Сиспрес

Дәрілік затты қолдану жөнінде

мамандарға арналған нұсқаулық

СИСПРЕС® 250

СИСПРЕС® 500

СИСПРЕС® 750

Саудалық атауы

СИСПРЕС® 250

СИСПРЕС® 500

СИСПРЕС® 750

Халықаралық патенттелмеген атауы

Ципрофлоксацин 

Дәрілік түрі

Үлбір қабықпен қапталған 250 мг, 500 мг   немесе 750 мг таблеткалар 

Құрамы

Бір таблетканың құрамында

белсенді зат - ципрофлоксацин гидрохлориді 291,51 мг, 583,00мг,            874,50 мг ципрофлоксациннің 250 мг, 500 мг, 750 мг сәйкес,

қосымша заттар: жүгері крахмалы, РН 102 микрокристалды целлюлоза,   магний стеараты, аэросил 200, поливинилпирролидон  PVP К 30,  натрий кроскармеллозы,

қабықшаның  құрамы: гипромелоза, титан диоксиді, полиэтиленгликоль 

Сипаттамасы

СИСПРЕС® 250 – ақ түсті үлбір қабықпен қапталған, дөңгелек пішінді, екі жағы дөңес таблеткалар

СИСПРЕС® 500 – ақ түсті үлбір қабықпен қапталған, сопақша пішінді, екі жағы дөңес, бөлу сызығы бар таблеткалар

СИСПРЕС® 750 – ақ түсті үлбір қабықпен қапталған, сопақша пішінді, екі жағы дөңес таблеткалар

Фармакотерапиялық тобы 

Бактерияларға қарсы препараттар-хинолон туындылары. Фторхинолондар. 

АТЖ коды  J01MA02

Фармакологиялық қасиеттері

Фармакокинетикасы

Препаратты ішкеннен кейін асқазан-ішек жолынан (АІЖ) тез және толық  сіңеді. Препараттың биожетімділігі 50-85% құрайды, қандағы ең жоғарғы  қанығу деңгейіне 0,5-2,5 сағат арасында жетеді.  Ципрофлоксациннің  16 - 43 % қан сарысуындағы ақуыздармен байланысады.  

Ішке қабылданған ципрофлоксацин ағзаның тіндеріне және сұйықтықтарына кең таралады. Таңдай бадамшаларында, өкпеде, бүйректе, бауырда, өтте, өтқуықта, ұрық сұйықтығында, қуық асты безі мен оның сұйықтығында, жатырдың шырышты қабатында, жатыр түтігінде, ана бездерінде дәрінің жоғары мөлшерлері байқалады. Бүйрек қызметі қалыпты ересектерде ципрофлоксациннің сарысудан жартылай шығарылу кезеңі 3-5 сағатты құрайды. Препарат бауырда жартылай метаболизмденіп, 4 метаболит түзеді: диэтилципрофлоксацин, сульфоципрофлоксацин, оксоципрофлоксацин, N-формилципрофлоксацин.

Ципрофлаксацин мен оның  метаболиттері несеппен (50 - 70 %) және нәжіспен (15-30 %) бөлініп шығады.  Өзгермеген  ципрофлоксацин несеппен шумақтық сүзілу және түтікшелік сөлініс  арқылы шығарылады.

Емдік дозаны ішке қабылдағанда, дәрінің 15 % - 50 % несеппен өзгермеген түрде 5 күн ішінде шығарылады. 

Фармакодинамикасы 

СИСПРЕС®  бактерицидтік дәрі-дәрмек болып табылады. Бактерияға қарсы басқа да фторхинолондық заттар сияқты ципрофлоксацин де препаратқа сезімтал микроорганизмдердің ДНҚ-топоизомераза (ДНҚ-гираза) ферментін тежейді. ДНК-гираза бактериалық ДНҚ-ын қайта өндіру, транскрипция, қалыпқа келтіру, рекомбинация және транспозиция процесстеріне қатысады. Ципрофлоксациннің нысаны ферменттің А-суббірлігі болып табылады. Ципрофлоксацин сонымен қатар ферменттің Б-суббірлігімен де әрекеттесе алады. 

