Артоксан

Дәрілік заттың медицинада

қолданылуы жөніндегі

нұсқаулық

АРТОКСАН

Саудалық атауы 

Артоксан

Халықаралық патенттелмеген атауы  

Теноксикам

Дәрілік түрі  

Инъекция үшін ерітінді дайындауға арналған  лиофилизацияланған  20 мг ұнтақ еріткішімен бір жиынтықта, 

Құрамы

белсенді зат – 20 мг теноксикам,

қосымша заттар: маннитол, динатрий эдетаты, аскорбин қышқылы, трометамин, натрий гидроксиді, хлорлы сутек қышқылы.

Еріткіш - инъекцияға арналған 2 мл су

Сипаттамасы 

Жасыл-сарғыш түсті лиофилизацияланған ұнтақ. 

Фармакотерапиялық тобы 

Қабынуға қарсы стероидты емес препараттар. Оксикамдар.

АТЖ коды М01АС02

Фармакологиялық қасиеттері 

Фармакокинетикасы

Плазма ақуыздарымен 99% байланысады. Таралу көлемі (Vd)– 0,15 л/кг. Бауырда гидроксилденеді.  

Гистогематикалық бөгет арқылы жеңіл өтеді. Жартылай шығарылу кезеңі (Т1/2) -  60-75 сағат. Негізгі бөлігі белсенді емес метаболиттер түрінде несеппен, қалған бөлігі  – өтпен бірге шығарылады.

Жоғары биожетімділігімен сипатталады – 100 %.

Фармакодинамикасы  

Артоксан қабынуға қарсы, ауыруды басатын күшті әсері және ыстықты түсіру әсерінің айқындылығы шамалы қабынуға қарсы тиімді стероидты емес препарат (ҚҚСП) ьолып табылады. Препараттың қасиеттері циклооксигеназа ферменттерінің екі изоформдарының тежелуінен туындайды, ол арахидон қышқылының метаболизмі бұзылуына және простагландиндер  синтезі бөгелуіне әкеп соқтырады. 

Қабынуға қарсы әсері қылтамырлардың  өткізгіштігі азаюына  (экссудацияны шектейді), лизосомальді жарғақшалардың қалыпты болуына (тіндердің зақымдануын туғызатын лизосомалар ферменттерінің шығуына кедергі етеді), қабыну медиаторларының (простагландиндер, гистамин, брадикинин, лимфокиндардың, комплемент факторларының) синтезі бәсеңдеуіне немесе белсенділігі жойылуына байланысты. Қабыну ошағындағы бос радикалдардың санын азайтады, хемотаксис және фагоцитозды азайтады. 

Препарат қабыну ошағындағы ауыруды сезінуді төмендетеді және ауырудың таламикалық орталықтарына әсер етеді,  десенсибилизациялайтын әсері бар (ұзақ қолданғанда). Ревматикалық ауруларда тыныш қалыптағы және қозғалған кезде буындардың ауыруын әлсіретеді, таңертеңгі сіресуді және буынның  ісуін азайтады, буындардың қызметін жақсартады және қозғалу көлемін арттырады.

Қолданылуы 

- ревматоидты  артритте, подагралық артритте, шорбуындататын  спондилитте 

  (Бехтерев ауыруы)

- остеоартрозда, остеохондрозда

- тендиниттерде, бурситтерде, миозиттерде, периартриттерде

- артралгиялар, невралгиялар, миалгиялар, люмбагода

- жарақаттар, күюлерде.

Қолдану тәсілі және дозалар

Бұлшықет ішіне немесе көктамыр ішіне енгізуге арналған доза тәулігіне бір рет 20 мг. Демеуші  доза: тәулігіне 10 мг.

Айқын ауыру синдромында дозаны  тәулігіне  бір рет 40 мг-ге дейін ұлғайтады.

Подагралық артриттің жедел ұстамаларында:  алғашқы 2-3 күн бойы тәулігіне 2 рет 20 мг-ден, содан соң 5 күн бойы тәулігіне  1 рет 20 мг-ден.

