Беротек Н

Дәрілік заттың медицинада қолданылуы
жөніндегі нұсқаулық

БЕРОТЕК H

Саудалық атауы
БЕРОТЕК Н

Халықаралық патенттелмеген атауы
Фенотерол

Дәрілік түрі
Ингаляцияға арналған дозаланған аэрозоль, 100 мкг/доза

Құрамы
1 ингаляциялық доза құрамында:
белсенді зат – фенотерол гидробромиді 100 мкг,
қосымша заттар: сусыз лимон қышқылы, абсолютті этанол, тазартылған су.
пропеллент: 1,1,1,2 – тетрафторэтан (HFA 134a)

Сипаттамасы
Мөлдір түссіз, сәл сарғыш немесе сәл қоңырлау түсті сұйықтық, этанол иісі бар, суспензияланған бөлшектерден бос.

Фармакотерапиялық тобы
Тыныс алу жолдарының обструкциялық ауруларын емдеуге арналған  препараттар. Ингаляциялық симпатомиметиктер. Селективті бета2-адреностимуляторлар. Фенотерол
АТХ коды R03АС04

Фармакологиялық қасиеттері
Фармакокинетикасы
БЕРОТЕК Н препаратының терапиялық әсері тыныс жолдарына жергілікті әсер ету арқылы жасалады. Бронходилатация әсері бар ингалляциядан соң пайда болатын қан плазмасындағы фенотерол концентрациялары арасында өзара байланыс болмайды.
Ингаляциядан соң аэрозолды препараттан белсенді ингредиенттің 10-30 -ы төменгі тыныс жолдарына өтеді, қалған бөлігі жоғары тыныс жолдарында және ауыз қуысында жинақталады. Нәтижесінде фенотеролдың бір бөлігі әр ингаляциядан соң асқазан-ішек жолына келіп түседі. 
Абсолюттік биожетімділігі – 18,7 %. Ары қарай сіңуі екі фазалыға айналады, мұнда гидробромид фенотеролының 30% 11 минут жартылай шығарылу кезеңінде жылдам сіңеді, 70 % баяу сіңіп, жартылай шығарылу уақыты 120 минутты құрайды.
200 мкг ингаляциядан соң ең жоғарғы плазмалық концентрациялары – Сmax 66,9 пг/мл, tmax 15 мин. құрайды. Гибромид фенотеролының 60 %-ға жуығы сіңеді. Препараттың сіңген мөлшері алғашқы айналымда терең метаболизмге ұшырап, нәтижесінде ішу арқылы биосіңімділігі шамамен 1,5 %-ға дейін төмендейді. Сондықтан белсенді ингредиенттің жұтылушы бөлігі плазмадағы деңгейін ингаляциядан соң мүлдем арттырмайды.
Фенотерол бүкіл организмге таралады. Плазманың ақуыздарымен байланысы – 40-55 %. Препараттың ішке келіп түскен бір бөлігі көбіне ішектің қабырғаларында сульфат-конъюгаттар түзу арқылы метаболизденеді. Өтпен шығарылуын қоса алғанда, биологиялық өзгерісі - 85 %-ға жуық. Фенотеролдың бүйрек клиренсі (0,27 л/мин) жүйелі қан ағымына келіп түсетін жалпы дозаның шамамен 15 %-ына сәйкес келеді. Плазманың ақуыздарымен байланысқан препарат фракциясын есепке алатын болсақ, бүйрек клиренсінің мәні шумақтық сүзіліске қосымша ретте фенотеролдың өзекшелік сөлінісіне сәйкес келеді.
24 сағат ішіндегі несеппен бірге жалпы шығарылуы – ингаляциядан соң дозаның 2 %-ы өзгеріссіз қалады.
Өзгермеген түрінде фенотерол елеусіз мөлшерде гематоэнцефалдық бөгет арқылы және ана сүтіне өтуі мүмкін.
