Омк 2

Қазақстан Республикасы

Денсаулық сақтау министрлігі

Медициналық және

Фармацевтикалық қызметті

бақылау  комитеті Төрағасының

Медициналық мақсаттағы бұйымды қолдану

         жөнінде тұтынушыға арналған нұсқаулық

Медициналық мақсаттағы бұйымның атауы 

Oмк  2 стерильді көз тамшылары,   10 мл.

Бұйымның құрамы мен сипаттамасы:

Қанық қызғылт ерітінді.

Тамшылардың құрамы: 0.2% гиалурон қышқылы,  цитиколин мононатрий тұзы, цианокобаламин   (В12 витамині), натрий  фосфаты моногидраты, натрий дигидрофосфаты додекагидраты, натрий хлориді, бензалконий хлориді, инъекцияға арналған су.

OMK2 құрамында биотехнологиялық синтез жолымен алынған, молекулярлық салмағы жоғары 0.2% гиалурон қышқылы бар офтальмологиялық ерітінді болып табылады. Гиалурон қышқылы көз жасы үлбірінің тұрақтылығын жақсарту үшін пайдалы мукомиметикалық, мукоадгезиялық  және тұтқыр эластикалық ерітінділерге қосылады және осылайша, көз беткейін жағылған, ылғалданған және қорғалған күйінде сақтайды. Бұдан бөлек, құрамында гиалурон қышқылы бар ерітінділер мөлдір қабықтың және эпителий конъюнктивасының зақымдануы жағдайында көз беткейінің қалпына келуі үшін жағымды микроортаны жасауға қабілетті. OMK2  құрамында  цитоколиннің болуы көздің дегенративті патологиялары (мысалы, глаукома, диабеттік ретинопатия) салдарынан зақымданған жасушалық жарғақшалар бүтіндігін қалпына  келтіруде жағымды құрылымдық демеу көрсетеді.

Цианокобаламин (В12 витамині) мөлдір қабық эпителиальді жасушаларының өсуіне ықпал етеді, сондай-ақ жасушаларды еркін радикалдардан қорғайды, бұл көз беткейінің дұрыс жұмыс істеуіндегі маңызды элемент болып табылады.

Өндіруші ұйымның атауы

FARMIGEA S.p.A., Италия

Қолданылу саласы:

Қолданылу саласы: офтальмологияда жергілікті қолдану

Тағайындалуы:

Өнімнің ылғалдағыш және қорғағыш қасиеттері экологиялық факторлар немесе видео терминалдарды ұзақ пайдаланудан туындаған тітіркену, күйдіру және бөгде денені сезіну жағдайында жеңілдікті қамтамасыз етеді. OMK2 физиологиялық үдерістерге көз хирургиясынан, лазерді қолданудан немесе нұрлы қабық беткейіндегі аздаған сырылудан кейінгі мөлдір қабықтың реэпителизациясына жанама ықпал етеді.

Қолдану тәсілі:

Қажетіне қарай күніне 2-3 рет 1 тамшыдан.

Сақтау шарттары:  25 оС-ден жоғары температурада.

Жарамдылық мерзімі

2 жыл.

Қаптамасын ашқаннан кейін  30 күннен асырмайды.

Жарамдылық мерзімі өткеннен кейін қолдануға болмайды!

Стерильді

Өндіруші:

FARMIGEA S.p.A., Италия

Via G.B. Oliva 6, 56121, Pisa, Италия

Тіркеу куәлігінің иесі:

Omikron Italia S.r.l.

Viale Bruno Buozzi, 5, 00197 Roma, Италия

Қазақстанның аумағында шағымдарды қабылдайтын ұйым:

«Биофармед» ЖШС, Қазақстан Республикасы 

050008, Алматы қ-сы, Мұқанов к-сі 241, 85 пәтер;

тел/факс.: +7 (727) 313 74 96, 313 74 97.

Осыған сәйкес медициналық бұйым өндірілген нормативтік құжаттың атауы

Еуропа Кеңесінің медициналық аспаптар жөніндегі 93/42/ЕЭС Директивасы

Жағымсыз әсері:

Енгізгеннен кейін көздің уақытша айқын көрмеуі байқалуы мүмкін. Көрудің айқындығын талап ететін кез-келген жұмысты бастамас бұрын бірнеше секунд күте тұру  қажет.

Қолдануға болмайтын жағдайлар:

Компоненттерін жеке көтере алмаушылық.

Сақтық шаралары:

- Қаптамасы зақымданған жағдайда пайдалануға болмайды.

- Препараттың кез-келген компонентін көтере алмаған жағдайда пайдалануға болмайды.

- Қаптамасында көрсетілген жарамдылық мерзімі өткеннен кейін пайдалануға болмайды.

- Тамшылатқыштың көз беткейімен жанасуын болғызбаңыздар.

- Препаратты пайдаланудан кейін жергілікті  қолдануға арналған басқа офтальмологиялық дәрілік препараттарды қолданудың алдында 10-15 минут күту керек.

 - Қаптамасы ашылғаннан кейін 30 күннен асырмай пайдалану керек.

- Балалардың қолы жетпейтін жерде сақтау керек.

- Офтальмологияда тек сыртқа қолдануға арналған.

ЕГЕР СІЗ БҰЛ НҰСҚАУЛЫҚТА КӨРСЕТІЛМЕГЕН ҚАНДАЙ ДА БІР ЖАҒЫМСЫЗ ӘСЕРІН БАЙҚАСАҢЫЗ, ӨЗІҢІЗДІҢ ЕМДЕУШІ ДӘРІГЕРІҢІЗГЕ  ЖОЛЫҒЫҢЫЗ.