Фенистил Нью

қолданылуы жөніндегі

нұсқаулық

ФЕНИСТИЛ® Нью

(FENISTIL® New )

Саудалық атауы  

Фенистил® Нью

(Fenistil® New)

Халықаралық  патенттелмеген атауы   

Диметинден

Дәрілік түрі  

Ішуге арналған  1мг/мл тамшылар

Құрамы

1 мл препараттың құрамында

белсенді зат  - 1 мг диметинден малеаты 

қосымша заттар: натрий фосфат додекагидраты,  лимон қышқылының моногидраты,  бензой қышқылы, натрий эдетаты, натрий сахарині, пропиленгликоль, тазартылған су 

Сипаттамасы

Түссіз, мөлдір, дерлік иіссіз сұйықтық 

Фармакотерапиялық тобы   

Жүйелік әсері бар антигистаминдік  препараттар. Айырбасталған  алкиламиндер.

АТЖ коды R06AВ03

Фармакологиялық қасиеттері 

Фармакокинетикасы

Ішу арқылы қабылдағанда жылдам және жеткілікті түрде сіңеді. Биожетімділігі шамамен 70%. Тамшыларды ішу арқылы қабылдағаннан кейін диметинден қан плазмасындағы ең жоғары концентрациясына – 2 сағаттан соң жетеді. Плазма ақуыздарымен байланысуы – 90%. Тіндерге жақсы өтеді. Гидроксилирлеу және метоксилирлеу арқылы бауырда метаболизденеді. Жартылай шығарылу кезеңі - 6 сағат. Өт және несеп арқылы  (90% метаболит түрінде және  10% өзгермеген түрде) шығарылады.

Фармакодинамика

Антигистаминді, аллергияға қарсы және қышымаға қарсы дәрі.

H1-гистаминді рецепторлардың бөгегіші, майлы жасушалар босатып шығаратын гистаминнің бәсекелес антагонисі болып табылады, олар толтырмаған Н1– гистаминді рецепторларын бөгейді, осыған орай жылдам білінетін аллергиялық реакцияның алдын алу үшін тиімді.  Аллергиялық реакциялар патогенезіне қатысатын басқа медиаторлар (серотонин, брадикинин) әсерін бөгейді.

Препарат аллергиялық реакцияларға байланысты қылтамырлардың жоғары өткізгіштігін төмендетеді.  

Әлсіз антихолинергиялық әсері бар. Препаратты күндіз қолданғанда аздап тыныштандырушы әсері бар. 

Қолданылуы  

- аллергиялық ауруларда  (есекжем, пішен қызбасы, жыл бойғы аллергиялық  ринитте, ангионевротикалық ісіну, тағамдық және дәрілік  аллергияда)

- шығу тегі әр түрлі тері қышымасында (экзема, қышыма  дерматоздарда; қызылша, қызамық, желшешек, шыбын-шіркейлер шаққанда)

- гипосенсибилизирлеуші ем жүргізу кезінде аллергиялық реакциялардың алдын алу үшін. 

Қолдану тәсілі және дозалары

Ішуге.

1 айдан 12 жасқа дейінгі балаларға арналған доза кестеде келтірілген. Тағайындау жиілігі  - күніне 3 рет.

20 тамшы  = 1 мл = 1 мг диметинден  малеаты

Ересектер мен 12 жастан асқан балаларға арналған тәуліктік доза  3-6 мг-ден күніне 3 рет  (60-120 тамшы) құрайды. Емдеу курсы 7-10 күн.

Ұйқышылдыққа бейім науқастарға ұйықтар алдында және таңертеңгі ас ішу кезінде  20 тамшы тағайындалады.       

Жағымсыз әсерлері 

Жиі 

- ұйқышылдық (әсіресе емдеудің басында)

- тамақтың және ауыздың құрғауы

Сирек

- жүрек айнуы

- бас айналуы

- қозу

- бас ауыруы  

Өте сирек 

- ісінулер

- тері бөртпесі 

- бұлшықеттің түйілуі

- сыртқы тыныс алу қызметінің бұзылуы 

Қолдануға болмайтын жағдайлар 

- диметинденге және препараттың құрамына кіретін басқадай құрамдас бөліктеріне жоғары сезімталдықта 

- жабық бұрышты  глаукомада

- қуық түбі безінің  гиперплазиясында

- 1 айға дейінгі нәрестелерге, әсіресе шала туылғандарға.

