Анестезол

Қазақстан Республикасы

Денсаулық сақтау министрлігі медициналық және

фармацевтикалық қызметті

бақылау комитеті Төрағасының

20___ жылғы “____” __________

№ _____ бұйрығымен

БЕКІТІЛГЕН

Дәрілік заттың медицинада қолданылуы

жөніндегі нұсқаулық

Анестезол®

Саудалық атауы

Анестезол®

Халықаралық патенттелмеген атауы

Жоқ

Дәрілік түрі

Ректальді суппозиторийлер

Құрамы

1 суппозиторийдің құрамында

белсенді заттар:      100 мг  бензокаин                                                

                              40 мг   висмут субгаллаты                              

                              4 мг     левоментол                                           

                              20 мг    мырыш тотығы,

қосымша заттар: полиэтилентотықты негіз (Макрогол - 1500 (95 %), Макрогол - 400 (5 %))  – салмағы 2,60 г суппозиторий алынғанша.

Сипаттамасы

Сары немесе жасылдау-сары түсті, торпеда пішінді суппозиторийлер

Фармакотерапиялық тобы

Геморройды және анус сызатын емдеу үшін жергілікті қолдануға арналған дәрілер. Жергілікті анестетиктер

АТХ коды  C05AD

Фармакологиялық қасиеттері

Фармакокинетикасы

Бензокаин, мырыш тотығы және левоментол іс жүзінде сіңбейді.

Висмут субгаллаты – сіңуі мардымсыз. Сіңген бөлігінің шығарылуы – негізінен бүйректер арқылы, бірақ біршама мөлшері сүйектерде және тіндерде кідіруі мүмкін (жиналып, уытты синдром тудыруға қабілетті). Висмут плацента арқылы өтеді.

Фармакодинамикасы

Біріктірілген препарат, жергілікті жансыздандырғыш, антисептикалық, тұтқырлық және құрғатқыш әсер береді.

Бензокаин – беткейлік жансыздандыруға арналған жергілікті анестетик. Жасушалық жарғақшаның натрий үшін өткізгіштігін азайтады, жарғақшаның ішкі бетінде орналасқан рецепторлардан ығыстырып шығарады, жергілікті импульстардың өтуін бөгейді. Сезімтал жүйке ұштарында ауру импульстарының пайда болуына және олардың жүйке талшықтары бойымен өтуіне кедергі  жасайды.

Висмут субгаллаты – антисептикалық дәрі, тұтқырлық, құрғатқыш, жансыздандырғыш әсер береді. Жасушадан тыс сұйықтықтың, шырыштың, экссудаттың, жасушалық жарғақшалардың коллоидтарын (ақуыздардың коагуляциясы) қатайтады. Мұндайда түзілетін үлбір сезімтал жүйке ұштарын тітіркенуден сақтайды, ауырсынуды азайтады, ісінудің дамуын шектейді немесе кедергі жасайды. Жергілікті қантамырларды тарылтады, олардың өткізгіштігін, экссудациясын төмендетеді, қабыну үдерісінің қарқындылығын азайтады. Тіндерді тітіркендірмейді (пайда болған альбуминаттар әлсіз диссоциацияланады).

Мырыш тотығы – қабынуға қарсы жергілікті дәрі, құрғатқыш, сіңіргіш, тұтқырлық және антисептикалық әсер береді. Альбуминаттарды түзеді және ақуыздарды денатурациялайды. Зақымданған жерге салған кезде экссудация құбылысын, тіндердің қабынуын және тітіркенуін азайтады, тітіркендіргіш факторлардың әсерінен қорғаныш бөгетін түзеді.

Левоментол – жергілікті тітіркендіргіш дәрі, оның әсері негізінен шырышты қабықтардың сезімтал рецепторларының тітіркенуімен байланысты рефлекторлы реакциялармен жүзеге асады. Жергілікті жеңіл жансыздандырғыш ("аулақтатқыш") әсер береді, әлсіз антисептикалық әсері бар.

Қолданылуы

-       геморройда

-       анус  сызатында

Қолдану тәсілдері және дозасы

Ректальді түрде, ішек өздігінен босағаннан кейін немесе тазартқыш клизмадан кейін.

Ересектерге және 12 жастан асқан балаларға 1 суппозиторийден тәулігіне 1–2 рет.

Емдеу курсы  10 күн.

Жағымсыз әсерлері

-       артқы өтістің ашуы

-       іш айдағыш әсер

-       аллергиялық реакциялар

Қолдануға болмайтын жағдайлар

-       препарат компоненттеріне асқын сезімталдықта

-       12 жасқа дейінгі балаларға

Дәрілермен өзара әрекеттесуі

Анықталған жоқ

Айрықша нұсқаулар

Жүктілік және лактация

Жүктілік және лактация кезеңінде, егер препаратты қолданудың ана үшін күтілетін пайдасы оның ұрық және нәресте үшін потенциальді қаупінен басым болса, қолданылуы мүмкін.

Дәрілік заттың көлік құралдарын немесе қауіпті механизмдерді басқару қабілетіне ықпал ету ерекшеліктері

Көлік құралдарын немесе қауіпті механизмдерді басқару қабілетіне ықпалын тигізбейді.

Артық дозалануы

Анықталған жоқ

Шығарылу түрі және қаптамасы

Полиэтиленмен ламинацияланған поливинилхлоридті үлбірден жасалған пішінді ұяшықты қаптамаға 5 суппозиторийден салынған.

Пішінді 2 қаптама медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Жарықтан қорғалған жерде, 20 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін препаратты қолдануға болмайды.

Дәріханадан босатылу шарттары

Рецептісіз

Өндіруші
«Нижфарм» ААҚ, Ресей Федерациясы
603950, Нижний Новгород қ-сы,
ҚҚП-459, Салганская к-сі, 7
тел.: (831) 278-80-88
факс: (831) 430-72-28
веб сайт:  http://www.nizhpharm.ru

Тіркеу куәлігі иесінің атауы және елі
«Нижфарм» ААҚ, Ресей Федерациясы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:
«Нижфарм» ААҚ Өкілдігі
050043, Қазақстан Республикасы,
Алматы қ-сы, Хан-Тәңірі ы/а, 55б
тел.: (727) 2222-100
факс: (727) 398-64-95
e–mail: almaty@stada.kz