Гербион Шырмауық

«Қазақстан Республикасы 

Денсаулық сақтау министрлігі 

Тауарлар мен көрсетілетін 

қызметтердің сапасы мен 

қауіпсіздігін бақылау 

комитеті» РММ төрағасының 

20_ ж. «____» ___________

№ ______________ бұйрығымен

БЕКІТІЛГЕН

Дәрілік препаратты медициналық қолдану

жөніндегі нұсқаулық (Қосымша-парақ)

Саудалық атауы  

Гербион ® шырмауық шәрбаты

Халықаралық патенттелмеген атауы

Жоқ

Дәрілік түрі, дозасы  

Шәрбат, 150 мл 

Фармакотерапиялық тобы 

Респираторлық жүйе. Жөтел және суық тию аурулары кезінде қолданылатын препараттар. Экспекторанттар, жөтелді бәсеңдететін біріктірілімдерін қоспағанда.  Қақырық түсіретін препараттар. Шырмауық жапырақтары экстрактісі. 

АТХ коды R05CА12

Қолданылуы 

Гербион® шырмауық шәрбатының құрамында шырмауық  жапырақтарының құрғақ экстрактісі бар. Препарат  ересектерге, жасөспірімдерге және 2 жастан асқан балаларға  жоғары тыныс алу жолдары және өкпенің қабыну ауруларын кешенді емдеуде симптоматикалық дәрі ретінде қолданылады.     

Қолдануды бастағанға дейін қажетті мәліметтер тізбесі 

Қолдануға болмайтын жағдайлар

-           әсер етуші затқа немесе қосымша заттардың кез келгеніне және Аралия тұқымдас өсімдіктерге аса жоғары сезімталдық 

-           жүктілік және лактация кезеңі

-           секретоликалық препараттарды қолданумен байланысты респираторлық жүйе тарапынан тыныс алу симптомдарының нашарлау қаупіне байланысты 2 жасқа дейінгі балаларға 

-           тұқым қуалайтын фруктоза көтере алмаушылығы

Қолдану кезінде қажетті сақтық шаралары

Егер ауру симптомдары жойылмаса немесе ентігу, дене температурасының жоғарылауы, сондай-ақ жөтелген кезде іріңді немесе қанды қақырық пайда болса, дереу дәрігермен кеңесу керек.   

2-ден 4 жасқа дейінгі балалардағы тұрақты немесе қайталамалы жөтел емдеуге дейін медициналық диагнозды қажет етеді.  

Кодеин немесе декстрометорфан сияқты жөтелге қарсы дәрілерді бір мезгілде пайдалану ұсынылмайды.

Гастрит немесе асқазан ойық жарасы бар пациенттерге сақтықпен қолдану ұсынылады.   

Басқа дәрілік препараттармен өзара әрекеттесуі

Препараттың басқа дәрілік заттар әсеріне ықпал етуі туралы деректер жоқ. Препарат әсеріне тағамның ықпалы туралы хабарланған жоқ.

Арнайы ескертулер

Қосымша заттар туралы айрықша нұсқаулар

1 мл Гербион® шырмауық шәрбаты препаратында 350 мг сорбитол (E420)  бар (5 мл шәрбатта (1 өлшеуіш қасық) 1750 мг сорбитол (Е420) бар).   Сорбитол - фруктозаның көзі болып табылады. Егер сізге емдеуші дәрігер сізде (немесе сіздің балаңызда) қанттың белгілі бір түрлерін көтере алмаушылық бар екендігін айтса, немесе бұрын сирек тұқым қуалайтын фруктоза көтере алмаушылығы (ТФК), сирек генетикалық ауру, организмнің фруктозаны ыдырата алмау жағдайы диагностикаланған болса, сізге осы препаратты қабылдамас бұрын өз дәрігеріңізге жүгіну керек. Сорбитол (күніне ≥ 140 мг/кг) асқазан-ішек жайсыздығын және әлсіз іш жүргізетін әсер туғызуы мүмкін.

Препарат құрамында аз мөлшерде этанол (алкоголь) бар, әр дозаға 100 мг-нан кем. 

5 мл шәрбат (1 өлшеуіш қасық) құрамында 10 мг натрий бензоаты бар.

Бұл дәрінің бір дозасының құрамында 1 ммоль аздау натрий (23 мг) бар, яғни, іс жүзінде натрий жоқ.

Педиатрияда қолдану  

Гербион® шырмауық шәрбаты препаратын 2 жасқа дейінгі балаларда қолдану ұсынылмайды. 2-4 жастағы балада тұрақты немесе қайталанатын жөтел болған жағдайда, емді бастамас бұрын диагнозды нақтылау үшін дәрігердің кеңесі қажет.  

Жүктілік немесе лактация кезінде

Жүктілік және бала емізу кезеңінде қолдануға болмайды (клиникалық деректер жеткіліксіздігіне байланысты).  

