Капсикам

Қазақстан Республикасы 

Денсаулық сақтау және әлеуметтік даму  министрлігі Mедициналық және 

фармацевтикалық қызметті 

бақылау комитеті Төрағасының 

20_ жылғы “____” ___________

№ _____ бұйрығымен

БЕКІТІЛГЕН

Дәрілік заттың медицинада

қолданылуы жөніндегі

нұсқаулық

КАПСИКАМ®

Саудалық атауы

КАПСИКАМ®

Халықаралық патенттелмеген атауы 

Жоқ

Дәрілік түрі

Сыртқа қолдануға арналған жақпамай 

Құрамы

1 г жақпамай құрамында

белсенді заттар: 50 мг диметилсульфоксиді, 30 мг рацемиялық камфора, 30 мг сағыз скипидары, 20 мг бензилникотинат, 2 мг нонивамид;

қосымша заттар: цетостеарилді спирт эмульгацияланатын (А типі), натрий цетостеарилсульфаты, полисорбат-80, бронопол, тазартылған су. 

Сипаттамасы

Ақ немесе сәл сарғыш реңді ақ, камфора мен скипидар иісі бар жақпамай. 

Фармакотерапиялық тобы

Буын және бұлшықет ауруларында жергілікті қолдануға арналған басқа да препараттар.

АТХ коды M02AX

Фармакологиялық қасиеттері

Фармакокинетикасы

Жақпамай жылдам сіңеді және бірнеше минут өткенде күйдіру, терінің байқалатын қызаруы, жылуды сезіну пайда болады, бұл арада бұлшықет ширығуы мен ауыруды сезіну азаяды. Терінің температурасы 2-3 сағаттың ішінде 1 - 2º С-ге жоғарылайды. Ауыруды басатын әсері 30-40 минуттан кейін басталады және 3-6 сағатқа дейін жалғасады. Температураның жоғарылауы мен қан айналымының жақсаруы ревматизмдік жай-күйлерде, соғылуларда, бұлшықет созылулары мен басқа да спорттық жарақаттарда жағымды әсер етеді. Қайталап қолданғанда жақпамай әсерін 10-14 күн бойы сақтайды.

Фармакодинамикасы

Жақпамайдың құрамында тамыр кеңейткіш және сезімтал жүйке ұштарына тітіркендіргіш әсер ететін заттар бар, осының салдарынан жергілікті тітіркендіргіш, гиперемия тудырып, ауыруды басатын әсері бар. Терінің шектелген жерде тітіркенуі қанмен жабдықталудың өзгерісіне және жұлындағы сол сегменттер тарапынан иннервацияланатын ішкі органдар трофикасының  таңдап азаюына себепкер болады. Жұлынның тиісті сегментіндегі қосымша тітіркену антиноцицептивті жүйенің қосымша белсенділенуін туғызады, бұл  ми қыртысына ауыру импульстерінің өтуіне кедергі болады және ауыруға төзімділігін арттырады. 

Қолданылуы

- невралгияда

- омыртқаның бел-сегізкөз бөлігі остеохондрозында

- ревматоидты артритте

- буын мен бұлшықеттің ауыруында 

- спорттық  медицинадағы тірек-қимыл аппаратының шағын жарақаттарында 

- спортшыларға арналған қыздыратын жақпамай ретінде

Қолдану тәсілі мен дозалары 

Ауыруды жеңілдету үшін: ауырған жерге аппликатордың көмегімен ауырудың қарқынына қарай күніне 2-3 рет 1-3 г жақпамайды жағады және жылу тиімділігін арттыру үшін таңғышты төсейді. Емдеу курсына шамамен 1-2 сықпа (50-100 г) жақпамай шығындалады.

Емдеу курсының ұзақтығы аурудың сипаты мен ауырлығына байланысты, алайда препаратты дәрігердің кеңесінсіз 10 күннен артық қолдануға болмайды. 

Спортшылар үшін қыздырғыш дәрі ретінде: аппликатордың көмегімен бұлшықет аймағындағы теріге 2-3 г жақпамайды жағады және тері жеңіл қызарғанға дейін массаждау қимылымен ысқылайды. Жаттығудан кейін жақпамайды теріден салқын сумен шайып тастайды (жылы су зиянсыз болуы мүмкін, бірақ жағымсыз ашыту сезімін туғызуы мүмкін). 

Әрбір емшарадан кейін қолды салқын сумен сабындап жуу керек.

Аурудың симптомдары сақталған кезде дәрігермен кеңесіңіз.

Жағымсыз әсерлері

Жағымсыз әсерлері жүйелер мен органдар тобына, сондай-ақ MedDRA кездесу жиілігіне сәйкес жіктелген: өте жиі (≥1/10), жиі (≥1/100 - <1/10 дейін), сирек(≥1/1000 - <1/100 дейін), сирек (≥1/10 000 - <1/1000 дейін), өте сирек (<1/10 000), белгісіз (қолда бар деректер бойынша анықтауға болмайды).

