Кетанов

Қазақстан Республикасы 

Денсаулық сақтау министрлігі Медициналық және 

фармацевтикалық қызметті 

бақылау комитеті Төрағасының 

20  _ жылғы “____” ___________

№ _____ бұйрығымен

БЕКІТІЛГЕН

Дәрілік заттың медицинада

         қолданылуы жөніндегі нұсқаулық          

                                                        Кетанов 

Саудалық атауы 

Кетанов 

Халықаралық патенттелмеген атауы

Кеторолак 

Дәрілік түрі

Бұлшықет ішіне енгізілетін 30 мг/мл  ерітінді

Құрамы

  1 мл  құрамында

белсенді зат - 30 мг кеторолак трометамолы 

қосымша заттар: натрий  хлориді, динатрий эдетаты, натрий гидроксиді, этанол, инъекцияға арналған су

Сипаттамасы

Мөлдір түссіз немесе  бозғыл-сары түсті сұйықтық.

Фармакотерапиялық тобы

Қабынуға қарсы стероидты емес препараттар. Сірке қышқылы туындылары. 

АТЖ коды M01AB15

Фармакологиялық қасиеттері

Фармакокинетикасы

Кеторолак  трометамолы [-]S- және [+]R-энантиомерлерінің рацемиялық қоспасынан  тұрады, ауыруды басатын әсері  [-]S формасына байланысты.

Бұлшықет ішіне енгізгеннен кейін кеторолак жылдам және толық сіңеді. Бір реттік 30 мг дозаны бұлшықет ішіне енгізгеннен кейінгі қан плазмасындағы ең жоғары  концентрациясына 50 минуттан кейін жетеді және  2.2 мкг/мл құрайды. 

Дозаға байланысты фармакокинетикасы

Ересектерге кеторолак трометамолын ұсынылатын доза диапазонында бұлшықет ішіне енгізгеннен кейін  рацемат клиренсі өзгермейді.

Бір реттік  және көп реттік дозасын ендіргеннен кейінгі кеторолак трометамолының фармакокинетикасы дозаға байланысты сипатта болады. 

Ұсынылатын жоғарырақ дозаларда бос және байланысқан рацематтардың концентрациясының пропорциональды ұлғаюы жүреді. Гематоэнцефалдық кедергіден өтпейді. Кеторолак плацента арқылы өтеді және препараттың аздаған мөлшері омырау сүтіне қосылады. Кеторолактың 99% астамы қан плазмасында ақуыздармен байланысады. Кеторолак трометамолы фармакологиялық белсенді емес метаболиттер түзе отырып, бауырда метаболизденеді. Кеторолак және оның метаболиттерінің негізгі шығарылу жолы бүйрек болып табылады. Енгізілген дозаның 92% жуығы – бүйрекпен шығарылады, шамамен 40% метаболиттер түрінде, 60% өзгермеген кеторолак күйінде шығарылады. Дозаның шамамен 6% ішек арқылы шығарылады. Кеторолак трометамолы R-энантиомерінің жартылай шығарылу кезеңі шамамен  (SD ± 1,7)  5 сағат, мұнымен салыстырғанда S-энантиомерінің жартылай шығарылу кезеңі шамамен  2,5 сағатты (SD ± 0,4) құрады. Басқа зерттеулерде рацематтың жартылай шығарылу кезеңі 5-6 сағат шамасында белгіленген.

Бүйрек жеткіліксіздігі

Кеторолак трометамолы тек бір реттік дозалау негізінде ғана жартылай шығарылу кезеңі бүйрек қызметі әлсіреген емделушілерде 6-19 сағатты құрайды және зақымдану дәрежесіне байланысты. Егде емделушілер мен бүйрек қызметі әлсіреген (r=0,5) емделушілердегі кеторолак трометамолының жалпы клиренсі мен креатинин клиренсі арасында әлсіз өзара байланыс бар.

Бауыр жеткіліксіздігі

Бауыр қызметі бұзылуы бар науқастарда препараттың фармакокинетикасында клиникалық елеулі өзгерістер белгіленбеген.