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қабылдау автокөлікті немесе қауіптілігі зор механизмдерді басқару қабілетіне әсер етпейді.

Қолдану бойынша ұсынымдар 

Дозалау режимі 

Ересектер мен 12 жас және одан асқан балаларға: 5 немесе 7,5 мл шәрбат күніне 2 рет (күнделікті 70-105 мг шырмауық  жапырақтары құрғақ экстрактісіне сәйкес келеді).  

6-дан 11 жасқа дейінгі балаларға: 5 мл шәрбат күніне 2 рет (күнделікті 70 мг шырмауық жапырақтары құрғақ экстрактісіне сәйкес келеді).   

2-ден 5 жасқа дейінгі балаларға: 2,5 мл шәрбат күніне 2 рет (күнделікті 35 мг шырмауық жапырақтары құрғақ экстрактісіне сәйкес келеді).   

Енгізу әдісі мен жолы

Ұсынылатын дозалағыш қасықтың көмегімен ішке қолдану керек.

Шәрбат таңертең, түсте және/немесе кешке қабылдануы тиіс.

Гербион® шырмауық шәрбатын қабылдағанда шай немесе басқа жылы сусындарды молынан ішу ұсынылады.

Гербион® шырмауық шәрбатын тамақтануға қарамастан қолдануға болады. 

Емдеу ұзақтығы 

Жеңіл жағдайларда емдеу ұзақтығы 1 апта болады. Егер пациенттің жағдайы жақсармаса, одан әрі емдеуге қатысты дәрігерге жүгіну керек.

Анағұрлым күрделі жағдайларда емдеу ұзақтығы дәрігермен әр адамға жекелей анықталады.   

Артық дозалану жағдайында қабылдануы қажет шаралар 

Ұсынылған дозадан арттырмау керек. 

Препаратты үш еселенген тәуліктік дозадан асатын көп мөлшерде қабылдау жүрек айну, құсу, диарея және қозуды туындатуы мүмкін.

Емі: симптоматикалық.

Дәрілік препараттың бір немесе бірнеше дозасын өткізіп алу кезіндегі қажетті шаралар 

Өткізіп алған препараттың орнын толтыру үшін қосарлы дозаны қабылдамаңыз.

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар

Препаратты қабылдау туралы қосымша сұрақтар туындаса, дәрігерге немесе фармацевтке жүгіну керек. 

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар   

Өте сирек

-         жүрек айнуы, құсу, диарея

-         аллергиялық реакциялар (тері қышынуы, қызару, тыныс алудың қиындауы)

-         ауыздың, тілдің, беттің және / немесе тамақтың ісінуі, тыныс алудың немесе жұтудың қиындауы (тыныс алу кезінде кеудедегі қысылу немесе қарлығу)  түрінде көрінетін күрделі аллергиялық реакциялар (анафилаксиялық реакциялар)

Егер аллергиялық реакция туындаса, препаратты қолдануды тоқтатып, дәрігерге жүгіну керек. Күрделі аллергиялық реакциялар туындаған жағдайда шұғыл  медициналық көмекке жүгініңіз.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну 

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы 

1 мл шәрбаттың құрамында

белсенді зат - шырмауық жапырақтары құрғақ экстрактісі  (Hedera helix L., Araliaceae, folium) (5-7,5 : 1) – 7,0 мг,

қосымша заттар: сұйық сорбитол (кристалданбайтын), глицерин, натрий бензоаты, лимон қышқылы моногидраты, бальзам хош иістендіргіші*, тазартылған су.

* Пропиленгликоль, этанол, цитронелл майы, Litsea cubeba цитралі, лимон майы және кориандр майынан тұрады       

Сыртқы түрінің, иісінің, дәмінің сипаттамасы

Өзіне тән иісі және дәмі бар, сары-қоңыр түсті шәрбат. Табиғи текті субстанцияларға тән елеусіз шөгіндісінің болуына жол беріледі.  

Шығарылу түрі және қаптамасы

150 мл шәрбаттан алғашқы ашылуы бақыланатын бұрандалы пластик қақпағы бар күңгірт шыныдан жасалған шыны құтыларға құйылады.  1 құтыны өлшеуіш қасықпен және медициналық қолдану жөніндегі  мемлекеттік және орыс тіліндегі нұсқаулықпен бірге картон қорапшаға салады.  

Сақтау мерзімі 

2 жыл.

Құтының алғашқы ашылуынан кейінгі қолдану кезеңі - 3 ай.      

Жарамдылық мерзімі өткеннен кейін қолдануға болмайды!

Сақтау шарттары

25 °С-ден аспайтын температурада сақтау керек.

Тоңазытқышта сақтауға болмайды.  

Балалардың қолы жетпейтін жерде сақтау керек!