Цеф 3

Дәрілік заттың медицинада қолданылуы 

жөніндегі нұсқаулық

                                                                Цеф III® 

Саудалық атауы

Цеф III® 

Халықаралық патенттелмеген атауы

Цефтриаксон

Дәрілік түрі

Инъекция үшін ерітінді дайындауға арналған 250 мг, 500 мг және 1.0 г ұнтақ

Құрамы

белсенді зат – натрий цефтриаксоны 

                        (цефтриаксонға шаққанда)  0,25 г, 0,5 г, 1.0 г, 

Сипаттамасы

Ақ дерліктен сарғыш немесе сарғыш-қызылсары түске дейінгі кристалды ұнтақ, сәл гигроскопиялы. 

Фармакотерапиялық тобы

Бактерияларға қарсы бета-лактамдық басқа да препараттар.

Үшінші буынды цефалоспориндер. Цефтриаксон

АТX коды  J01DD04

Фармакологиялық қасиеттері

Фармакокинетикасы

Цефтриаксон фармакокинетикасының дозаға байланысты емес сипаты бар. Препараттың жалпы концентрациясына негізделген барлық негізгі фармакокинетикалық көрсеткіштері, жартылай шығарылу кезеңін қоспағанда,  дозасына тәуелді. 

Сіңуі

Бұлшықет ішіне 1 г препаратты бір рет енгізгеннен кейін қан плазмасындағы ең жоғары концентрациясы 81 мг/л құрайды және енгізгеннен кейін 2-3 сағат ішінде жетеді. «Плазмадағы концентрация – уақыт» қисығы астындағы аудан көктамыр ішіне және бұлшықет ішіне енгізгеннен кейін бірдей. Бұл бұлшықет ішіне енгізгеннен кейін цефтриаксонның биожетімділігінің 100% құрайтындығын көрсетеді.

Таралуы.

Цефтриаксонның таралу көлемі 7-12 л құрайды. 1-2 г доза енгізгеннен кейін цефтриаксон организмнің тіндеріне және сұйықтығына жақсы өтеді. 24 сағаттан астам уақыт ішінде оның концентрациясы жұқпа қоздырғыштарының көбісі үшін (соның ішінде өкпеде, жүректе, өт жолдарында, бауырда, бадамша бездерінде, ортаңғы құлақ және мұрынның шырышты қабығында, сүйекте, сондай-ақ жұлын, плевральді және синовиальді сұйықтықтар мен қуықасты безі секретінде)   ең төмен басатын концентрациялардан едәуір артық болады.

Цефтриаксон интерстициальді сұйықтыққа тез диффузиялайды, онда сезімтал микроорганизмдерге қатысты бактерицидтік әсері 24 сағат бойы сақталады. Цефтриаксонның альбуминмен қайтымды байланысады, бұл орайда байланысу дәрежесі концентрациясы артқан сайын, мысалы 100 мг/л аздау плазма концентрациясында 95%-дан, 300 мг/л концентрациясында 85%-ға дейін төмендей отырып, азаяды. Альбуминнің тін сұйықтығындағы концентрациясы азғантай болғандықтан, ондағы бос цефтриаксонның үлесі қан плазмасындағысынан жоғарырақ.

Жеке тіндерге өтуі.

Цефтриаксон қабынған ми қабықтары арқылы өтеді. Цефтриаксонды дене салмағына 50-100 мг/кг дозаларда көктамыр ішіне енгізгеннен кейін 24 сағаттан соң (сәйкесінше жаңа туған балаларға және сәбилерге) цефтриаксонның жұлын сұйықтығындағы концентрациялары 1.4 мг/л-ден асады. Жұлын сұйықтығындағы ең жоғарғы концентрациясына көктамыр ішіне енгізгеннен кейін 4 сағаттан соң жетеді және орташа алғанда 18 мг/л құрайды. Бактериялық менингитте цефтриаксонның жұлын-ми сұйықтығындағы орташа концентрациясы қан плазмасындағы концентрациясының 17%-ын, асептикалық менингитте - 4% құрайды. Менингитпен ауыратын ересек науқастарда дене салмағына 50 мг/кг дозасын енгізгеннен кейін 2-24 сағаттан соң, цефтриаксонның жұлын сұйықтығындағы концентрациясы өте кең таралған менингит қоздырғыштарының ең төменгі тежегіш концентрацияларынан бірнеше есе асып түседі.

