Авамис

Дәрілік заттың медицинада

қолданылуы жөніндегі

нұсқаулық    

Авамис 

Саудалық атауы

Авамис

Халықаралық патенттелмеген атауы

Флутиказон

Дәрілік түрі

Дозаланған мұрын спрейі, 27.5 мкг/доза, 120 доза

Құрамы

1 дозаның құрамында

белсенді зат - 27.5 мкг флутиказон фуроаты (микронизирленген),

қосымша заттар: сусыз глюкоза, дисперсті целлюлоза, полисорбат 80, бензалконий хлоридінің 50% ерітіндісі, динатрий эдетаты, тазартылған су

Сипаттамасы

Ақ түсті біркелкі суспензия

Фармакотерапиялық тобы

Антиконгестанттар және жергілікті қолдану үшін мұрынға арналған  басқа да препараттар. Глюкокортикостероидтар. Флутиказон фуроаты.

АТХ коды R01AD12

Фармакологиялық қасиеттері

Фармакокинетикасы

Сіңуі

Флутиказон фуроатын (тәулігіне 110 мкг) мұрын ішіне енгізгеннен кейін емделушілердің көбісінде қан плазмасында ең жоғары концентрация (Смах) байқалмайды (яғни ол 10 пг/мл-ден азды құрайды), препараттың жүйелік әсері – аздау.  Мөлшерлі тұрғыда анықталған деңгейлер 12 жастағы және одан үлкен емделушілердің 31%-да ғана байқалды.

Күніне үш рет 880 мкг-нан (жалпы тәуліктік дозасы - 2640 мкг) енгізілген мұрынішілік  флутиказон фуроатының абсолюттібиожетімділігі 0,50% құрайды.

Таралуы

Қан плазмасында флутиказон фуроаты тепе-тең концентрацияға жеткен кезде таралу көлемі үлкен (608 л-ге жуық) болды. Оның қан плазмасы ақуыздарымен байланысу қабілеті барынша жоғары болады (99%-дан астам).

Метаболизмі

Флутиказон фуроаты қан плазмасынан (қан плазмасындағы жалпы клиренсі сағатына 58,7 л), негізінен,  Р450 цитохромы жүйесінің CYP3A4 изоферментінің әсерімен белсенді емес 17-карбоксильді метаболитке (GW694301X) дейін бауырда метаболиздену нәтижесінде тез шығарылады. Метаболизмінің негізгі жолы S-флуорометил карботиоатының 17-карбоксильді қышқыл метаболитке дейін гидролизі болып табылады. 

Шығарылуы

Элиминацияның негізгі жолы флутиказон пропионатының және оның метаболиттерінің өтпен бірге шығарылуы болып табылады. Несеппен бірге препараттың 1%-ға жуығы бөлініп шығады.

Егде жастағылар

Емделушілердің шектеулі санынан алынған деректер егде және өте жас емделушілердегі фармакокинетикасында елеулі айырмашылықтардың жоқтығын көрсетті.  

Балалар

Флутиказон фуроатын (тәулігіне 110 мкг) мұрын ішіне енгізгеннен кейін емделушілердің көбісінде қан плазмасында ең жоғары концентрация (Смах) байқалмайды (яғни ол 10 пг/мл-ден азды құрайды), препараттың жүйелік әсері – аздау. Мөлшерлі тұрғыда анықталған деңгейлер күніне бір рет 110 мкг енгізгеннен кейін балалардың 15,1%-ында және күніне 1 рет 55 мкг қабылдаған балалардың 6,8%-да байқалды. 

Бүйрек қызметінің жеткіліксіздігі

Флутиказонның 1%-дан азы несеппен бірге шығарылады, демек, бүйрек қызметі бұзылған жағдайда препараттың фармакокинетикасына қандайда болсын ықпалы бар деп күтілмейді.  

Бауыр қызметінің жеткіліксіздігі

Бауыр қызметінің жеткіліксіздігі бар емделушілерде флутиказонды мұрын ішіне қолданумен байланысты деректер жоқ. Бауыр қызметінің жеңіл және орташа дәрежелі жеткіліксіздігі жағдайларында препараттың фармакокинетикасына ықпалы бар деп күтілмейді.  Препаратты бауыр қызметінің ауыр дәрежелі жеткіліксіздігі бар емделушілерге қолдану жөнінде деректер жоқ; мұндай емделушілерде флутиказонның экспозициясы артуы мүмкін.

Жынысы, нәсілі

Ықпал етпейді.

Фармакодинамикасы

Авамис – жергілікті қолдануға арналған синтетикалық трифлуоринатты кортикостероид. Глюкокортикоидтық рецепторларға белсенділігі жоғары және қабынуға қарсы күшті әсері бар.  

