Бефрон

БЕФРОН

Саудалық атауы

БЕФРОН 

Халықаралық  патенттелмеген  атауы

Ибупрофен   

Дәрілік түрі

100 мг/5 мл суспензия 

Құрамы

5 мл суспензия құрамында

белсенді зат –100 мг ибупрофен, 

қосымша заттар: лимон қышқылының моногидраты, натрий цитраты дигидраты, натрийбензоаты, калий ацесульфамы, сорбитол 70 %,  ксантан шайыры, полисорбат 80 (Твин 80), сусыз коллоидты кремнийдің қостотығы (Аэросил 200), рафинирленген  қант (сахароза), жүзім хош иістендіргіші, тазартылған су.

Сипаттамасы

Өзіне тән иісі бар ақтан ашық-сұр түске дейінгі гомогенді суспензия.  

Фармакотерапиялық тобы

Қабынуға қарсы стероидты емес препараттар. Пропион қышқылының туындысы.

АТЖ  коды  M01AE01

Фармакологиялық қасиеттері 

Фармакокинетикасы

Асқазан-ішек жолдарына тез сіңеді. Плазмадағы ең жоғары концентрациясы 1-2 сағаттан соң анықталады. Қан плазмасының ақуыздарымен байланысы – 90%. Жартылай шығарылу кезеңі 2 сағатқа жуық. Бауырда метаболизмге ұшырайды. Бүйректермен (өзгермеген түрде 1%-дан аспайтын мөлшері) және аздаған дәрежеде өтпен шығарылады.

Фармакодинамикасы 

БЕФРОН – қабынуға қарсы стероидты емес препарат. Ауыруды басатын қызу басатын және қабынуға қарсы әсер етеді. Ибупрофеннің әрекет ету механизмі циклооксигеназаның ферментін тежеу есебінен қабыну простагландиндерінің синтезін тежеуге негізделген.

Балаларға арналған Бефронның® әсері 8 сағатқа дейін жалғасуы мүмкін. 

Қолданылуы 

БЕФРОН мына жағдайларда қызу басатын және ауыруды басатын дәрі ретінде туылғанына 3 айдан 12 жасқа дейінгі балаларға қолданылады:

-        жедел респираторлық  вирусты жұқпаларда 

-        тұмауда 

-        егуден кейінгі реакцияларда

-        дене температурасының жоғарылауымен бірге жүретін жұқпалы-қабыну ауруларында  

-        бас және тіс ауруларында 

-        бас сақинасында 

-        невралгияда

-        құлақ және тамақ ауруларында 

-        созылу кезіндегі ауруда және аурудың басқа түрлерінде 

Қолдану тәсілі және дозалары

Препарат ішке қабылданады.  

Құтының ішіндегісін қолданар алдында жақсылап шайқау керек. Препаратты сұйықтықтың көп мөлшерімен тамақтан кейін қабылдайды. Қаптаманың ішіне салынған (сыйымдылығы 2,5 және 5 мл) өлшегіш қасық препаратты дұрыс және ұтымды дозалауға мүмкіндік береді. Доза баланың жасы мен денесінің массасына қарай белгіленеді. 

Дене температурасының жоғарылауымен және ауырумен бірге жүретін ауруларда

Балаларға дозалау баланың жасы мен денесінің массасына байланысты. Бір реттік доза тәулігіне 3-4 рет бала денесінің массасына 5-10 мг/кг құрайды.  Ең жоғары тәуліктік доза - бала денесінің массасына 25-30 мг/кг. 

