Левозин

  Қазақстан Республикасы Денсаулық

Сақтау Министрлігі Фармация Комитеті төрағасының

2007  жылғы  “ 18_ ”_06__________                                                                                                                                                                                                                                       

         №  102___   бұйрығымен 

БЕКІТІЛГЕН                                                                      

Дәрілік затты қолдану жөнінде 

мамандарға арналған нұсқаулық

ЛЕВОЗИН 250

ЛЕВОЗИН 500

ЛЕВОЗИН 750

Саудалық атауы

ЛЕВОЗИН 250

ЛЕВОЗИН 500

ЛЕВОЗИН 750

Халықаралық патенттелмеген атауы

Левофлоксацин

Дәрінің түрі

250 мг, 500мг, 750 мг үлбірлі қабықпен қапталған таблеткалар 

Құрамы

Бір таблетка құрамында

белсенді зат - левофлоксацин гемигидраты эквивалентті 250/500/750 мг левофлоксацинге,  

қосымша  заттар: микрокристаллды целлюлоза, гидроксипропил метилцеллюлоза, кросповидон, натрий стеарил фумараты,

қабықша құрамы: № VIII опадри Y I 7000 ақ.

Сипаттамасы

Бір бетінде бөлу сызығы бар, ақ түсті, сопақша түрдегі, үлбірлі қабықпен қапталған таблеткалар. 

Фармакотерапевтикалық тобы 

Антибактериалды препараттар – хинолон туындылары. Фторхинолондар. 

АТЖ коды J01МА12 

Фармакологиялық қасиеттері

Фармакокинетикасы

Ішке қолданғанда левофлоксацин асқазан – ішек жолынан тез және толық сіңеді, және 1- 2 сағаттан соң ең жоғарғы концетрацияға жетеді. Ішке қолданғанда болатын абсолютті биотиімділігі 99 % құрайды. Ақуыздармен байланысуы 24-38 % құрайды. Препарат организм тіндерінде жақсы таралады. өкпе тіндеріндегі препарат концентрациясы сарысудағы концентрацияға қарағанда 2-5 есе  жоғары болады. Левофлоксацин шектелген түрде метоболизмге ұшырайды. Левофлоксациннің жартылай шығарылу кезеңі орташа алғанда 6-8 сағатты құрайды. Ішке қолданғаннан кейін, шамамен қабылданған дозаның     87 % өзгермеген күйінде 48 сағат бойында несеппен шығарылады. Қабылданған дозаның 5 %-дан аз мөлшері несеп арқылы фармакологиялық белсенді емес метаболиттер түрінде шығарылады.

Фармакодинамикасы

Левофлоксацин – фторхинолондар тобына жататын микробқа қарсы препарат. Микробқа қарсы кең ауқымды әсерге ие. Бактерицидтік әсері ДНҚ  синтезін тежеу түрінде байқалады. 

Левофлоксацин көптеген грам (+) және грам (-) микроорганизмдерге кең ауқымды антибактериалды белсенділік көрсетеді, сонымен қатар, басқа антибиотиктерге (аминогликозидтерге, макролидтерге және бета-лактамдарға) төзімді бактерияларға да белсенді. Іn vitro кездейсоқ мутацияларының нәтижесінде пайда болған левофлоксацинге деген резистенттілік сирек кездесетін жағдай болып табылады (10-9-дан 10-10- ға дейін).

Кейде левофлоксацин мен басқа да фторхинолондар арасында бірлескен төзімділік байқалғанымен, кейбір микроорганизмдер басқа фторхинолон препараттарына төзімді болғанымен, левофлоксацинге сезімтал болуы мүмкін. Левофлоксацин көптеген микроорганизмдердің штаммаларына белсенді:

- аэробты грам (+) микроорганизмдер: 

Enterococcus faecalis (көптеген штаммалар тек шамалы ғана сезімтал), Staphylococcus aureus (метициллин-сезімтал штаммалар), Staphylococcus epidermidis(метициллин- сезімтал штаммалар), Staphylococcus saprophyticus, Streptococcus pneumoniae (сонымен бірге, пенициллин- төзімді штаммалар), Streptococcus pyogenes.