Цефтриаксон плацентарлық бөгет арқылы өтеді және азғантай концентрацияларында емшек сүтіне енеді.

Метаболизмі

Цефтриаксон жүйелі метаболизмге ұшырамайды, ішек флорасының әсерімен белсенді емес метаболиттерге айналады.  

Шығарылуы

Цефтриаксонның жалпы плазмалық клиренсі 10-22 мл/минутты құрайды. Бүйрек клиренсі 5-12 мл/минутқа тең. Цефтриаксонның 50-60%-ы өзгеріссіз күйде несеппен және 40-50% – өзгеріссіз күйде өтпен шығарылады. Цефтриаксонның жартылай шығарылу кезеңі ересектерде 8 сағатқа жуықты құрайды. 

Ерекше клиникалық жағдайлардағы фармакокинетикасы

Жаңа туған сәбилерде бүйрек арқылы дозасының 70% шығарылады. Балаларда өмірінің алғашқы 8 күнінде, сондай-ақ 75 жастан асқан тұлғаларда жартылай шығарылу кезеңі, орташа алғанда, жасырақ ересектерге қарағанда екі немесе үш есе көп. 

Бүйрек немесе бауыр функциясы бұзылған науқастарда цефтриаксонның фармакокинетикасы болмашы шамада өзгереді, жартылай шығарылу кезеңінің тек азғана ұлғаюы байқалады. Егер тек бүйрек функциясы бұзылған болса, өтпен шығарылуы артады, егер бауыр функциясы бұзылған болса, бүйрекпен шығарылуы артады.

Фармакодинамикасы

Цеф III® – ұзақ әсер ететін, парентеральді ІІІ буынды цефалоспоринді антибиотик. Цефтриаксонның бактерицидтік белсенділігі жасуша жарғақшаларының синтезін бәсеңдетуіне негізделеді. Цеф III® грамтеріс және грамоң микрооганизмдердің көпшілігіне қатысты әсер ету ауқымы кең. Оның грамоң және грамтеріс бактериялар өндіретін көптеген b-лактамазаларға (пенициллиназалар сияқты, цефалоспориназаларға да) төзімділігі жоғары. Цефтриаксон төмендегі микроорганизмдерге қатысты әдетте белсенді:

Грамоң аэробтар

Staphylococcus aureus (метициллинге сезімтал), коагулазотеріс стафилококтар, Streptococcus pyogenes (b-гемолитикалық, А тобы), Streptococcus agalactiae (b- гемолитикалық, B тобы), b- гемолитикалық стрептококтар (А тобы да, В тобы да емес), Streptococcus viridans, Streptococcus pneumoniae.

Ескерту. Метициллинге төзімді Staphylococcus spp. цефалоспориндерге, соның ішінде цефтриаксонға резистентті. Әдетте, Enterococcus faecalis, Enterococcus faecium және Listeria monocytogenes  де төзімді болады.

Грамтеріс аэробтар

Acinetobacter lwoffii, Acinetobacter anitratus (ең бастысы, A. baumannii), Aeromonas hydrophila, Alcaligenes faecalis, Alcaligenes odorans, алкалиген тәрізді бактериялар, Borrelia burgdorferi, Capnocytophaga spp., Citrobacter diversus (оның ішінде С. amalonaticus), Citrobacter freundii, Escherichia coli, Enterobacter aerogenes*, Enterobacter cloacae*, Enterobacter spp. (басқалары), Haemophilus ducreyi, Haemophilus influenzae, Haemophilus parainfluenzae, Hafnia alvei, Klebsiella oxytoca, Klebsiella pneumoniae, Moraxella catarrhalis (бұрынғы аты Branhamella catarrhalis), Moraxella osloensis, Moraxella spp. (басқалары), Morganella morganii, Neisseria gonorrhoeae, Neisseria meningitidis, Pasteurella multocida, Plesiomonas shigelloides, Proteus mirabilis, Proteus penneri, Proteus vulgaris, Pseudomonas fluorescens, Pseudomonas spp. (басқалар), Providencia rettgeri, Providencia spp. (басқалары), Salmonella typhi, Salmonella spp. (тифоидты емес), Serratia marcescens, Serratia spp. (басқалары)*, Shigella spp., Vibrio spp., Yersinia enterocolitica, Yersinia spp. (басқалары).

