Диабетон

Қазақстан Республикасы 

Денсаулық сақтау министрлігі 

Медицина және фармацевтикалық қызметті бақылау 

комитеті төрағасының 

2011 жылғы «___» ___________

№____ бұйрығымен

БЕКІТІЛГЕН

Дәрілік заттың медицинада 

қолданылуы жөніндегі нұсқаулық

ДИАБЕТОНÒ MR

Саудалық атауы

ДиабетонÒ MR

Халықаралық патенттелмеген атауы

Гликлазид 

Дәрілік түрі

Босап шығуы өзгертілген 60 мг таблеткалар 

Құрамы

Бір таблетканың құрамында

белсенді зат - гликлазид 60 мг,

қосымша заттар: гипромеллоза 100 сП, лактоза моногидраты, магний стеараты, мальтодекстрин, коллоидты сусыз кремнийдіңқостотығы

Сипаттамасы

Сопақша түрдегі екі жағында бөлгіш сызығы және «DIA 60» ойылып жазылған ақ түсті таблеткалар

Фармакотерапиялық тобы

Ішке қабылдауға арналған қант төмендететін препараттар. Сульфонилмочевина туындылары. 

АТЖ коды А10ВВ09

Фармакологиялық әсері

Фармакокинетикасы

Сіңірілуі мен таралуы

Препаратты ішу арқылы қабылдағаннан кейін гликлазид асқазан-ішек жолында толық сіңеді. Гликлазидтің плазмадағы концентрациясы бастапқы 6 сағаттың ішінде прогрессивті артады және 6-шыдан 12-ші сағатқа дейін сақталатын деңгейіне жетеді. Жекелей ауытқымалылығы салыстырмалы түрде төмен болады. Тамақтану сіңу дәрежесіне ықпал етпейді. Қабылданған доза мен плазмадағы препарат концентрациясының арасындағы өзара байланыс дозаның уақытқа тәуелді екенін көрсетеді.

Плазманың ақуыздарымен байланысуы шамамен 95% құрайды.

Метаболизмі

Гликлазид негізінен бауырда метаболизденеді. Осы орайда түзелетін метаболиттер фармакологиялық белсенділікке ие болмайды.

Шығарылуы

Гликлазидтің жартылай шығарылу кезеңі (Т1/2) шамамен 16 сағатты құрайды. Метаболиттер түрінде негізінен бүйрекпен, 1% азы өзгермеген күйінде несеппен шығарылады.

Айрықша клиникалық жағдайлардағы фармакокинетикасы

Егде жастағы адамдарда фармакокинетикалық параметрлерінің клиникалық мәнді өзгерісі байқалмаған.

ДиабетонÒ MR-дің 60 мг бір реттік тәуліктік дозасы гликлазидтің тиімді концентрациясының қан плазмасында 24 сағаттан астам сақталуын  қамтамасыз етеді.

Фармакодинамикасы

ДиабетонÒ MR - ІІ буын сульфонилмочевина туындылары тобының ішетін гипогликемиялық препараты, ол осыған ұқсас препараттардан эндоциклдық байланысы бар N-құрамды гетероциклдық сақинаның болуымен айырмашылықта болады.

ДиабетонÒ MR Лангерганс аралшықтарының Р-жасушаларымен инсулин сөлінісін көтермелей отырып қандағы глюкозаның деңгейін төмендетеді. Екі жыл емдеуден кейін постпрандиальдық инсулин деңгейінің жоғарылауы мен С-пептидтер сөлінісіні сақталады. 2 түрдегі қант диабетінде препарат глюкозаның келіп түсуіне жауап ретінде ерте кезеңдегі инсулин сөлінісінің екінші сатысын күшейтеді. Тамақтануға және глюкозаның шығарылуына байланысты көтермеленуге жауап ретінде инсулин сөлінісінің едәуір жоғарылауы байқалады.