Фармакодинамикасы

Кетанов – қабынуға қарсы стероидты емес дәрілік зат (ҚҚСД), ауыруды басатын әсері бар. Кетанов әсерінің механизмі, басқа да ҚҚСД сияқты, простагландиндер синтезін тежеуімен байланысты. Кеторолак трометамолының биологиялық белсенділігі S-формасымен түсіндіріледі. Ауырғанды басу әсері шамамен 30 минуттан кейін білінеді, ең жоғары ауырғанды басу әсері  2-3 сағаттан кейін дамиды, ең жоғары анальгезиялық әсері  1-2 сағатқа дейін жалғасады. Ауырғанды басу әсерінің ұзақтығы дозасына қарай 4-6 сағат және одан да астам шаманы құрайды. Кетанов седативтінемесе анксиолитикалық әсер етпейді, опиоидты рецепторларға әсері жоқ.

Кетановтың тыныс алу орталығын бәсеңдететін әсері жоқ және тыныс алудың баяулауын және опиоидты анальгетиктерден туындайтын седативті әсерді күшейтпейді.

Қолданылуы

- орташа және күшті қарқындағы ауыру синдромдары (оның ішінде операциядан кейінгі кезеңдегі) 

Қолдану тәсілі және дозалары

Кетановты науқастың жауап реакциясы және ауырудың қарқындылығына байланысты ең аз тиімді дозада тағайындайды. Ұзақ пайдаланғанда жағымсыз реакциялары ұлғайып кету мүмкіндігінен Кетановтың бұлшықет ішіне көп реттік тәуліктік дозаларын  тағайындау 2 күннен аспауы тиіс. Жағымсыз әсерлерін симптомдарын бақылауға қажетті ең қысқа уақыт аралығында әсері азырақ дозалармен төмендетуге болады.  

Ересектер мен дене салмағы 50 кг-нан асатын 16 жастан асқан жасөспірімдер

Ауырғанды басу үшін бастапқы доза бұлшықет ішіне 10 мг құрайды, қажеттілігіне қарай одан әрі әрбір 4-6 сағатта 10-30 мг дозада енгізіледі. Операциядан кейінгі бастапқы кезеңде Кетановты қажеттілігіне қарай бұлшықет ішіне әрбір 2 сағатта енгізуге болады. Емделушілер үшін тәуліктік ең жоғары доза 90 мг аспауы тиіс. Егде жастағы бүйрек қызметі бұзылған емделушілерде, дене салмағы 50 кг-ға дейінгі науқастарда  тәуліктік ең жоғары доза 60 мг-нан артпауы тиіс, емдеу курсы 2 күнге дейін.Дене салмағы 50 кг-нан төмен емделушілерге дозаны төмендету керек.

Кетановты парентеральді енгізуден ауысқанда екі дәрілік түрдің де дозасы 90 мг-нан аспауы тиіс (60 мг - егде жастағы бүйрек қызметі бұзылған емделушілерде, сондай-ақ дене салмағы 50 кг-нан төмен емделушілерде)  және таблеткадағы препарат дозасы өтетін күні 40 мг-нан аспауы тиіс. Емделушілер ең қысқа мерзім ішінде пероральді енгізу жолына ауыстырылуы тиіс. 

Опиоидты анальгетиктерді (мысалы: морфин, петидин) операциядан кейінгі ауыру ең күшті болатын бастапқы кезеңде ауыруды басатын тиімді әсерге жету үшін параллельді пайдалануға болады. Кетанов пен опиоидты препаратты бір уақытта тағайындағанда соңғысының дозасы азайтылуы мүмкін. 

 Алайда опиоидты дәрілердің жағымсыз әсерлерін ескеру керек, әсіресе бір күндік хирургиялық операцияларда. 

Егде жастағы емделушілер

65 жастан асқан емделушілер үшін жалпы тәуліктік дозаны 60 мг-нан асыру ұсынылмайды. 

Бүйрек жеткіліксіздігі 

Кеторолакты орташа немесе ауыр бүйрек жеткіліксіздігінде қолдануға болмайды; бүйрек жеткіліксіздігінің жеңіл дәрежесінде дозаны (б/і тәулігіне 60 мг-нан асырмау) төмендетеді. 

