Релиф

                                          Дәрілік затты медициналық қолдану

жөніндегі нұсқаулық

Релиф®

Саудалық атауы 

Релиф®

Халықаралық патенттелмеген атауы

Фенилэфрин 

Дәрілік түрі

Ректальді  суппозиторийлер

Құрамы

1 суппозиторийдің  құрамында

белсенді зат: 5 мг фенилэфрин гидрохлориді;

қосымша заттар: какао майы (теобром майы), метилпарагидроксибензоат, пропилпарагидроксибензоат, жүгері крахмалы.

Сипаттамасы

Біркелкі мөлдір емес, бозғылт-ақтан ақшыл-сары түске дейінгі торпеда пішінді суппозиторийлер. 

Фармакотерапиялық тобы

Ангиопротекторлар. Геморройды және анус сызатын емдеу үшін жергілікті қолдануға арналған дәрілер. Геморройды және анус сызатын емдеу үшін жергілікті қолдануға арналған басқа да дәрілер.

АТХ коды C05АХ

Фармакологиялық қасиеттері

Фенилэфрин гидрохлориді альфа-адреномиметик болып табылады, жергілікті қан тамырларын тарылтатын әсері бар, бұл геморрой мен аноректальді аумақтың басқа да ауруларында тіндер экссудациясы мен ісінуін, қышынуды, серозды бөлінулерді азайтуға ықпал етеді. 

Релиф препараты қышынуда, күйдіруде және геморройға қатысты жайсыздықтарда тыныштандыратын әсер береді.

Қолданылуы

-   сыртқы және ішкі геморройда

-   артқы өтіс жолының сызатында, эрозиясында және микрожарақаттарында

-   анус қышымасында 

Қолдану тәсілі және дозалары

Препаратты гигиеналық шаралар жасағаннан кейін қолдану керек. 1 суппозиторийден күніне  4 ретке дейін тік ішекке енгізеді (таңертең, кешке және әрбір үлкен дәреттен кейін). Тәуліктік ең жоғарғы доза - 4 суппозиторий. Емдеу курсының ұзақтығы– 7-10 күн.

Жағымсыз әсерлері

Аллергиялық реакциялар болуы мүмкін.

Қолдануға болмайтын жағдайлар

-   препарат ингредиенттеріне жеке жоғары сезімталдық 

-   тромбоэмболиялық ауру

-   гранулоцитопения

-   12 жасқа дейінгі балаларға 

Дәрілермен өзара әрекеттесуі

Препаратты МАО тежегіштерімен, үшциклді антидепрессанттармен және гипертензияға қарсы дәрілермен бір мезгілде тағайындауға болмайды.

Айрықша нұсқаулар

Артқы өтіс жолдарынан мол қанды бөліністер аққан жағдайларында немесе ауыру симптомдары 7 күннен артық уақыт сақталғанда проктологпен қосымша кеңесу қажет.

Жүктілік және лактация 

Жүктілік және лактация кезеңінде препаратты тек емнің анаға да, ұрық немесе балаға да пайдасы/қатері арақатынасын мұқият бағалап алған соң ғана қолдануға болады.

Көлікті немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Симптомдары: ұсынылатын бір реттік және тәуліктік дозадан айтарлықтай арттырған жағдайда гиперкоагуляцияға бейімділік байқалуы мүмкін. 

Емі: симптоматикалық.

Шығарылу түрі және қаптамасы 

Поливинилхлорид/полиэтилен үлбірден жасалған пішінді ұяшықты қаптамада 6 суппозиторийден.

2 пішінді қаптама медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

25 0С-ден аспайтын температурада сақтау керек.

Балалардың қолы жетпейтін жерде сақтау керек.

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші фирманың атауы, өндірушінің елі, мекенжайы  

Иституто Де Анжели С.р.л., 50066  Реггелло (Флоренция), 

Лок. Прулли 103/c, Италия.

Тіркеу куәлігі иесінің елі мен атауы 

Байер Консьюмер Кэр АГ,  Швейцария 

Қазақстан Республикасы аумағында тұтынушылардан өнім (тауар) сапасы жөніндегі шағымдарды қабылдайтын және тіркеуден кейін дәрілік заттың қауіпсіздігін қадағалауға жауапты ұйымның мекенжайы:

 «Байер КАЗ» ЖШС

Тимирязев к-сі, 42, “Экспо-Сити” бизнес орталығы, 15 пав., 

050057, Алматы қ., Қазақстан Республикасы

теl.: + 7 (727) 258 80 40