Гликлазид шеткергі тіндердің инсулинге сезімталдығын жоғарылатады. Бұлшықет тінінде, эугликемиялық гиперинсулиндік сынама кезінде бағаланған инсулиннің сіңуіне глюкоза ықпалы елеулі (+35%) жоғарылаған, бұл шеткергі тіндердің инсулинге сезімталдығы жақсаруына байланысты болған. Бұл өзгерістер диабетті бақылауды елеулі жақсартады. Гликлазидтің бұл тиімділігі, негізінен оның инсулиннің бұлшықеттік гликоген-синтетазаға түрткі болуымен және GLUT4-ің глюкозаға қатысты посттранскрипционды өзгерістерін туғызуымен айқындалады. 

ДиабетонÒ MR глюкозаның аш қарындағы көрсеткіштерін қалыпты ете отырып, глюкозаның бауырда түзілуін төмендетеді.

Көмірсу алмасуына ықпал етуінен бөлек ДиабетонÒ MR микроайналымға әсер етеді. Препарат қант диабетінде асқынуды өршуіне тартылуы мүмкін екі механизмге: тромбоциттер ішінара тежелуі мен адгезиясының және тромбоциттерді белсенділендіретін факторлардың (бета-тромбоглобулиннің, В2 тромбоксанның) жинақталуы төмендеуіне, сондай-ақ тамырлық эндотелий фибринолитикалық белсенділігінің қалпына келуі мен плазминоген тіндік белсенділігінің жоғарылауына әсер ете отырып ұсақ тамырлар тромбозының қаупін төмендетеді. 

Қолдану көрсетілімдері

-        емдәмді сақтау, дене жүктемесі мен салмақтың төмендеуі қандағы глюкоза деңгейін барабар бақылау үшін жеткіліксіз болатын кезде ересектердегі 2 түрдегі қант диабетінде  

Қолдану тәсілі  және дозасы

Препарат тек ересек емделушілерге арналған.

Таблетканы(ларды) таңертенгі тамақтану кезінде қабылдау керек. Кезекті дозаны өткізіп алған жағдайда келесі күнгі дозаны арттырмау керек. 

ДиабетонÒ MR препаратының тәуліктік мөлшері 30-дан 120 мг-ға дейін (1/2 - 2 таблетка) құрайды. Препараттың дозасын жеке метаболикалық реакцияға қарай талғау қажет.

Бастапқы ұсынылатын доза күніне 30 мг (ДиабетонÒ MR 60 мг таблетканың 1/2) құрайды. Глюкоза деңгейі тиімді түрде қадағаланыптұрған кезде осы доза демеуші ем түрінде қолданылуы мүмкін.

Глюкоза деңгейі дұрыс қадағаланбаған жағдайда препараттың тәуліктік дозасы бірте-бірте 60, 90 немесе 120 мг дейін көбейтуге болады. Препаратты 2 апта қабылданғаннан кейін қандағы глюкоза деңгейі азаймаған емделушілерді қоспай, дозаны әр көбейткен сайын араға кемінде 1 ай уақыт салу қажет. Мұндай жағдайларда дозаны терапияның басынан бері 2 апта өткеннен кейін көбейтуге болады. Ұсынылатын ең жоғары доза күніне 120 мг болу керек. 

ДиабетонÒ MR 60 мг бір таблеткасы ДиабетонÒ MR 30 мг-ның екі таблеткасына сайма-сай. ДиабетонÒ MR 60 мг таблеткасы препараттың дозасын бейімдендіруге мүмкіндік беріп, жеңіл бөлінеді.

Гликлазид 80 мг таблеткаларынан Диабетон® MR 60 мг босап шығуы өзгертілген таблеткаларына ауысу:

Гликлазидтің 80 мг бір таблеткасы Диабетон® MR 30 мг босап шығуы өзгертілген таблеткасының формуласына салыстырмалы, яғни ДиабетонÒ MR 60 мг таблеткасының бір жартысы. Глюкоза деңгейіне қатал мониторинг жүргізіп тұрып ауыстырады.

Басқа гипогликемиялық препараттан Диабетон® MR 60 мг препаратына ауысу:

Басқа препаратқа ауысқан уақытта дозалау мен алдыңғы препараттың жартылай шығарылу кезеңіне мән беру қажет. Ауысу кезеңі әдетте қажет болмайды. Диабетон® MR 60 мг препаратын 30 мг-нан бастап қабылдау керек. Кейін бұл дозаны метаболикалық реакцияға қарай өзгертуге болады.