Мына жастағы балаларға:

3-6 айлық: 24 сағат ішінде 3 рет 2,5 мл-ден, тәулігіне 150 мг-нан аспайтын;

6-12 айлық: 24 сағат ішінде 3-4 рет 2,5 мл-ден, тәулігіне 200 мг-нан аспайтын;

1-3 жастағы: 24 сағат ішінде 3 рет 5,0 мл-ден, тәулігіне 300 мг-нан аспайтын;

4-6 жастағы: 24 сағат ішінде 3 рет 7,5 мл-ден, тәулігіне 450 мг-нан аспайтын;

7-9 жастағы: 24 сағат ішінде 3 рет 10 мл-ден, тәулігіне 600 мг-нан аспайтын;

10-12 жастағы: 24 сағат ішінде 3 рет 15 мл-ден, тәулігіне 900 мг-нан аспайтын. 

Көрсетілген дозадан асырмаңыз!  

Егуден кейін дене температурасының жоғарылауы

1 жасқа дейінгі балаларға 2,5 мл-ден бір өлшегіш қасық, 1 жастан кейін, қажет болған кезде, тағы 6 сағаттан соң тағы 2,5 мл-ден бір өлшегіш қасық. 

24 сағат ішінде 5 мл-ден артық қолдануға болмайды!

Емдеу ұзақтығы:

-        қызу басатын дәрі ретінде 3 күннен аспауы керек;

-        ауыруды басатын дәрі ретінде күннен аспауы керек.

Жағымсыз әсерлері  

Әдетте препарат жақсы көтерілімді.

Жиі емес 

- аллергиялық реакциялар: есекжем, тері қышымасы, әртүрлі тері бөртпелері 

- асқазанда жайсыздық сезімі, іш ауруы, жүрек айну, диспепсия

Сирек 

- құсу, іш кебуі, іш өту, іш қату 

- бас ауруы, бас айналу, қозу, ұйқысыздық, ұйқышылдық, депрессия, сананың шатасуы, елестеу, құлақтағы шу  

Өте сирек 

- жоғары сезімталдықтың ауыр реакциялары: беттің, тілдің және көмекейдің ісінуі, ентікпе, тахикардия, артериялық қысымның төмендеуі (анафилаксия, Квинке ісінуі немесе ауыр шок)

- бронх демікпесінің және бронхтың түйілуінің асқынуы 

- пептикалық ойық жара, ойық жараның тесілуі немесе асқазан-ішектен қан ағу, мелена, қан құсу (кейде өліммен аяқталуы, әсіресе егде емделушілерде) ойық жаралы стоматит, гастрит, ойық жаралы колиттің асқынуы және Крон ауруы 

- жедел бүйрек жетіспеушілігі, сарысуда мочевинаның көбеюімен және ісінумен байланысқан папиллонекроз (әсіресе ұзақ қабылдау кезінде)  

- қан түзілуінің бұзылуы (анемия, лейкопения, тромбоцитопения, 

  панцитопения, агранулоцитоз). Алғашқы симптомдары болып табылатындар: қызба, тамақ ауруы, ауыз қуысының үстіңгі беттегі ойық жаралары, тұмауға ұқсас симптомдар, айқын әлсіздік, себебі белгісіз қан кету және қанталаудың пайда болуы 

- бауыр қызметінің бұзылуы 

- тері реакцияларының ауыр түрлерінің дамуы мүмкін, мынадай буллезді реакциялар, көп пішінді қызаруды, эпидермалық уытты некролизді, Стивенс-Джонсон синдромын қоса

Бірлі-жарым жағдайлар 

- бұрын аутоиммунды бұзылулары болған (жүйелі қызыл жегі, дәнекер тіннің аралас аурулары) емделушілерде ибупрофенмен емдеу кезінде желкелік бұлшық еттің сіреспелігі, бас ауруы, жүрек айнуы, құсу, қызба немесе бағдардың бұзылуы секілді асептикалық менингит симптомдары байқалады 

- буллезді дерматоз

- асқазанның ойық жарасы немесе асқазаннан қан кету 

ҚҚСП емдеуге байланысты ісінулердің, артериялық гипертензияның және жүрек жетіспеушілігінің дамуы туралы хабарланған. 

Жағымсыз әсерлердің пайда болуы кезінде препаратты қолдануды тоқтату керек. 