Диабетиктердің метаболикалық жағдайында фенотерол гидробромидінің әсері туралы деректер жеткілікісіз.
Фармакодинамикасы
БЕРОТЕК Н – эмфиземамен асқынған немесе асқынбаған бронх демікпесі және созылмалы обструкциялық бронхит ұстамасын басу үшін пайдаланылатын нәтижелі бронходилататор.
Фенотерол гидробромидінің ингаляциясынан соң өкпеде – бронхо-дилатация бірнеше минуттардан соң басталады, ал бронходилатациялық әсері 3 сағаттан 5 сағатқа дейін созылады.
Фенотерол гидробромиді емдік дозаларда бронхтың бета2-адренорецепторларын таңдамалы ретте көтермелеп, тікелей симптатомиметикалық әсер береді. Аса жоғары дозаларда ол бета1-адренорецепторларды көтермелеу қасиетіне ие болады. Бета2-адренорецепторлармен байланысуы көтермелеуші Gs-ақуызының қатысуымен аденилатциклазаны белсенді-летеді. Циклдық АМФ-нің жоғары деңгейі А протеинкиназаны белсенділетеді, ол соңынан тегіс бұлшықет жасушаларындағы ақуыз-нысаналарды фосфорлайды. Бұл, өз кезегінде, миозинкиназаның жеңіл тізбегінің фосфорлануына және кальциймен белсенділенетін калий өзектерінің ашылуына әкеледі.
Фенотерол гидробромиді бронхтар мен тамырлардың тегіс бұлшықеттерін босатады, гистамин, метахолин, салқын ауа мен аллергендердің әсеріне байланысты (жедел түрдегі асқын сезімталдық реакциялары) бронхтың түйілу реакцияларының дамуына қарсы әсер етеді. Фенотерол тағайындалған соң бірден жуан жасушалардан бронхоконстрикторлық қабыну медиаторларының босатылуын бөгейді.
Фенотеролдың аса жоғары дозаларын қолдану мукоцилиарлы клиренсті ұлғайтады.
Плазмадағы фенотеролдың аса жоғары концентрацияларында жатырдың тарылуы тежеледі, сондай-ақ метаболикалық әсерлер байқалады: липолиз, гликогенолиз, гипергликемия және гипокалиемия. Гипокалиемия басты ретте қаңқа бұлшықеттерінің калий иондарының көп тұтынылуымен байланысты. Жүректің жиырылу жиіліктері мен күштерінің ұлғаюы сияқты жүрекке бета-адренергиялық әсерлер, сондай-ақ терапиялық, бета1-адренорецепторлардан жоғары дозаларды пайдалану фенотеролдың тамырларға әсер ету, миокард бета2-адренорецепторларының көтермелену, салдары болып табылады. Жоғары дозаларды пайдаланғанда, басқа бета-адренергиялық препараттарды пайдалану кезіндегідей QTс аралықтарының ұзаруы байқалды. Діріл бета2-агонистердің ең жиі байқалатын әсері болып табылады. Бронхтардың тегіс бұлшықеттеріне әсер етуден айырмашылығы, бета2-агонистердің жүйелі әсеріне төзімділік дамуы мүмкін.

Қолданылуы
 демікпе ұстамаларын және қайтымды бронх түйілуі бар тыныс жолдарының басқа да ауруларының алдын алу мен симптоматикалық емдеу: өкпенің созылмалы обструкциялық ауруы, эмфиземамен асқынған және асқынбаған созылмалы обструкциялық бронхитте
 дене ширығуы демікпенің ұстамаларының алдын алу