Жағымсыз әсерлері

-  ауыздың құрғауы, ойық жаралы стоматит, жүрек айнуы, құсу, асқазан ауыруы, асқазан толып кеткен сияқты сезінулер, гастрит, эзофагит, кекіру, метеоризм, іш қату, диарея

- панкреатит, колиттің асқынуы және Крон ауруы, АІЖ эрозиялы-ойық жаралы зақымдануы, оның ішінде тесілу немесе асқазан-ішек қан кетулері (мелена, «кофе қоюы» түріндегі құсу)

- көрудің бұзылуы, оның ішінде анық көре алмау, көру жүйкесінің невриті

-  бас айналуы, бас ауыруы 

- ұйқышылдық, ұйқысыздық, ерекше түс көрулер, тершеңдік, ашушаңдық, парестезия, функциональді бұзылулар,  патологиялық ойлау, депрессия, құрысулар, полидипсия, зейін шоғырландыра алмау, мазасыздық, шаршау, қозу, кеңістікте бағдар жоғалту, дәм сезу бұзылулары, миалгия, сасқалақтап қалу, елестеулер, гиперкинез, есту қабілетін жоғалту, құлақтағы шуыл, асептикалық менингит (әсіресе жүйелік қызыл жегі, дәнекер тіндердің аурулары сияқты  аутоиммунды бұзылулары бар емделушілерде)  

- несеп шығару жиілігі, олигурия, гипонатриемия, гиперкалиемия, белдің ауырулары (гематуриямен және гематуриясыз), мочевина  концентрациясының және қан сарысуында креатининінің жоғарылауы, интерстициальді нефрит, несеп іркілуі, нефротикалық синдром, жедел бүйрек жеткіліксіздігі, азотемия, гемолитико-уремиялық синдром (гемолитикалық анемия, бүйрек жеткіліксіздігі, тромбоцитопения, пурпура), генезі бүйректік ісінулер 

- бауыр қызметі бұзылулары, гепатит, гепатомегалия, холестатикалық сары ауру, бауыр жеткіліксіздігі 

- ысынулар, брадикардия, бозару, артериялық гипертензия, кеуденің ауырулары, ісіктер, жүрек жеткіліксіздігі, миокард  инфаркті немесе инсульт, өкпе ісігі

- пурпура, тромбоцитопения, нейтропения, эозинофилия, агранулоцитоз, апластикалық анемия, гемолитикалық анемия

- тері бөртпесі, қышу, есекжем, терінің фотосезімталдығы, Стивенс-Джонсон синдромы, уытты эпидермальді некролиз (Лайелла синдромы), эксфолиативті дерматит, макулопапуллезді бөртпе

- аллергиялық реакциялар: анафилаксия немесе анафилактоидты реакциялар (кеуде қуысын ауыр сезіну, ысқырып тыныс алу, тыныс алудың қиындауы, бронхиальді демікпе, бронхтүйілуі, тахипноэ, демікпе, көмекей ісінуі немесе диспноэ, пурпура, Квинке ісігі, эксфолиативті және буллезді дерматит, қабақ ісулері, көз айналасының ісуі) 

- операциядан кейінгі жарақаттан қан кетулер, гематомалар, эпистаксис, қан ұю уақытының ұлғаюы 

- астения, ісіктер (беттің, балтырлардың, тобықтың, саусақтардың, аяқ басының), сирек-тіл ісінуі, салмақ ұлғаюы, қызба

- бедеулік

Қолдануға болмайтын жағдайлар

- кеторолакқа немесе басқа ҚҚСД, және препараттың қосымша ингредиенттеріне жоғары сезімталдықта

- белсенді фазадағы   АІЖ эрозиялы-ойық  жаралы зақымдануы  немесе асқазан-ішек қан кетулері, сыртартқысында жара түзілуі немесе тесілулер  

 - ауыр жүрек жеткіліксіздігінде

- аорто-коронарлық  шунттау жасалғаннан кейінгі күйде

- орта және ауыр дәрежедегі ауырлықтағы бүйрек жеткіліксіздігінде (қан сарысуы креатинині > 160 мкмоль/л) 

- цереброваскулярлық қан кету нақтыланғанда немесе күдік болғанда

- геморрагиялық диатез, қан ұюы бұзылуын қоса алғанда  

- мұрын полипозының толық және толық емес қатар келуі, ангионевротикалық ісік және  бронхтүйілуінде

- ангионевротикалық ісік,  бронхтүйілуі, бронхиальді демікпе, оның ішінде сыртартқысында 

- ацетилсалицил қышқылын алуды жалғастырып келе жатқан емделушілерге 

- пентоксифиллинмен, пробенецидпен немесе литий тұзымен, басқа да ҚҚСД бір уақытта қабылдауға

