Дәрілік затты медициналық қолдану

жөніндегі нұсқаулық

Релиф® Ультра  

Саудалық атауы

Релиф® Ультра

Халықаралық патенттелмеген атауы

Жоқ

Дәрілік  түрі

Ректальді суппозиторийлер 

Құрамы

1 суппозиторийдің  құрамында

белсенді заттар: 11 мг мырыш сульфаты  моногидраты, 10 мг гидрокортизон ацетаты, 

қосымша заттар: какао майы (теобром майы), сусыз кальций гидрофосфаты, магний стеараты, метилпарагидроксибензоат, пропилпарагидроксибензоат.

Сипаттамасы

Біркелкі мөлдір емес, бозғылт-сарыдан ақшыл-сары түске дейінгі торпеда пішінді балық иісі бар суппозиторийлер. 

Фармакотерапиялық тобы

Геморройды және анус сызатын емдеу үшін жергілікті қолдануға арналған дәрілер. Геморройды және анус сызатын емдеу үшін жергілікті қолдануға арналған басқа да дәрілер.

АТХ коды C05АХ

Фармакологиялық қасиеттері

Гидрокортизон ацетаты қабыну медиаторларының бөлінуін тежейді, арахидон қышқылының метаболизмін тежейді.  

Жергілікті қолданғанда қабынуға қарсы, аллергияға қарсы, тамырларды тарылтатын, десенсибилизациялаушы,  ісінуге қарсы  және қышуға қарсы әсерлерге ие. 

Мырыш сульфаты – жаралар мен эрозиялардың жазылуына ықпал жасайды.  

Релиф Ультра препараты қышынуда, күйдіруде және геморройға қатысты жайсыздықтарда тыныштандыратын әсер береді.

Қолданылуы 

-   сыртқы және ішкі геморрой 

-   перианальді  аймақтың және тік ішектің  сызаты, жыланкөзі, ойық жарасы, эрозиясы 

-   аноректальді аймақтағы  айқын қабыну көріністерімен қатар жүретін  басқа да аурулар

-   проктит 

-   анустық қышыну, экзема, перианальді  аймақтың дерматиті. 

Қолдану тәсілі мен дозалары

Препаратты гигиеналық шараларды жүргізгеннен кейін қолдану қажет. Бір суппозиторийден күніне  4 ретке дейін тік ішекке енгізеді (таңертең, кешке және әрбір үлкен дәреттен кейін).

Жағымсыз әсері

Жергілікті аллергиялық реакциялар дамуы мүмкін (гиперемия, ісіну, қышыну). 

Қолдануға болмайтын жағдайлар

-   препараттың кез келген компоненттеріне жеке жоғары сезімталдықта

-    аноректальді аймақтың спецификалық зақымдануы (бактериалды, зеңдік, вирустық, туберкулездік), 

-   артқы  өтіс  аумағындағы  жаңа түзілімдерде  

-   12 жасқа дейінгі балаларға

Дәрілермен өзара әрекеттесуі 

Релиф® Ультра свечаларын  жергілікті қолданғанда басқа дәрілік заттардың фармакодинамикасы мен фармакокинетикасына ықпал етуі жайлы мәліметтер жоқ.

Айрақша нұсқаулар

Жүктілік және лактация 

Жүктілік және лактация кезеңінде препаратты тек емнің анаға да, ұрық немесе балаға да пайдасы мен қатерінің арақатынасын мұқият бағалап алған соң ғана қолдануға болады.

Көлікті немесе қауіптілігі зор  механизмдерді басқару  қабілетіне әсер ету ерекшеліктері 

Әсер етпейді

Артық дозалануы

Препараттың  артық дозалануы жайлы мәліметтер жоқ. 

Артық дозалану ықтималдығы аз, препарат тек жергілікті қолдануға арналған және  жүйелі әсер көрсетпейді.

Шығарылу түрі және қаптамасы

Поливинилхлорид/полиэтилен үлбірден жасалған пішінді ұяшықты қаптамада 6 суппозиторийден.

2 пішінді қаптама медициналық қолдану жөніндегі мемлекеттік және орыс тілдерінде жазылған нұсқаулықпен бірге картоннан жасалған қорапшаға салынған. 

Сақтау шарттары

250С -ден аспайтын температурада сақтау керек.

Балалардың қолы жетпейтін   жерде  сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші 

Иституто Де Анжели С.р.л., 

50066  Реггелло (Флоренция), Лок. Прулли  103/c, Италия.

Тіркеу куәлігі иесінің елі және атауы 

Байер Консьюмер Кэр АГ,  Швейцария 

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы 

«Байер КАЗ» ЖШС,

Тмирязев к-сі, 42, “Экспо-Сити” бизнес-орталығы, 15 пав.

050057, Алматы, Қазақстан Республикасы

тeл.: + 7 727 258 80 40 

факс: +7 727 244 70 01

e-mail: kz.claims@bayer.com