Қолдану тәсілі мен дозалары
Демікпенің жедел ұстамасы және қайтымды бронх түйілуі бар тыныс жолдарының басқа да аурулары.
Көп жағдайда бронх түйілуін басу үшін 1 ингаляциялық доза жеткілікті; егер 5 минут ішінде тыныс алу жеңілдемесе, күніне ең көбі 8 ингаляцияға дейін ингаляцияны қайталауға болады.
Егер 2 ингаляциялық дозадан соң жеңілдемесе, қосымша ингаляциялар қажет болуы мүмкін.
Дене ширығуы демікпе ұстамаларының алдын алу.
Жүктемеге дейін 1-2 ингаляциялық дозалар, күніне 8 ингаляцияға дейін.
БЕРОТЕК Н дозаланған аэрозолін балаларға дәрігердің тағайындауымен және ересектердің бақылауымен ғана қолдану керек детей.
Қолдану тәсімі
Барынша жоғары әсерге қол жеткізу үшін, дозаланған аэрозольді дұрыс пайдалану қажет.
Дозаланған аэрозольді алғаш рет қолданар алдында баллонның түбін екі рет басыңыз.
Дозаланған аэрозольді әр қолданған сайын келесі ережелерді сақтау қажет:
1. Қорғағыш қақпақшасын шешіп алыңыз.
2. Тынысты баяу, толық шығарыңыз.
3. Баллонды (1-суретте көрсетілгендей етіп) ұстап, мундштукті ерніңізбен қатты қымқырып ұстаңыз. Баллонның түбі жоғары жаққа қаратылуы тиіс. 
 
 (1 сурет)
4. Мүмкіндігінше терең тыныс алып, бір мезгілде баллонның түбін бір ингаляциялық доза босап шыққанға дейін тез басу керек. Демді бірнеше секундқа ұстап тұрып, соңынан мундштукті ауыздан суырып алады және тынысты баяу шығару керек.
Екінші ингаляциялық дозаны алу үшін осы әрекеттерді (2-3 қадамды) қайталау керек.
5. Қорғағыш қақпақшасын кигізу керек.
6. Егер аэрозольді баллон үш күнге дейін пайдаланылмаса, қолданар алдында аэрозоль бұлты пайда болғанша, баллонның түбін басу керек.
Контейнер мөлдір болмағандықтан, баллонның қаншалықты бос екендігін анықтау мүмкін емес. Баллон 200 ингаляцияға есептелген. Дозаның осы мөлшерін пайдаланып болған соң, контейнерде аз ғана мөлшерде ерітінді қалуы мүмкін. Солай болғанымен, контейнерді ауыстыру керек, олай етпеген жағдайда, қажетті ем дозасы алынбауы мүмкін.
Контейнерде қалып қойған препарат мөлшерін келесі түрде тексеруге болады. Контейнерден пластмасса мундштукты шешіп алып, контейнерді іші суға толтырылған ыдысқа салыңыз. Контейнер ішіндегі құрамы оның судағы тұрысына қарай анықталуы мүмкін (2-суретті қараңыз).
 
    (2 сурет)

Ингаляторды кемінде аптасына бір рет тазалаңыз.
Бүркілуіне кедергі келтіретін препараттың жинақталуын болдырмау үшін, ингалятордың мундштугын таза ұстаңыз.
Ингаляторды тазалау үшін алдымен тозаңнан қорғайтын қақпағын, соңынан ингалятордан баллонды шешіп алыңыз. Ингаляторды дәрілік заттың барлық қалдықтары және/немесе кірі кеткенше жылы су ағынымен жуыңыз.
 
(3 сурет)
Тазалап болған соң ингаляторды шайқап, әлдебір қыздыру құрылғысын пайдаланбай, ауада кебуі үшін қойып қойыңыз.
Мундштук кепкен соң, баллон мен тозаңнан қорғағыш қақпақты ауыстырыңыз.
 
(4 сурет)
ЕСКЕРТУ: пластикалық мундштук БЕРОТЕК Н дозаланған аэрозолі үшін арнайы дайындалып, препаратты дәлме-дәл дозалау үшін қызмет атқарады. Мундштукты басқа дозаланған аэрозольдермен бірге пайдалануға болмайды. Сондай-ақ БЕРОТЕК Н аэрозолін баллонмен бірге қойылатын мундштуктан басқа өзге адаптерлермен бірге пайдалануға болмайды.
Баллонның ішіндегі зат қысым астында болады. Баллонды ашуға және 50оС-ден астамға қыздыруға болмайды.

