Ибуфен мини Юниор

Дәрілік затты медициналық

қолдану жөніндегі нұсқаулық

Ибуфен мини Юниор

Саудалық атауы

Ибуфен мини Юниор

Халықаралық патенттелмеген атауы  

Ибупрофен 

Дәрілік түрі

100 мг жұмсақ капсулалар

Құрамы 

Бір капсуланың ішінде

белсенді зат - 100 мг ибупрофен

қосымша заттар: макрогол 600, калий гидроксиді, тазартылған су

капсула қабығы: желатин, сұйық сорбитол (кристалданбайтын), сұйық мальтитол, тазартылған су

Сипаттамасы 

Тігісі бар ашық сары түсті жұмсақ капсулалар; капсуланың ішінде - тұтқыр сұйықтық.

Фармакотерапиялық тобы 

Қабынуға қарсы және ревматизмге қарсы препараттар. Қабынуға қарсы стероидты емес препараттар. Пропионқышқылының туындылары. Ибупрофен

ATХ коды  М01АЕ01    

Фармакологиялық қасиеттері 

Фармакокинетикасы

Ибупрофен сарысудағы ең жоғары концентрациясына аш қарынға қабылдаудан кейін 1-2 сағаттан соң жетеді.

Ас ішу ибупрофен сіңуін азайтады, бірақ оның биологиялық жетімділігін азайтпайды; (tmax) аш қарынға қабылдаудан кейінгісінен 30-60 минут ұзарады және 1,5-3 сағат құрайды. Ибупрофен плазма ақуыздарымен 99% байланысады. Препаратты байланыстыратын негізгі ақуыздар альбуминдер болып табылады. Ибупрофен және оның метаболиттері организмнен бүйрекпен жылдам және толық шығарылады. Препараттың жартылай шығарылу кезеңі шамамен 2 сағат құрайды.

Фармакодинамикасы

Ибупрофен қабыну кезінде простагландиндер синтезін тежейтін қабынуға қарсы стероидты емес дәрілікпрепарат (ҚҚСП) болып табылады. Ибупрофен қабыну күйімен, ісінумен және қызбамен байланысты ауыруды төмендетеді. Бұдан бөлек, ибупрофен АДФ және коллаген индукциялаған тромбоциттер агрегациясын қайтымды тәсілмен тежейді.

Зерттеулер, егер осы препараттар бір мезгілде қолданылса, ибупрофеннің тромбоциттер агрегациясын тежеуге негізделген ацетилсалицил қышқылының төмен дозалар әсерін бәсеңдетуі мүмкін екенін көрсетеді. Кейбір фармакодинамикалық зерттеулер дереу босап шығатын ацетилсалицил қышқылын (81 мг) енгізуге дейін 8 сағат ішінде немесе одан кейін 30 минут ішінде ибупрофеннің бір реттік дозасын (400 мг) енгізуден кейін ацетилсалицил қышқылының тромбоксан түзілуіне немесе тромбоциттер агрегациясына әсерінің азаюын көрсетеді. Осы деректердің клиникалық жағдайды экстраполяциялауына сенімділік болмауына қарамастан,  ибупрофенді жүйелі, ұзақ уақыт қолданудың ацетилсалицил қышқылының төмен дозаларының кардиопротекторлы әсерін шектеуі мүмкін екенін жоққа шығаруға болмайды. Ибупрофенді  спорадиялық қолданудың клиникалық мәні елеулі емес.

Қолданылуы

Әртүрлі шығу тегіндегі қызбалы жай-күйлер (сонымен бірге вирустық инфекцияларда, вакцинадан кейінгі реакцияда).

Этиологиясы әртүрлі және қарқындылығы жеңілден орташаға дейінгі ауырулар:

-        суық тию және тұмау симптомдары кезіндегі ауыру синдромы

-        бас ауыру (бас сақинасы да)

-        бұлшықет және ревматизм ауырулары   

-        тіс ауыру

-        невралгия

-        ортаңғы отит кезінде құлақтың ауыруы

-        арқаның ауыруы

Қолдану тәсілі және дозалары 

Дәрілік препарат дене салмағы 16-дан 39 кг дейінгі 4-тен 12 жасқа дейінгі балаларда қолдануға арналған.

Балаларға арналған ибупрофеннің ең жоғары тәуліктік дозасы 3-4 қабылдауға дене салмағына 20-30 мг/кг құрайды.