 - гиповолемия, сусыздануда

- қан кетулер немесе олардың дамуының жоғары қатерінде [операциядан кейін, антикоагулянттар қабылдайтын емделушілер, гепариннің (12 сағатқа 2500-5000 бірлік) төмен дозасын қоса алғанда , гемофилия]

- жүктілік және лактация кезеңінде

- 16 жасқа дейінгі балалық жаста

- қан кету қатері жоғары болуына байланысты хирургиялық операциялар алдында және хирургиялық операциялар кезінде ауыруды басу үшін 

Дәрілермен өзара әрекеттесуі

Варфарин, дигоксин, салицилат және  гепарин 

In vitro кеторолак плазманың 5-10 мкг/мл концентрациясында варфариннің плазма ақуыздарымен (99.5 %-дан 99.3 %-ға дейін) байланысуын біршама қысқартады. кеторолак  дигоксиннің қан ақуыздарымен байланысуын өзгертпейді. Емдік концентрацияларында (300 мкг/мл) салицилаттардың in vitro кеторолакпен байланысуы 99.2%-дан 97.5%-ға дейін азайды, бұл байланыссыз кеторолактың плазмалық концентрациясының екі есе күшті ұлғаюына алып келуі мүмкін; тиісінше, салицилаттардың жоғары дозасын алатын науқастарға кеторолакты сақтықпен тағайындау керек.  

Дигоксин ибупрофен, напроксен, ацетаминофен, фенитоин, толбутамид, пироксикамның емдік концентрациялары кеторолактың ақуыздық байланысуына әсер етпеді. 

Аспирин: Кетановты аспиринмен бірге енгізгенде бос кеторолактың клиренсі өзгермесе де,  оның ақуыздық байланысуы азаяды. Басқа да ҚҚСП пайдаланудағы сияқты, әдетте Кетановты аспиринмен бірге енгізу жағымсыз әсерлердің жоғарылау мүмкіндігіне байланысты ұсынылмайды.

Диуретиктер: диуретиктермен бір мезгілде қолдану диуретиялық әсерінің төмендеуіне және ҚҚСД нефроуыттылығы қатерінің жоғарылауына алып келуі мүмкін.

Пробенецид: Кетановты пробенецидпен  бір мезгілде қолдану кеторолак клиренсінің төмендеуіне және қан плазмасында кеторолак деңгейі, сондай-ақ оның жартылай шығарылу кезеңі ұлғаюына  алып келді. Сондықтан Кетанов пен пробенецидті қосарлы қолдануға болмайды.

Литий: ҚҚСД литийдің плазмадағы деңгейінің жоғарылауына және литийдің бүйректік клиренсі төмендеуіне алып келеді. Литийдің орташа  ең төменгі концентрациясы 15% ұлғайды, ал бүйрек клиренсі шамамен 20% төмендеді. Сонымен, ҚҚСД мен литийді қоса енгізгенде  емделушіні литиймен улану белгілері барына мұқият тексеріс жасап алу керек.

Антикоагулянттар: Кетановты антикоагулянттармен антикоагулянттық әсердің күшеюін туғызу мүмкіндігіне байланысты бірге қолданғанда сақтық жасау керек. 

Жүрек гликозидтері: ҚҚСД жүрек гликозидтерімен бір мезгілде қолданғанда қан плазмасындағы жүрек гликозидінің  концентрация деңгейін ұлғайтуы және  шумақтық сүзіліс жылдамдығын төмендетуі, жүрек жеткіліксіздігі туындауына шалдықтыруы мүмкін. 

Метотрексат: метотрексатпен бір мезгілде қолдануда сақ болу керек, өйткені кейбір простагландиндердің биосинтезін бәсеңдететін препараттар метотрексаттың клиренсін төмендетеді, сол арқылы оның уыттылығын жоғарылатады.

АКФ тежегіштері: Кетанов пен ангиотензин-конвертирлегіш фермент тежегіштерін бірге қолданғанда әсіресе салмақ жетіспеушілігі бар емделушілерде  бүйрек жеткіліксіздігі туындау қатерін жоғарылатуы мүмкін.  

Эпилепсияға қарсы препараттар: кеторолак трометамолы мен эпилепсияға қарсы препараттарды (дифенин, карбамазепин) қосарлы пайдаланғанда конвульсияның спорадиялық жағдайлары белгіленген. 

Психотропты дәрілер: психотропты дәрілер (флуоксетин, тиотиксен, алпразолам) қабылдаған  емделушілерде кеторолак пайдаланғанда елестеулер болғаны белгіленген.

