Имудон

Қазақстан Республикасы 

Денсаулық сақтау министрлігі Медициналық және 

фармацевтикалық қызметті 

бақылау комитеті Төрағасының 

20   ж. “____” ___________

№ _____ бұйрығымен

БЕКІТІЛГЕН

Дәрілік заттың медицинада қолданылуы

жөніндегі нұсқаулық

Имудон®

Саудалық атауы

Имудон®

Халықаралық патенттелмеген атауы

Жоқ 

Дәрілік түрі

Соруға арналған таблеткалар

Құрамы

Бір таблетканың құрамында бактерия лизаттарының қоспасы бар: 

белсенді заттар: 

Lactobacillus acidophilus

Lactobacillus helveticus

Lactobacillus delbrueckii ss lactis 

Lactobacillus fermentum

Streptococcus pyogenes groupe A 

Enterococcus faecium

Enterococcus faecalis

Streptococcus sanguis groupe H 

Staphylococcus aureus

Klebsiella pneumoniae ss pneumoniae 

Corynebacterium pseudodiphtheriticum 

Fusobacterium nucleatum ss fusiforme 

Candida albicans         

құрғақ затқа шаққанда – 2,70 мг,

қосымша заттар: глицин, лактоза моногидраты, маннитол, повидон, натрий сахаринаты, натрий гидрокарбонаты, сусыз лимон қышқылы, магний стеараты, жалбыз хош иістендіргіші (бұрышты жалбыздың эфир майы  және араб шайыры),  натрий дезоксихолаты, тиомерсал.

Сипаттамасы 

Жалпақ цилиндр пішінді, беті тегіс жылтыр, шеттері қиғашталған, жалбыз иісі бар ақ немесе ақ дерлік түсті таблеткалар, аздап мәрмәрлыққа жол беріледі. 

Фармакотерапиялық тобы

Ауыз қуысы ауруларын жергілікті емдеуге арналған микробтарға қарсы препараттар. Басқалары.

АТХ коды А01АВ11

Фармакологиялық қасиеттері

Фармакокинетикасы 

Препарат негізінен ауыз қуысында әсер етеді, қазіргі кезде жүйелі сіңуі 

жайында мәліметтер жоқ. 

Фармакодинамикасы

Имудон® поливалентті  антигенді кешен – бактерия лизаттарының қоспасы болып табылады, оның құрамы ауыз қуысында және жұтқыншақта қабыну үдерісін ең жиі туындататын қоздырғыштарға сәйкес келеді. 

Имудон® фагоцитозды белсенділендіреді, иммунокомпонентті жасушалар санының көбеюіне ықпал етеді, лизоцимнің және  интерферонның, сілекейде секреторлы А иммуноглобулинінің өндірілуін арттырады.

Қолданылуы 

Ойық жаралы зақымдануларды қоса алғанда, ауыз қуысымен шектелген жұқпалы ауруларды адъювантты емдеуде:

-        пародонтоз, пародонтит, стоматит, глоссит, ұшықтық стоматит

-        ауыз қуысы мен жұтқыншақтың жұқпалы-қабыну аурулары 

-        ойық жаралы гингивит

-        ауыз қуысы дисбактериозы

-        фарингит

-        созылмалы тонзиллит

-        тіс протезінен болған ауыз қуысы шырышты қабығының жарақаты 

-        тіс жұлғаннан, тіс имплантациясынан кейінгі жұқпалы асқынулар 

-        тонзилэктомияның операцияға дейінгі даярлау және операциядан кейінгі кезеңі

Қолдану тәсілі және дозалары

Таблеткалар жергілікті қолдануға арналған, оларды ауыз қуысында (шайнамай) шайнамай және сумен ішпей, сорады.  

Тәуліктік дозасы 6-дан 8 таблеткаға дейінді құрайды.  

6-дан 14 жасқа дейін тәуліктік доза 6 таблетка.

Емдеу курсының ұзақтығы 6-дан 8 күнге дейін.

Жағымсыз әсерлері

Имудонмен емдеуде жағымсыз реакцияларының пайда болу жиілігін анықтау үшін клиникалық зерттеулердің деректері жеткілікті емес . Постмаркетингтік тәжірибеден алынған жағымсыз әсерлері жөнінде ақпарат төменде көрсетілген. Жиілігін анықтау мүмкін емес. 

