Бисептрим

Қазақстан Республикасы 

Денсаулық сақтау министрлігі 

Фармация комитеті Төрағасының  

2008  жылғы “_04_” _02__

№ _19__ бұйрығымен    

БЕКІТІЛГЕН

Дәрілік затты қолдану жөнінде

мамандарға арналған

НҰСҚАУЛЫҚ

Бисептрим

Саудалық атауы   

Бисептрим

Халықаралық патенттелмеген атауы   

Ко-тримоксазол 

Дәрінің түрі  

480 мг- дық таблеткалар

Құрамы  

Бір таблетканың құрамында 

Белсенді заттар :     сульфаметоксазол  400,0 мг,

                                    триметоприм  80,0 мг,

қоымша заттар: крахмал, натрий крахмал гликоляты, аэросил, кальций стеараты.   

Сипаттамасы

Жалпақ цилиндр пішінді, түсі ақ немесе ақ сарғыш реңді, сызығы бар таблеткалар. Таблетканың бір жағында крест тәрізді фирмалық логотипі бар.

Фармакотерапевтикалық тобы

Жүйелі пайдалануға арналған микробқа қарсы препараттар.

Сульфаниламидтер триметоприммен және оның туындыларымен  біріктірілген

АТЖ коды  J01EE01 

Фармакологиялық  қасиеттері

Фармакокинетикасы

Препарат ішкенде тез сіңеді; қандағы ең жоғары концентрациясына ішкеннен кейін 1-3 сағат өткен соң жетеді және 7 сағат бойы сақталады. Жоғары концентрациялары өкпе мен бүйректерде пайда болады. Несеппен едәуір дәрежеде бөлінеді (24 сағатта триметопримнің  40-50%-ы және сульфаметоксазолдың 60%-ы, негізінен ацетилирленген нысанда). Сульфаметоксазолмен триметоприм бауырда метаболизденеді. Сульфаметоксазолдың жартылай ыдырау кезеңі 9-11 сағат, ал триметопримдікі 10 -11 сағатты (балаларда 5-8 сағат) құрайды.

Фармакодинамикасы

Микробқа қарсы  кең ауқымда әсер ететін бактерицидтік дәрі. Біріктірілген препарат, оның құрамында триметопримнің және сульфаметоксазолдың қоспасы ко–тримоксазол бар (1:5). Препараттың әсері бактериялар метаболизмін қосарлап бөгейтін әсеріне байланысты. Сульфаметоксазол бактериалдық клеткаларда дигидрофолий қышқылының синтезін басады, ал триметоприм дигидрофолий қышқылының тетрагидрофолий қышқылына айналуына кедергі жасайды. Препараттың жоғары концентрациялары өкпе, бүйрек, қуық түбі безі тіндерінде, жұлын сұйықтығында, өтте, сүйектерде туындайды. 

Қолданылуы

-       уретрит, цистит, пиелит, пиелонефрит, простатит, соз

тыныс жолдарының  жұқпалары

-       бронхит (жедел және созылмалы), бронхоэктаз ауруы, крупозды пневмония, бронхопневмониялар

-       ортаңғы отит, синусит және ринит

-       менингит,  ми абсцессі

-       сепсис

-       іш сүзегі, паратиф, сальмонелла тасымалдаушылық, тырысқақ, дизентерия

-       пиодермия, іріңдік және жара инфекциясы, остеомиелит (жедел және созылмалы), сарып (жедел)

-       балалардағы жұмсақ тіндер мен қаңқа жұқпалары

Қолдану тәсілдері және  дозасы

Препарат ішке таңертең немесе кешке, тамақтанудан кейін, сұйықтықтың жеткілікті мөлшерімен ішіледі.

Балаларға

-       6 -дан 12 жасқа дейінгі  балалар үшін –– 1 таблеткадан (480мг) тәулігіне 2 рет

Ересектер мен 12 жастан үлкен балалар үшін бір реттік доза – 2 таблеткадан ( 960 мг)  тәулігіне 2 рет

Емдеу курсы 5 күннен 10 күнге дейін созылады, ал созылмалы жұқпаларда ол анағұрлым ұзағырақ және аурудың  жағдайына байланысты. 