Анаэробтар

Bacteroides spp. (өтке сезімтал), Clostridium spp. (C. difficile өзге), Fusobacterium nucleatum, Fusobacterium spp. (басқалары), Gaffkya anaerobica (бұрынғы аты Peptococcus), Peptostreptococcus spp.

Қолданылуы

- сепсисте, менингитте

- жоғарғы және төменгі тыныс жолдарының жұқпаларында, әсіресе, пневмония мен ЛОР мүшелердің жұқпаларында

- құрсақ қуысы ағзалары жұқпаларында (перитонит, өт жолдары мен асқазан-ішек жолы жұқпалары)

- сүйектер, буындар, жұмсақ тіндер, тері жұқпаларында, сондай-ақ  жарақат

жұқпаларында

- бүйрек және несеп шығару жолдары жұқпаларында 

- жыныс мүшелерінің жұқпаларында, созды қоса

- иммунитеті әлсіреген науқастардағы жұқпаларда

- операция кезеңінде жұқпалардың алдын алуда

Қолдану тәсілі және дозалары

Цеф III® бұлшықет ішіне және көктамыр ішіне сорғалатып немесе тамшылатып енгізеді.

Ұсынылатын дозалар

Ересектер мен 12 жастан асқан балаларға орташа тәуліктік доза 1,0-2,0 г Цеф III®  тәулігіне 1 рет немесе әрбір 12 сағат сайын 0,5-1 г құрайды.

Ауыр жағдайларда немесе орташа сезімтал патогенді микроорганизмдер туындататын жұқпалар жағдайында тәуліктік дозаны 4 гдейін арттыруға болады.  

Жаңа туған нәрестелер үшін (екі апталық жасына дейін) доза тәулігіне 20-50 мг/кг құрайды.

Емшектегі (15 күннен бастап) және 12 жасқа дейінгі балалар үшін тәуліктік доза 20-80 мг/кг құрайды. 

Дене салмағы 50 кг және одан артық балаларға ересектердің дозасы қолданылады.

Созды емдеу үшін доза 250 мг құрайды, бұлшықет ішіне бір рет. 

Операциядан кейінгі жұқпалардың алдын алу – жұқпа қаупінің дәрежесіне байланысты, операция басталғанға дейін 30–90 мин бұрын 1-2 г Цеф III® бір рет енгізіледі. 

Бүйрек жеткіліксіздігінде (креатинин клиренсі 10 мл/мин аздау) Цеф III®  тәуліктік дозасы 2,0 г аспауы тиіс.

Бактериялық менингитте жаңа туған нәрестелерге және балаларға препаратты бастапқы дозада 100 мг/кг дене салмағына тәулігіне бір рет тағайындайды. Ең жоғары тәуліктік доза – 4 г. Қоздырғыш идентификациясынан кейін дозаны азайтуға болады.  

Тері мен жұмсақ тіндер жұқпалары бар балаларға – 50-75 мг/кг тәуліктік дозада тәулігіне 1 рет немесе әрбір 12 сағат сайын 25-37,5 мг/кг,  тәулігіне 2 г көп емес. Басқа жерде орналасқан ауыр жұқпалар кезінде – 25-37,5 мг/кг әрбір 12 сағат сайын, тәулігіне 2 г көп емес.  

