Анаферон

Дәрілік препаратты медициналық қолдану 

жөніндегі нұсқаулық (Қосымша парақ)

Саудалық атауы

Анаферон

Халықаралық патенттелмеген атауы 

Жоқ 

Дәрілік түрі, дозасы 

Соруға арналған таблеткалар 

Фармакотерапиялық тобы 

Басқа да препараттар. Барлық басқа емдік препараттар. Басқа дәрілік препараттар.

АТХ коды: V03AХ.

Препарат гомеопатиялық болып табылады.

Қолданылуы 

­    жедел респираторлық вирустық инфекциялардың (оның ішінде тұмаудың) профилактикасы және емдеуде

­   герпес-вирустары туғызған инфекцияларды (инфекциялық мононуклеоз, желшешек, лабиальді герпес, генитальді герпес) кешенді емдеуде

­   қайталанған созылмалы герпесвирусты инфекцияларда, оның ішінде лабиальді және генитальді герпесті кешенді емдеуде және профилактикасында

­   кене энцефалиті вирусы, энтеровирус, ротавирус, коронавирус, калицивирус туындатқан басқа жедел және созылмалы вирустық инфекцияларды кешенді емдеуде және профилактикасында

­   бактериялық инфекцияларды кешенді емдеудің құрамында қолдану

­   этиологиясы әртүрлі екіншілік иммунтапшылық жағдайын кешенді емдеуде, оның ішінде вирустық және бактериялық инфекциялар асқынуының профилактикасында және емдеуде

Қолдануды бастағанға дейін қажетті мәліметтер тізбесі

Қолдануға болмайтын жағдайлар 

-       препарат компоненттеріне жекелей жоғары сезімталдық 

-       18 жасқа дейінгі балалар және жасөспірімдер

Қолдануға қатысты сақтық шаралары

Қатысы жоқ.

Басқа дәрілік препараттармен өзара әрекеттесуі 

Осы уақытқа дейін басқа дәрілік заттармен үйлесімсіздік жағдайлары анықталмаған. 

Қажет болғанда препаратты вирустарға қарсы, бактерияларға қарсы және симптоматикалық басқа дәрілермен бірге қолдануға болады.

Арнайы ескертулер

Айрықша нұсқаулар

Препараттың құрамына лактоза моногидраты бар, осыған байланысты оны туа біткен галактоземиясы, глюкоза мальабсорбция синдромы, не болмаса туа біткен лактаза жеткіліксіздігі бар пациенттерге тағайындау ұсынылмайды.

Педиатрияда қолдану

Анаферон препараты балаларда қолдануға арналмаған. Балалар мен 18 жасқа толмаған адамдарға балаларға арналған Анаферон препаратын қолдану көрсетілімде.

Жүктілік немесе лактация кезеңі

Анаферонды жүкті әйелдерге және лактация кезеңінде қолданудың қауіпсіздігі зерттелмеген. Препаратты қабылдау қажет болғанда қауіп/пайда арақатынасын ескерген жөн. 

Препараттың көлік жүргізу немесе қозғалыстағы басқа да  механизмдермен қызмет көрсету қабілетіне ықпал ету ерекшеліктері

Анаферон препаратының көлік жүргізу немесе қозғалыстағы басқа да  механизмдермен қызмет көрсету қабілетіне теріс ықпалы  байқалмады.

Қолдану жөніндегі нұсқаулар

Дозалау режимі 

Ішке, бірақ тамақ ішу кезінде емес. Таблетканы толық ерігенше ауызда ұстау керек.

ЖРВЖ, тұмау, ішек инфекциялары, герпесвирусты инфекциялар, нейроинфекциялар.  

Емдеудің 1-ші күні 8 таблетканы мынадай сызба бойынша қабылдайды: бірінші 2 сағатта әрбір 30 минут сайын 1 таблеткадан (2 сағат ішінде барлығы 5 таблеткадан), содан кейін осы күн ішінде тең уақыт аралығында тағы да 1 таблеткадан 3 рет қабылдайды. 2-ші күні және одан әрі толық сауыққанға дейін күніне 3 рет 1 таблеткадан қабылдайды.

Препаратпен емдеудің үшінші күні жедел респираторлық вирустық инфекциялар мен тұмау жақсармаған жағдайда дәрігерге қаралу керек. 

Эпидемиялық маусымда профилактикалық мақсатта препаратты күнделікті 1-3 ай ішінде күніне 1 рет қабылдайды.

Генитальді герпесте. Генитальді герпес жедел пайда болған кезде препараттың уақыт аралықтарын тең етіп мынадай сызба бойынша  қабылдайды: 1-3 күні –1 таблеткадан күніне 8 рет, одан әрі 1 таблеткадан күніне 4 рет - 3 аптадан кем емес. 

