Манинил

 Қазақстан Республикасы 

Денсаулық сақтау министрлігі  

Фармация комитеті Төрағасының  

2004 жылғы “___” _____________ 

№______ бұйрығымен 

БЕКІТІЛГЕН

Манинил® 3,5

дәрілік затын қолдану жөнінде

тұтынушыларға арналған

нұсқаулық

(аннотация-қосымша бет)

Сауда атауы: Манинил® 3,5

Халықаралық патенттелмеген атауы: Глибенкламид

Дәрілік түрі.

Екі жағынан шеттері қиылған және сызығы бар, жайпақ, қызғылттау түсті таблеткалар.

1 таблеткадағы құрамы 

белсенді зат: глибенкламид (микронизирленген түрі) – 3,5 мг

қосалқы заттар: лактоза моногидраты, картоп крахмалы, метилгидроксиэтилцеллюлозасы, тұндырылған кремний қос тотығы, магний стеараты, қызыл кошениль бояғышы А (Е 124).

Қолдану көрсетілімдері

Инсулинге тәуелді қантты диабет (ІІ түрдегі диабет), емдәм терапиясы тиімсіз болған кезде.

Нұсқау: Қатаң сақталуы тиіс дәрігердің тағайындаған емдәмі қантты диабетті емдеу үшін негіз болып табылады. Манинил® 3,5 препаратын қабылдауға дәрігер жазып берген емдәмді ешқандай жағдайда да өзгертуге болмайды. 

Мөлшерлеу мен қолдану тәсілі

Мөлшерлеу режимі мен емдеу ұзақтығы науқастың көмірсу алмасуы жай-күйі мен қандағы глюкоза деңгейіне байланысты дәрігермен дербес белгіленеді. 

Емедуді біртіндеп, тәулігіне 3,5 Манинилдің® ұ таблеткасынан (тәулігіне 1,75 мг глибенкламид) бастау ұсынылады. Мөлшерді бірнеше күннен бірнеше аптаға дейінгі аралықпен аурудың тұрақты теңгерілуіне қол жеткенге дейін біртіндеп арттыруға болады. Ең жоғары әсеріне 3,5 Манинилдің® тәулігіне 3 (10,5 мг), ерекше жағдайларда – 4 (14 мг) таблеткасын қабылдағанда қол жетеді. 

Заттар алмасуының қалпына келуі организмнің өз инсулиніне сезімталдығының артуына байланысты болғандықтан, емдеу барысында 3,5 Манинилге® қажеттілік төмендейді, дәрілік заттың өте төмен тәіліктік мөлшерлерінде - оның тоқтатылыу мүмкін.

3,5 Манинилді® инсулинмен, метформинмен, акарбозамен және гуармелмен ұштастыруға болады.

Препаратты тамақтанудың алдында шайнамай аздаған мөлшердегі сұйықтықпен бір рет қабылдау қажет.

Препараттың 2 таблеткаға дейін құрайтын тәуліктік мөлшерлері әдетте, тәңертең, тікелей ертеңгіліс ас алдында бір рет қабылданады.

Едәуір жоғары мөлшерлерді таңертеңгі (2/3) және кешкі қабылдауға бөлу ұсынылады.

Препараттың бір қабылдауын өткізіп алған жағдайда біраз уақыт өткеннен кейін едәуір жоғары мөлшермен оның орнын толтыруға рұқсат етілмейді. Манинил® 3,5 препаратының келесі таблеткасын әдеттегі уақытында қабылдау керек. 

Жанама әсерлері

Әдетте Манинил® 3,5 препаратын жақсы көтеруге болады.

Тамақтануды өткізіп алғанда, препаратты артық мөлшерлегенде, ауыр дене жүктемелерінде, сондай-ақ алкогольды қарқынды тұтынғанда қандағы қант деңгейінің жағымсыз қатты төмендеуі (гипогликемия) болуы мүмкін. Көп жағдайда ол қатты ашығуды сезіну, қатты терлеу, денедегі дірілді сезіну, жүрек қағуы, қозу, жабығу көңіл-күйі, бас ауыруы мен ұйқының бұзылуы түрінде көрініс береді. Көпшілік жағдайда бұл жай-күйді дереу глюкозаны, қантты немесе қантқа бай тағамды қабылдау арқылы жоюға болады. 