Жағымсыз әсерлері 

-         жүрек айнуы, іштің ауыруы және жағымсыз сезіну, метеоризм, диарея

-         бас айналуы, бас ауыруы, ұйқысыздық, депрессия, жоғары қозғыштық

-         қышыма, есекжем, эритема түріндегі аллергиялық реакциялар, синдромы Стивенс – Джонсон және Лайелл

-         плазмада креатинин, мочевина концентрацияларының артуы,  «бауыр» трансаминазалар белсенділігінің артуы

-         стоматит

-         көздің ісінуі және тітіркенуі  

Қолдануға болмайтын жағдайлар  

-         теноксикамға немесе басқа ҚҚСП жоғары сезімталдықта

-         асқазан-ішек жолдарының эрозиялы –ойық жаралы зақымдануында 

-         асқазан-ішектен қан кетулерде

-         бүйректің ауыр аураларында

-         жоспарланған наркоз және операциялы араласуларда

-         жүктілік кезеңінде және бала емізгенде 

-         балаларға және жасы 18 жасқа дейінгі жасөспірімдерге 

Дәрілермен өзара әрекеттесуі   

Артоксан тікелей емес антикоагулянттардың әсерлерінің айқындылығын арттырады. Бір мезгілде циметидинмен, гипогликемизациялайтын дәрілермен өзара әрекеттеспейді, алайда ішу арқылы қабылданатын  гипогликемизациялайтын препараттардың, әсіресе Артоксанмен емдеудің басында әсерін бақылап отыру керек. Бір мезгілде  пробеницидті қабылдау Артоксанның шығарылу жылдамдығын арттырады.

Диуретиктермен бірге қабылдағанда организмде  натрий және судың іркілуін туындатуы мүмкін.  

Айрықша нұсқаулар   

Артоксанмен ұзақ емдеген кезде бауыр және бүйрек қызметін бақылау керек.

Қан кету уақыты артуы мүмкін,  мұны  операциялық араласулар кезінде ескеру керек.  

Дәрілік заттың көлік құралдарын  және қауіпті механизмдерді басқару қабілетіне әсер ету ерекшеліктері 

Көлік құралдарын  және қауіпті механизмдерді басқарғанда сақ болу керек.  

Артық дозалануы  

Белгілері  -  сипатталған жағымсыз әсерлердің күшеюі.

Емі  -  белгілеріне қарай ем жүргізіледі. 

Шығарылу түрі және қаптамасы 

Лиофилизаттың мөлшері 20 мг теноксикамға баламалы, резеңке тығынмен жабылған, түрлі түсті алюмиийлі сақинамен қаусырылған тырс етіп жабылатын қақпағы бар түссіз мөлдір құтыда. 

Әр құтыға өзі желімденетін затбелгіні жапсырады. 

Бейтарап шыныдағы ампулаларда  2 мл-ден.

Әр ампулаға өзі желімденетін затбелгіні жапсырады немесе шыны бұйымдарына арналған жылдам бекітілетін  бояумен таңбалайды.  

Ішінде лиофилизацияланған ұнтақ бар 3 құты мен еріткіші бар 3 ампуланы пішінді ұяшықты қаптамаға салады.

1 пішінді ұяшықты қаптама мемлекеттік және орыс тілдерінде жазылған медицинада қолданылуы жөніндегі нұсқаулықпен бірге картон қорапта.

Сақтау шарттары  

15°С-ден  25° С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі 

3 жыл

Жарамдылық мерзімі өткеннен кейін қолдануға болмайды. 

Дәріханалардан босатылу  шарттары  

Рецепт арқылы

Өндіруші

«Е.И.П.И.Ко.», Египет 

Тенс ов Рамадан Сити,

Бірінші Өнеркәсіптік Аймақ В1, а/ж 149 Тенс 

(«E.I.P.I.CO.» Egypt, Tenth of Ramadan City, First Industrial Area B1, P.O. box: 149 Tenth)

 «Ротафарм», Ұлыбритания  үшін өнідірілген

Тұтынушылардан өнім (тауар) сапасы туралы түскен шағымдарды Қазақстан Республикасы аумағында қабылдайтын ұйымның   мекенжайы:  

ҚР, Алматы қ-сы, Сүйінбай к-сі 222 Б

Тел/факс: 8(7272)529090

www.worldmedicine.kz