Дәрілік заттың медицинада

қолданылуы жөніндегі нұсқаулық

Амбробене®  

Саудалық атауы

Амбробене®  

Халықаралық патенттелмеген атауы

Амброксол

Дәрілік түрі

15 мг/5мл 100 мл шәрбат

Құрамы 

5 мл шәрбаттың құрамында 

белсенді зат:  15,0 мг амброксол гидрохлориді,  

қосымша заттар: 70% сорбитол, пропиленгликоль, таңқурай хош иістендіргіші, сахарин, тазартылған су

Сипаттамасы  

Мөлдір, түссізден сәл сарғыш түске дейінгі таңқурай хош ісімен ерітінді.

Фармакотерапиялық тобы

Қақырық түсіретін препараттар. Муколитиктер.

АТЖ коды  R 05CB 06

Фармакологиялық қасиеттері 

Фармакокинетикасы

Ішке қабылдағаннан кейін Амброксол асқазан-ішек жолынан ic жүзінде толығымен сіңіріледі. Препараттың жоғары плазмадағы концентрациясы 1-3 сағаттан кейін байқалады. Ақуыздармен байланысуы тиісінше 85%-ға жуықты құрайды. Жартылай ыдырау кезеңі 22 сағатты құрайды. 90% метабилиттер түрінде және 10% өзгермеген амброксол түрінде бүйректер арқылы шығарылады.

Фармакодинамикасы  

Амбробене® өзгерген бронхөкпе секрециясын қалыпқа түсіреді, қақырықтың тұтқырлығын азайта отырып, оның реологиялық көрсеткіштерін жақсартады және қақырықтың бронхтардан шығарылуын жеңілдетеді. Амбробене® альвеолалардағы және Клара-жасушадағы 2 түрдегі пневмоциттерге тікелей әсер етуі арқылы беткейлік белсенді заттар жүйесін белсенділендіруге ықпал етеді, ұрықтың және ересектер өкпесінің альвеолярлы және бронхтық аймағында беткейлік белсенді материалдың (сурфактант) түзілуін және шығарылуын көтермелейді. Бұдан басқа, амброксолдың антиоксидантты әсерлері анықталған. Амбробенені®  қолданғаннан кейін қақырықта және бронхиалдық сөліністе антибиотиктердің концентрациясы артады. 

Қолданылуы

Амбробене® қақырықтың бөлінуі мен түсуі бұзылатын

жедел және созылмалы бронхпульмональдық ауруларда секретолитикалық терапия мақсатында қолданылады:

-     жедел және созылмалы бронхиттер, пневмонияда

-     қақырықтың түсуі қиындайтын бронх демікпесінде

-     бронхоэктатикалық ауруда.

Қолдану тәсілі және дозалары

Амбробене® шәрбатын тамақтанғаннан кейін жеткілікті мөлшердегі жылы сұйықтықпен (мысалы сумен) қоса берілген өлшегіш стақанның көмегімен қабылдайды.

Ересектер мен 12 жастан асқан  балалар: алғашқы 2-3 күн 10 мл-ден тәулігіне 3 рет, одан кейін 10 мл-ден 2 рет немесе тәулігіне 5 мл-ден 3 рет.

6-12 жастағы балалар: тәулігіне 5мл-ден 2-3 рет.

2-5 жастағы балалар: тәулігіне 2,5 мл-ден 3 рет.

2 жасқа дейінгі балалар: тәулігіне 2,5 мл-ден 2 рет.

Емдеу ұзақтығы аурудың өту ерекшеліктеріне байланысты. Амбробене® шәрбатын дәрігердің тағайындауынсыз 4-5 күннен асырып колдану ұсынылмайды.

Жағымсыз әсерлері

Сирек

- гастралгиялар, жүрек айнуы, құсу

- асқын сезімталдық реакциялары (тері бөртпесі, беттің ісінуі, диспноэ, қышыма)

- дене қызуы

Өте сирек

- анафилактикалық шокты қоса аллергиялық реакциялар

Қолдануға болмайтын жағдайлар

-       амброксолға және/немесе препараттың басқа құрамдастарына жоғары сезімталдықта

-       фруктозаны көтере алмаушылықта

-     жүктіліктің I триместрінде
 

Дәрілермен өзара әрекеттесуі

Амбробене® және:

- жөтелге қарсы препараттарды бір мезгілде қолдағанда, жөтел рефлексі азаю аясында бронхтардан қақырық бөлінуі қиындауы мүмкін.

Айрықша нұсқаулар

Қант диабетімен ауыратын науқастар Амбробене® шәрбатының 1 өлшегіш стақанында 2,1 г сорбит (0,18 ХБ баламалы) бар екенін ескеру керек. 

Бүйректің функционалдық қызметінің шектелуінде және/немесе бауырдың ауыр ауруларында қабылданатын дозаны азайтып, препаратты қабылдау аралығындағы уақытты көбейте отырып, Амбробенені® айрықша сақтықпен қабылдау керек.

Жүктілік және лактация кезеңі

Амбробененің ұрыққа және нәрестелерге жағымсыз әсерлерінің дәлелденген деректері жоқ, болса да Амбробенені® жүктіліктің II және III триместрінде, сондай-ақ емізу кезеңінде дәрігердің пайда/қауіп арақатысына мұқият талдау жасағанынан кейін ғана пайдалануға болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы  

Белгілері: қозу, диарея, саливацияның жоғарылауы, құсу және гипотензия 

Емі: белгісіне қарай ем.

Шығарылу түрі және  қаптамасы

Қызыл-сары түсті шыны құтыларда 100 мл препараттан, тамшылатқышпен және өлшегіш қалпағымен жиынтықта медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

25оС-ден аспайтын температурада сақтау керек. 

Балалардың қолы жетпейтін жерде сақтау керек.

Сақтау  мерзімі

5 жыл

Жарамды мерзімі өткеннен кейін қолдануға болмайды!

Дәріханалардан босатылу шарттары

Рецептісіз 

Өндіруші 

"Меркле ГмбХ", Германия

Тіркеу куәлігінің  иесі

"ратиофарм ГмбХ", Германия

Қазақстан Республикасы аумағында тұтынушылардан өнім (тауар) сапасы жөніндегі шағымдарды қабылдайтын ұйымның мекенжайы:

«ратиофарм Қазақстан» ЖШС, 050000, Алматы қ., әл-Фараби даң.,13

Нұрлы-Тау БО, 1В, 305 офис,

телефон: +7 (727) 311 10 66/68/73/75, Факс: +7 (727) 311 10 69

Электрондық пошта: info@ratiopharm.kz