- жүктіліктің бірінші  триместрінде және   лактация кезеңінде.

Сақтықпен:   

Бронх демікпесі және өкпенің созылмалы аурулары бар науқастарға  препаратты сақтықпен тағайындау керек. 

1 жасқа дейінгі балаларға Фенистил®Нью тамшысын тағайындағанда сақ болу керек, өйткені оларда тыныштандырушы әсері түнгі апноэ эпизодтармен қатар жүруі мүмкін. 

Дәрілермен өзара әрекеттесуі  

Анксиолитиктер және  ұйықтататын дәрілердің әсерін күшейтеді. 

Бір мезгілде этанолды қолданғанда - реакция жылдамдығы баяулайды.

Үшциклді антидепрессанттар, антихолинергиялық ДЗ көзішілік қысым арту қаупін арттырып,   моноаминооксидаза тежегіштері антихолинергиялық және орталық жүйке жүйесіне бәсеңдетуші әсер етеді.   

Айрықша нұсқаулар 

Фенистил®Нью тамшыларын жоғары температураның әсеріне ұстауға болмайды; емшек еметін балаларға тағайындағанда, оларды бөтекелердегі жылы балалар тағамына тікелей тамақтандырар алдында қосу керек. Егер баланы қасықпен тамақтандыратын болса, тамшыны сұйылтпай-ақ беруге болады. 

Тамшының жағымды дәмі бар.  

Холестазбен байланысты  қышымада препарат тиімсіз. 

Жүктілік  кезеңде қолдану 

Қандай да бір деректердің болмауының салдарынан, ІІ-ІІІ триместрде тек дәрігердің бақылауымен ғана қолданылады. 

Көліктерді басқару немесе қозғалыстағы басқадай  механизмдермен қызмет көрсету қабілетіне ықпал етуі

Жоғары зейін қою және жылдам реакцияларды (автомобильді жүргізу, механизмдермен жұмыс істеу) қажет ететін емделушілерге препаратты қабылдауға болмайды.   

Артық дозалануы 

Белгілері: орталық жүйке жүйесінің (ОЖЖ) бәсеңдеуі және ұйқышылдық (негізінен ересектерде), ОЖЖ-ны көтермелеу және антихолинергиялық әсерлер (әсіресе балаларда) сонымен қатар, қозу, атаксия, тахикардия, елестер, тонико-клоникалдық құрысулар, мидриаз, ауыздың кеберсуі, бетке «қан тебу», несептің іркілуі және қызба; АҚ-ның төмендеуі, коллапс.
Емдеу: белсендіріліген көмір, тұзды іш жүргізгіштер, жүрек және тыныс алу  жүйелерін (аналептикалық ДЗ қолданылмауы керек)  демеуге арналған дәрілік заттарды (ДЗ).

Шығарылу түрі және қаптамасы

20  мл-ден тығыздығы төмен полиэтиленнен жасалған тамызғы-дозаторлармен және полипропилен қақпақтармен, алғашқы ашылуы бақыланатын қара шыны құтыларда. 

1 құты медицинада қолданылуы жөніндегі мемлекеттік және орыс тілдерінде жазылған  нұсқаулықпен бірге картон пәшкеге салынған.

Сақтау мерзімі 

3 жыл 

Қаптамасында көрсетілген  жарамдылық мерзімі өткен препаратты  қолданбау керек. 

Сақтау шарттары

25оС-ден аспайтын  температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші    

Новартис Консьюмер Хелс СА, Швейцария (Novartis Consumer Health SA, Switzerland).

Мекен-жайы: Рю де Летраз, п/я 1279,1260 Нион, Швейцария (Route de l`Etraz, Case postale 1279, 1260 Nyon , Switzerland).

Ресейдегі өкілдігі

«Новартис Консьюмер Хелс СА»: 

123317, Мәскеу, Пресненская наб. 10, 14 қабат

тел. (495) 969-21-65, факс 969-21-66 

Қазақстан Республикасындағы өкілдігі

050051, Алматы қ-сы,  Луганский к-сі ,  93

тел. (727) 258-12-91, факс 250-64-63