Жағымсыз әсерлері
- жөтел, тамақтың тітіркенуі
- бронхтүйілуі, оның ішінде бронхтың парадоксальды түйілуі
- лоқсу, құсу
- гипокалиемия
- гипергидроз, есекжем, бөртпе, қышыну
- миокард ишемиясы, аритмия, тахикардия, жүрек қағысы
- систолалық артериялық қысымның жоғарылауы
- диастолалық артериялық қысымның төмендеуі
- діріл, бас ауыруы, бас айналуы
- бұлшықет әлсіздігі, түйілу, миалгия
- үрейлі қозу, ашушаңдық 
- анафилаксиялық реакциялар, асқын сезімталдық 
- допинг-тест өткен кезде фенотеролға оң реакция (спорттық дайындық нәтижелерінің жоғарылауы)
Ингаляциялық емнің басқа дәрілері сияқты препаратты қолдану кезінде жергілікті тітіркену симптомдары туындауы мүмкін.

Қолдануға болмайтын жағдайлар
- фенотерол гидробромидіне немесе препараттың кез келген басқа компонентіне жоғары сезімталдықта
- гипертрофиялық обструкциялық кардиомиопатия, тахиаритмияда

Дәрілік өзара әрекеттесуі
Бета-адренергиялық және антихолинергиялық дәрілер, ксантин туындылары (мысалы, теофиллин) фенотеролдың бронхты кеңейту әсерлерін күшейтуі мүмкін.
Басқа бета-адреномиметиктерді, жүйелі қан ағымына келіп түсетін антихолинергиялық дәрілер мен ксантин туындыларын (мысалы, теофиллинді) бір мезгілде қолдану жағымсыз әсерлердің күшеюіне әкелуі мүмкін.
Бета-адреноблокаторлармен бір мезгілде тағайындаған кезде, БЕРОТЕК Н -нің бронхты кеңейтетін әсері едәуір әлсіреуі мүмкін.
Моноаминооксидаза тежегіштерімен және үшциклдық антидепрессанттарды қабылдаған емделушілерге бета-адренергиялық дәрілерді сақтықпен тағайындау керек, өйткені бұл препараттар бета-адренергиялық дәрілердің әсерін күшейтуге қабілетті.
Галогенделген көмірсутегілік анестетиктердің, мысалы галотанның, трихлорэтиленнің немесе энфлуранның ингаляциялары бета-адренергиялық дәрілердің жүрек-қантамыр жүйесіне жағымсыз әсерін күшейтуі мүмкін.