- аэробты грам (-) микроорганизмдер:

Enterobacter cloacae, Escherichia coli, Haemophilus influenzae, Haemophilus parainfluenzae, Klebsiella pneumoniae, Legionella pneumophila, Moraxella catarrhalis, Proteus mirabilis, Pseudomonas aeruginosa, Serratia marcescens. 

Осы қатардың басқа да препараттары сияқты, левофлоксацинмен емдеу кезінде де Pseudomonas aeruginosaның кейбір штаммаларында тез арада төзімділік пайда болады.  

- басқа микроорганизмдер:

Chlamydia pneumoniae, Mycoplasma pneumoniae

Қолданылуы

- жедел  синуситтерде 

- созылмалы бронхиттің асқынуында

- ауруханадан тыс пневмонияда

- аурухана ішілік пневмонияда

- терінің және тері асты- майлы клетчатканың асқынған және асқынбаған  

  жұқпалы ауруларында

- созылмалы простатитте

- несеп шығару жолдарының асқынған және асқынбаған жұқпалы ауруларында

- жедел пиелонефритте

Қолдану тәсілдері және дозасы

Левофлоксацин таблеткалары ересектерге кестеде көрсетілгендей тағайындалады:

Жұқпалы аурулар

Дозасы

Жиілігі 

(рет/тәулік)

Емдеу ұзақтығы (күн)

Ауруханадан тыспневмония

500 мг

1

7-10 күн

Ауруханадан тыспневмония

750 мг

1

5 күн

Аурухана ішілік пневмония

750 мг

1

7-10 күн

Тері және жұмсақ тіндердің жұқпалы аурулары

750 мг

1

7-10 күн

Созылмалы бронхиттің асқынуы

500 мг

1

7 күн

Жедел синусит

500 мг

1

7- 10 күн

Терінің және тері асты- майлы клетчатканың асқынбаған жұқпалы аурулары

500 мг

1

7 - 10 күн

Созылмалы простатит

500 мг

1

10 күн

несеп шығару жолдарының асқынған жұқпалы аурулары

250 мг

1

10 күн

Жедел пиелонефрит

250 мг

1

10 күн

несеп шығару жолдарының асқынбаған жұқпалы аурулары

250 мг

1

3 күн

Сатылап емдеу дәрігердің шешімімен тағайындалады.

Бұл альтернативті режимнің тиімділігі тек пенициллинге сезімталмикроорганизмдер Streptococcus pneumoniae, Haemophiliusinfluenzae, Mycoplasma pneumoniae и Chlamydia pneumoniaе шақырған жұқпалы ауруларда ғана байқалды.

Таблеткаларды шайнамай, тұтастай, жеткілікті су мөлшерімен қабылдау керек. Левофлоксацин таблеткалары ас қабылдануына тәуелді емес.

Бүйрек қызметі бұзылған пациенттер

Креатин клиренсі 20 - дан 49 мл/мин аралығында

Бастапқы доза 500 мг/тәулік; келесі дозалар 250 мг/тәулік

Креатинин клиренсі < 20 мл/мин.

Бастапқы доза 500 мг/тәулік; келесі дозалар 250 мг/48 сағ.

Пиелонефриті және басқа да несеп шығару жүйесінің асқынған жұқпалы аурулары бар пациенттер

Бастапқы доза 250 мг/тәулік; келесі дозалар 250 мг/48 сағ.

