Антифлу Кидс

Қазақстан Республикасы 

Денсаулық сақтау министрлігі 

Медициналық және

фармацевтикалық қызметті 

бақылау комитеті Төрағасының  

20   жылғы “__” __________ 

№ _____ бұйрығымен    

БЕКІТІЛГЕН

Дәрілік заттың медицинада қолданылуы

жөніндегі нұсқаулық

                                                             Антифлу® Кидс

Саудалық атауы 

Антифлу® Кидс

Халықаралық патенттелмеген атауы 

Жоқ

Дәрілік түрі

Таңқұрай  дәмімен ұнтақ

Құрамы

1 пакет ұнтақ құрамында

белсенді заттар - 160 мг ацетаминофен, 50 мг аскорбин қышқылы, 1 мг хлорфенирамин малеаты

қосымша заттар - қант (қант ұнтағы), қант (сахароза), таңқурай хош иістендіргіші, лимон қышқылы, кремнийдің қостотығы, кремнийдің қостотығы (силоид), үш негізді натрий цитраты (үшнатрий цитраты дигидраты), титанның қостотығы (Е 171), үшкальций фосфаты (үш негізді кальций фосфаты), жүгері крахмалы, қызыл бояғыш FD&C №40 (Е 129). 

Сипаттамасы

Жеңіл таңқурай хош иісті кристалл бөлшектері бар аздаған реңді ақ сусымалы ұнтақ.

Фармакотерапиялық тобы

Басқа препараттармен біріктірілген парацетамол ( психолептиктерді қоспағанда). 

АТЖ коды  N02BE51

Фармакологиялық қасиеттері

Фармакокинетикасы 

Ацетаминофен (парацетамол) – пассивті диффузия жолымен ішектің жоғары бөліктерінде сіңеді, ацетаминофеннің (Т ½) жартылай шығарылу кезеңі 2-2,5сағ құрайды. Ол үлкен доза алғаннан кейін және бауыры ауыратындарда ұзарады. Ацетаминофен несеппен шығарылады (ацетаминофеннің бір реттік дозасының 85%-ы 24 сағат ішінде шығарылады). 

Хлорфенирамин малеаты  аш ішекте сіңеді, бауырда биотрансформацияға ұшырайды. Жартылай элиминация уақыты 8 сағатты құрайды. Метаболизм өнімдері және препараттың метаболизденбеген бөлігі несеппен шығарылады.

Аскорбин қышқылы аш ішекте белсенді сіңеді. Плазмадағы ең жоғары концентрациясына ішке қабылдағаннан соң 4 сағаттан кейін жетеді. Плазмадан лейкоциттерге, тромбоциттерге және іс жүзінде барлық тіндерге жеңіл өтеді. Аскорбин қышқылының шығарылуы несеппен өзгермеген қалыпта экскреция жолымен де, несеппен шығарылатын дезоксиаскорбинді және  дикетогулонды қышқылдар (соңғысы қымыздық қышқылына айналады) биотрансформациясы жолымен де жүреді.

Фармакодинамикасы 

Ацетаминофен (парацетамол) орталық жүйке жүйесінде простагландиндердің синтезін тежеуге және термореттеу орталығына әсер етуі есебінен ауыруды және ыстықты басатын, әлсіз білінетін қабынуға қарсы әсер етеді.

Хлорфенирамин малеаты - Н1-гистаминорецепторларының бөгегіші, қабынудың негізгі медиаторларының бірі - гистаминнің әрекетіне кедергі келтіреді. 

Қылтамырлар қабырғаларының өткізгіштігін төмендете отырып, жергілікті  экссудативті білінулердің айқындығын, мұрынның, мұрынжұтқыншақтың,  жоғарғы тыныс алу жолдарының шырышты қабығы ісуінің, жас ағуды азайтады. 

Аскорбин қышқылының (Витамин С) антиоксидантты қасиеттері бар, қорғаныс механизмдерін белсенділендіреді, ағзаның жұқпаға қарсыластық қабілетін арттырады. Тотығу-тотықсыздану үдерістерін белсенділендіреді, регенерация үдерісін, глюкокортикоидтар және катехоламиндер синтезін көтермелейді; қылтамырлар қабырғасын тығыздандырады (жасуша аралық заттар түзілуін ұлғайту және гиалуронидаза белсенділігін төмендету есебінен).