Айрықша нұсқаулар
Дозаланған БЕРОТЕК Н аэрозолін алғаш қолданған кезде, емделуші ішінде фреоны бар бұрынғы аэрозольге қарағанда, жаңа аэрозольде басқаша дәм бар екенін байқауы мүмкін. Препараттың бір формуласынан басқа формуласына ауысқан кезде, мұны емделушілерге ескерткен жөн. Емделушілер препараттың екі формуласы да бірін-бірі толық алмастыра алатынын және дәмнің өзгеруі аэрозольдің жаңа формуласының тиімділігіне және қауіпсіздігіне әсер етпейтіндігін білуге тиісті.
Басқа симпатомиметикалық бронходилататорларды БЕРОТЕК Н -мен бір мезгілде медициналық бақылаумен ғана тағайындау керек.
Сақтықпен (қауіп – күтілетін пайда арақатынасына мұқият талдау жүргізген соң) қолдану керек: қалпына келмейтін қант диабеті, жуырда болып өткен миокард инфарктісі, жүрек-қантамырлар жүйесінің ауыр сырқаты, бақыланбайтын артериялық гипертензия, гипертиреоз, феохромоцитома.
Ентікпенің кенеттен пайда болған және жылдам өршуі (тыныс алудың қиындауы) жағдайында тез арада дәрігерге көріну керек.
Ұзақ қолданылуы:
 қажетіне қарай симптоматикалық емдеу тұрақты қолдануға қарағанда дұрысырақ (ұстаманы қайтару)
 тыныс алу жолдарындағы қабыну үдерісі мен аурудың барысын бақылау үшін, сонымен қатар өкпенің созылмалы зақымдануының алдын алу үшін  қабынуға қарсы (ингаляциялық кортикостероидтар) ем қосу немесе күшейту кезінде емделушілердің жағдайын бағалау керек.
Бронх обструкциясын басу үшін ішінде бета2-агонистер бар БЕРОТЕК Н сияқты препараттардың ұлғаюшы дозаларын ұдайы қолдану ауру барысын бақылауға келмейтіндей етіп нашарлатуы мүмкін. Бронх обструкциясы күшейген жағдайда бета2-агонистер, оның ішінде БЕРОТЕК Н-нің дозасын ұсынылған дозадан ұзақ уақыт бойы жай ғана ұлғайту дұрыс емес деп табылып қана қойған жоқ, сондай-ақ ол қауіпті де.
Ауру барысының адам өміріне қауіп төндіретіндей нашарлауын болдырмау үшін, емделуші емдеу жоспарын қайта қарау және ингаляциялық глюкокортикостероидтармен сәйкес қабынуға қарсы емдеу мәселесін қарастыру керек.
Бета2-агонистермен ем тағайындаған кезде, айқын гипокалиемияның дамуы мүмкін. Ауыр демікпе жағдайында ерекше сақ болған жөн, өйткені гипокалемия әсері ксантин туындылары, глюкокортикостероид және диуретиктермен қосымша емделу арқылы күшеюі мүмкін. Сондай-ақ гипоксия гипокалиемияның жүрек ырғағына әсерін күшейтуі, сонымен қатар дигоксин қабылдайтын емделушілерде аритмияға жоғары сезімталдығына әкелуі мүмкін. Мұндай жағдайларда қан сарысуындағы калий деңгейін бақылау ұсынылады.
Симпатомиметикалық дәрілер, оның ішінде БЕРОТЕК Н жүрек-қантамыр жүйесіне әсер етуі мүмкін. Бета-агонистерді қабылдаумен байланысты миокард ишемиясының сирек жағдайларын дәлелдейтін деректер бар. Негізгі ауыр жүрек ауруы бар (мысалы, жүректің ишемиялық ауруы, аритмия немесе ауыр жүрек жеткіліксіздігі) БЕРОТЕК Н -ді қабылдайтын емделушілер кеуденің ауыруы немесе жүрек ауруымен байланысты ахуалының нашарлау симптомдары пайда болған жағдайда, медициналық көмекке жүгіну қажеттілігі туралы ескертілуі тиіс. Тыныс алудың қиындауы және кеуденің ауыруы сияқты симптомдарды бағалауға назар аудару қажет, өйткені олар респираторлық немесе жүрекке қатысты болуы мүмкін.
БЕРОТЕК Н пайдалану психобелсенді заттарды шамадан тыс қолдануды анықтайтын клиникалық емес сынақтардан өткенде фенотеролға оң реакция беруі мүмкін, мысалы, спорттық дайындық нәтижесін арттыру үшін (допинг қолданылғанда).
Фертильділік, жүктілік және лактация кезеңі
Фенотерол гидробромидінің  адам фертильдігіне әсер етуі жөніндегі зерттеулер жүргізілген жоқ. Әйтсе де, клиникаға дейінгі зерттеулер мәліметтері, фенотерол гидробромиді фертильдікке теріс әсер етпейтінін көрсетті.
Қолдағы клиникалық тәжірибенің көрсетуінше фенотерол гидробромиді  жүктілікке кері әсер етпейді. Солай болғанымен, жүктілік кезінде, әсіресе, I триместрде, дәрілік препараттарды қолданумен байланысты кәдімгі сақтық шараларын сақтаған жөн.
БЕРОТЕК Н-нің жатырдың жиырылуына тежегіш әсерін назарға алған жөн.
Фенотерола гидробромиді ана сүтіне енуі мүмкін. Лактация кезеңінде препаратты қолдану қауіпсіздігі анықталған жоқ. Солай болғанымен, көптеген дәрілік препараттардың ана сүтіне ену қабілетін ескере отырып, емшек емізу кезеңінде әйелдерге БЕРОТЕК Н-ді тағайындау кезінде сақ болған жөн.
Дәрілік заттың автокөлік немесе басқа да әлеуетті қауіпті механизмдерді басқару қабілетіне әсер ету ерекшеліктері 
Препараттың автокөлікті жүргізу және механизмдерді басқару қабілетіне әсері зертелмеген.
Солай болғанымен, емделушілерге мүмкін болған жағымсыз әсерлері туралы хабарлау: бас айналу, БЕРОТЕК Н-ді қабылдау кезіндегі діріл және автомобильді жүргізу немесе механизмдерді басқару кезінде сақ болуды ұсыну қажет. Емделушілерде жоғарыда көрсетілген жағымсыз әсерлер пайда болған жағдайда, жүргізу немесе механизмдерді басқару сияқты әлеуетті қауіпті операцияларды орындамаған жөн.