Бауыр және бүйрек функциясының айқын бұзылуында, сондай-ақ  гемодиализде жүрген науқастарда қан плазмасында цефтриаксон концентрациясын бақылап отыру керек, өйткені оларда оның бөліну жылдамдығы төмендеуі мүмкін. 

Препаратты енгізу ережесі

Препарат ерітінділері дайындалғаннан кейін бірден пайдаланылуы тиіс.  Дайындалған ерітінділер өзінің  физикалық және химиялық тұрақтылығын бөлме температурасында 6 сағат бойы (немесе 2-8 0С температурада 24 сағат бойы) сақтайды.

Алайда жалпы ереже бойынша дайындалғаннан кейін ерітінділер бірден пайдаланылуы тиіс.

Бұлшықет ішіне енгізу

Бұлшықет ішілік енгізу үшін 1 г препаратты 3,5 мл 1 % лидокаин ерітіндісінде еріту қажет. 

Бір бөксеге 1 г препараттан артық енгізбеу ұсынылады. Алынған ерітіндіні көктамыр ішіне енгізуге болмайды! 

Лидокаин педиатриялық практикада еріткіш ретінде пайдаланылмайды. 

Көктамыр ішілік енгізу

Көктамыр ішілік инъекция үшін 0,5 г препаратты 5 мл, 1 г – 10 мл иньекцияға арналған суда сұйылту қажет. Көктамыр ішіне 2-4 минут бойы баяу енгізеді. 

Көктамыр ішілік инфузия

Көктамыр ішілік инфузияның ұзақтығы кем дегенде 30 минутты құрайды. Көктамыр ішілік инфузия үшін 2 г ұнтақты шамамен кальцийден бос 40 мл ерітіндіде, мысалы, 0,9% натрий хлориді ерітіндісінде, 5% глюкоза ерітіндісінде, 10% глюкоза ерітіндісінде сұйылту қажет. 

Құрамында лидокаин бар ерітіндіні көктамыр ішіне енгізуге болмайды!

Жағымсыз әсерлері

-        жүрек айну, құсу, диарея, іш қату, дисбактериоз

-        жалғанжарғақшалы колит

-        холестатикалық сарғаю,  қан сарысуында «бауыр» ферменттерінің (АЛТ, АСТ, сілтілі фосфатаза) артуы

-        бас ауыру, бас айналу

-        стоматит, глоссит

-        тромбоцитопения, лейкопения, эозинофилия, нейтропения, гемолитикалық анемия, сирек агранулоцитоз

-        есекжем, экзантема, бөртпе, қышыну, қызба, қалтырау, аллергиялық дерматит, экссудативті мультиформалы эритема,Стивенс-Джонсон синдромы, Лайелл синдромы, уытты эпидермальді некролиз, анафилактикалық шок 

-        енгізген орынның ауыруы,көктамыр ішіне енгізгеннен кейінгі флебит 

-        бүйрек функциясының бұзылуы

-        генитальді микоз

Қолдануға болмайтын жағдайлар 

- цефтриаксонға және басқа да цефалоспориндерге,  пенициллиндерге, карбапенемдерге аса жоғары сезімталдық

- бүйрек функциясының айқын бұзылуы

- бауыр функциясының айқын бұзылуы

- сыртартқыда антибактериялық препараттар қолданумен байланысты энтероколит 

- жаңа туған нәрестелердегі гипербилирубинемия, шала туған балалар

- жүктілік, лактация кезеңі (емшекпен қоректендіру)

Дәрілермен өзара әрекеттесуі

Цеф III® аминогликозидтермен, антибиотиктермен грамтеріс флораға қатысты синергизмділігі бар. 

Антиагреганттармен, антикоагулянттармен бірге қолданғанда қан кетудің даму қаупі жоғарылайды.

Ілмектік диуретиктермен бір мезгілде қолданғанда (жоғары дозаларда) препараттың нефроуытты әсер ету ықтималдығы артады.

Цеф III® ерітінділері құрамында басқа антибиотиктер бар ерітінділермен, сондай-ақ кальций иондары бар ерітінділермен фармацевтикалық тұрғыда үйлесімсіз.