Жартылай шығарылу кезеңі ұзақ сульфонилмочевина тобындағы гипогликемиялық препараттардан ауысқан кезде екі препараттың аддитивті әсеріне жол бермеу үшін препаратты бірнеше күн ішпей тұра тұру қажет болу мүмкін. 

Мұндай жағдайларда Диабетон® MR 60 мг таблеткаларына ұсынылатын бастапқы 30 мг дозадан бастап, дозаны метаболизмдік реакцияларға қарай бірте-бірте көбейте отырып ауысу қажет.

Басқа диабетке қарсы препараттамен біріктіріп қолданылуы:

Диабетон® MR 60 мг-ды бигуанидтер, альфа-глюкозидаза тежеуіштермен немесе инсулинмен бір мезгілде қолдануға болады. 

Егде жастағы науқастар (65 жастан асқан):

Препаратты 65 жастан жас науқастарда тағайындалатын дозада қолданылады.

Бүйрек жеткіліксіздігі:

Жеңіл немесе орташа дәрежедегі бүйрек жеткіліксіздігіне шалдыққан науқастарда препаратты әдеттегі дозада тағайындайды.

Гипогликемия өршу қаупі жоғары болған науқастарда: жеткілікті емес немесе дұрыс емес тамақтанғанда, ауыр немесе бәсеңді компенсацияланған эндокринді бұзылуларда (гипопитуитаризм, гипотиреоз, адренокортикотропикалық гормонның жетіспеушілігі), созылмалы және/немесе жоғары дозадағы кортикостероидты терапиядан кейін, ауыр жүрек-тамыр ауруларда емді ең төмен 30 мг-дық тәуліктік дозадан бастау керек.

Жағымсыз әсерлері 

-        гипогликемия (тұрақсыз немесе тамақтану уақытын өткізіп алғанда): жабысқақ тер, үрей сезімі, тахикардия, артериялық қысымның жоғарылауы, діріл, жүрек аймағының ауруы, аритмия, бас ауыруы, ашығуды қатты сезіну, жүрек айнуы, құсу, жылдам қажу, ұйқының бұзылуы, қозу немесе тежеліс, ашушандық, зейін жинақтаудың әлсіреуі, реакцияның баяулауы, көру мен сөйлеудің бұзылуы, афазия, парездер, сезімталдықтың төмендеуі, бас айналуы, өзін-өзі бақылай алмау,  ұйқышылдық, естен тану, сандырақтау, құрысулар

-        іштің ауыруы, жүрек айнуы, құсу, диарея, іш қатулары, бауыр ферменттері (АЛТ, АСТ, сілтілік фосфатаза) деңгейлерінің қайтымды жоғарылауы, гепатит

-        тері бөртпесі, қышыма, есекжем, эритема, макулалы-папулездік бөртулер, буллездік реакциялар

-        препаратты тоқтатқаннан кейін қайтымды анемия, лейкопения, тромбоцитопения, гранулоцитопения

-        әсіресе емдеудің басындағы қандағы глюкоза деңгейінің өзгерістерімен байланысты көрудің қайтымды бұзылуы 

Қолдануға болмайтын жағдайлар

-        гликлазидке немесе препараттың қосымша компонентерінің біріне, сондай-ақ сульфонилмочевина тобындағы басқа препараттарға немесе сульфонамидтерге белгілі жоғары сезімталдықта  

-        1 түрдегі қант диабетінде 

-        диабеттік кетоацидозда, прекоматозды жай-күй мен диабеттік комада 

-        бүйректің немесе бауырдың ауыр жеткіліксіздігінде 

-        миконазолмен емдегенде

-        жүктілік пен лактация кезеңінде      

Дәрілермен өзара әрекеттестігі 

Гипогликемиялық комаға дейін гипогликемияның өршу қаупіне байланысты Диабетон® MR препаратын миконазолмен біріктіріп қабылдау қарсы көрсетілімде. 