4-тен 5 жасқа дейінгі балалар (19 кг дейін 16 кг): Бастапқы доза - 1 капсула. Артынан, қажет болса, 1 капсуладан6 сағат сайын. 

Ең жоғары тәуліктік доза 4 капсула (400 мг ибупрофен) құрайды.

6-дан 9 жасқа дейінгі балалар (29 кг дейін 20 кг): бастапқы доза – 1-2 капсула. Артынан, қажет болса, 1-2 капсуладан 8 сағат сайын.

Ең жоғары тәуліктік доза 6 капсула (600 мг ибупрофен) құрайды.

10-нан 12 жасқа дейінгі балалар (39 кг дейін 30 кг): бастапқы доза – 1-2 капсула. Артынан, қажет болса, 1-2 капсуладан 6 сағат сайын. 

Ең жоғары тәуліктік доза 8 капсула (800 мг ибупрофен) құрайды.

Келесі дозалар арасындағы ең қысқа аралық 6 сағат құрайды.

Дәрілік өнімді ас ішу кезінде немесе ас ішуден соң қабылдау керек. Капсуланы бір стақан сумен ішіп, бүтіндей жұту керек. Капсулаларды шайнауға, соруға немесе ұсақтауға болмайды.

Дәрілік өнімді 3 күннен көп қолдану қажет болған немесе симптомдар күшейген жағдайда дәрігерге қаралу қажет.

Препарат симптоматикалық емдеуге арналған. 

Симптомдарды жеңілдетуге қажетті қысқа мерзімде ең төмен тиімді дозада дәрілік өнімді қабылдау жағымсыз әсерлер қаупін төмендетеді.

Бүйрек функциясының бұзылуы бар пациенттер: 

Бүйрек функциясы жеңілден орташа дәрежеге дейін бұзылған пациенттерде дозаны азайту қажет емес.

Бауыр функциясының бұзылуы бар пациенттер: 

Бауыр функциясы жеңілден орташа дәрежеге дейін бұзылған пациенттерде дозаны азайту қажет емес.

Жағымсыз әсерлері

Ибупрофен рецептісіз босатылатын дозаларда қысқа мерзімде қолданылғанда төменде атап көрсетілген жағымсыз әсерлері байқалды. Басқа көрсетілімдерде ибупрофенді ұзақ уақыт бойы қолдану басқа жағымсыз әсерлерді туғызуы мүмкін. 

Жағымсыз реакциялардың туындау жиілігі бойынша келесі анықтамаларды қолданумен бөлінген: өте жиі: ≥ 1/10, жиі: ≥ 1/100, < 1/10, жиі емес: ≥ 1/1000, < 1/100, сирек: ≥ 1/10 000, < 1/1000, өте сирек: < 1/10 000, жиілігі белгісіз (қолжетімді деректер негізінде анықтау мүмкін емес).

Жиі емес (≥ 1/1000-нан < 1/100 дейін) 

- тері бөртпесімен және қышынумен аллергиялық реакциялар 

- іштің ауыруы, жүрек айну, диспепсия

Сирек (≥ 1/10 000-нан < 1/1000 дейін)

- құсу, метеоризм, диарея, іш қату 

- бас ауыру, бас айналу, ұйқысыздық, қозу, ашушаңдық, шаршауды сезіну 

Өте сирек (< 1/10 000)

- ауыр жоғары сезімталдық реакциялары: беттің, тілдің және көмейдің  ісінуі, ентігу, тахикардия, артериялық гипотензия (анафилаксия, Квинке ісінуі немесе ауыр шок)

- бронх демікпесі, бронх демікпесінің және бронх түйілуінің өршуі

- пептидті ойық жара, ойық жараның тесілуі немесе асқазан-ішек жолынан қан кету, мелена, қан аралас құсу (кейде өліммен аяқталатын, әсіресе, егде жастағы пациенттерде), ойық жаралы стоматит, ойық жаралы колиттің және Крон ауруының өршуі, эзофагит, панкреатит 

- көру қабілетінің нашарлауы

- құлақтың шуылдауы 

- қан түзу бұзылулары (анемия, лейкопения, тромбоцитопения, панцитопения, агранулоцитоз) 

- ісінулердің білінуі, артериялық гипертензия, ҚҚСП тобы препараттарын қолданумен байланысты жүрек жеткіліксіздігі