Қолдануға болмайтын жағдайлар

-        ибупрофенге, ацетилсалицил қышқылына немесе басқа қабынуға қарсы стероидты емес препараттарға (ҚҚСП), сондай-ақ препараттың басқа компоненттеріне жоғары сезімталдық

-        ацетилсалицил қышқылын (салицилаттармен) немесе басқа қабынуға қарсы стероидты емес препараттарды (ҚҚСП) қабылдау түрткі болған бронх демікпесі, есекжем, ринит

-        асқазан-ішек жолының ойық жаралық зақымдануы (асқазанның және он екі елі ішектің ойық жаралық ауруы, ойық жаралық колит) 

-        асқазан-ішектен қан кету

-        қан ауруы: гипокоагуляция, лейкопения, гемофилия, геморрагиялық васкулит 

-        бүйрек және/немесе бауыр жетіспеушілігі 

-        естудің нашарлауы 

-        3 айға дейінгі балалар 

-        жүктілік және лактация кезеңі 

Дәрілермен өзара әрекеттесуі  

БЕФРОНДЫ  антикоагулянттармен бір мезгілде қолдану олардың әсерінің күшеюіне әкелуі мүмкін.  

БЕФРОН дигоксинмен, фенитоинмен, метотрексатпен, литиймен бір мезгілде қолданған кезде, қан плазмасында бұл препараттардың концентрациясын жоғарылатады. БЕФРОНДЫ диуретиктермен және антигипертензиялық дәрілермен бірге қолдану олардың тиімділігін төмендетеді.  

Минералокортикостероидтар мен глюкокортикостероидтардың жағымсыз әсерлерін күшейтеді.  

Айрықша нұсқаулар

Егер баланың жасы 3 айдан 6 айға дейін болса, БЕФРОНДЫ балаға берерден бұрын болжанатын пайда мен болуы мүмкін қауіпті алдын ала бағалау керек. 

Емдеу кезінде шеткергі қан көрінісін және бауыр мен бүйректің қызметтік жағдайын бақылау керек. Ас қорыту жүйесі тарапынан бұзылулардың пайда болу мүмкіндігін ескеріп, БЕФРОНДЫ ульцерогенді әсер ететін заттармен немесе дәрілік құралдармен (соның ішінде ацетилсалицил қышқылымен, кортикостероидтармен) бір мезгілде қабылдаудан бас тарту қажет.

Артық дозалануы

Симптомдары: іш ауруы, жүрек айну, құсу, бас ауруы, құлақ шуылы, метаболикалық ацидоз, кома, жедел бүйрек жетіспеушілігі, артериялық қысымның төмендеуі, брадикардия, тахикардия.

Емі: асқазанды шаю (тек қабылдағаннан кейін бір сағат ішінде ғана), белсенділендірілген көмір, сілтілі ішу, қарқынды диурез, симптоматикалық ем.  

Шығарылу түрі және қаптамасы  

100 мл препарат алғашқы ашылуы бақыланатын, бұралатын қақпағымен күңгірт шыны құтыға салынған.   

Құтыға өздігінен жапсырылатын заттаңба жапсырылған. 

1 құты өлшегіш қасығымен және медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Құрғақ, жарықтан қорғалған жерде, 25 °С-ден аспайтын температурада сақтау керек. 

Балалардың қолы жетпейтін жерде сақтау керек!

Сақтау мерзімі

2 жыл 

Сақтау мерзімі өткеннен кейін қолдануға болмайды. 

Құтыны алғаш ашқаннан кейінгі сақталу мерзімі

1 ай

Дәріханадан босатылу шарттары

Рецептісіз

Өндіруші

«Нобел Алматы Фармацевтикалық Фабрикасы» АҚ

Қазақстан Республикасы,          

Алматы қ-сы, Шевченко к-сі 162 Е.  

Тіркеу куәлігінің иесі 

«Нобел Алматы Фармацевтикалық Фабрикасы» АҚ

Қазақстан Республикасы,