Блефарогель 1

Қазақстан Республикасы 

Денсаулық сақтау және

әлеуметтік даму министрлігі 

Медициналық және 

фармацевтикалық қызметті 

бақылау комитеті Төрағасының 

200_ жылғы “____” _____________

№ _____ бұйрығымен

БЕКІТІЛГЕН

Медициналық мақсаттағы бұйымдарды медицинада қолдану жөнінде тұтынушыларға арналған 

нұсқаулық

Медициналық мақсаттағы бұйымның атауы : 

Қабақ физиотерапиясына арналған «Блефарогель 1» гелі 

Бұйымның құрамы мен сипаттамасы:

Блефарогель 1 құрамында: гиалуронды қышқыл, алоэ вера шырыны, поливинилпирролидон, глицерин, пропиленгликоль, тазартылған су, бейтараптандырылған карбомер, метилпарабен, пропилпарабен, бронопол. Гиалуронды қышқыл жасушалардағы ылғал құрамын реттейді. Гиалурон қышқылының әсеріне орай қабақтың май, мейбомилік, тер бездерінің өзегі тығыннан тазарады және олардың сөлінісі қалыпқа келеді. Тері ылғалданады, серпімділеу болады. Антисептикалық қасиеттері бар алоэ вера шырыны қабақ терісіндегі зат алмасуын жақсартады, ісінуді және басқа да тітіркену симптомдарын басады. 

Өндіруші ұйымның атауы және (немесе) сауда белгісі: 

«Гельтек-Медика» ЖШҚ.

Қолданылу саласы:

Блефарогель 1 гелі мыналарға арналған:

теріні және қабақтың кірпікті шетін гигиеналық тазарту үшін блефариттердің профилактикасында;

қабақтың емдік массажын жүргізу үшін;

қабақта физиотерапиялық емшаралар жүргізу үшін (фонофорез, электрофорез) ультрадыбыстық датчиктер немесе электродтар үшін жанасу ортасы ретінде.

Қолдану тәсілі: 

Теріні және қабақ шетін тазарту үшін мақта тампонға құтыдан гельдің аздаған мөлшерін сығыңыз, және содан кейін мақта тампонының көмегімен жеңіл қимылдаумен қабақты тазалауды жүргізіңіз және тері қабыршақтарын, бөгде шаңдарды, шырыш, май бөліністерін және т.с.с. жойыңыз.

Қабақ массажы үшін, алдын ала тазартылған теріге бірнеше тамшы гельді жағады және саусақ ұшымен сәл басып жеңіл қозғалтумен немесе шыны таяқша көмегімен көрсетілімге қарай емдік массаж жасау керек (мейбомилік бездер өзегінен тығындарды жою үшін, қабақтағы қан айналымын жақсарту үшін және т.с.с.).

Физиотерапиялық емшара жүргізу үшін 

Блефарогельдің 1 бірнеше тамшысын қабақ терісіне жағу керек, содан кейін оған көрсетілімге қарай ультрадыбыстық немесе электр датчигін орналастырады, содан соң қажетті емшараны жүргізеді.

Блефарогель 1 әртүрлі этиологиялы блефарит, құрғақ көз синдромы сияқты ауруларда, сондай-ақ жанаспалы линза кигенде, компьютермен жұмыс атқаруда, кондиционирленген бөлмелерде ұзақ және ұдайы отырғанда көз шаршауын басу үшін профилактикалық және емдік емшаралар үшін қолдануға көрсетілген.

Қасиеті:

- қызаруды, қышынуды, қабақтың ауырлауын басады 

- қабақ беткейін қабыршақ және қабықтардан тиімді тазалайды 

- қабақ терісін оның тығыздығын жоғарылата отырып, ылғалдандырады

- шаршау, көздегі «құм түскен сияқты» сезімін басады

- блефариттер, конъюнктивиттер, теріскен және халязиондердің профилактикасы үшін қызмет етеді

Қолдануға болмайтын жағдайлар:

Блефарогельдің жеке компоненттерінің дара жағымсыздығы.

Сақтық шаралары:

Блефарогель 1 қолданар алдында жанаспалы линзаны шешіп алу керек және оларды гель жаққаннан кейін 15 минут өткен соң ғана тағу керек.

Блефарогель 1 көзге түскенде қысқа мерзімді ашыту сезімі болуы мүмкін.

Медициналық мақсаттағы бұйымды идентификациялау үшін пайдаланушыға қажетті мәліметтер: медициналық мақсаттағы бұйымды идентификациялайтын штрихтік код 1 суретте берілген.

1 сурет «Блефарогель 1» гелі бар 

жеке қораптағы штрихті код 

Жиынтықталымы:

тұтынушы ыдысындағы гель (15 г салмақтағы гель бар құты) - 1 дана;

заттаңба (құтыда) - 1 дана;

жеке-дара картон қорапша - 1 дана;

қолдану бойынша нұсқаулық – 1 дана.

Сақтау шарттары: +50С-ден +30 0С-ге дейінгі температурада сақтау керек.

Жарамдылық мерзімі: 3 жыл. Жарамдылық мерзімі өткеннен кейін қолдануға болмайды.

Өндіруші ұйым:

«Гельтек-Медика» ЖШҚ, Ресей, 115201, Мәскеу қ., 1-ші Варшава өткелі, 2 үй, 8 құрылыс.

Қазақстан Республикасы аумағында тұтынушылардан медициналық мақсаттағы бұйым жөніндегі шағымдарды (ұсыныстарды) қабылдайтын ұйымның атауы мен мекенжайы: «АМАНАТ» ЖШС, Қазақстан Республикасы, Қарағанды қ., С.Сейфуллиндаңғылы 107/3 үй, тел./факс 8 (7212) 908000, office@amanat.kz

Осыған сәйкес медициналық мақсаттағы бұйым өндірілген нормативтік құжаттың атауы (белгіленуі): ТШ 9398-020-76063983-2009.