Жанама әсерлері

-       жүрек айнуы, құсу,  іш өту, жалғанжарғақшалы колит

-       бас ауыруы, бас айналуы 

-       анемия,  тромбоцитопения,  лейкопения,  эозинофилия, гипопротромбинемия

-       қышыма, тері бөртпесі, полиморфты эритема,  кейбір жағдайлардаСтивенс- Джонсон синдромы, Лайелл синдромы 

-       асептикалық менингит, қыймыл үйлесімінің бұзылуы, депрессия, ұйқысыздық, тырысулар, галлюцинация

-       артралгия, миалгия

-       тұншығу, жөтел, өкпе инфильтраты

-       гипокалиемия, гипонатриемия

Қолдануға болмайтын жағдайлар

-       препараттың компоненттеріне жоғары сезімталдық

-       бүйрек пен бауыр ауруларының ауыр түрлері

-       жүктілік  және лактация кезеңі

-       мегеалобластомалық анемия (фолий қышқылының жетіспеушілік салдарынан)

-       6 жасқа дейінгі балаларға.

Дәрілермен әрекеттесуі

Егде жастағы науқастар диуретиктерді (жиірек тиазидтерді) бір мезгілде қабылдағанда тромбоцитопенияның өршу қаупі арта түседі. Бисептрим мен қант төмендететін препараттарды, тікелей әсер етпейтін антикоагулянттарды, салицилаттарды, фенилбутазонды, напроксенді, фенитоинді, пара-аминобензой қышқылын бір мезгілде қабылдау ұсынылмайды.

Айрықша нұсқаулар

Нәрестелік  жастағы балаларға сақтықпен қолдану керек. Бүйрек функциясы бұзылған науқастарға мөлшерді азайтып, дәрінің қандағы концентрациясын бақылау керек. Емдеу курсы кезеңінде ағзаға сұйықтықтың жеткілікті мөлшерін қабылдау керек. Аллергиялық сыртартқысы бар науқастарға, бронхтық демікпемен, бауыр мен қалқанша без функциясының бұзылулары мен  фолий қышқылының ықтимал тапшылығы бар емделушілерге сақтықпен тағайындалады. Бұл жағдайларда препарат мөлшерін азайту, немесе қабылдау арасындағы аралықтарды ұзарту қажет.

Дәрілік   заттардың   көлік  құралдарын   жүргізуге   және  қауіпті  механизмдерді басқару қабілетіне әсер ету ерекшеліктері 

Препараттың жағымсыз әсерлерін еске ала отырып, автокөлікті немесе қауіпті деп саналатын механизмдермен жұмыс атқарғанда сақтық таныту керек.

Артық мөлшерлеу 

Симптомдары: анорексия, жүрек айнуы, құсу, әлсіздік, іштің ауырсынғыштық, бас ауыруы, ұйқышылдық, гематурия мен кристаллурия. 

Емдеу: асқазанды шаю, электролиттік бұзылуларды түзету. Қажет болған жағдайда – гемодиализ. Созылмалы түрде артық дозаланғанда жілік майы қызметінің төмендеуі (панцитопения).  

Шығарылу түрі және қапталуы

480 мг таблеткалар пішінді ұялы орамда 10 данадан, картон қорапта 2 блистерден қолдану нұсқаулығымен бірге.

Сақтау шарттары

Құрғақ, жарықтан қорғалған жерде, +20С +300С-дан аспайтын температурада сақталады.

Балалардың қолы жетпейтін жерде сақтау керек!

Жарамдылық мерзімі 

5 жыл

Препаратты жарамдылық мерзімі өткеннен кейін қолданбау қажет.

Дәріханалардан босату шарттары

Дәрігердің рецептісімен 

Өндіруші:

“Химфарм” АҚ, Шымкент қаласы, ҚАЗАҚСТАН РЕСПУБЛИКАСЫ, Рашидов көшесі, нөмірсіз, т/ф: 560882