Бір реттік 110 мкг доза емделушінің көңіл-күйін едәуір жақсартады (ринорея, мұрынның бітелуі, түшкіру, мұрынның қышуы азаяды, көздің қышуы, ашуы, жас аққыштығы мен қызаруы сияқты симптомдарын жеңілдетеді). Мұрын және көз симптомдарының жақсаруы препаратты алғаш енгізгеннен кейін 8 сағаттан соң байқалады және препаратты тәулігіне бір рет енгізгеннен кейін толық 24 сағат бойы сақталады. Авамис емделушілердің өмір сүру сапасын, дене және әлеуметтік белсенділігін жақсартады.  

Қолданылуы

- ересектерде және 6 жастан асқан балаларда аллергиялық ринит симптомдарын емдеуге

Қолдану тәсілі және дозалары

Авамис препараты тек мұрын ішіне енгізуге арналған. 

Толыққанды ем алу үшін препаратты төменде көрсетілген графикпен қолдану ұсынылады. Препарат әсерінің басталуы алғаш енгізілгеннен кейін 8 сағаттан соң-ақ байқалады, алайда ең жоғары әсерге жеткенше бірнеше күн өтуі мүмкін, мұны емделушіге ескерткен жөн. Емдеу ұзақтығы аллергиялық әсер ету кезеңімен шектелуі тиіс.  

Ересектер және 12 жастан асқан жасөспірімдер

Бастапқы ұсынылатын доза тәулігіне бір рет әрбір мұрын ішіне екі мәрте бүркуді құрайды (жалпы тәуліктік доза 110 мкг).

Ауру симптомдарын бақылауға қол жеткізу шамасына қарай дозаны тәулігіне 1 рет әрбір мұрын ішіне 1 мәрте бүркуге дейін төмендетеді (тәулігіне 55 мкг). 

Дозаны симптомды бақылауға қол жеткізе алатын ең аз дозаға дейін титрлеген жөн. 

6 жастан 11 жасқа дейінгі балалар

Тәулігіне 1 рет әрбір мұрын жолына бір мәртеден (27,5 мкг) бүркеді  (тәулігіне 55 мкг). Осы дозалау режимінде әсер болмаған жағдайда, препараттың тәуліктік дозасы тәулігіне 110 мкг-ға дейін арттырылуы мүмкін, бірақ әрбір мұрын ішіне 2 бүркуден аспауы тиіс. Ауру симптомдарын бақылауға қол жеткізілуіне орай, дозасын тәулігіне бір рет әрбір мұрын жолына 1 бүркуге дейін төмендетеді (тәулігіне 55 мкг). 

6 жасқа дейінгі балалар

Адамдардың осы категорияларына қолдану тәжірибесі шектеулі. Адамдардың осы тобында тиімділігі және қауіпсіздігі жөнінде деректер жоқ.  

Егде жастағылар

Дозаны түзетудің қажеті жоқ.

Бүйрек қызметінің жеткіліксіздігінде қолданылуы  

Дозаны түзетудің қажеті жоқ.

Бауыр қызметінің жеткіліксіздігінде қолданылуы

Бауыр қызметінің жеңіл және орташа дәрежелі жеткіліксіздігінде дозаны түзету қажет етілмейді. Бауыр қызметі жеткіліксіздігінің ауыр түрінде препаратты қолдану жөнінде деректер жоқ, бірақ қолданған кезде сақ болған жөн, өйткені адамдардың осы тобында кортикостероидтарды қолданумен байланысты жүйелік жағымсыз реакциялардың пайда болу қаупі үлкен.

Пайдаланылуы жөнінде нұсқаулық

Авамис пластмасса футлярға салынған шыны құтыда болады. 

Футлярда құтыдағы препарат қалдығын көруге мүмкіндік беретін терезе бар. Түймені нықтап басқан кезде суспензия ұштық арқылы шашырайды. Ұштығы қалпақшамен қорғалған. 

1-сурет

Пайдаланған кезде тексеру

Құтыны пайдаланар алдында, ұштығын сұқ саусақ пен ортаңғы саусақ арқылы екі жағынан, ал бармақты түбінен ұстай отырып, абайлап сілкілеген жөн.

2-3-сурет

Препаратты алғаш пайдаланған кезде бүріккіштің дұрыстығын тексерген жөн. Ұштықты өзіңізден басқа жаққа қарай бағыттап, ұштықтан аздаған бұлт тәрізді тұман пайда болғанша, түймені кем дегенде 6 рет басыңыз. Құты 5 күн бойы қалпақшасыз сақталғанда және препарат 30 күн бойы пайдаланылмаған жағдайда ғана құрылғысын қайта тексерген жөн.  

