Гроприносин-Рихтер

Халықаралық патенттелмеген атауы

Жоқ

Дәрілік түрі

Шәрбат, 250 мг/5 мл, 150 мл

Құрамы

1 мл шәрбаттың құрамында

белсенді зат - 50,00 мг инозин пранобекс,

қосымша заттар: метилпарагидроксибензоат,

пропилпарагидроксибензоат, cахароза, натрий гидроксиді, лимон қышқылы моногидраты, тазартылған су. 

Сипаттамасы

Тәтті дәмі бар мөлдір сұйықтық. 

Фармакотерапиялық тобы

Вирусқа қарсы тікелей әсер ететін препараттар. Вирусқа қарсы басқа да препараттар. Инозин пранобекс 

ATХ коды J05AX05

Фармакологиялық қасиеттері

Фармакокинетика

Сіңуі: ішке қабылдағаннан кейін препарат асқазан-ішек жолынан жылдам және толық дерлік (≥ 90 %) сіңеді және қанда анықталады. 

Таралуы: препарат мынадай ағзаларда олардың мөлшерінің азаю тәртібімен анықталады: бүйрек, өкпе, жүрек, көкбауыр, ұйқы безі, ми және қаңқа бұлшықеттері.

Метаболизм: 1 г дозада ішке қабылдағаннан кейін DIP (диметиламинопропанол) концентрациясы қан плазмасында 3,7 мкг/мл (2 сағаттан соң), ал РАсВА (парааминобензой қышқылы) – 9,4 мкг/мл (1 сағаттан соң). Көтере алушылығын зерттегенде ішке қабылдағаннан кейін адамда несеп қышқылы концентрациясының ең жоғары артуы дозаға байланысты сипатта болмаған және 1-3 сағат ішінде ±10% құбылып тұруы мүмкін болған. Негізгі метаболиттері РАсВА үшін о-ацилглюкуронид болып табылады, ал N,N – диметиламино-2-пропанол N-оксидке дейін метаболизденеді. 

Шығарылуы: Инозин және оның метаболиттері бүйрекпен бөлінеді. РАсВА және оның негізгі метаболитнің тәуліктік экскрециясы инозин пранобексті тәулігіне 4 г дозада қабылдаған кезде тепе-теңдік кинетика жағдайында шамамен 85% құрайды. радиобелсенді таңбаланған DIP және оның N-оксидінің 95%-ы өзгермеген түрде анықталады. Жартылай шығарылу кезеңі DIP үшін 3,5 сағатты және РАсВА үшін 50 минутты құрайды. Таблеткаларды жануарлардың ішіне енгізгеннен соң несеп қышқылына дейін 70% шейін метаболизденеді, ал 30%-ы ксантин және гипоксантин түрінде анықталады. 

Фармакодинамикасы

Гроприносин-Рихтер препаратының белсенді заты - инозин пранобекс синтетикалық пурин туындысын білдіреді, оның иммунмодуляциялайтын және тікелей вирусқа қарсы қасиеттері бар, бұл иммун жауабының ұлғаюымен in vivoкөрінеді. Препараттың әрбір компонентінің жеке фармакологиялық қасиеттері бар. Бұл кешеннің фармакологиялық белсенді заты – инозин, кешеннің екінші компоненті – пранобекс лимфоциттер мен басқа жасушалар үшін оның биологиялық қолжетімділігін арттырады.

Инозин пранобекс – құрамында 1:3 молярлық арақатынаста N,N – диметиламино-2-пропанолмен инозин және соль 4-ацетамидобензой қышқылы тұзы бар кешен.

