Бронхорус

Қазақстан Республикасы 

Денсаулық сақтау министрлігі Фармацевтикалық бақылау 

комитеті  Төрағасының  

2009   жылғы “__” _____________

№ _____ бұйрығымен 

БЕКІТІЛГЕН

Дәрілік заттың медицинада  

қолданылуы жөніндегі 

нұсқаулық

БРОНХОРУС

Саудалық атауы 

Бронхорус 

Халықаралық патенттелмеген атауы

Амброксол

Дәрілік түрі

3 мг/мл шәрбат

Құрамы

1 мл ерітіндінің құрамында

белсенді зат – 3 мг амброксол гидрохлориді,

қосымша заттар: 600 мг сұйық сорбитол, 0,8 мг нипагин (метилпарагидроксибензоат), 0,2 мг нипазол (пропилпарагидроксибензоат), 50 мг пропиленгликоль, 0,5 мг натрий сахаринаты, 2 мг тағамдық сұйықтың хош иістендіргіші, 1 мл шәрбат алғанға дейінгі тазартылған су.

Сипаттамасы

Түссізден аздап сарғыш түсті мөлдір сұйықтық

Фармакотерапиялық тобы

Қақырық түсіргіш препараттар. Муколитиктер

АТЖ коды R05CB06

Фармакологиялық  қасиеттері

Фармакокинетикасы

Сіңуі – жоғары, ең жоғарғы концентрациясының (Тcmax) жету уақыты – 2 сағат, плазма ақуыздарымен байланысуы – 80%. Гематоэнцефалиялық кедергі, плацентарлық кедергі арқылы өтеді, емшек сүтімен бөлінеді. Метаболизмі – бауырда, дибромантранил қышқылын және глюкуронды конъюгаттарды түзеді. Жартылай шығарылу кезеңі (Т 1/2) – 7-12 сағат, бүйрек арқылы шығарылады: 90% суда ерігіш метаболиттері түрінде, өзгермеген түрде – 5 %.

Жартылай шығарылу кезеңі созылмалы бүйрек жеткіліксіздігінің ауыр түрінде (СБЖ) ұлғаяды, бауыр қызметінің бұзылуында өзгермейді.

Фармакодинамикасы

Муколитикалық дәрі. Секретомоторлық, секретолитикалық және қақырық түсіргіш әсерге ие; өкпенің шырышты қабығы безінің серозды жасушаларын көтермелейді, шырышты сөліністің құрамын арттырады және альвеолдардағы және бронхтардағы синтезді және беткейлік-белсенді заттың сөлінісін (сурфактантты)көтермелейді; сероздық және кейде қақырықтың шырышты құрамдастарының өзара бұзылысын қалпына келтіреді. Гидролиздеуші ферменттерді белсендіре және Кларка жасушасынан лизосоманың босап шығуын күшейте отырып қақырық тұтқырлығын төмендетеді. Жылжымалы эпителияның қозғалысын белсендіреді, мукоцилиарлық тасымалдануы артады.

Ішке қабылдағанда препараттың әсері 30 минуттан соң басталады және 6-12 сағат бойы жалғасады.

Қолданылуы

Тұтқыр қақырықтың түзілуі бар тыныс жолдарының ауруларын кешенді түрде емдеуде

- жедел және созылмалы бронхитте

- пневмонияда

- қақырық түсудің қиындауы бар бронхтық демікпеде 

- бронхоэктатикалық ауруларда

- өкпенің созылмалы-тарылмалы ауруларында (ӨСТА)

- респираторлық дистресс-синдромының алдын алу және емдеу.

Қолдану тәсілі және дозалары

Ішке, сұйықтықтың аздаған мөлшерімен, тамақ қабылдау кезінде.

Шәрбат (3 мг/мл) ересектерге – алғашқы 2-3 күні – тәулігіне 10 мл-ден (2 шай қасықпен), одан кейін 5 мл-ден (1 шәй қасықпен) 3 рет немесе тәулігіне 10 мл-ден 2 рет. Аурудың ауыр түрінде емдеу курсының барлық кезеңдерінде дозаны азайтпау керек.

5-12 жастағы балаларғатәулігіне 15 мг-дан 2-3 рет, 2-5 жастағыларға – тәулігіне  7,5 мг-дан 2 рет тағайындайды.

Дәрігердің тағайындауынсыз 4-5 күннен артық қолдануға болмайды.

Жағымсыз әсерлері

- тері бөртпесі, есекжем, ангионевротикалық ісіну, аллергиялық дерматит, анафилактикалық шок

- әлсіздік

- бас ауыруы

- ауыздың және тыныс алу жолдарының кеберсуі, жүрек айнуы, құсу, гастралгия, іш өтуі, іш қатуы

- экзантемалар, ринорея, дизурия

Қолдануға болмайтын жағдайлар

- асқын сезімталдықта

- жүктілікте (I триместрде)

Дәрілермен өзара әрекеттесуі

Жөтелге қарсы дәрілік заттармен біріктіріп қолданғанда жөтелдің азаюы аясында қақырық кетуінің қиындауына әкелуі мүмкін. 

Бронхтық сөлініске амоксициллиннің, цефуроксимнің, эритромициннің және доксициклиннің өтуі артады.

Айрықша нұсқаулар

Сақтықпен: бауыр жеткіліксіздігінде, бүйрек жеткіліксіздігінде, асқазанның және 12-елі ішектің ойық жара ауруында.

Қақырық шығуын қиындататын жөтелге қарсы дәрілік заттармен біріктіруге болмайды.

Қант диабетінен зардап шегетін емделушілерге шәрбатты тағайындауға болады (5 мл шәрбаттың құрамында сорбитол және сахарин 0,18 НБ сәйкес ретінде бар).

Жүктілік және  лактация

Жүктіліктің ІІ-ІІІ триместрінде амброксолды қабылдау қажет болғанда ұрық үшін болуы мүмкін қауіп пен ана үшін пайданың арақатынасын бағалау керек. Бала емізіп жүрген кезде ол емшек сүтіне өтетіндіктен препаратты сақтықпен қабылдау керек.

Дәрілік заттың көлік құралдарын немесе қауіпті механизмдерді басқару қабілетіне  әсер ету ерекшеліктері

Бронхорус автомобиль жүргізу және қауіпті деп саналатын механизмдермен жұмыс істеу қабілетіне әсер етпейді.

Артық дозаланғанда

Белгілері: жүрек айнуы, құсу, іш өтуі.

Емдеу: жасанды құстыру, препаратты қабылдағаннан кейін алғашқы 1-2 сағаттан соң асқазанды шаю; құрамында май бар өнімді қабылдау керек. 

Шығарылу түрі және қаптамасы

Алюминийлік қақпақпен қапталған, мойны бұрамалы сарғыш қызыл шыныдан жасалған құтылардағы шәрбат 100 мл-ден. Әр құты қолдану жөніндегі нұсқаулықпен бірге картоннан жасалған пәшкеге салынған. 

Сақтау шарттары

Құрғақ, жарықтан қорғалған жерде, +15-тен +25ºС-ге дейінгі температурада сақтау керек.

Балалардың қолы жетпейтін жерде сақтау керек! 

Сақтау мерзімі

2 жыл

Жарамдылық мерзімі өткеннен кейін қолданбау керек.

Босатылу шарттары

Рецептісіз

Өндіруші

“Медициналық препараттар және “Синтез» бұйымының Акционерлік Қорған қоғамы («Синтез» ААҚ) Ашық Акционерлік Қоғам.

Ресей Федерациясы, 640008, Қорған қаласы, Конституция даңғылы, 7.