Созылмалы герпесвирусты инфекция қайталануларының профилактикасы үшін – күніне 1 таблеткадан. Профилактикалық курсының ұсынылатын ұзақтығы әр адамға жекелей анықталады және 6 айға дейін болуы мүмкін.

Препаратты иммунтапшылық жағдайын емдеу мен профилактика үшін қабылдағанда, бактериялық инфекцияларды кешенді емдеуде – күніне 1 таблеткадан қабылдау керек. 

Қажет болған кезде препаратты басқа да вирустарға қарсы және симптоматикалық дәрілермен бірге қолдануға болады.

Артық дозаланған жағдайда қолдану қажет шаралар

Артық дозаланған кезде препараттың құрамына кіретін қосымша заттарға байланысты диспепсиялық құбылыстар (жүрек айнуы, құсу, диарея) болуы мүмкін. Емдеу препаратты қабылдауды тоқтату және симптоматикалық ем тағайындау болып табылады, мысалы, пероральді регидратация (сұйықтықты молынан ішу).

Дәрілік препараттың бір немесе бірнеше дозасын өткізу кезінде қажетті шаралар

Препараттың дозасын қабылдауды өткізіп алған жағдайда өткізіп алған дозаны мүмкіндігінше ертерек қабылдау және басталған сызба бойынша препаратты қабылдау курсын жалғастыру қажет. Ұмытылған дозаның орнына дозаны екі еселеуге болмайды.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну керек.

Препаратты қолданардың алдында дәрігерден кеңес алу керек. 

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Пайда болу жиілігі бойынша жағымсыз реакцияларды жіктеу үшін мынадай шарттар қолданылды: өте жиі (≥1/10), жиі (≥1/100, <1/10), кейде (≥1/1000, <1/100), сирек (≥1/10000, <1/1000, өте сирек (<1/10000), белгісіз (қолда бар деректер бойынша жиілікті анықтау мүмкін емес).

Клиникалық зерттеулер, тіркеуден кейінгі зерттеулерге байланысты емес және кенеттен хабарламалар мониторингі шеңберінде препаратты қабылдаумен белгілі бір байланысы бар жағымсыз реакциялардың даму жағдайлары тіркелмеген.

Препарат компоненттеріне жекелей жоғары сезімталдықтың байқалуы мүмкін.

Жағымсыз реакциялардың пайда болу жиілігін постмаркетингтік бақылау негізінде анықтау мүмкін емес.

Егер препаратты қабылдау кезінде жағымсыз реакциялар пайда болса, қабылдауды тоқтату және дәрігерге жүгіну қажет.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз.

Қазақстан Республикасы Денсаулық сақтау министрлігі «Тауарлар мен көрсетілетін қызметтердің сапасы мен қауіпсіздігін бақылау комитеті» «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы 

Бір таблетканың құрамында

белсенді зат: Адамның гамма интерферонына аффинді тазартылған антиденелер - 0,003 г*,

қосымша заттар: лактоза моногидраты, микрокристалды целлюлоза, магний стеараты.

* лактоза моногидратына құрамы 10-15 нг/г аспайтын әсер етуші заттың белсенді түрі су-спиртті қоспа түрінде жағылады.  

Сыртқы түрінің, иісінің, дәмінің сипаттамасы 

Жалпақ цилиндр пішінді, сызығы мен ойығы бар, ақтан ақ дерлік түске дейінгі таблеткалар. Сызығы бар тегіс жағында MATERIA MEDICA жазуы, екінші тегіс жағында ANAFERON жазуы салынған. 

Шығарылу түрі және қаптамасы

20 таблеткадан поливинилхлорид үлбірден және алюминий фольгадан жасалған пішінді ұяшықты қаптамада. 

1 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.  

Сақтау мерзімі

3 жыл.

Жарамдылық мерзімі өткеннен кейін қолдануға болмайды. 

Сақтау шарттары 

Құрғақ, жарықтан қорғалған жерде, 25 °С-ден аспайтын температурада сақтау керек. 

Балалардың қолы жетпейтін жерде сақтау керек.

Дәріханалардан босатылу шарттары 

Рецептісіз.

Өндіруші туралы мәлімет

«МАТЕРИА МЕДИКА ХОЛДИНГ» ҒӨФ» ЖШҚ;

Ресей, 127473, Мәскеу қ., 3-ші Самотечный қысқа к-сі, 9 үй. 

Тел./факс: +7 (495) 684-43-33.

Тіркеу куәлігінің ұстаушысы

«МАТЕРИА МЕДИКА ХОЛДИНГ» ҒӨФ» ЖШҚ, Ресей.

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«МАТЕРИА МЕДИКА ХОЛДИНГ» ҒӨФ» ЖШҚ ҚР өкілдігі 

Алматы қ., Сейфуллин к-сі 498. 

Тел./факс: 2734713.

E-mail: kz@dep.materiamedica.ru