Гипогликемияның өршу қаупіне байланысты Диабетон® MR препаратын  фенилбутазонмен және алкогольмен бір мезгілде қолдануға болмайды. Препаратпен емдеу кезеңінде алкогольді тұтынудан және құрамында спирті бар медициналық препараттарды қабылдаудан іркіле тұру керек. 

Гипогликемияның өршу қаупіне байланысты Диабетон® MR препараты мен басқа топтардағы диабетке қарсы препараттарды (инсулиндерді, акарбозаны, бигуанидтерді), бета-бөгегіштерді, флуконазолды, ангиотензин-конвертирлегіш ферменттер тежегіштерін (каптоприлді, эналаприлді), Н2-рецепторлар антагонистерін, МАОТ (моноаминооксидаза тежегіштерін), сульфонамидтерді және қабынуға қарсы стероидты емес препараттарды бір мезгілде тағайындағанда сақ болу керек. 

Қандағы глюкоза деңгейінің жоғарылауына байланысты Диабетон® MR препараты мен даназолды қабылдауға болмайды. Мұндай біріктіріп тағайындау қажет болғанда қан мен несептегі глюкоза деңгейін мұқият бақылау, ал кейбір жағдайларда даназолмен емдеу уақытында және одан кейін Диабетон® MR препаратының дозасын түзету қажет болады. 

Гипергликемияның өршу қаупіне байланысты Диабетон® MR препаратын  хлорпромазинмен біріктіргенде сақ болу керек (күніне > 100 мг дозада соңғысы инсулин сөлінісінің төмендеуін туғызады). Хлорпромазинмен емдеу кезінде Диабетон® MR-дің дозасын түзету қажет болуы мүмкін. 

Диабетон® MR препаратымен бір мезгілде глюкокортикостероидтар (жүйелі және жергілікті: буын ішіне, тері астына немесе тері бетіне, ректальді қолданылғанда) және тетракозактид қолданылғанда қандағы глюкоза деңгейін жоғарылатады және көмірсуларға төзімділіктің төмендеуі салдарынан кетоз туғызуы мүмкін. Глюкокортикоидтармен емдеу кезеңінде және одан кейін Диабетон® MR-дің дозасын түзету қажет болуы мүмкін. 

Диабетон® MR препаратын ритодринмен, сальбутамолмен және тертбуталинмен (көктамыр ішіне) біріктіріп қабылдағанда гипергликемияның өршу қаупіне байланысты абай болу керек. Қажет болғанда инсулинмен емдеуге көшу керек. 

Диабетон® MR препаратын антикоагулянттармен (варфаринмен және басқаларымен) біріктіріп қолданғанда антикоагулянттық әсердің күшеюі байқалуы мүмкін. 

Айрықша нұсқаулар 

Гипогликемия

Емделушілерге препаратты тек ұдайы (таңертеңгі тамақты қоса) тамақтану жағдайында тағайындау керек. 

Калориясы төмен емдәмде, ұзақ және шамадан тыс дене жүктемесінен алкогольді тұтынудан кейін немесе бірнеше гипогликемиялық препараттарды біріктіріп қабылдаған жағдайда гипогликемияның қаупі жоғарылайды. 

Емделуші емдәмді сақтаудың маңыздылығы, тұрақты дене жүктемесінен қажеттілігі мен қандағы глюкоза деңгейін ұдайы бақылау қажеттігі туралы хабардар етілуі тиіс. Науқастар мен олардың отбасы мүшелеріне гипогликемияның қауптілігін түсіндіру, оның белгілері туралы, емдеу тәсілдері мен осы асқынуға бейімдейтін факторлар туралы айтып беру керек.          

Қандағы глюкоза деңгейін қанағаттанғысыз бақылау:

Диабетке қарсы ем алатын емделушінің қанындағы глюкозаның концентрациясын бақылау тиімділігі келесі факторлардың: дене температурасы жоғарылауының, жарақаттардың, жұқпалардың немесе хирургиялық араласулардың әсерімен төмендеуі мүмкін.