СИСПРЕС® кең ауқымды әсер көрсетеді және грам-теріс аэробты бактериялардың көпшілігіне, яғни Enterobacteriacea, Pseudomonas aeroginosa Esherichia coli, Shigella, Salmonella, Citrobacter, Klebsiella, Enterobacter, Serratia, Hafnia, Edwardsiella, Proteus, Providencia, Morganella, Yersinia, Vidrio, Aeromonas, Piesiomonas, Pasteurella, Haemophilus, Gardnerella, Campulobacter, Pseudomonas, Logionella, Neisseria, Moraxella, Actinaebacter, Flavobacterium, Alcaligenes, Brucella бактерияларына қарсы жоғары белсенділік көрсетеді.  

СИСПРЕС®   Staphylococcus aureus, стафилококктың коагулоза теріс түрлері, Steptococcus pyogenes, Streprococcus pneumoniae, Listeria, Corynebacterium сияқты грамоң аэробтардың көбіне  де қарсы белсенділік көрсетеді. 

СИСПРЕС®  бета-лактамаза өндіруші бактерияларға қарсы да белсенді. 

СИСПРЕС®  Bacteroides, Fusobacterium Peptococcus, Clostridium, Eubacterium, Actinomyces veilonellа сияқты облигаттық анаэробтарға біршама әсер етеді.  

СИСПРЕС® үлбір қабықпен қапталған таблеткалар Chylamidia, Mycoplasma,  Micobacterium секілді микроағзаларға белсенеді. Препарат кейбір анаэробтарға, яғни Ureaplasmа және біршама микобактериялардың түрлеріне  әлсіз әсер етеді.   

Қолданылуы

Препаратқа сезімтал мироорганизмдерден туындаған жұқпалы-қабынулы ауруларында:

- ЛОР-мүшелерінің

- тыныс алу мүшелерінің  

- ішек жұқпалары (сальмонеллез, шигеллез, холера)

- іш сүзегі

- несеп-жыныс мүшелерінің 

- тері және жұмсақ тіндердің 

- сүйек- буын жүйесінің  

-  жыныстық жолмен таралатын жұқпалар

- септицемия 

- көру мүшелерінің сырқаттары мен зақымданулары

- хирургиялық оперциялардан кейінгі асқынулары

- иммунитеті төмен адамдарда жұқпалы аурулардың алдын алу мен емдеу

Қолдану тәсілдері және дозалары

Препаратты аш қарынға, жеткілікті мөлшердегі сұйықтықпен ішу керек.

Несеп-жыныс жүйесінің жұқпалы-қабынулы аурулары кезінде ересектерге ұсынылған доза 250-500 мг  әр 12 сағат сайын.  

Басқа жүйелердің жұқпалы аурулары кезінде әр 12 сағат сайын 500-750 мг  ұсынылады.

Көптеген жұқпалы-қабынулы ауруларды емдеу, сырқат көріністері жоғалғаннан кейін де, кем дегенде 48 сағат бойы жүргізілуі керек. Орташа емдеу ұазқтылығы 10 күн. 

Егер креатинин клиренсі минутына 20 мл немесе одан да кем болса, ұсынылған дозаның жартысын қабылдау ұсынылады.

Препараттың жоғарғы бір реттік дозасы - 750 мг; тәуліктік доза -   1500 мг. 

