Кетонал

Дәрілік заттың медицинада

қолданылуы жөніндегі

нұсқаулық

Кетонал® гель

Саудалық  атауы

Кетонал®  гель

Халықаралық  патенттелмеген  атауы

Кетопрофен

Дәрілік  түрі

50 г  2,5% гель

Құрамы

1 грамм препараттың  құрамында

белсенді зат – 25 мг кетопрофен, 

қосымша заттар: карбомер, троламин, лаванданың эфир майы, этил спирті  (96%),  тазартылған су

Сипаттамасы

Біркелкі мөлдір гель

Фармакотерапиялық тобы

Жергілікті қолдануға арналған қабынуға қарсы стероидты емес препараттар.  

АТЖ коды  М02АА10

Фармакологиялық қасиеттері

Фармакокинетикасы

Кетопрофен гелі тез сіңеді. Емдік концентрацияға 2 сағаттан кейін жетеді. Препараттың биожетімділігі –90% құрайды. Кетопрофен қан плазмасы ақуыздарымен  99%-ға байланысады. Ол синовиальді сұйықтыққа енеді және онда емдік концентрацияға жетеді.    

Кетопрофен бауырда метаболизденіп, көбіне несеппен бірге шығарылатын конъюгаттар түзеді.  Кетопрофен метаболизмі жасқа, бүйрек қызметінің ауыр жеткіліксіздігіне немесе бауыр циррозына байланысты емес. Кетопрофеннің несеппен бірге шығарылуы баяу жүзеге асады.    

Фармакодинамикасы   

Кетопрофен – қабынуға қарсы және ауыруды сездірмейтін айқын әсері бар, ревматизмге қарсы  стероидты емес дәрі.    

Кетопрофен  циклооксигеназаның өте тиімді тежегіштерінің бірі болып табылады. Ол липооксигеназа мен брадикининнің белсенділігін де тежейді. Лизосомальді мембрананы тұрақтандыра отырып, кетопрофен қабыну үдерістерінің медиаторы – ферменттердің босап шығуына кедергі жасайды.    

Қолданылуы

- бұлшықеттер ауырғанда, сіңірлер мен байламдар  созылу, соғылу немесе үзілу салдарынан ісінгенде  

- денеге шамадан тыс салмақ түсу салдарынан бұлшықеттер ауырғанда  

- бел ауырғанда

- дегенеративті ревматизм  ауруларында болатын қабынуда және ауырсынуда   

Қолдану тәсілдері және дозасы

Кетонал гельді күніне бір немесе екі рет қолдану керек.  Гельді теріге жұқалап жаққан жөн.  Дозасы зақымданған жердің ауданына сәйкес таңдалуы тиіс:   5 см гель 100 мг кетопрофенге сәйкес келеді, 10 смКетонал гелі  200 мг кетопрофенге сәйкес келеді. Таңғышпен таңбау керек.  

Кетонал гель Кетоналдың басқа дәрілік түрлерімен  (капсулалармен, таблеткалармен, свечалармен) біріктіріліп қолданылуы мүмкін. Дәрілік түріне қарамай-ақ, тәуліктің жиынтық доза 200 мг-нан аспауы тиіс. 

Емделу ұзақтығын дәрігер белгілейді.  

Жағымсыз әсерлері

Жиі 

- асқын сезімталдық реакциялары (қышу, қызару және терінің жеңіл дәрежелі транзиторлы қабынуы, жанаспалы дерматит)

Өте сирек

- терінің ауыр қабыну реакциясы (жанаспалы дерматит) 

 - дененің бетіне түгел жайылып,  ұзаққа созылатын ауыр жанаспалы фотоаллергиялық  реакция   

- тері экзантемасы

- пурпура

- бүйрек қызметінің созылмалы жеткіліксіздігіне шалдыққан емделушілерде бүйрек қызметінің бұзылуы  

- интестициальді нефрит

- аллергиялық реакция варианты ретінде демікпелік ұстамалар.