- жедел бүйрек жеткіліксіздігі, қан сарысуында мочевина жоғарылауымен және ісінулермен астасқан папиллонекроз (әсіресе, ұзақ уақыт қабылдағанда)

- бауыр функциясының, әсіресе, ұзақ уақыт қолдану кезіндегі бұзылулары, гепатит, сарғаю

- көп формалы эритеманы, уытты эпидермалық некролизді, Стивенс-Джонсон синдромын қоса, буллезді реакциялар сияқты тері реакцияларының ауыр түрлері дамуы мүмкін 

- асептикалық менингит симптомдары: желке бұлшықеттерінің сіресуі, бас ауыру, жүрек айну, құсу, қызба немесе бағдардан жаңылу, әсіресе осының алдында аутоиммундық бұзылулары болған пациенттерде (жүйелі қызыл жегі, дәнекер тіннің аралас ауруы)

- психоздық реакциялар, депрессия.

Клиникалық сынақтар нәтижелерінде, әсіресе, жоғары дозаларда (тәулігіне ≥ 2400 мг) ибупрофен қабылдау мен артериялық тромбоз құбылыстарының аздаған жоғары даму қаупінің (мысалы, миокард инфарктісі және инсульт) арасында өзара байланыс болу мүмкіндігі жорамалданады.

Жағымсыз әсерлер білінгенде препарат қолдануды тоқтату керек.

Қолдануға болмайтын жағдайлар  

-      ибупрофенге немесе препараттың басқа компоненттеріне, сондай-ақ басқа қабынуға қарсы стероидты емес дәрілік препараттарға  жоғары сезімталдық

-      ацетилсалицил қышқылын (салицилаттар) немесе басқа ҚҚСП  қолданумен байланысты  аса жоғары сезімталдық реакцияларының (бронх демікпесі, бронх түйілуі, ринит, риносинусит, қайталамалы мұрын немесе мұрын маңы қойнаулары полипозы, Квинке ісінуі, есекжем) анамнезде болуы

-      асқазан-ішек жолының ойық жаралы зақымдануы (асқазанның және он екі елі ішектің ойық жара ауруы, ойық жаралы колит)

-      асқазан-ішектен қан кетулер

-      ҚҚСП емімен байланысты асқазан-ішек қан кетуінің немесе тесілуінің анамнезде болуы

-      ауыр жүрек жеткіліксіздігі (NYHA IV)

-      геморрагиялық васкулит

-      қан аурулары (қан кетулерге бейімділік, гемофилия, гипокоагуляция)

-      бүйректің немесе бауырдың ауыр жеткіліксіздігі  

-      айқын сусыздану (құсу, диарея немесе сұйықтықты жеткіліксіз ішу салдарынан)

-      цереброваскулярлы қан кетулер немесе басқа белсенді қан кетулер  

-      геморрагиялық диатез, қан түзу жүйесінің түсініксіз бұзылулары

-      4 жасқа дейінгі балаларға 

Дәрілермен өзара әрекеттесуі

Ибупрофенді  (ҚҚСП тобындағы басқа препараттар сияқты) төменде атап көрсетілген дәрілік препараттармен бірге қолдануға болмайды:

-      ацетилсалицил қышқылымен: ибупрофенмен бірге қолданғанда ацетилсалицил қышқылының аз дозаларының тромбоциттер агрегациясын тежеу әсері бұзылуы мүмкін. Клиникалық деректер бойынша ацетилсалицил қышқылының аз дозаларымен бір мезгілде қабылданатын ибупрофен тромбоциттер агрегациясын болдырмау әсерін тежеуі мүмкін. Алайда, ұсынылатын деректер шектеулі және анық емес. Олардың клиникалық жағдайларға ex vivo экстраполяциясынан соң ибупрофенді жүйелі қолдануға қатысты біржақты қорытындылар жасауға болмайтыны айқын болады, есесіне ибупрофен бір рет қабылданған жағдайда елеулі клиникалық өзара әрекеттесу жоқ болып саналады;

-      басқа қабынуға қарсы стероидты емес дәрілік препараттармен жоғары әсерлер қаупінің артуына орай;