Уақыт өте келе диабеттің өршуіне немесе препаратқа реакцияның төмендеуіне (ем тиімділігі болмауының қайталануына) байланысты көптеген емделушілерде диабетке қарсы ішетін кез-келген препараттың, соның ішінде Диабетон® MR-дің, гипогликемиялық тиімділігі азаюы ықтимал. 

Ем тиімділігі болмауының қайталануы туралы қорытындыны дозаны барабар түзетуден кейін және науқастар тамақтану режимін сақтағанда ғана жасауға болады. 

Зертханалық тесттер: 

Қандағы глюкоза деңгейін бақылауды бағалағанда гликирленген гемоглобиннің (немесе аш қарында көктамыр қаны плазмасындағы глюкозаның) деңгейін өлшеу керек. 

Глюкозо-6-фосфатдегидрогеназа (G6PD) тапшылығы бар емделушілерге сульфонилмочевина тобындағы препараттарды тағайындау гемолитикалық анемияны туғызуы мүмкін. Диабетон® MR-ді G6PD тапшылығы бар емделушілерге тағайындағанда сақ болу және басқа жіктемедегі баламалы препараттармен емдеу мүмкіндігін қарастыру керек. 

Препараттың құрамында лактоза болғандықтан, оны туа біткен галактоземияда, глюкозо-галактозды мальабсорбциялық синдромда, сондай-ақ лактаза жетіспеушілігінде қолдануға болмайды.

Дәрілік заттың автокөлікті немесе қауіпті механизмдерді басқару қабылетіне әсер ету ерекшеліктері 

Әсіресе емдеудің бастапқы кезінде автокөлікті немесе басқа механизмдерді басқарғанда сақтық танытқан жөн.  

Артық дозаланғанда

Белгілері: орташадан ауыр дәрежедегіге дейінгі гипогликемия

Емдеу: естен тану немесе неврологиялық бұзылулар болмаған ауырлығы  орташа гипогликемияның белгілерін көмірсуларды қабылдаумен, дозаны түзету және/немесе тамақтануды өзгертумен жояды. Гипогликемияның комамен, құрысулармен немесе басқа да неврологиялық бұзылулармен қатар жүретін ауыр көріністері кезек күттірмес жәрдемді және дереу ауруханаға жатқызуды қажет етеді. Гипогликемиялық кома басталғанда немесе оған күдік болғанда дереу глюкагон және 50 мл концентрацияланған (20-30% көктамыр ішіне) глюкоза ерітіндісін енгізу керек, ал одан кейін 10% глюкоза ерітіндісін қандағы глюкоза концентрациясын 1 г/л астам деңгейде ұстап тұруға мүмкіндік беретін жылдамдықпен енгізуді жалғастыру керек. Гемодиализ тиімсіз. 

Шығарылу түрі 

Поливинилхлорид үлбірден және алюминий фольгадан жасалған пішінді ұяшықты қаптамаға 15 таблеткадан салынған. 

2 пішінді қаптамадан медицинада қолдану жөніндегі мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары 

30°С-ден аспайтын температурада сақтау керек. 

Балалардың қолы жетпейтін жерде сақтау керек!

Сақтау мерзімі

3 жыл 

Орамында көрсетілген жарамдылық мерзімі өткеннен кейін қолдануға болмайды. 

Дәріханалардан босатылу шарттары

Рецепт арқылы 

Өндіруші

Les Laboratoires Servier Industrie (Ле Лаборатуар Сервье Индастри), Франция 

немесе 

Servier (Ireland) Industries Ltd (Сервье (Ирландия) Индастриз Лтд), Ирландия

Тіркеу куәлігінің иесі

Les Laboratoires Servier (Ле Лаборатуар Сервье), Франция

Қазақстан Республикасы аумағында тұтынушылардың өнім (тауар) сапасы туралы талаптарын қабылдайтын мекеменің мекен-жайы:

Les Laboratoires Servier ҚР-дағы өкілдігі

050020, Алматы қаласы, Достық даңғылы, 310г, Бизнес орталығы, 3 қабат 

Тел.: (727) 386 76 62,  386 76 63, 386 76 64, 386 76 70, 386 76 71 

Факс: (727) 386 76 67