Қолдануға болмайтын жағдайлар

- кетопрофенге немесе қосымша заттарына асқын сезімталдықта,  қабынуға қарсы стероидты емес басқа препараттарға және салицилаттарға асқын сезімталдықта  

-  15 жасқа дейінгі балаларға

- сыртартқысында салицилаттарды қабылдауға аллергиялық реакциялары  бар болса немесе аллергиялық ауруларға және бронх демікпесіне бейімділік бар болғанда   

- жүктіліктің үшінші триместрінде

- гель зақымданған теріге (экзема, дымқылданатын дерматит, ашық немесе жұқпа жұққан жара)  жағылмауы тиіс

Дәрілермен өзара әрекеттесуі

Ацетилсалицил қышқылын бір мезгілде қабылдау  кетопрофеннің плазма ақуыздарымен байланысу дәрежесін азайтады. Пробенецид кетопрофен клиренсін және ақуыздармен байланысу дәрежесін азайтады. Кетопрофен, басқа ҚҚСД сияқты, метотрексаттың шығарылуын төмендетіп, оның уыттылығының артуына мүмкіндік беруі мүмкін.   

Басқа дәрілік заттармен өзара әрекеттесуі және олардың шығарылуына ықпал етуі маңызды емес.  

Айрықша нұсқаулар

Шырышты қабыққа, көзге және көздің айналасындағы теріге  Кетонал гельді тигізіп алмау қажет.  

Теріде тітіркену пайда болған жағдайда емді уақытша тоқтата тұрған жөн; айқын тітіркенген кезде емді жалғастырмау керек.   

Емделу кезінде және емдеуді тоқтатқаннан кейін 2 апта бойы тура түсетін күн сәулесінің астында  болмаған және УКС (УФО) қабылдамаған жөн.

Гельді жағып болғаннан кейін қолды мұқият жуу қажет.   

Жүктілік және лактация кезеңі

Кетопрофенді жүктіліктің үшінші триместрінде қолдануға болмайды, өйткені ҚҚСД жаңа туған нәрестелерде Боталлов ағысының мезгілінен бұрын жабылуын және өкпе гипертензиясын тудыруы мүмкін. Кетопрофен жүктіліктің алғашқы және екінші трместрлерінде қатаң көрсетілімдер бойынша ғана қолданылуы мүмкін.  

Кетопрофен гелін бала емізетін аналарға қолдану ұсынылмайды.  

Дәрілік заттың көлікті және қауіпті механизмдерді басқару қабілетіне ықпал ету ерекшеліктері  

Ықпалын тигізбейді.

Артық дозаланғанда

Симптомдары: тітіркену, эритема және қышу.

Емдеу: теріні ағын сумен мұқият шаю  керек.   

Шығарылу түрі және қаптамасы

50 г гельден қорғаныш мембранасы және бұралатын полимер қақпақшасы бар, іші лакпен қапталған алюминий сықпаға салынған. Бір сықпадан препараттың медицинада қолданылуы жөніндегі мемлекеттік және орыс тілдерінде жазылған нұсқаулықпен бірге картон пәшкеге салады.    

Сақтау шарттары

25оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін пайдалануға болмайды.  

Дәріханалардан босатылу шарттары

Рецепт арқылы

Өндіруші

Салютас Фарма ГмбХ, Ланге Гёхрен 3, 39171 Остерведдинген, Германия 

Лицензия ұстаушысы

Лек Фармасьютикалс д.д., Веровшкова 57, 1526 Любляна, Словения

Тұтынушылардан өнім сапасы жөнінде шағымдарды Қазақстан Республикасы аумағында қабылдайтын ұйымның мекенжайы  

Қазақстандағы   «Новартис Фарма Сервисез АГ»  филиалы  

Алматы қаласы,  Жамақаев көшесі, 155А, 

Телефон нөмірі - 258-12-94, Факс нөмірі - 250-64-63

Электронды поштасы: www.novartis.net