Тайлол

Саудалық атауы

ТАЙЛОЛ ®

Халықаралық патенттелмеген атауы

Парацетамол

Дәрілік түрі

Суспензия, 120 мг/5 мл

Құрамы

5 мл суспензияның құрамында

белсенді зат - 120 мг парацетамол,

қосымша заттар: алюминий магний силикат (тальк), авицел РС 591, натрий карбоксиметилцеллюлозасы 7 HOF, рафинадталған қант, глицерин, сорбитол 70%, лимон қышқылы моногидраты, натрий метилпарабені, натрий пропилпарабені, таңқурай эссенциясы, тазартылған су. 

Сипаттамасы

Таңқурай хош иісі бар ақтан ашық-сұр түске дейінгі гомогенді суспензия

Фармакотерапиялық тобы

Басқа да анальгетиктер-антипиретиктер.  Анилидтер. Парацетамол

АТХ коды N02BE01

Фармакологиялық қасиеттері

Фармакокинетикасы

Ішу арқылы қолданғанда әсер етуші зат асқазан-ішек жолынан тез және толық сіңеді. Қан плазмасындағы препараттың ең жоғары концентрациясы 10-60 минуттан соң байқалады. Парацетамол, майлы тін мен жұлын сұйықтығын қоспағанда, организм тіндерінде және негізінен сұйық орталарда кеңінен таралады. Ақуыздармен байланысуы 10%-дан аз құрайды және артық дозаланғанда мардымсыз артады. Жартылай шығарылу кезеңі1,25-3 сағат құрайды, бауыр циррозына шалдыққан емделушілерде шығарылу кезеңі біршама ұзақ. Бауырдамикросомалық-ферменттік жүйе арқылы метаболизденеді. Парацетамолдың ішуге тағайындалған дозасының 85%-ға жуығы 24 сағаттан соң бос және байланысқан түрде несеппен шығарылады. 

Фармакодинамикасы

Парацетамол анальгетик-антипиретик болып табылады. Ол ауыруды басатын және ыстық түсіретін әсер көрсетеді, әсер ету механизмі простагландиндер синтезін тежеумен, гипоталамустағы терморегуляция орталығына басым ықпал етумен байланысты. 

Қолданылуы

- тұмау және суық тию аурулары кезіндегі және вакцинациядан кейінгі қызба

- бас ауыру

- тіс ауыру

- бурситтер, невралгиялар, байлам аппаратының созылып кетуі, миалгиялар

- артралгиялар 

Қолдану тәсілі және дозалары

Препарат ішке қабылданады. 2-ден 3 айға дейінгі сәбилерде дәрігердің тағайындауымен ғана қолдануға болады.

Қолданар алдында құтының ішіндегісін жақсылап шайқау керек.

Қаптаманың ішіне салынған өлшегіш қасық препаратты дұрыс және ұтымды дозалауға мүмкіндік береді.

Препарат дозасы сәбидің жасы мен дене салмағына байланысты. 

3 айдан асқан сәбилерде бір реттік дозасы тәулігіне 3-4 рет дене салмағына 10-15 мг/кг, ең жоғары тәуліктік дозасы дене салмағына 60 мг/кг-ден асырылмайды. Қажет болса, сәбиге ұсынылған дозаны әр 4-6 сағат сайын беріңіз, бірақ 24 сағат ішінде 4 дозадан көп емес.

Басқа жағдайлардың бәрінде Тайлол ® қабылдар алдында дәрігер кеңесі қажет. 

Дәрігер кеңесінсіз қабылдау ұзақтығы

- температураны түсіру үшін - 3 күннен көп емес. 

- ауыруды басу үшін - 5 күннен көп емес.

Ұсынылған дозадан асыруға болмайды. 