Жағымсыз әсері

- бөртпе, тері қызаруы, анафилактикалық және анафилактоидтық реакциялар, 

  шок, Стивенс- Джонсон синдромы, уытты эпидермалды некролиз, 

  экссудативті мультиформды эритема

- фотосенсибилизация

- жүрек айнуы, диарея, тәбет жоғалуы, құсу, іш ауру, ас қорыту бұзылуы

- қан сарысуында билирубин деңгейінің жоғарлауы, гепатит

- бас ауруы, бас айналу, ұйқышылдық, ұйқының бұзылуы, мазасыздық, қорқу 

  сезімі, галлюцинациялар, депрессия

- көрудің, естудің, дәм және иіс сезудің бұзылуы 

- сіңір зақымдануы, буын және бұлшық ет аурулары, ахиллова сіңірінің үзілуі,   

  бұлшық ет әлсіздігі, рабдомиолиз

- қансарысуында креатинин деңгейінің жоғарлауы

- эозинофилия, лейкопения, нейтропения, тромбоцитопения, жақсы байқалған   

  агранулцитоз, гемолитикалық анемия, панцитопения

Қолдануға болмайтын жағдайлар

- хинолондық микробқа қарсы заттарға және препараттың кез-келген басқа 

  компоненттеріне жоғары сезімталдылық

- эпилепсия

- жүктілік және емшек емізу кезеңі

- балалар және 18 жасқа дейінгі ересек балалар

Дәрілермен әрекеттесуі

Бірге қолданғанда:

- антацидтермен, яғни поливалентті катион құрамында бар препараттармен (магний/алюминий антацидтері, сукральфат, диданозин) немесе құрамында кальций, темір немесе мырыш бар препараттармен (шайнауға арналған таблетка және балаларға арналған ұнтақ), левофлоксациннің сіңуі біршама төмендеуі мүмкін, соның нәтижесінде сарысуда және несепте оның деңгейі біршама төмен болады. Мұндай препараттар кем дегенде левофлоксациннен 2 сағат бұрын немесе оны қабылдағаннан кейін 2 сағаттан соң қолданылуы керек

- теофиллинмен, сарысуда теофиллин концентрациясы жоғарлауы және оның жартылай шығарылу уақыты ұзаруы мүмкін. Егер бірге қолданусыз болмайтын жағдай болса, сарысуда теофиллиннің деңгейі бақылануы және осыған сай дозаны реттеу қажет

- варфаринмен, протромбиндік уақыт, халықаралық қалыптасқан қатынас (ХҚҚ) (international normalized ratio-NMR) немесе басқа да сәкес антикоагулянттық сынамалар бақылануы қажет. Пациенттер сонымен бірге, қан кету мүмкіндігіне байланысты қадағалауда болуы керек

- циклоспоринмен, дигоксинмен, пробенецидпен, циметидинмен, левофлоксациннің немесе аталған препараттардың дозаларын реттеу қажет емес

- қабынуға қарсы стероидты емес препаратармен (ацетилсалицил қышқылын қоспағанда), клиникаға дейінгі зерттеулер нәтижесінде хинолондық препараттардың өте үлкен дозаларымен бірге қолданғанда, тырысулар пайда болды

- гипогликемиялық препараттармен, пациенттердің қанында глюкоза деңгейі қатаң бақылануы тиіс.   

Айрықша нұсқаулар

Хинолондық препараттар қабылдайтын пациенттерде иық, қол, ахилес сіңірінің немесе басқа да сіңірлердің үзілуі болуы мүмкін, ондай жағдайда травматологиялық көмек көрсетілуі тиіс және пациент ұзақ уақытқа жұмыс істей алмай қалады. Сіңірлердің үзілу қауіпі осы препараттарды кортикостероидты препараттармен бірге қабылдайтын пациентерде, әсіресе егде науқастарда жоғарлайды. Егер науқас сіңір ауырсынуын, қабынуын немесе үзілуін сезінсе, онда левофлоксацинді қабылдауды тоқтату керек. Пациенттер тендинит немесе сіңір үзілуі диагнозы жоқтығы толық дәлелденгенше, емдеу курсынан бас тартуы керек. 