Спрейді қалай қолдану керек

4-5 сурет

Мұрынды тазалап алу қажет (аздап сіңбіріп).  Мұрынның бір жақ жолын жауып, ұштықты екінші басқа жолына енгізу керек. Құтыны тігінен ұстап, басты аздап алға жіберу керек. Содан кейін мұрын арқылы дем алуды бастаған және, дем алуды жалғастыра отырып, препаратты бүркуге арналған түймені бір рет басқан жөн. Демді ауыз арқылы шығару керек. Егер қажет болса, осы мұрын жолына екінші бүрку емшарасын қайталап жасайды. Әрі қарай басқа мұрын жолына енгізу үшін жоғарыда сипатталған емшараны толық қайталайды. 

Пайдаланып болғаннан кейін ұштықты және түймені құрғақ таза сүрткімен құрғатқан жөн. Қорғаныш қалпақшасын кигізу керек. Сумен жууға болмайды.

6-7-сурет

Жағымсыз әсерлері

Төменде берілген жағымсыз реакциялар кездесу жиілігі бойынша топтастырылған: өте жиі (>1/10), жиі (>1/100, <1/10), жиі емес (>1/1000, <1/100), сирек (≥1/10, 000 және <1/1000), өте сирек (<1/10, 000). 

Өте жиі

- мұрыннан қан кету

Ересектерде және жасөспірімдерде мұрыннан қан кету препаратты, қысқа мерзім қолданғанға қарағанда, ұзағырақ (6 аптадан астам) қолданған жағдайда жиі кездеседі. Балаларда қан кету мен емдеу ұзақтығының арасында байланыс байқалған жоқ.  

Жиі

- бас ауыру

- мұрынның шырышты қабығының ойық жаралануы

Жиі емес

- мұрын жолы аймағында ауыру, жоғары сезімталдық, құрғақтық, тітіркену, жайсыздық мұрыннан қан кетуді қоса есептегенде  

Сирек

- асқын сезімталдық реакциялары, анафилактикалық реакцияларды, қантамырлар ісінуін, бөртпені және есекжемді қоса есептегенде 

Белгісіз

- балаларда өсудің кідіруі (бір жылдық клиникалық зерттеуде тәулігіне 110 мкг доза Авамисті қабылдап жүрген препубертатты кезеңдегі балаларда, плацебо тобымен салыстырғанда, өсудің орташа қалыс қалуы 0,27 см болды)  

Қолдануға болмайтын жағдайлар

- препараттың қандай да болсын компонентіне жоғары сезімталдық

- ритонавирмен бірге қолдану

- 6 жасқа дейінгі балалар

Дәрілермен өзара әрекеттесуі

Авамис препаратын CYP3A4 ферментінің күшті тежегіштерімен бір мезгілде қолданғанда сақ болған жөн. CYP3A4 изоферментінің ритонавир сияқты тежегіштерімен, флутиказон фуроатының жүйелік шығарылуының арту қаупіне байланысты, бірге қолдануға болмайды.

CYP3A4 тежегіші кетоконазол қан плазмасында флутиказон концентрациясын арттыруы мүмкін (клиникалық зерттеулерде салыстырғанда кетоконазол тобында, плацебо тобына (20-дан 1-уі) қарағанда, плазмадағы флутиказон деңгейінің өте жиі жоғарылағаны (20 емделушіден 6) байқалды, жалпы алғанда, бұл көрсетілген екі топтағы 24 сағаттық мониторинг кезінде флутиконазол концентрацияларындағы айырмашылыққа ықпалын тигізген жоқ).    

Авамис пен басқа препараттардың,  Р450  цитохромы арқылы болатын, метаболизмі арасында қандайда болсын метаболизмдік өзара әрекеттесу және тежегіш әсерлер болады деп болжам жасауға негіз жоқ, өйткені осы өзара әрекеттесулерге клиникалық зерттеулер жүргізілмеді.   

Айрықша нұсқаулар

Препарат тек мұрын ішіне қолдануға ғана арналған. Толық емдік әсер үшін емдеудің жүйелі сызбасы ұсынылады. Ең жоғары әсерге қол жеткізу үшін бірнеше күн қажет болуы мүмкін.   

Көбіне ұсынылатын дозадан астамын қолданғанда, сондай-ақ препаратты ұзақ қолданғанда препараттың жүйелік әсері болуы мүмкін. Жүйелік әсерлері  оральді кортикостероидтарды қолданғандағыға қарағанда едәуір төмен болды және әртүрлі емделушілерде әрқалай болуы мүмкін. Потенциальді жүйелік әсерлер Кушинг синдромын, кушингоидтық симптомдардың пайда болуын, бүйрек үсті безі қызметінің төмендеуін, балалар мен жасөспірімдерде өсудің кідіруін, катарактаны, глаукоманы және, өте сирек жағдайларда, психологиялық және мінез-құлықтық әсерлерді (психомоторлы асқын реактивтілік, ұйқының бұзылуы, мазасыздық, депрессия, озбырлық – көбіне балаларда) қамтуы мүмкін.

