Цефуроксим

нұсқаулық

Цефуроксим

Саудалық   атауы

Цефуроксим

Халықаралық патенттелмеген атауы 

Цефуроксим  

Дәрілік түрі

Инъекцияға арналған  ұнтақ 750 мг және 1500 мг

Құрамы

Белсендi   зат  -   цефуроксим натрий тұзы цефуроксимге есептегенде       750мг және 1500 мг

Сипаттамасы

Ақ немесе аздап сарғыш  ұнтақ. 
 

Фармакотерапиялық тобы 

Басқадай  бета-лактамды  антибиотиктер. Цефалоспориндер  

АТЖ коды   J01DА06

Фармакологиялық қасиеттері

Фармакокинетикасы

Бұлшықет ішіне 750 мг дозада  енгізгенде ең жоғары концентрациясы 45-60 минуттан соң болады  және шамамен 27 мкг/мл құрайды.  Көктамыр ішіне 750 мг және 1,5 г енгізгенде тиісінше плазмадағы деңгейлері 50 мен 100 мкг/мл-ға  тең болып, емдік концентрациясы тиісінше 5 және 8 сағат сәйкес сақталады. 

Көктамыр мен бұлшықет ішіне енгізгенде жартылай шығу кезеңі шамамен 80 минутты құрайды (жаңа туған балаларда 3-5 есе жоғары болуы мүмкін). Қанның   сары суының   ақуыздарымен  байланысуы    50%. Дозаның   80%   өзгермеген түрде  8 сағат ішінде бүйректермен шығарылады (несепте жоғары концентрация жасайды), 24 сағаттан соң толық шығарылады. Емдік концентрациялары  плевралды және синовиалды сұйықтықтарда, өтте, қақырықта, сүйек тінінде, жұлын сұйығында  (ми қабығының қабынуында), жүрек етінде, теріде тіркеледі. Плацента мен емшек сүтіне өтеді. 

Фармакодинамикасы

Цефуроксим – парентералды қолдануға арналған цефалоспориндік II  қатардағы  антибиотик. Бактерицидті әсер етеді, микроорганизмдердің   жасуша қабырғасының  синтезін бұзады. Әсер  спектрі кең. Көптеген бета-лактамазалар әсеріне тұрақты. Staphylococcus aureus, пенициллинге тұрақты штаммдарды қосқанда (метициллинге төзімді сирек штаммдарды қоспағанда), S.epidermidis, Haemophilus influenzae, Klebsiella spp., Enterobacter spp., Streptococcus pyogenes, Escherichia coli, Streptococcus mitis (viridans тобы), Clostridium spp., Proteus mirabilis, Salmonella typhi-дің басқа түрлері, S. typhimurium, және Salmonella spp., Shigella spp., Neisseria spp. (бета-лактамаза өндіретін N. Gonorrhoeae штаммдарын қосқанда) және Bordetella pertusis жоғары белсенді. Препарат сонымен қатар Pr.vulgaris, Pr.morganii штаммдарына орташа белсенді.  Bacteroides fragilis-тің көптеген штаммдары препаратқа сезімтал емес. Pseudomonas, Campilobacter, Serratia-ның көптеген штаммдарына, Clostridium difficile белсенді емес.  

Қолданылуы 

- жоғарғы және төменгі тыныс жолдары жұқпалары

- іш қуысы мен кіші жамбас ағзаларының жұқпалары

- несепті-жыныстық жолдарының жұқпалары

- тері мен жұмсақ тіндердің жұқпалары

- сүйек-буындар жүйесінің жұқпалары 

- менингит

- соз

- сепсис

- операциялардағы жұқпалы асқынуларды алдын-алу 

Қолдану тәсiлi және дозасы

Препаратты бұлшықет немесе көктамыр ішіне енгізеді. 

Бұлшықет ішіне енгізу (б/е)

Препараттың 750 мг-на 3 мл инъекцияға арналған суды қосады және мөлдір емес жүзгін алғанша абайлап сілкиді.

Көктамыр ішіне енгізу (к/і)

Көктамыр ішіне сорғалатып енгізу үшін 750 мг препаратты 9 мл-дан кем емес инъекцияға арналған суда ерітеді. Сонымен қатар еріткіш ретінде натрий хлоридының изотониялық ерітіндісін немесе 5% глюкоза ерітіндісін қолдануға болады. 3-5 минут бойы баяу енгізеді. 

Ересектерге  750-1500 мг-нан 3 рет тәулігіне тағайындайды. Қажет болғанда  инъекциялар арасын алты сағатқа дейін қысқартуға болады; препараттың тәуліктік дозасы – 3-6 г. 

Балаларға препаратты 30-100 мг/кг/тәулігіне дозасында  3-4 енгізуге тағайындайды. Көптеген жұқпаларға ең тиімді тәуліктік дозаны 60 мг/кг құрайды. Жаңа  туылған балаларға 30-100 мг/кг/тәулігіне 2-3 енгізу. 

Созда препаратты 1500 мг дозасында  бір инъекция немесе 750 мг-нан 2 инъекция тағайындайды. 