Жеңіл дәрежеден өмірге қауіптіге дейін ауырлықтағы псевдомембраноздық колит барлық антибактериалдық препараттарды қолданғанда байқалады. Антибактериалдық  препараттарды қолданған кейін науқастарда іш өту жағдайлары болады, сондықтан пациентерде диагноз қою өте маңызды. Антибактериалдық препараттармен емдеу тоқ ішектің қалыпты микрофлорасын өзгертеді және клостридиялардың  шектен тыс өсіп-өнуін шақырады. Clostridium difficile бөлетін токсин  «антибиотиктер жүзеге асыратын колиттің»  біріншілік себебі болып табылады. Псевдомембраноздық  колит диагнозы қойылғаннан кейін терапевтикалық шаралар жүргізілуі керек. Псевдомембраноздық  колиттің жеңіл түрінде препаратты қабылдауды тоқтаса болғаны. Ал орташа және ауыр дәрежелі түрлерінде инфузиондық ерітінділер және электорлиттер тағайындалуы керек, ақуыздар мен   антибактериалды препараттар Clostridium difficile туындатқан колитте клиникалық эффективті.

Хинолондық препараттарды, сонымен қатар левофлоксацинды қабылдайтын пациенттерде тырысулар мен токсикалық психоздар байқалады. Басқа да хинолон препараттары сияқты левофлоксацинді орталық жүйке жүйесінің  белгілі аурулары бар немесе ұстамаларды немесе ұстама ақауларын төмендету қауіпінің фактролары бар немесе соған күмәнді (мысалы, церебралды артериосклероз, эпилепсия, теофиллинмен емдеу, бүйректер қызметінің бұзылыстары) пациенттерде абайлап қолдану керек. 

Бүйректер қызметінің бұзылыстары бар пациенттерде дозалау режимін реттеу қажет. 

Фотосенсибилизация дамуын болдырмау үшін, науқастар күшті күн сәулесінен және ультракүлгін сәулесінен сақтануы керек. Фотосенсибилизация туындаған жағдайда емдеуді тоқтату керек.

Гериатриялық пациенттерде қолдану

Бүйрек қызметі қалыпты егде пациенттерге дозаны реттеу қажет емес. 

Транспорт жүргізу немесе потенциалды қауіпті механизмдерді басқару қабілетіне дәрілік зат  әсерінің ерекшеліктері

Пациентерді көлік басқарумен, механикалық құралдарда жұмыс істеумен және басқа да потенциалды қауіпті жұмыс түрлерімен байланысты болатын қауіп туралы хабардар ету керек.

Артық мөлшелеу

Белгілері: ес адасуы, бас айналу, ес бұзылуы  және тырысу ұстамалары, жүрек айну, шырышты қабықтың зақымдануы

Емдеу: арнайы антидоты жоқ. Симптомдық ем. Гемодиализ немесе перитонеалды  диализ эффективті емес.

Шығарылу түрі және қапталуы

Левозин 250: блистерде  5, 7 немесе 14 таблеткадан. Картон қорапшада 1  блистер қолдану жөніндегі нұсқаулықпен бірге. 

Левозин 500: блистерде  5, 7 немесе 14 таблеткадан. Картон қорапшада 1  блистер қолдану жөніндегі нұсқаулықпен бірге. 

Левозин 750: блистерде  5 немесе 7 таблеткадан. Картон қорапшада 1  блистер қолдану жөніндегі нұсқаулықпен бірге. 

Сақтау шарттары

25°С-ден жоғары емес температурада, құрғақ, жарықтан қорғалған жерде сақтау керек.

Балалардың қолы жетпейтін жерде сақтау керек! 

Жарамдылық мерзімі

2 жыл

Жарамдылық мерзімі өткеннен кейін қолданбау керек. 

Босатылу шарттары

Рецепт бойынша

Өндіруші

«Нобел Алматы Фармацевтикалық Фабрикасы» АҚ

Қазақстан Республикасы          

Алматы қаласы, Шевченко көшесі 162 Е