Жағымсыз әсерлері

- лоқсу, құсу, іш өту, іш ауру,  аланинаминотрансфераза, 

  аспартатаминотрансфераза, лактатдегидрогеназа, сілтілі фосфатаза, 

  билирубин  деңгейлерінің   артуы

- бас ауруы, бас айналуы, шаршау, ұйқының бұзылуы, елестеу, естен тану,    

   көру қабілетінің нашарлауы

- кристаллурия, альбуминурия, гематурия, дизурия, полиурия, қан    

  креатининінің өтпелі артуы 

- эозинофилия, лейкопения, нейтропения, тромбоцитопения

- тахикардия, жүрек соғу қалпының ауытқуы, артериалдық қан қысымының       

  төмендеуі

- тері қышуы, есек жем, Квинке ісінуі, буын ауру сезімі,  Стивенс-Джонсон    

  синдромы 

- шырышты қабаттардың кандидозы  

Қолдануға болмайтын жағдайлар

- ципрофлоксацинге немесе фторхинолон тобындағы басқа препараттарға    

  асқын сезімталдылық

- эпилепсия

- жүктілік және бала емізу

- балалар мен 18 жасқа дейінгі жеткіншектер 

Дәрілермен өзара әрекеттестігі

Аминогликозидтермен немесе  бета-лактамдық антибиотиктермен бірге қолданғанда, қосымша немесе синергиялық әсерлер туындауы мүмкін.  

Варфаринмен бірге қабылдағанда қан кету қаупі жоғарылайды.

Ципрофлоксацин мен диданозинді бірге тағайындағанда, диданозиннің құрамындағы алюминий және магний тұздарының ципрофлоксацинмен әрекеттесуі нәтижесінде ципрофлоксациннің сіңуі төмендейді. 

Ципрофлоксацинмен  теофиллинді бірге қолданғанда,  теофиллиннің қан сарысуындағы мөлшері  жоғарылап, жартылай шығарылу кезеңі ұзаруы мүмкін.   

Пробенецид ципрофлоксациннің бүйрекпен шығарылуын тежеп, қандағы ципрофлоксацин деңгейін артуына себепкер болады.  

Антацидтер, құрамында темір, цинк, алюминий, магний бар дәрі-дәрмектер ципрофлоксациннің сіңуне кедергі болады, сондықтан, бұл дәрілерді  қабылдау арасындағы уақыт  4 сағаттан кем болмауы керек.

Ципрофлоксацин мен циклоспоринді бір мезгілде қолданғанда, циклоспориннің нефротоксиқалық әсері күшейеді.

Қабынуға қарсы стероидті емес препараттар (ацетилсалицил қышқылынан басқасы) тырысудың пайда болу мүмкіндігін жоғарлатады.

Айрықша нұсқаулар

Препаратпен емделу кезінде кристаллуряның алдын алу үшін сұйықтықты көп мөлшерде  ішу керек.     

Тамырлардың атеросклерозы, ми қан айналымы бұзылған, ет тырысу ауруларына шалдыққан адамдарға сақтықпен тағайындау керек.

Дәрілік заттың транспорт жүргізу немесе  қауіпті деп саналатын механизмдерді басқару қабілетіне әсер ету  ерекшеліктері

Көлік жүргізуде,  зейінді және психомотролық реакциялардың жылдамдығын  талап ететін қауіпті деп саналатын жұмыс түрлерімен айналысу кезінде сақтық  керек.

Артық дозалануы

Артық дозалануы туралы мәліметтер жоқ.

Емдеу: арнайы антидоты белгісіз. Науқастың жағдайын  мұқият бақылау қажет, асқазанды жуып, шұғыл жәрдем шараларын көрсетіп ағзаға сұйықтықтың жеткілікті мөлшерде түсуін қамтамасыз ету керек. Гемо- және перитонеальді диализ көмегімен препараттың  азғана мөлшері (10 % - тен аз) шығарылады.

Шығарылу түрі және қапталуы

Үлбір қабықпен қапталған 250 мг, 500 мг немесе 750 мг таблеткалар.

Бірінші орам – блистерде 10 немесе 14  дана таблетка Сиспрес® 250,                7  немесе 5 таблетка  Сиспрес® 500 немесе  Сиспрес® 750.

Екінші орам - картон қорапшада 1 блистер Сиспрес® 250  немесе 2 блистер Сиспрес® 500 немесе 2 блистерСиспрес® 750  дәрілік затты қолдану жөніндегі нұсқаулықпен бірге.

Сақтау шарттары

250 жоғары емес температурада, құрғақ, жарықтан қорғалған жерде сақталуы керек.

Балалардың қолы жетпейтін жерде сақталуы керек! 

Сақтау мерзімі

2 жыл

Сақтау мерзімі өткеннен кейін қолданбау керек. 

Босатылу шарттары

Рецепт бойынша

Өндіруші