Жағымсыз әсерлері

- жүрек айну, іштің ауыруы, құсу

- тері бөртпесі, есекжем, ангионевротикалық ісіну, Стивенс-Джонсон синдромы

Сирек

- Квинке ісінуі, анафилактикалық реакциялар

- бауыр қызметінің бұзылуы

- бүйрек қызметінің бұзылуы

- анемия, агранулоцитоз, тромбоцитопения, лейкопения

Қолдануға болмайтын жағдайлар

- парацетамолға және препараттың басқа компоненттеріне жоғары сезімталдық     

- бауыр және бүйрек қызметтерінің ауыр бұзылуы

-  ауыр қан аурулары (ауыр анемия, лейкопения, тромбоцитопения)

- глюкоза – 6 – фосфатдегидрогеназа ферментінің тапшылығы

- қант диабеті

- 2 айға дейінгі сәбилерге

Дәрілермен өзара әрекеттесуі

Препаратты бір мезгілде қолданғанда:

- барбитураттармен, құрысуға қарсы дәрілермен, рифампицинмен, 

алкогольмен – гепатоуытты әсер ету қаупі едәуір артады

- метоклопрамидпен – парацетамол сіңірілуі артуы мүмкін

- пробенецидпен – қан плазмасындағы парацетамол экскрециясы мен концентрациясы өзгеруі мүмкін

- кумарин туындыларымен – аздаған гипопротромбинемия дамуы мүмкін

Колестирамин қолданғанда парацетамол қабылдағаннан кейін 1 сағаттан аз кезең ішінде соңғысының аз сіңірілуі мүмкін. 

Айрықша нұсқаулар

Препаратты құрамында парацетамол бар басқа да препараттармен бір мезгілде қабылдауға болмайды. 

Бауыр, бүйрек, жүрек және өкпе патологиясы, анемиясы бар емделушілер препаратты қолданған жағдайда дәрігердің бақылауында болуы тиіс.

Парацетамол несептегі 5-гидроксииндолацетил қышқылының жалған оң нәтижелеріне әкелуі мүмкін. 

Жүктілік және лактация

Препарат тағайындалғанда ана үшін күтілімді пайдасы мен ұрыққа төнетін әлеуетті қатерін тиянақты таразылау керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді 

Артық дозалануы

Симптомдары: жүрек айну, құсу, іштің ауыруы, метгемоглобинемия, терінің және тырнақ пластиналарының цианозы; ауыр жағдайларда - қозу, ал артынан орталық жүйке жүйесінің бәсеңдеуі, ступор, гипотермия, тахипное; жүректің жиі соғуы, төмен артериялық қысым, қан айналу жеткіліксіздігі, кома, гепатит, сарғаю, өтпелі азотемия, бүйректік өзекшелік некроз, гипогликемия, метаболикалық ацидоз және ми ісінуі.

Емі: артық дозаланудан күдіктенгенде науқас дереу ауруханаға жатқызылуы тиіс. Белгісіне қарай емдеу. 

Егер дәрі таяуда қабылданса, құстыру, асқазанды шаю қажет. У қайтарғы ретінде 16 сағаттан кешіктірмей ацетилцистеин қолдану ұсынылады. Белсенділендірілген көмір және іш жүргізгіш дәрілер қолдануға болмайды, өйткені олар ішке қабылданған ацетилцистеин сіңімділігін төмендетеді. Су-электролит теңгерімін қалпына келтіріп, егер бар болса, гипогликемияны түзету керек. Бүйрек және бауыр жеткіліксіздігі дамыған жағдайда зертханалық көрсеткіштер қалпына келгенше емдеу шараларын жалғастырған жөн. Гемодиализ жасау. 

Шығарылу түрі және қаптамасы

100 мл препарат бұралатын қақпағы бар күңгірт шыны құтыға салынады.

1  құты медицинада қолданылуы жөніндегі мемлекеттік және орыс тілдеріндегі нұсқаулықпен және өлшегіш қасықпен бірге картон пәшкеге салынады.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек. 

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды

Құтыны бірінші рет ашқаннан кейінгі сақтау мерзімі

1 ай

Дәріханалардан босатылу шарттары