Антифлу® Кидс бас ауыруын, бұлшық ет-буын ауыруларын,тамақтың ауыруын азайтады,  ринореяны, көз бен мұрын қышуын жояды.  

Қолданылуы

ЖРВИ, тұмау мен суық тию симптомдарын  жою үшін:

- дене температурасының жоғарылауында, қалтырауда

- мұрын бітелуінде, түшкіруде

- көзден жас аққанда

- бас және бұлшықет-буын ауыруларында   

- тамақтың ауыруларында, жоғары тыныс жолдары мен маңындағы 

   қосалқы қойнау қабынуының басқа да симптомдарында.

Қолдану тәсілі және дозалары

Ішке қабылдау керек. Қабылдар алдында бір пакеттің ішіндегісін 150 мл жылы суда еріту керек. 2-6 жастағы балаларға арналған бір реттік доза 1 пакеттің ішіндегісін құрайды, 6-12 жастағы балаларға - 2 пакеттің ішіндегісін құрайды. Қажет кезде әр 4-6 сағат сайын қайталауға болады, бірақ 4 дозадан асырмай қабылдау керек. Емдеу курсы 5 күн. Мұнан әрі қарай пайдаланылуы тек дәрігердің қадағалауымен болуы мүмкін. 

Жағымсыз әсері

-   ұйқышылдық 

-   реакциялардың баяулауы

-   асқазан аумағының ауыруы, жүрек айну, құсу, іш өту болуы мүмкін 

-   қан түзілуіндегі бұзылыстар 

-   аллергиялық реакциялар

Қолдануға болмайтын жағдайлар 

-   препараттың құрамдас бөліктеріне жекелей жоғары сезімталдықта

-   бауыр және/немесе бүйрек қызметінің айқын бұзылуларында 

-   2 жасқа дейінгі балаларға 

Дәрілермен өзара әрекеттесуі

Ацетаминофен антибиотиктердің ағзадан шығарылуын баяулатады. Барбитураттармен, алкогольмен ацетаминофенді біріктіргенде гепато- және нефроуыттылығы  күшейеді.

Тетрациклиндер ацетаминофенді қабылдағанда анемия мен  метгемоглобинемияның даму қатерін жоғарылатады.

Ұйықтататын, тыныштандыратын дәрілерді, нейролептиктер мен транквилизаторларды, алкогольді бір уақытта қабылдау  хлорфенирамин малеатының орталық жүйке жүйесіне бәсеңдететін әсерін айтарлықтай күшейтеді.

Айрықша нұсқаулар

Препараттың ұйқы шақыратын мүмкіндігіне байланысты дәріні қабылдағаннан кейін 4 сағат бойы балаларға жоғары зейін шоғырландыруды талап ететін жұмыстар жасамау ұсынылады. 

Артық дозаланғанда

Симптомдары: қозу, бас айналу, ұйқы бұзылу, жүрегі айну, құсу.

Емі симптоматикалық. Аталған және кез-келген басқа да дәрілік заттармен артық дозаланғанда медициналық көмекке жүгіну қажет.

Шығарылу түрі және қаптамасы  

Ұнтақ ламинадталған материалдан (қағаз/полиэтилен/ фольга/полиэтилен) жасалған пакетке тұмшаланып қапталған. 5 пакеттен медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қаптамаға салынған.  

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші ұйымның атауы мен елі

Контракт Фармакал Корпорейшн, 

135 Адамс Авеню, Хопог, Нью-Йорк 11788, АҚШ

Тіркеу куәлігі иесінің атауы мен елі

Байер Консьюмер Кэр АГ, Швейцария

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның  мекенжайы:  

«Байер КАЗ» ЖШС

050057, Алматы, Қазақстан Республикасы 

Тимирязев к-сі, 42, «Экспо-Сити» бизнес орталығы, 15 пав.

тел. +7 727 258 80 40

факс: +7 727 244 70 01

e-mail: kz.claims@bayer.com