Емедудің бас кезінде көрудің өтпелі бұзылулары өршуі мүмкін.

Кейде асқазан-ішек жолы тарапынан бұзылулар, сирек – жоғары сезімталдық реакциялары, атап айтқанда, теріде (жекелеген жағдайларда ауыр) орын алуы ықтимал, тек жекелеген жағдайларда қан  түзу жүйесінде өзгерістер немесе бауыр зақымдануы пайда болуы мүмкін.  

Қарсы көрсетілімдері

Манинил® 3,5 препараты инсулинге тәуелді қантты диабетте (І түрдегі қант диабетінде), зат алмасу теңгерілмегенде (кетоацидоз, кома алды жай-күйі), бауыр және/немесе бүйрек функциясының (креатинин клиренсі 30 мл/мин) бұзылулары ілесетін ауыр сырқаттарда, препарат компоненттеріне жоғары сезімталдықта қарсы көрсетілімде.

Жүктілік пен лактация

Препарат жүктілік пен лактация (бала емізу) кезеңінде қарсы көрсетілімде. 

Ескертулер

Манинил® 3,5 препаратымен инсулинге тәуелді диабетті емдеу дәрігер тарапынан тұрақты бақылау жүргізуді талап етеді. 

Емдеуді өздігінен тоқтатуға, сондай-ақ мөлшер мен емдәмді ауыстыруға болмайды! 

Артық мөлшерлеу

Симптомдары: сипатталған жанама әсерлердің күшеюі ықтимал.

Артық мөлшерлеу кезіндегі емдеу шаралары

Жеңіл (естен тандырмайтын) гипогликемияны шамамен 20 г глюкозаны қантты немесе қантқа бай тамақты қабылдап, емделуші өзі-ақ жоюға қабілетті. 

Ауыр (естен тандыратын) гипогликемияда 40-100 мл 20% глюкоза ерітіндісін енгізу керек, егер көк тамырға енгізу мүмкін болмаса, бұлшық етке немесе тері астына 1-2 мг глюкагон енгізеді. Сана қалпына келгеннен кейін гипогликемияның қайта дамуына жол бермеу үшін науқасқа көмірсулары мол тамақ беру керек.

Басқа дәрілік заттармен өзара әрекеттестігі

Манинил® 3,5 препаратының гипогликемиялық әсері АПФ тежегіштерін (ангиотензин өзгертуші ферментті), анаболиялық дәрілерді, бета-рецепторлар бөгегіштерін, фибраттарды, бигуанидтерді, хлорамфениколды, циметидинді, тікелей әсер етпейтін құсуға қарсы дәрілерді, белгілі бір ісікке қарсы препарттарды, пентоксифиллинді, фенилбутазонды, резерпинді, салицилаттарды, сульфонамидтерді, тетрациклиндерді бір мезгілде қолданғанда күшеюі мүмкін.

Манинил® 3,5 препаратының әсері ацетазоламидтің, барбитураттардың, хлорпромазиннің, глюкокортикоидтардың, глюкагондардың, ұрықтануға қарсы гормональдық дәрілердің, фенотиазиндердің, фенитоиннің, салуретиктердің, қалқанша без гормондарының ықпалымен төмендеуі мүмкін.

Алкоголь бір мезгілде қабылдағанда Манинил® 3,5 препаратының қант төмендететін әсерінің күшеюі де, сондай-ақ бәсеңдеуі де мүмкін (әсіресе созылмалы алкоголизмде).

Шығарылу нысаны: сауытта 120 таблетка.

Жарамдылық мерзімі мен сақтау шарттары

Жарамдылық мерзімі: 3 жыл.

Жарамдылық мерзімі өткеннен кейін препаратты қолдануға болмайды.

25ºС-дан аспайтын температурада сақтау керек.

Дәрілік затты балалар қол жеткізе алмайтын жерде сақтау керек!

Дәріханалардан босатылу шарттары: 

дәрігердің рецептісі бойынша.

БЕРЛИН-ХЕМИ АГ

(МЕНАРИНИ ГРУПП)

Глиниккер Вег 125

12489 Берлин, Германия