Пентоксифиллин: Кетанов және пентоксифиллинді бірге енгізгенде қан кету қатері жоғары.

Деполяризацияланбайтын миорелаксанттар: маркетингтен кейінгі тәжірибеде  апноэ туындатқан кеторолак пен трометамол және деполяризацияланбайтын миорелаксанттар арасында мүмкін болатын өзара әрекеттесулер жағдайы белгіленген. Кеторолак пен трометамол және деполяризацияланбайтын миорелаксанттарды қоса пайдалану жағдайы ресми түрде зерттелген жоқ.

Циклоспорин: басқа да ҚҚСД бірге қолданғандағыдай, нефроуыттылық пайда болу қатері жоғарылығынан циклоспоринмен бір уақытта қолдануда сақ болу керек.

Мифепристон: Мифепристонның әсері төмендейтін болғандықтан, мифепристонды қабылдағаннан кейін 8-12 күн бойы ҚҚСД қабылдауға болмайды.

Кортикостероидтар: басқа да ҚҚСД бірге қолданғандағыдай, кортикостероидтармен бір мезгілде қолданғанда да асқазан – ішек ойылуы немесе қан кетулері туындау қатері жоғарылығына байланысты сақтық жасау керек.

Хинолондар: ҚҚСД және хинолондар қабылдайтын емделушілерде конвульсияның даму қатері жоғары болуы мүмкін.

b-бөгегіштері: кеторолак және басқа да қабынуға қарсы стреоидты емес препараттар b-бөгегіштерінің  антигипертензивті әсерін төмендете алады және АКФ тежегіштермен бір мезгілде енгізгенде, әсіресе салмақ жетіспеушілігі бар емделушілерде  бүйрек жеткіліксіздігі туындау қатерін жоғарылатуы мүмкін.

Айрықша нұсқаулар

Ауру симптомдарын бақылауға қажетті қолданудың тым қысқа кезеңі бойына ең төменгі тиімді дозаны пайдаланып, жағымсыз әсерлерді жоққа жақындатуға болады. 

Егде емделушілерде пайдалану: егде емделушілерде ҚҚСД қабылдағаннан кейін   жағымсыз реакциялар дамуының жоғары жиілігі байқалады. Ересек жастағы емделушілермен салыстырғанда егде жастағыларда плазмадан жартылай шығарылу кезеңі ұзағырақ болады және кеторолактың плазмалық клиренсі төмендейді.Кетановты бұлшықет ішіне енгізу арқылы қолданғанда жалпы тәуліктік дозаны  60 мг-нан асыру ұсынылмайды. Таблетка түрінде қолданғанда дозалар арасының ұзақтығын пайдалану ұсынылады. 

Фертильдікке әсері: Басқа да циклооксигеназдар/простагландиндер  синтезін тежейтін кез-келген препараттар сияқты, Кетановты пайдалану да фертильділікті нашарлатуы мүмкін және бала көтеруді жоспарлаған әйелдерге ұсынылмайды. 

Асқазан-ішек жолына әсері: Кетановты бұрын асқазан және он екі елі ішек ойық жарасы анықталған және/немесе асқазан-ішек қан кетулері бар емделушілерге қабылдауға болмайды.

Кеторолак трометамолы өлімге әкеп соқтыруы мүмкін қан кетулер, асқазанның, аш ішек немесе тоқ ішек ойылулары мен тесілулерін қоса алғандағы асқазан-ішектердің маңызды жағымсыз әсерлерін туындатуы мүмкін. Аталған маңызды жағымсыз әсерлер Кеторолак трометамолымен ем алған емделушілерде кез-келген уақытта алдын ала белгі беретін симптомдарымен немесе белгі беретін симптомдарсыз пайда болуы мүмкін. 

Сыртартқысындағы ойық жара ауруына қосымша, ҚҚСД емделген емделушілердегі асқазан-ішек қан кетулері қатерін жоғарылататын басқа да факторларға кортикостероидтарды немесе антикоагулянттарды пероральді  қоса пайдалану, ҚҚСД емін ұзақ уақыт алу,  темекі шегу, алкоголь пайдалану, жастың егделігі және жалпы денсаулықтың әлсіз жай-күйі жатады. Қатер дәрежесі жоғары емделушілер үшін ҚҚСД енбейтін альтернативті емді назарда ұстау қажет. 