–  жоғары сезімталдық реакциялары (бөртпе, есекжем, ангионевротикалық ісіну), эритема, экзема

–  жүрек айнуы, құсу, іштің ауыруы, диарея

Өте сирек:

-              емдеудің ерте сатысында дене температурасының оқшауланып, түсініксіз 39°С-ден жоғары көтерілуі,  ринофарингит, синусит, ларингит, бронхит, демікпе ұстамасы және жеке дара жөтел 

-              түйінді эритема, тромбоцитопения

-              геморрагиялық васкулит

Қолдануға болмайтын жағдайлар

-        препаратқа немесе оның компоненттеріне жекелей жоғары сезімталдық 

-        6 жасқа дейінгі балалар, дұрыс қолдана алмауына байланысты (жұтып қоюы немесе шайнауы)

-        аутоиммунды аурулардың болуы

-        жүктілік және лактация кезеңі 

-        тұқым қуалайтын фруктоза көтере алмаушылық, Лапп – лактаза ферменті тапшылығы, глюкоза - галактоза мальабсорбциясы

Дәрілермен өзара әрекеттесуі 

Имудонды®  басқа топтағы дәрілік препараттармен қолдануға болады. 

Айрықша нұсқаулар

Көрсетілімдері препаратты ұзақ уақыт қолдануды талап етпейді. Егер симптомдары  8 күннен артыққа созылса және дене температурасының көтерілуімен қатар жүрмесе, емдеуді қайта қарау керек. 

Имудонның® құрамында лактоза болғандықтан, оны туа біткен глюкоза және галактоза  мальабсорбциясы синдромы немесе лактаза тапшылығы сияқты  сирек кездесетін туа біткен аурулары бар  адамдарға қолдануға болмайды. Қант диабеті бар науқастарға абай болу керек. 

Емделушіге сирек жағдайларда дене температурасының ешбір себепсіз 39°С-ден жоғарыға көтерілуі мүмкін екендігін ескерту керек.  Мұндай симптомның алғашқы белгілерінде емдеуді жедел  тоқтату қажет. Алайда, мұндай дене температурасының көтерілуін ЛОР-мүшелерінің ауруларына байланысты 

симптоматикалық көтерілуден айыра білу керек. Бронхтық демікпесі бар науқастарда  иммунитетті күшейту мақсатында бактериялық  лизаттар препараттарын қолдану кезінде демікпе ұстамаларының болғандығы  жазылған. Демікпе ұстамасы дамыған кезде емдеуді жалғастыру ұсынылмайды. 

Қажет болған жағдайда препараттың емдік белсенділігін төмендетпеу үшін ауызды Имудонды® қолданудан кейін 1 сағаттан ерте шаймаған дұрыс. 

Препаратты тұзсыз немесе тұзы аз ем-дәм ұстанатын емделушілерге 

тағайындағанда, Имудон®  1 таблеткасының құрамында  15 мг натрий бар екендігін ескеру қажет. Құрамында  маннитол болуына байланысты орташа іш жүргізетін әсері болуы мүмкін.  

Дәрілік заттың көлік құралын басқару  немесе қауіптілігі зор механизмдерді басқару қабілетіне әсер ету ерекшеліктері 

Емдеу кезеңінде автомобилді немесе басқа механизмдерді басқаруға байланысты іс-әрекетке қандай да бір шектеулердің  қажеттілігін дәйектейтін 

деректер жоқ. 

Артық дозалануы

Анықталмаған

Шығарылу түрі және қаптамасы

Полиамид/алюминий/поливинилхлоридті (Amcor Flexibles Singen GmbH фирмасы, Германия) немесе Amcor Flexibles Singen GmbH, Германия өндірісінің композиционды материалы және баспалы лакталған алюминий  фольгасынан жасалған пішінді ұяшықты қаптамаға 8 таблеткадан салынған.

3 немесе 5 пішінді ұяшықты қаптамадан мемлекеттік және орыс тіліндегі қолданылуы жөніндегі нұсқаулықпен бірге А маркалы немесе  хром-эрзац картоннан жасалған пәшкеге салынады. 

Сақтау шарттары

25°С-ден аспайтын температурада сақтау керек. 

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен  кейін қолдануға болмайды.  

Дәріханалардан босатылу шарттары

Рецептісіз

Өндіруші