Клиникалық зерттеулерде инозин пранобекс Th1 жауабын белсендіру есебінен жасушалар арқылы жеткіліксіз немесе бұзылған иммун жауабын қалпына келтіретіні көрсетілген, ол T-лимфоциттер жетілуін, сондай-ақ митогенмен немесе антигенмен белсендірілген жасушаларда индукцияланған лимфопролиферативті жауаптың жіктелуі мен үдеуін қосады. Ұқсас түрде препараттың цитоуытты T-лимфоциттер мен NK-жасушалар белсенділігіне, T8-супрессорлар мен T4-хелперлердің жасушалық функцияларына көтермелеуші әсер ететіні көрсетілген, сондай-ақ IgG беткейлік рецепторлары мен комплемент мөлшерін арттырады. Инозин пранобекс ИЛ-1, ИЛ-2 цитокин өнімдерін және ИЛ-4 рецепторлары экспрессиясын in vitro арттырады. Препарат ИФН-γ эндогендік секрециясын елеулі дәрежеде арттырады және ИЛ-4 қабынуға қарсы цитокиндер өнімдерін in vivo төмендетеді. Оның хемотаксис нейтрофилдерді, моноциттер және макрофагтарды, сондай-ақ фагоцитозды үдететіні көрсетілген. 

Табиғи жағдайларда (in vivo) инозин пранобекс төмендеген РНҚ синтезі мен лимфоциттерде транскрипция көрсеткіштерін үдетуге ықпал етеді, бұл ретте әлі де нақтылауды қажет ететін дәрежеде вирустық РНҚ синтезінің алдын алады :

1. инозин аралас орот қышқылын полирибосомаға қосу,

2. вирустық ақпарат беретін РНҚ полиаденил қышқылының бекітілуін тежеу,

3. лимфоциттер жарғақшаішілік бөлшектерін молекулалық қайта құру (IMP), бұл тығыздықтың үш есе ұлғаюына әкеледі. 

Инозин пранобекс цГМФ-фосфодиэстеразаны тек жоғары концентрацияда in vitro, ал иммунофармакологиялық әсерлерін туындатпайтын құрамы кезінде - in vivo тежейді. 

Қолданылуы

Гроприносин-Рихтер шәрбаты, 250 мг/5 мл препараты 1 жастан асқан пациенттерге мынадай көрсетілімдер бойынша қолдануға арналған:

• иммунитеті бұзылған пациенттерге жоғарғы тыныс жолдарының қайталанатын инфекциялары болғанда қосымша ем ретінде 

• I немесе II типті Herpes simplex вирусы, сондай-ақ Varicella zoster вирусы (желшешек және белдемелі теміреткі вирусы) туындатқан тері және шырышты қабық инфекцияларында

• этиологиясы вирусты инфекцияларында (жеделге жуық склероздайтын панэнцефалит)

Қолдану тәсілі және дозалары

Тек ішке қабылдауға арналған. 

Препарат дозасы пациенттің дене салмағы мен аурудың ауырлығына байланысты болады. Тәуліктік дозаны бірнеше бөлікке бөліп, бірдей уақыт аралығымен күні бойы қабылдау керек. 

Емдеу ұзақтығы, әдетте 5-14 күн болады. Ауру симптомдар жоғалғаннан кейін 1-2 күн бойы препарат қабылдауды жалғастырған жөн. 5-14 күн ішінде әсері болмаса, препаратты ауыстыру жөнінде дәрігердің кеңесі қажет. 

Дұрыс дозалау үшін қоса берілген өлшеу шкаласы бар шприцті пайдалану керек. 

Ересектер мен егде жастағы адамдар

Гроприносин-Рихтер шәрбаты препаратының 1 мл құрамында 50 мг инозин пранобекс бар. Ұсынылатын тәуліктік доза дене салмағына 50 мг/кг (дене салмағына 1 мл/кг), әдетте – тәулігіне 3 г (яғни., тәулігіне 60 мл шәрбат); 3-4 қабылдауға (тәулігіне 80 мл) препараттың ең жоғары тәуліктік дозасы 4 г құрайды. 

1 жастан асқан балалар

Ұсынылаиын тәуліктік доза дене салмағына 50 мг/кг құрайды, әдетте ― дене салмағына 1 мл/кг, 3-4 бірдей бөлікке бөлінеді, оны күні бойы төмендегі кестеге сәйкес қабылдау керек:

Дұрыс дозалау үшін қоса берілген өлшеу шкаласы бар шприцті пайдалану керек.

Иммунитеті төмендеген балалар мен жасөспірімдерде

Препаратты 10 күн бойы 3 ай қатарынан қабылдаған жөн.