Менингитте ересектерге 3 г-нан әр 8 сағат сайын тағайындайды. Емшектегі балалар мен одан үлкен жастағыларға 200-400 мг/кг/тәулігіне тағайындайды, көктамыр ішіне 3-4 енгізулер. Ең тиімді емдік әсерге жеткенде препараттың дозасын көктамыр ішіне 100  мг/кг/тәулігіне дейін  азайтуға болады.   Жаңа туылған балаларға бастапқы доза 100 мг/кг/тәулігіне көктамыр ішіне тағайындайды. Ең тиімді емдік әсерге жеткенде препараттың дозасын көктамыр ішіне 50  мг/кг/тәулігіне дейін  азайтуға болады.   

Операциялардағы жұқпалы асқынуларды алдын-алу үшін препаратты 1500 мг  дозасында көктамыр ішіне наркозбен бір уақытта  енгізеді. Қажет болғанда препаратты 750 мг дозасында  8 және 16 сағаттан кейін   бұлшықет ішіне қосымша енгізулер мүмкін.  

Бүйрек қызметінің бұзылулары бар науқастарға креатинин клиренсі  10-20 мл/мин препаратты 750 мг-нан 2 рет тәулігіне енгізуге кеңес беріледі; креатинин клиренсі 10 мл/мин төмен кезде – 750 мг 1 рет тәулігіне. Диализдегі науқастарға әр емшара соңында  750 мг енгізеді. Тұрақты перитонеалды диализде препаратты 750 мг-нан 2 рет тәулігіне тағайындайды. 

Жағымсыз  әсерлері

- лоқсу, құсу, іш өту

- жалған жарғақшалы колит

- ауыз қуысының кандидозы

- ұйқышылдық, құрысулар

- есту бұзылулары

- анемия, эозинофилия, лейкопения, нейтропения

- қан түзілуінің төмендеуі, қан ұйғыштығының бұзылулары

- қан плазмасындағы бауыр трансаминазаларының өткінші жоғарылауы, билирубин, сілтілі фосфатаза  деңгейінін жоғарылауы

- тері бөртпесі, қышу, есекжем, қызба, анафилактикалық шок

- инъекция орнында аурушандық, көктамыр ішіне енгізгенде – тромбофлебит.  

  Қолдануға болмайтын жағдайлар

- цефуроксим мен басқа бета-лактамды антибиотиктерге жоғары сезімталдық

- қан кетулер

- сыртартқысында асқазан-ішек жолының аурулары (сонымен қатар бейспецификалық ойық жаралы колит)

- жүктілік және  лактация кезеңі

Дәрілік  заттармен өзара әрекеттестігі

Цефуроксим ішек флорасын азайта отырып К витаминінің синтезіне кедергі жасайды. Сондықтан тромбоциттер жабысуын төмендететін препараттармен (қабынуға қарсы стероидті емес препараттар, сульфинпиразон)  бір ауқытта  қолданғанда  қан кетулер қауіпі жоғарылайды. 

Диуретиктер және белгілі нефроуытты антибиотиктермен  бір уақытта қолданғанда нефроуытты әсер даму қауіпі жоғарылайды. 

Пробенецид  өзекшелер сөлінісін, бүйрек клиренсін төмендетеді. 

Аминогликозидтер ерітінділерімен фармацевтикалық үйлесімсіз (бір еккіште араластыруға болмайды).

Айрықша   нұсқаулар

Жаңа туылған және шала туылған балаларға, бүйрек қызметінің айқын бұзылулары бар науқастарға, төмен қан ұйюында абайлап тағайындайды. Бүйрек қызметін қадағалап отыруға (әсіресе жоғары дозаларды қолданғанда) және дисбактериозды алдын-алуға   кеңес беріледі. Аурудың белгілері қайтқаннан кейін емді тағыда 48-72 сағат жалғастыру керек.   

Дәрілік   заттардың   көлік  құралдарын   жүргізуг   және  қауіпті  механизмдерді басқару қабілетіне әсер ету ерекшеліктері 

Препараттың жанама әсерлерін ескере отырып көлік құралдары мен жылжитын механизмдерді басқарғанда   сақтық сақтау керек.  

Артық дозалану

Симптомдары: орталық жүйке жүйесінің қозуы, құрысулар. 

Емі: құрысуларға қарсы дәрілерді тағайындау, өкпені желдету мен перфузияны қамтамасыз ету, организмнің өмір сүру үшін маңызды қызметтерін қолдап тұру, гемодиализ және перитонеалды диализ.

Шығарылу түрі және қаптамасы

Антибиотиктерді қаптайтын, резеңке тығындармен тығындалған  шыны құтыларда инъекциялық ерітіндіні  дайындауға арналған зарарсыз  ұнтақ белсенді заты 750 мг немесе  1500 мг (цефуроксимге есептегенде).  Қолдану нұсқаулығы қоса салынған.

Сақтау шарттары

Құрғақ,  жарықтан  қорғалған жерде,   +250С жоғары емес   температурада. 

Балалардың қолы жетпейтін жерде сақтау керек!

Жарамдылық  мерзiмi

2 жыл

Қорапта көрсетілген  жарамдылық  мерзiмi өткеннен  кейiн  қолдануға болмайды.  

Дәріханалардан  босату  шарттары

Рецепт бойынша

Өндiрушi

«ХИМФАРМ» АҚ,  Шымкент қ-сы, ҚАЗАҚСТАН РЕСПУБЛИКАСЫ,  Рашидов к-і, нөмірсіз, т/ф: 560882