Гематологиялық  ықпалы: Простагландиндердің гемостазда маңызды орны болғандықтан, ал ҚҚСД тромбоциттердің агрегациясын тежеп, қан кету уақытын ұзартатындықтан, коагуляция бұзылулары бар емделушілер Кетановты сақтықпен қабылдау керек және мұқият бақылау керек.

Қандай да бір себептермен  антикоагулянттар алатын емделушілерде Кетанов енгізуден бұлшықетішілік гематома пайда болуының жоғары қатері бар.

Анемия кейде ҚҚСД, оның ішінде кеторолак та бар, алатын емделушілерде байқалады. Бұл сұйықтық іркілуінен, жасырын немесе көлемді асқазан-ішек қан кетулерінен немесе сипатталған әсерлердің эритропоэзге толық болмауынан болуы мүмкін. ҚҚСД пайдаланылатын, оның ішінде Кетанов та бар, ұзақ уақыт емдегі  емделушілерде егер оларда анемияның кез-келген белгілері немесе сипмтомдары білінсе   гемоглобин немесе гематокритті тексеру керек.

 Кетановты қан кету қатері жоғары операция жасалған немесе толық емес гемостазды  емделушілерде пайдалану ұсынылмайды.

Респираторлық жүйе тарапынан: демікпесі бар емделушілерде аспириндік демікпе болуы мүмкін. Ауыр бронхтүйілумен байланысты аспириндік демікпесі бар емделушілерде аспирин пайдалану өлімге соқтыруы мүмкін. Аспиринге сезімтал мұндай емделушілерде аспирин мен қабынуға қарсы  стероидты емес басқа дәрілік заттармен ем арасында бронхтүйілуі бар түйіспелі реактивтілік белгіленгендіктен, аспиринге сезімталдықтың берілген түрі бар емделушілерге Кетанов тағайындауға болмайды және осының алдында демікпесі болған емделушілерде сақтықпен пайдалану қажет.

Бауыр қызметі бұзылған емделушілерде пайдалану: бауыр қызметі әлсіреген немесе бауыр ауруларымен ауырған емделушілерге Кетановты сақтықпен қабылдау қажет. Бауыр сынамасының бір немесе бірнеше көрсеткішінің жоғарылауы бақылануы мүмкін. Бұл ауытқулар уақытша сипатта болады, өзгеріссіз қалуы да немесе қолдануды одан әрі жалғастырған жағдайда үдеуі де мүмкін. Бауыр ауруларында кездесетін клиникалық белгілері немесе симптомдары даму жағдайында немесе жүйелік көрініс берген кезде Кетанов қабылдауды тоқтату керек.

Бүйрек қызметі бұзылған емделушілерде пайдалану:  Кетанов пен оның метаболиттері көбіне бүйрекпен шығарылатындықтан, бүйрек қызметінің орташа немесе ауыр бұзылулары (қан сарысуы креатинині 160 мкмоль/л жоғары) бар емделушілерге Кетанов алуға болмайды. Аздаған бүйрек жеткіліксіздігі бар емделушілерге кеторолактың (б/і тәулігіне 60 мг-нан көп емес) төмендетілген дозасын қабылдау қажет және олардың бүйрегінің жағдайын мұқият бақылап отыру керек.

Кеторолак пайдаланғанда жедел бүйрек жеткіліксіздігі, интерстициальді нефрит және  нефротикалық синдром  жағдайлары белгіленген.

Жүрек-қан тамырлары аурулары бар емделушілерде пайдалану:

ҚҚСД емінен сұйықтық іркілісі және ісік болуына байланысты  гипертензиясы болған және/немесе жүректің жеңіл немесе орташа ишемиялық ауруы бар емделушілерге тиісінше бақылау және кеңес беру керек. Ішінде Кетанов та бар, ҚҚСД жаңадан гипертензия пайда болуына немесе бұрынғы гипертензияның күйінің нашарлауына алып келуі мүмкін, олардың кез-келгені жүрек-қан тамырлары құбылыстарының туындау жоғарылығына ықпал етуі мүмкін. ҚҚСП дәрілік заттарымен емнің басында және емдеу курсы барысында артериялық қысымды мұқият қадағалау қажет.