-      несеп айдайтын және гипертензияға қарсы препараттармен (атап айтқанда, АКФ тежегіштері жәнеангиотензин II антагонистері): ибупрофен несеп айдайтын және гипертензияға қарсы әсерді азайтуы мүмкін. Бүйрек жеткіліксіздігі бар кейбір пациенттерде (мысалы, дегидратация жағдайында немесе егде жастағыларда) АКФ тежегіштерімен немесе ангиотензин II антагонистерімен бірге ҚҚСП қолдану жедел бүйрек жеткіліксіздігіне дейін апаратын бүйрек жеткіліксіздігінің күшеюіне (бәрінен жиірек – қайтымды) әкелуі мүмкін. Демек, әсіресе, егде жастағы пациенттерде біріктірілген емді абайлап тағайындау талап етіледі. Ондай пациенттер жағдайында гидратация және емдеу курсының басында, сондай-ақ ем барысында мезгіл-мезгіл бүйрек функциясына қатаң мониторинг өткізу көрсетілген; 

-      тромбозға қарсы дәрілік препараттармен: аздаған клиникалық деректерге сүйенсек, ҚҚСП қан ұюын төмендететін дәрілердің әсерін күшейтуі мүмкін;

-      литиймен және метотрексатпен: қабынуға қарсы стероидты емес препараттар плазмада литийдің де, метотрексаттың да концентрацияларын жоғарылатуы мүмкін; сарысудағы литий және метотрексат концентрациясын бақылау ұсынылады;

-      зидовудинмен – ибупрофен мен зидовудинді бірге қабылдайтын пациенттерде қан кетудің ұзаққа созылу дәлелдері бар;

-      кортикостероидтармен – АІЖ тарапынан жағымсыз әсерлер қаупі артады;

-      циклоспоринмен – бүйрекке жоғары уытты әсер ету қаупін қамтитын болжамды өзара әрекеттесу деректерінің саны аз;

-      дигоксинмен – ибупрофенді құрамында дигоксин бар препараттармен бір мезгілде қолдану қан плазмасында осы препараттар концентрациясын арттыруы мүмкін. Сарысуда дигоксин концентрациясын бақылау препаратты әдеттегі қолдануға (көп дегенде 4 күн) қойылатын дағдылы талап болып табылмайды;

-      такролимузбен – бүйрекке уытты әсер ету қаупі жоғары болуы мүмкін;

-      тромбозға қарсы препараттармен және серотонинді кері қармаудың селективті тежегіштерімен (SSRI) – асқазан-ішектен қан кету қаупі жоғары болуы мүмкін;

-      мифепристонмен – мифепристон қолданудан кейін 8-12 күн ішінде ҚҚСП қабылдауға болмайды, өйткені ҚҚСП оның әсерін әлсіретуі мүмкін;

-      хинолондар тобы антибиотиктерімен – жануарларда жүргізілген зерттеулерде хинолондар тобы антибиотиктерімен байланысты құрысулардың қаупін ҚҚСП арттыруы мүмкін екені дәлелденді. ҚҚСП мен хинолондарды бірге қабылдайтын пациенттер құрысулардың жоғары туындау қаупіне бейім;

-      жүрек ауруларында қолданылатын гликозидтермен: ҚҚСП жүрек жеткіліксіздігі симптомдарын күшейтуі және плазмада гликозидтер концентрациясын арттыруы мүмкін;

-      аминогликозидтермен: бүйрек жеткіліксіздігіне бейімділігі бар пациенттерде бүйрек функциясын әлсіретуі, аминогликозидтер шығарылуын азайтуы және олардың сарысудағы концентрациясын арттыруы мүмкін;

-      пробенецидпен: ҚҚСП тобы препараттарының және олардың метаболиттерінің шығарылуы мен метаболизмін азайтуы мүмкін;

-      ішу арқылы қабылданатын диабетке қарсы дәрілік препараттармен: сульфонилмочевина туындыларыметаболизмінің төмендеуі, жартылай шығарылу кезеңінің ұзаруы және гипогликемия қаупінің артуы мүмкін.

Айрықша нұсқаулар  

Төмендегі пациенттерде дәрілік өнімді қолданғанда сақтану шарасын қадағалау керек: 

-      жүйелі қызыл жегімен және дәнекер тіннің басқа жүйелі ауруларымен,

-      анальді өтіс және тік ішек ауруларымен, 

-      АІЖ ауруларымен, сондай-ақ ішектің созылмалы қабыну ауруларымен (ойық жаралы колит, Крон ауруы),

-      гипертониямен және (немесе) жүрек жеткіліксіздігімен,

-      бүйрек жеткіліксіздігімен (бүйрек функциясын тексеру керек, өйткені ҚҚСП қолдану нәтижесінде оның нашарлауы мүмкін), 

-      бауыр жеткіліксіздігімен,

-      қан ұю жеткіліксіздігімен (ибупрофен қан кету уақытын ұзартуы мүмкін).