Препаратты ұсынылғаннан артық дозаларда қолдану бүйрек үсті безі қызметінің клиникалық тұрғыдан елеулі төмендеуіне әкеп соғуы мүмкін. Адреналдық супрессияға тән симптомдар пайда болған жағдайда, күйзеліс кезеңінде немесе операциялық араласым кезінде жүйелік кортикостероидтарды пайдалану мүмкіндігін қарастырған жөн. Тәулігіне 110 мкг доза Авамисті пайдалану ересектерде, балаларда және жасөспірімдерде гипоталамус-гипофизарлы-бүйрек үсті безі жүйесі тарапынан бұзылуларды тудырған жоқ, дегенмен ринит симптомдарын бақылауға қол жеткізген кезде дозаны тиімді ең төмен дозаға дейін төмендеткен жөн.  Басқа мұрынішілік кортикостероидтар жағдайындағыдай, кортикостероидтардың басқа түрлерін қатарластыра қолданғанда жалпы жүйелік жүктемеге баға беру қажет.

Егер бүйрек үсті безі қызметінің бұзылулары жөнінде болжамдар бар болса, емделушіні жүйелік кортикостероидтардан Авамиске ауыстырғанда сақ болу қажет.  

Мұрынішілік және ингаляциялық кортикостероидтар глаукоманы және/немесе катарактаны туындатуы мүмкін. Көру қызметінің өзгеруіне шағымданған немесе көзішілік қысымы жоғарылаған, глаукомасы және/немесе катарактасы сыртартқысында көрсетілген емделушілерге мұқият мониторинг жүргізу қажет. 

Препаратты ұсынылған дозаларда (тәулігіне 110 мкг) қабылдаған балаларда өсудің кідіру жағдайлары байқалды, осыған байланысты мұрынішілік кортикостероидтармен ұзақ ем қабылдап жүрген балалардың өсуіне жүйелі түрде мониторинг жүргізу керек. Егер өсудің кідіру фактісі анықталса, қабылданатын дозаны тиімді ең төмен дозаға дейін төмендету мақсатында, жүргізілген емді қайта қарастырған жөн. Сондай-ақ педиатр-дәрігерден кеңес алу қажет.

Авамистің құрамында бензалконий хлориді бар, бұл мұрынның шырышты қабығын тітіркендіруі мүмкін. Флутиказон фуроатының жүйелік ықпал ету қаупінің жоғарылауымен байланысты, оны ритонавирмен бірге тағайындамау керек.

Бүйрек қызметінің бұзылуы

Флутиказон фуроаты мұрын ішіне қабылданғаннан кейін дені сау адамдардың несебінен табылмайды. 1%-дан азы несеппен бірге бөлініп шығады, демек, бүйректік бұзылулар флутиказон фуроатының фармакокинетикасына ықпалын тигізбейді.

Бауыр қызметінің бұзылуы

Бауыр қызметінің бұзылуы орташа емделушілерде орташа 110 мкг доза кортизолдың түзілуін төмендетпейді. Бауыр қызметінің ауыр дәрежелі жеткіліксіздігі бар емделушілерде, жүйелік жағымсыз реакциялардың өте жиі туындауы мүмкін болғандықтан, Авамис препаратын тағайындағанда сақ болған жөн.  

Жүктілік және лактация кезеңі

Тәулігіне 110 мкг доза препаратты қолданғанда плазмадағы флутиказон фуроатының концентрациясын анықтау мүмкін болмады, осыған байланысты ұрыққа уытты әсер ету қаупі өте төмен.  

Дегенмен жүктілік кезінде Авамис ана үшін күтілетін пайдасы ұрық үшін қаупінен басым болған жағдайда ғана  қолданылуы мүмкін.  

Флутиказонның ана сүтімен бірге бөлініп шығатын-шықпайтыны белгісіз, осылайша, Авамис препараты ана үшін күтілетін пайдасы нәресте үшін қаупінен басым болған жағдайда ғана  қолданылуы мүмкін.    

Дәрілік заттың көлік құралдарын немесе қауіпті механизмдерді басқару қабілетіне ықпал ету ерекшеліктері   

Арнайы зерттеулер жүргізілген жоқ, препарат көлік құралдарын немесе қауіпті механизмдерді басқару қабілетіне ықпалын тигізеді деп күтілмейді. 

Артық дозалануы

Симптомдары: ересектер үшін ұсынылған дозадан 24 еседен асатын дозаларды 3 күн бойы қолданғанда жүйелік жағымсыз реакциялар байқалған жоқ.