Жеделге жуық склероздайтын панэнцефалит: аурудың жедел фазасында препарат дозасы кг дене салмағына 2 мг дейін арттыруға болады (тәулігіне 100 мг/кг, ең жоғарысы тәулігіне 4 г), тұрақты емдегенде пациенттің жай-күйін жүйелі бағалап отыру қажет. 

Балалар

1 жастан кіші балаларға қолдануға болмайды.

Жағымсыз әсерлері

Жағымсыз әсерлерінің жиілігін жіктеу үшін мынадай терминология пайдаланылады (MedDRA сәйкес): өте жиі (≥1 / 10), жиі (≥1 / 100-ден <1 / 10 дейін), жиі емес (≥1 / 1000-нан <1 / 100 дейін), сирек (≥1 / 10000-нан <1 / 1000 дейін), өте сирек (<1 / 10000), жиілігі белгісіз (қолда бар деректер негізінде жиілігін бағалау мүмкін емес). Препарат қолданумен байланысты және үнемі байқалатын жалғыз жағымсыз әсері қан сарысуы мен несепте несеп қышқылы концентрациясының транзиторлы жоғарылауы болып табылады. Несеп қышқылы концентрациясы препаратты тоқтатқаннан кейін бірнеше күн ішінде бастапқы көрсеткіштеріне оралады. 

Жиі (≥1 / 100-ден <1 / 10 дейін)

- жүйке жүйесі тарапынан бұзылулар: бас ауыруы, бас айналу, қажу, әлсіздік 

- ас қорыту жүйесі тарапынан бұзылулар: тәбеттің төмендеуі, жүрек айнуы, құсу, эпигастральді аймақтың ауыруы
- тері және тері асты шелі тарапынан бұзылулар: қышыну, бөртпе

- тірек-қимыл аппараты мен дәнекер тіндер тарапынан бұзылулар: артралгия, подаграның өршуі

- гепатобилиарлық жүйе тарапынан бұзылулар: қан сарысуы трансаминазалары мен сілтілі фосфатаза белсенділігінің артуы, қан плазмасында мочевина концентрациясының артуы

Жиі емес (≥1 / 1000-нан <1 / 100 дейін)

- жүйке жүйесі тарапынан бұзылулар: күйгелектік, ұйқышылдық немесе ұйқысыздық, вертиго 

- ас қорыту жүйесі тарапынан бұзылулар: диарея, іш қату

- несеп шығару жүйесі және бүйрек тарапынан бұзылулар: полиурия (шығарылатын несеп көлемінің ұлғаюы), несепте несеп қышқылы деңгейінің жоғарылауы

- аллергиялық реакциялар: теңбілді-папулезді бөртпе, есекжем, ангионевроздық ісіну, аса жоғары сезімталдық реакциялары, анафилаксиялық реакциялар

Қолдануға болмайтын жағдайлар

• әсер етуші затқа немесе қосымша заттардың кез келгеніне аса жоғары сезімталдық

• подагра, сондай-ақ қанда және несепте несеп қышқылының концентрациясы ұлғайған пациенттер 

• несептас ауруы 

• жүктілік және лактация кезеңі (қолдану тәжірибесінің жоқ болуына байланысты) 

• 1 жасқа дейінгі және салмағы ≤ 10 кг балаларға.

Дәрілермен өзара әрекеттесуі

Гроприносин-Рихтер препаратын бір мезгілде ксантиноксидаза тежегіштерін (мысалы, аллопуринол), тиазидтік диуретиктерді (мысалы, гидрохлоротиазид, хлорталидон, индапамид) және ілмектік (фуросемид, торасемид, этакрин қышқылы) диуретиктерді қоса, несеп қышқылының несеппен бөлінуін ұлғайтатын препараттарды қабылдайтын пациенттерде сақтықпен қолданған жөн. 

Гроприносин-Рихтер препаратын күтілетін емдеу әсеріне ықпал етуі мүмкін фармакокинетикалық өзара әрекеттесу мүмкіндігіне байланысты иммунодепрессанттармен біріктірілімде тағайындамаған жөн. 