-      тікелей хирургиялық араласудан кейін

-      оларда аллергиялық реакциялардың даму қаупі болатындықтан, анамнезде поллиноздары немесе тыныс жолдарының обструкциясы бар пациенттерде.

Егде жастағы пациенттерде дәрілік препаратты қабылдау нәтижесінде жағымсыз әсерлердің (негізінен қан кету және тесілу) туындау қаупі жас пациенттерден көбірек. Жағымсыз әсерлердің туындау жиілігі мен қарқындылығын ең қысқа тиімді мерзімде ең төмен емдік доза қолданумен төмендетуге болады. Егде жастағыпациенттерде ұзақ уақыт ҚҚСП қолдану ұсынылмайды. 

Бронх демікпесі және белсенді немесе анамнездегі басқа аллергиялық аурулары бар тұлғаларда препаратқабылдау бронх түйілуін туғызуы мүмкін. 

Өлімге соқтыруы мүмкін және алдын ала сақтандыру симптомдары үнемі біліне бермейтін АІЖ-нан қан кету,ойық жаралану немесе тесілу қаупі бар. Қауіп аталған сақтандыру симптомдары байқалған пациенттерде де болады. АІЖ-нан қан кету немесе ойық жаралану жағдайында препарат қабылдауды дереу тоқтату керек. Анамнезінде АІЖ аурулары бар пациенттер, әсіресе, егде жастағы тұлғалар АІЖ тарапынан, әсіресе, бастапқы ем кезеңінде болатын кез келген типтік емес симптомдар (атап айтқанда, қан кету туралы) туралы дәрігерге мәлімдеу қажеттілігінен хабарлануы тиіс. Ондай пациенттер дәрілік препараттың ең төмен дозасын қабылдауы тиіс. 

Асқазан-ішек бұзылуларының немесе қан кету қаупін ықтималды арттыратын басқа дәрілік препараттарды, мысалы, кортикостероидтарды және варфарин сияқты тромбозға қарсы немесе ацетилсалицил қышқылы сияқты агрегацияға қарсы препараттарды бірге қабылдайтын пациенттерде дәрілік препаратты абайлап қолдану керек. 

Ибуфен қабылдаған пациенттерде АІЖ-нан қан кету немесе ойық жаралану жағдайында препаратпен емдеуді тоқтату керек. 

Қабынуға қарсы/ауыруды басатын, мысалы, ибупрофен сияқты дәрілік заттарды қабылдау, әсіресе, жоғары дозаларда қабылдағанда жүрек ұстамасы немесе инсульттің даму қаупінің сәл жоғарылауымен қатар жүруі мүмкін. Ұсынылатын дозалары мен емдеу ұзақтығынан асыруға болмайды. 

Пациент ибупрофенді қабылдау алдында емдеуді дәрігермен талқылап алу керек, егер:

-      жүрек-қантамыр аурулары, соның ішінде жүрек жеткіліксіздігі, стенокардиясы (кеуденің ауыруы) болса, сондай-ақ егер миокард инфарктісін, коронарлық тамырларға операцияны, кез келген типті инсультті (соның ішінде «мини-инсульт» немесе транзиторлы ишемиялық шабуыл «ТИШ») өткерсе немесе шеткері артериялар ауруы (артериялардың тарылуы немесе бітелуі салдарынан болатын аяқтардағы нашар қан айналымы) болса.

-      артериялық қысымның көтерілуі, қант диабеті, қандағы холестерин деңгейінің жоғарылауы, отбасы мүшелеріндегі жүрек-қантамыр аурулары немесе шылым шегуде. 

Ауыруды басатын әртүрлі дәрілік заттарды ұзақ уақыт бірге қолдану бүйректің зақымдануына және бүйрек жеткіліксіздігінің туындау қаупіне (ауыруды басудан кейінгі нефропатия) әкелуі мүмкін. 

Анальгетиктердің үлкен дозаларын ұзақ уақыт қолданғанда ауыруды басатын дәрі дозасын арттырумен емдеуге болмайтын бас ауырулары болуы мүмкін. 