Артық дозалануы
Симптомдары: бета-адренорецепторлардың шамадан тыс көтермеленуіне байланысты симптомдар пайда болуы мүмкін. Тахикардия, жүректің қағуы, діріл, артериялық гипертензия немесе артериялық гипотензия, пульстік қысымның артуы, стенокардиялық ауырулар, аритмия және құйылулардың пайда болу мүмкіндігі жоғары.
Қолданылған фенотеролдың дозасын БЕРОТЕК Н-нің ұсынылатын ең жоғарғы тәуліктік дозасынан арттырған жағдайда метаболикалық ацидоз дамуы мүмкін.
Емі: тыныштандырғыш дәрілерді, транквилизаторларды тағайындайды, ауыр жағдайларда қарқынды симптоматикалық терапия қолданылады.
Арнайы у қайтарғы ретінде -адреноблокаторлар, әсіресе 1-іріктелген (атенолол және басқалар) ұсынылады. Алайда бронх обструкциясының  күшеюі мүмкін екендігін ескеру және бронх демікпесіне шалдыққан емделушілерге осы препараттардың дозасын абайлап іріктеу қажет.

Шығарылу түрі мен қаптамасы
Сақтандырғыш қақпақшасы, дозалайтын құрылғысы және ауыз арқылы пайдалануға арналған ингаляторы бар тот баспайтын болаттан жасалған баллонға 10 мл препараттан құйылған. 
1 баллоннан мемлекеттік және орыс тіліндегі қолдану жөніндегі нұсқаулықпен және ингаляторымен бірге картон қорапқа салынған.

Сақтау шарттары
25оС-ден аспайтын температурада сақтау керек.
Баллонды ашуға және қыздыруға болмайды.
Балалардың қолы жетпейтін жерде сақтау керек!

Жарамдылық мерзімі
3 жыл.
Жарамдылық мерзімі өткеннен кейін препаратты пайдалануға болмайды.

Дәріханадан босатылу шарттары
Рецепт арқылы

Өндіруші
Берингер Ингельхайм Фарма ГмбХ және Ко. КГ, Германия

Тіркеу куәлігінің иесі
Берингер Ингельхайм Фарма ГмбХ және Ко.КГ, Германия

Тұтынушылардан өнім сапасы туралы түскен шағымдарды Қазақстан Республикасы аумағында қабылдайтын ұйымның мекенжайы:
ҚР-дағы «Берингер Ингельхайм Фарма Гес мбХ» өкілдігі:
Заңды мекенжайы: Алматы қ., 050010, Қайырбеков көш. 38
Нақты мекенжайы: Алматы қ., 050008, Абай даңғылы 52
«Innova Tower» бизнес-орталығы, 7ші қабат
тел: +7 (727) 250 00 77 
факс: +7 (727) 244 51 77
e-mail: Drug-SafetyKZ@boehringer-ingelheim.com