Зидовудинмен (азидотимидинмен, АЗТ) бір мезгілде қолдану зидовудинмен әртүрлі механизмдер арқылы нуклеотидтер түзілуін күшейтеді, бұл FPN сарысулық биожетімділігінің жоғарылауына және моноциттерде жасушадан тыс фосфорланудың күшеюіне әкеледі. Бұл Гроприносин-Рихтер препаратының ықпал етуімен АЗТ әсерінің күшеюіне әкеледі.

Айрықша нұсқаулар

Гроприносин-Рихтер шәрбат препараты қан сарысуы мен несепте, әдетте қалыпты мәндері шегінде (8 мг/дл дейін, бұл 420 мкмоль/л сәйкес келеді), әсіресе ер адамдар мен екі жыныстағы егде адамдарда несеп қышқылы концентрациясының транзиторлы жоғарылауын туындатуы мүмкін. Несеп қышқылы концентрациясының жоғарылауы инозиннің оның түзілуіне қатысуына негізделген, бірақ ферменттің негізгі функциясы немесе бүйрек клиренсі өзгеруімен байланысты емес. Сондықтан Гроприносин-Рихтер препаратын несеп-тас ауруы және бүйрек функцияның бұзылуы бар науқастарда сақтықпен қолданған жөн. Бұл пациенттерде емдеу кезінде несеп қышқылы деңгейін мұқият бақылау керек. 

Гроприносин-Рихтер препаратымен (3 ай және одан ұзақ) ұзақ емдеген кезде әр пациенттің қан сарысуы мен несептегі несеп қышқылы концентрациясын, жалпы қан көрсеткіштерін, бауыр мен бүйрек функциясын (трансаминазалар белсенділігін, креатинин деңгейін) ұдайы бақылап отыру қажет.

Егер емдеу кезінде несеп қышқылының деңгейі жоғарыласа, науқастарға оның деңгейін төмендететін препараттарды тағайындауға болады.

Гроприносин-Рихтер препаратының құрамында метилпарагидроксибензоат және пропилпарагидроксибензоат бар, олар аллергиялық реакциялар (оның ішінде баяу типті) туындатуы мүмкін.

Гроприносин-Рихтер препаратының құрамында сахароза бар. Фруктоза жақпаушылығы, глюкоза-галактоза сіңуінің бұзылуы немесе сахараза-изомальтаза жеткіліксіздігі түріндегі сирек тұқым қуалайтын аурулары бар пациенттер Гроприносин-Рихтер препаратын қабылдамауы тиіс. 

Гроприносин-Рихтер препаратының 1 мл құрамында 650 мг сахароза болады. Мұны қант диабеті бар пациенттерге тағайындағанда ескерген жөн. 

Жүктілік және лактация кезеңі

Шарана дамуына және фертильдігіне байланысты бақыланатын клиникалық зерттеулер жүргізілмеген.

Гроприносин-Рихтер препаратын қолдану қауіпсіздігі зерттелмегендіктен, жүктілік кезінде және бала емізу кезеңінде қолдану ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері 

Гроприносин-Рихтер препарат автомобиль және механизмдерді басқару қабілетіне әсер етпейді немесе әсер етпейді деуге болады. 

Артық дозалануы

Инозин пранобекстің артық дозалану жағдайлары тіркелмеген. Артық дозаланғанда симптоматикалық және демеуші ем жүргізу керек. 

Шығарылу түрі және қаптамасы

150 мл препараттан бұрандалы қалпақшамен жабылған күңгірт шыны құтыда.

1 құтыдан 0.5 мл-ден 5 мл дейін бөліктелген дозатор-шприцпен және медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынады. 

Сақтау шарттары

30°C-ден аспайтын температурада сақтау керек. Тоңазытуға және мұздатып қатыруға болмайды. 

Балалардың қолы жетпейтін жерде сақтау керек!

Сақтау мерзімі

2 жыл

Құтыны ашқаннан кейін қолдану кезеңі – 6 ай.

Заттаңбада көрсетілген жарамдылық мерзімі өткеннен кейін пайдалануға болмайды. 

Дәріханалардан босатылу шарттары

Рецепт арқылы