Ұзаққа созылатын емдеу курсы тағайындалған пациенттерде бүйрек, бауыр функциясын және қан түзу жүйесін жүйелі тексеру қажет.

ҚҚСП тобының дәрілік препараттарын қолданумен байланысты эксфолиативті дерматит, Стивенс-Джонсон синдромын және уытты эпидермалық некролизді қоса, кейбіреуі өліммен аяқталатын ауыр тері реакциялары аса сирек білінеді. Осы ауыр реакциялардың ең көп қаупі емнің басында, көпшілік жағдайларда препаратты қолданған бірінші ай ішінде туындайды. Алғашқы симптомдар: тері бөртпесі, шырышты қабықтың зақымдануы немесе аса жоғары сезімталдықтың басқа симптомдары туындағанда препарат қабылдауды тоқтату керек. 

Жекелеген сирек жағдайларда ауыр тері инфекциялары және желшешек кезіндегі асқынулар сияқты жұмсақ тіндер инфекциялары болуы мүмкін. Қазіргі уақытта ҚҚСП тобы препараттарының осы инфекциялар күшеюіне ықпал етуін жоққа шығаруға болмайды. Осыған орай, желшешекке шалдыққандарда ибупрофен қолданудан сақтануға кеңес беріледі. 

Циклооксигеназаны (простагландиндер синтезін) тежейтін дәрілік препараттардың овуляциға ықпал етіп, әйелдерде фертильділіктің бұзылуын туындатуы мүмкін. Осы әсері уақытша сипатта болады және ем аяқталған соң басылады. 

Сусызданған балалар мен жасөспірімдерде бүйрек функциясының бұзылу қаупі бар.

Ибупрофенді қолдану кезінде уытты амблиопияның жекелеген жағдайлары болатынын ескеріп, көру қабілетінің кез келген бұзылысы жөнінде дәрігерді хабарландыру керек. 

ҚҚСП тобының дәрілік препараттары инфекция және қызба симптомдарын бүркемелемеуі мүмкін.  

Артық дозалануы

Дене салмағына 200 мг/кг-ден көп дозаларды қабылдаудан кейін уытты әсер ету қаупі бар. Ересектерде осындай симптомдарды туғызуға қабілетті доза нақты белгіленбеген. Артық дозалану кезіндегі жартылай шығарылу кезеңі 1,5-нан 3 сағатқа дейін құрайды.

Симптомдары. Клиникалық мәнді ҚҚСП дозаларын қабылдайтын пациенттердің көпшілігінде: жүрек айну, құсу, құрсақ үсті аумағының ауыруы немесе диарея. Сонымен қатар құлақтың шуылдауы, бас ауыруы және асқазаннан немесе ішектен қан кету туындауы мүмкін. Ауыр улану орталық жүйке жүйесіне ықпал етеді және ұйқышылдықты, аса сирек қозу мен бағдардан жаңылуды немесе команы туындатады. Өте сирек құрысу ұстамалары болуы мүмкін. Ауыр уыттануда кейде метаболизмдік ацидоз байқалады, осы орайда INR протромбин уақытының ұзаруы мүмкін. Жедел бүйрек жеткіліксіздігі немесе бауырдың зақымдануы да білінген. Демікпесі бар пациенттерде оның симптомдары өршуі мүмкін.

Емі: Сәйкесті антидоты жоқ. Симптоматикалық және демеуші ем қолданылады. Жүрек жұмысын қадағалау және, егер олар тұрақты болса, организмнің тіршілік қызметі симптомдарын бақылау көрсетілген. Ұзаққа созылып кететін құрысу ұстамалары жиі болған жағдайда вена ішіне диазепам немесе лоразепам енгізу керек. Демікпесі бар пациенттерге бронхтарды кеңейтетін дәрілік препаратар беру керек.

Шығарылу түрі және қаптамасы

Алюминий фольгадан және поливинилхлорид/поливинилдихлорид үлбірінен  (Ал/ПВХ/ПВДХ) жасалған пішінді ұяшықты қаптамаға 15 капсуладан салады.

Пішінді 1 қаптамадан медициналық қолдану жөніндегі мемлекеттік және орыс тілдеріндегі нұсқаулықпен біргекартон қорапшаға салынады.

Сақтау шарттары

Түпнұсқалық қаптамада, 250С-ден аспайтын температурада сақтау керек. 

Балалардың қолы жетпейтін жерде сақтау керек.

Сақтау мерзімі 

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз