға болмайды («Қолдануға болмайтын жағдайлар» бөлімін қараңыз).

Кесте. АТЭ дамуының қауіп факторлары 

Қауіп факторы

Ескертпе

Жас шамасы

Әсіресе, 35 жастан асқан

Шылым шегу

Егер оларда біріктірілген гормональді контрацептивтер қабылдау ниеті болса, әйелдерге шылым шегуден бас тартуға кеңес беру керек. Шылым шегуді жалғастыратын 35 жастан асқан әйелдерге қатаң түрде контрацепцияның басқа әдістері ұсынылады

Артериялық гипертензия

Семіздік (дене салмағы индексі

 30 кг/м² көп)

Жоғары ДCИ қауіпті едәуір арттырады.