Иммундық жүйе тарапынан 

Жиілігі белгісіз: жоғары сезімталдық реакциялары.

Тері және тері асты тіндері тарапынан

Сирек: қышыну.

Жиілігі белгісіз: есекжем, ісіну, қызару.

Жүйке жүйесі тарапынан 

Жиілігі белгісіз: күйдіру сезімі.

Жақпамай компоненттеріне терінің жоғары сезімталдығында қышыну, ісіну немесе есекжем туындауы мүмкін. Аталған симптомдар жақпамай қолдануды тоқтатқаннан кейін 8-12 сағаттан соң жойылады.

Жағымсыз әсерлерден аулақ болу үшін жақпамайдың аздаған мөлшерін теріге препаратқа сезімталдығын анықтау үшін алдын ала жағу ұсынылады.    

Жағымсыз әсерлер пайда болғанда дәрігермен кеңесу керек.

Қолдануға болмайтын жағдайлар

- терінің диметилсульфоксидке, рацемиялық камфораға, сағыз скипидарына, бензилникотинатқа, нонивамидке немесе препараттың қандай да бір қосымша заттарына жоғары сезімталдығы

- тері жабындарының зақымдануы бар аурулар

Егер Сізде жоғарыда аталған жай-күйлердің бірі болса, препаратты қолдануға дейін бұл туралы дәрігерді хабардар етіңіз.

Дәрілермен өзара әрекеттесуі 

Анықталмаған

Айрықша нұсқаулар

Тек сыртқа қолданады.

Жақпамайды зақымданған теріге жағуға болмайды. Қатты зақымданудан аулақ болу үшін жақпамайдың шырышты қабықтарға тимеуін қадағалаңыз.

Препаратты қолданардан біраз бұрын және одан кейін жылу ем шараларын жүргізу ұсынылмайды (ванна қабылдау, моншаға бару), өйткені бұл терідегі ұсақ тесіктердің ашылып, соның салдарынан теріні күйдіру сезімін туындатуы мүмкін. 

Жақпамай құрамында қосымша заттар ретінде цетостеарилді спирт эмульгацияланатын (А типі) және бронопол бар, олар жергілікті тері реакцияларын туғызуы мүмкін (оның ішінде, жанаспалы дерматит).

Педиатрияда қолданылуы 

Препараттың аталған санаттағы емделушілерге қолданылуы жөнінде жеткілікті деректер болмағандықтан балалар мен жасөспірімдерге қолдану ұсынылмайды. 

Жүктілік пен лактация кезеңі

Қауіпсіздігі жөніндегі тиісті деректер жоқ болуына байланысты жүктілік пен бала емізу кезінде препаратты қолдануға болмайды. 

Егер Сіз жүкті болсаңыз немесе бала емізіп жүрсеңіз, онда бұл туралы дәрігерді хабардар етіңіз.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері 

Әсер етпейді.

Артық дозалануы

Симптомдары: теріге жақпамайдың тым көп мөлшерін жаққан кезде терінің қызаруы, өтпелі жеңіл қышыма немесе күйдіруді сезіну пайда болуы мүмкін.

Емі: жақпамайды теріден салқын сумен шайып тастау керек.

Жақпамайды кездейсоқ жұтып қойған жағдайда дәрігерге көрініңіз. Препараттың қаптамасын өзіңізбен бірге ала жүріңіз.

Симптомдары: құсу және диарея. Жақпамайды көп мөлшерде кездейсоқ жұтып қойған жағдайда жедел улану симптомдары пайда болуы мүмкін: жүрек айну,құсу, іш ауыруы және бас ауыруы, бас айналу, жылуды/ыстықты сезіну, құрысулар, респираторлық депрессия және  кома.

Емі: симптоматикалық. Ауыр улануда құстыруға болмайды. 

Шығарылу түрі мен қаптамасы 

Мойнында қорғаныш алюминий жарғақшасы және  пластмассадан жасалған бұрандалы бушонда жарғақша тесетін конус тәріздес құралы бар,  ішкі беткейі лакпен жабылған алюминий сықпада 30 г немесе 50 г. Сықпа медицинада қолданылуы жөніндегі мемлекеттік және орыс тілдеріндегі нұсқаулықпен және аппликатормен бірге қораптық картон қорапшаға салынады. 

Сақтау шарттары

25°С-ден аспайтын температурада сақтау керек.

Мұздатып қатыруға болмайды!

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші 

«Гриндекс» АҚ. Крустпилс к-сі, 53, Рига, LV-1057, Латвия