Синекод

                                          Дәрілік затты медициналық қолдану

                                                         жөніндегі нұсқаулық              

СинекодÒ

Саудалық атауы

CинекодÒ

Халықаралық патенттелмеген атауы

Бутамират 

Дәрілік түрі

Тамшылар  20 мл

Құрамы

100 мл ерітіндінің құрамында

белсенді зат - бутамират цитраты, 500 мг

қосымша заттар: 70% сорбитол ерітіндісі, глицерин, натрий сахарині, ванилин, 30% натрий гидроксиді ерітіндісі, 96% этил спирті, бензой қышқылы, тазартылған су.

Сипаттамасы

Ванилин иісі бар мөлдір түссіз ерітінді.

Фармакотерапиялық тобы

Суық тию симптомдарын және жөтелді қайтаруға арналған препараттар. Жөтелге қарсы препараттар (қақырық түсіретін препараттармен біріктірілімді қоспағанда). Жөтелге қарсы басқа да препараттар. Бутамират. 

АТХ коды R05DB13

Фармакологиялық қасиеттері

Фармакокинетикасы

Бутамират – 2-(2-диэтиламиноэтокси) этил-2-фенил бутират – ішке қабылдағанда тез және толық сіңеді. Шәрбат түрінде 15.0 мг қабылдағаннан кейін негізгі метаболиттің (2-фенилмай қышқылы) плазмадағы ең жоғары концентрациясына шамамен 1.5 сағаттан кейін жетеді және 6.4 мкг/мл құрайды. Жартылай шығарылу кезеңі 6 сағатты құрайды. Препаратты қайталап тағайындаған кезде оның қандағы концентрациясы дозаға тәуелді болып қалады және жиналуы байқалмайды.

Бутамират гидролизі бастапқыда 2-фенилмай қышқылына және диэтиламиноэтоксиэтанолға дейін қанда басталады. Бұл метаболиттердің де жөтелге қарсы белсенділігі бар. Бутамират сияқты, метаболиттердің де плазма ақуыздарымен байланысуы ең жоғары дәрежеде (95%-ға жуық), бұдан басқа олардың плазмадан жартылай шығарылу кезеңінің ұзаққа созылуына себепші болады. 2-фенилмай қышқылы қосарлана орналасып гидроксилдену жолымен ішінара метаболизденеді. Барлық үш метаболиті негізінен несеппен шығарылады, әсіресе қышқыл реакциялы метаболиттер едәуір дәрежеде глюкурон қышқылымен байланысқан.

Фармакодинамикасы

CинекодÒ химиялық жағынан да, фармакологиялық жағынан да апиын алкалоидтарына жатпайтын орталық әсері бар жөтелге қарсы дәрі болып табылады.

CинекодÒ жөтелу орталығының қозғыштығын (орталық әсері), шырыштардың тітіркенуін төмендетеді, орташа бронхты кеңейтетін, қақырықты түсіретін және қабынуға қарсы әсер етеді. 

Қолданылуы

-          этиологиясы әртүрлі жөтелді симптоматикалық емдеуде 

Қолдану тәсілі және дозалары

- 2 айлықтан 1 жасқа дейін 10 тамшыдан күніне 4 рет  

- 1 жастан 3 жасқа дейін 15 тамшыдан күніне 4 рет  

- 3 жас және одан асқандар 25 тамшыдан күніне 4 рет  

1 мл - 22 тамшы.

Тамшыларды тамақтанудың алдында қабылдаған жөн.

Жағымсыз әсерлері

-          тері бөртпесі, қышыну

-          жүрек айнуы

-          диарея

-          бас айналуы

-          ұйқышылдық

Қолдануға болмайтын жағдайлар

- бутамират цитратына немесе препараттың кез келген басқа да ингредиентіне жоғары сезімталдық 

- жүктіліктің 1 триместрі

- лактация кезеңі 

- тұқым қуалайтын фруктоза жақпаушылығы

- 2 айға дейінгі балаларға

Дәрілермен өзара әрекеттесуі

Сипатталмаған.

Айрықша нұсқаулар

Бутамираттың жөтел рефлексін бәсеңдетуіне байланысты СинекодÒ бір мезгілде қақырық түсіретін дәрілермен қолданылмайды, өйткені тыныс алу жолдарында қақырықтың жиналуы және бронх түйілуі немесе тыныс алу жолдары  инфекциясы қаупінің жоғарылауы мүмкін.  

Егер жөтел 7 күннен астам сақталатын болса, дәрігерге қаралу керек.  Препарат 2 жастан кіші балаларға тек дәрігердің тағайындауы бойынша қолданылуы мүмкін.

СинекодÒ құрамында төмен дозада этил спирті болады.                  

СинекодÒ тамшыларының құрамында тәттілегіш ретінде сахарин мен сорбитол болады, сондықтан қант диабетімен науқастарға тағайындауға болады. 

Жүктілік және лактация

ІІ және ІІІ триместрде тікелей көрсетілімдер бар болған кезде СинекодÒ қолданылуы мүмкін.

Қауіпсіздік тұрғысында, белсенді заттардың ана сүтіне бөлініп шығуы жөнінде деректердің жоқтығын ескеріп, егер әйел үшін пайдасы балаға төнетін қауіпті ақтайтын болса ғана, лактация кезеңінде СинекодÒ тағайындалуы мүмкін. 

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

СинекодÒ сирек жағдайларда ұйқышылдық немесе бас айналуын туындатады. Мұндай симптомдар туындағанда көлік құралын немесе қауіптілігі зор механизмдерді басқарудан тартына тұрған жөн.   

Артық  дозалануы

Кездейсоқ артық дозаланғанда мынадай симптомдар болуы мүмкін: ұйқышылдық, жүрек айнуы, құсу, диарея, тепе-теңдік сезімінің бұзылуы және гипотензия. Шұғыл жәрдем көрсеткен жөн: белсендірілген көмір, тұзды іш жүргізгіштер, сондай-ақ жүрек-қантамыр және тыныс алу жүйелері функциясын демеу шараларын жүргізу керек.

Шығарылу түрі және қаптамасы

20 мл препараттан дозалағышы және алғашқы ашылуы бақыланатын полиэтилен қақпағы бар күңгірт сары шыныдан жасалған құтыда.  

Бір құты қолданылуы жөніндегі мемлекеттік және орыс тіліндегі нұсқаулықпен бірге картон қорапқа салынады.    

Сақтау  шарттары

30оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін пайдалануға болмайды 

Дәріханалардан босатылу шарттары

Рецептісіз

Өндіруші

Новартис Консьюмер Хелс СА