Бақыланбайтын гипертензиялы, жүрек ишемиясы ауруы бар, жүрек ишемиясы ауруы анықталған, шеткергі артерия ауруымен және/немесе цереброваскулярлық аурумен науқас емделушілерді кетановпен тек мұқият тексеруден соң ғана емдеу керек. Жүрек-қан тамырлары ауруларының (мысалы: гипертензия, гиперлипидемия, қант диабеті,темекі шегу) қатерлі факторлары бар емделушілерде ұзақ уақытқа созылатын емді бастар алдында осыған ұқсас тексерулер жасалу қажет.

Сұйықтықтың іркілісі және ісік: сұйықтық іркілісі және ісік кеторолак пайдаланғанда белгіленген, сондықтан жүрек жеткіліксіздігі, гипертензиясы бар емделушілерде сақтықпен пайдалану қажет.

Анафилактоидты реакциялар: Кетановты «аспиринді триадасы» бар емделушілерге енгізуге болмайды. Бұл синдром  әдетте демікпесі бар, мұрын полиптері бар ринитпен немесе мұрын полиптері жоқ ринитпен сырқат,  немесе аспирин немесе басқа да ҚҚСД қабылдағаннан кейін өліп кетуі мүмкін ауыр бронхтүйілуі бар емделушілерде пайда болады. 

Анафилаксия сияқты анафилактоидты реакциялардың соңы өлімге соқтыруы мүмкін. Анафилактоидты реакциялар туындаған жағдайда шұғыл көмек шақыру керек.

Тері реакциялары: ҚҚСД, оның ішінде кеторолак та бер, эксфолиативті дерматит, Стивенс-Джонсон синдромы және уытты эпидермальді некроз сияқты соңы өлімге соқтыруы мүмкін терінің маңызды жағымсыз реакцияларын туындатуы мүмкін.  Аталған елеулі құбылыстар аяқ астынан пайда болуы мүмкін. Емделушілерді маңызды тері білінулері мен терідегі елеулі біліну симптомдары туралы ескертіп қою керек және препаратты пайдалануды тері бөртпесі алғашқы пайда болғанда-ақ немесе аллергияның кез-келген басқа да белгілері білінгенде тоқтату керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Кейбір емделушілерде Кетанов қолданғаннан кейін ұйқышылдық, бас айналуы, кеңістіктік бағдардан жаңылу, ұйқысыздық, шаршау, көрудің бұзылулары немесе  депрессия байқалуы мүмкін. Егер емделушілерде осы және басқа да осыған ұқсас жағымсыз құбылыстар байқалса, автокөлік басқару және механизмдермен жұмыс жасаудан сақтану керек.

Артық дозалағанда

Симптомдары: әдетте демеуші ем көмегінен кейін қайтымды болып келетін тежелу, ұйқышылдық, жүрек айнуы, құсу, эпигастральді аумақтағы ауырулар. Асқазан-ішек қан кетулері болуы мүмкін. Сирек жағдайларда гипертензия, жедел бүйрек жеткіліксіздігі, тыныс алудың бәсеңдеуі және кома болуы мүмкін. Ішке емдік ҚҚСД қабылдауда анафилактоидты реакциялар болғаны белгіленген,  олар артық дозаланудан кейін болуы да мүмкін.

Емдеу: симптоматикалық және демеуші ем. Препараттың потенциалды зиян келтіретін мөлшерін қабылдағаннан кейін бір сағат ішінде белсенділендірілген көмір қабылдау керек. Бауыр мен бүйрек қызметіне мониторинг жасау керек.  Арнайы уқайтарғысы жоқ.  Жоғары ақуыздық байланысу әсерінен қарқынды жеделдетілген диурез, гемодиализ немесе гемоперфузия көмектеспеуі мүмкін.

Шығарылу түрі және қаптамасы  

1 мл препараттан көк жолағы бар 1 типті мөлдір шыныдан жасалған ампулаларға салынған. 

10 ампула медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Жарықтан қорғалған жерде, 250С-ден аспайтын температурада сақтау керек. Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Дәріханадан босатылу шарттары

Рецепт арқылы

Өндіруші

S.C.TERAPIA S.A.,  Румыния 

Str. Fabricii, nr 124, Cluj-Napoca 400632 

Тіркеу куәлігінің иесінің елі мен атауы 

Ranbaxy Laboratories Limited, Үндістан

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның  мекенжайы 

Алматы қ.,  Манас к., 32А, БО САТ, 602 кеңсе

тел.: 8-800-080-5202

эл.поштасы: Almaty.kz@ranbaxy.