Айрықша нұсқаулар

Цеф III® емдегенде сирек жағдайларда науқастарда Кумбс сынамасының жалғаноң нәтижелері байқалуы мүмкін. Басқа да антибиотиктер сияқты, Цеф III®  галактоземияға жалғаноң нәтижелер беруі мүмкін. Жалғаноң нәтижелер несепте глюкозаны анықтау кезінде де алынуы мүмкін, сондықтан Цеф III®  емі барысында қажет болғанда глюкозурияны тек ферменттік әдіспен анықтау керек. 

Цеф III® қолдану кезінде егде жастағы адамдар мен әлсіреген емделушілерге қосымша К витаминін тағайындау қажет етілуі мүмкін. Алкогольді бір мезгілде қабылдағанда дисульфирам тәрізді әсерлер (беттің қызаруы, іштің және асқазан аймағының спастикалық ауыруы, жүрек айну, құсу, бас ауыру, гипотония, тахикардия,ентігу) дамуы мүмкін.

Бүйрек және бауыр жеткіліксіздігінде 

Гемодиализде жүрген науқастарда дозаны түзету және плазмада препарат концентрациясына мониторинг қажет болады. 

Артериялық гипертензия және су-электролиттік теңгерімнің бұзылуы кезінде плазмада натрий деңгейіне  мониторинг жүргізу қажет. Ұзақ емдеген жағдайда шеткергі қан көрінісін, бауыр мен бүйректің функционалдық жағдайы көрсеткіштерін ұдайы бақылап отырған жөн. 

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері   

Препараттың жағымсыз әсерлерін ескере отырып, автокөлікті басқару және қауіптілігі зор механизмдермен жұмыс істеу кезінде сақ болу қажет. 

Артық дозалануы

Симптомдары – жағымсыз әсерлері күшеюі мүмкін.

Емі – симптоматикалық. Гемодиализ және перитонеальді диализ тиімсіз.  

Шығарылу түрі және қаптамасы

250 мг, 500 мг, 1.0 г белсенді заттан резеңке тығынмен нығыздап тығындалған, алюминий немесе импорттық біріктірілген «FLIPP OFF» қалпақшамен қаусырылған шыны түтіктен жасалған  құтыда.

Әрбір құтыға заттаңбалық немесе жазу қағазынан жасалған заттаңба немесе импорттық өндірістің өздігінен желімделетін заттаңбасы жапсырылады. 

Әрбір құты медицинада қолданылуы жөніндегі мемлекеттік және орыс тілдеріндегі бекітілген нұсқаулықпен бірге тұтынушылық ыдысына арналған картон немесе хром-эрзац қорапшаға салынады .

Медицинада қолданылуы жөніндегі мемлекеттік және орыс тілдеріндегі бекітілген нұсқаулықтың мәтінін қорапшаға жазуға жол беріледі. 

Пәшкесіз 100 құтыдан картоннан жасалған  астауы бар жылу ұстағыш полиэтилен үлбірмен қаптауға немесе сол картоннан жасалған аралығы бар (немесе аралығы жоқ) қораптық картоннан жасалған қорапқа салуға жол беріледі. Нұсқаулықтар саны топтық қаптамаға құтылар саны бойынша салынады. 

  Сақтау шарттары

Құрғақ, жарықтан қорғалған жерде, 30ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды. 

Дәріханалардан босатылу шарттары

Рецепт арқылы

Өндіруші

«Химфарм» АҚ, Қазақстан Республикасы, 

Шымкент қ., Рашидов к-сі, 81, т/ф: 560882            

Тіркеу куәлігінің иесі

«Химфарм» АҚ, Қазақстан Республикасы.

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның  мекенжайы

«Химфарм» АҚ, Қазақстан Республикасы, Шымкент қ., 

Рашидов к-сі, 81, т/ф: 560882

Телефон нөмірі 7252 (561342)

Факс нөмірі 7252 (561342)

Электронды поштасы  standart@santo.kz