Троксерутин Ветпром

Дәрілік препаратты медициналық қолдану

жөніндегі нұсқаулық  (Қосымша парақ)

Саудалық атауы 

Троксерутин Ветпром

Халықаралық патенттелмеген атауы

Троксерутин

Дәрілік түрі, дозасы  

Сыртқа қолдануға арналған гель, 2 %

Фармакотерапиялық тобы 

Жүрек-тамыр жүйесі. Вазопротекторлар. Капиллярлық тұрақтандырғыштар. Биофлавоноидтар. Троксерутин.

АТХ коды С05СА04

Қолданылуы 

-         созылмалы веналық жеткіліксіздікке байланысты ауыру мен ісінулерде

-         аяқта ауырлық пен ауыруды сезіну, тобықтың ісінуінде

-         шаршау, домбығу, құрысулар, парестезияларда

-         жедел беткейлік тромбофлебит және перифлебитте

-         варикоздық дерматитте

-         жарақат сипатындағы ауырулар мен ісінулерде (оның ішінде байламдардың зақымдануы, бұлшықеттің созылуы немесе соғылуы)

Қолдануды бастағанға дейін қажетті мәліметтер тізбесі

Қолдануға болмайтын жағдайлар

-         әсер етуші затқа немесе кез келген қосымша заттарға аса жоғары сезімталдық

-         тері жабыны бүтіндігінің бұзылуында

-         15 жасқа дейінгі балаларға

-         жүктіліктің I триместрінде, лактация кезеңінде

Бүйрек жеткіліксіздігінде (ұзақ пайдалануда) сақтықпен қолдану  керек.

Басқа дәрілік препараттармен өзара әрекеттесуі

Троксерутин Ветпром жергілікті қолданғанда дәрілермен өзара әрекеттесуі белгісіз.

Арнайы ескертулер

Шырышты қабық пен ашық жараға жағуға болмайды!

Жүктілік немесе лактация кезінде

Жүктіліктің ІІ және ІІІ триместрінде, егер анасы үшін болжамды пайдасы шаранаға төнетін ықтимал қауіптен артық болатын жағдайда ғана қолдануға болады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Дәрілік препарат айрықша зейін қою мен жылдам реакцияны талап ететін қауіптілігі зор қызмет түрлерін атқаруға әсер етпейді.

Қолдану жөніндегі нұсқаулар

Дозалау режимі 

Гельді таңертең және кешке теріге толық сіңгенге дейін төменнен жоғары қарай жеңіл уқалап, зақымданған аймаққа жағу керек. Пациент қандай да бір себеппен препаратты пайдалануды өткізіп  алған жағдайда, екі емдеу сеансы арасында кем дегенде 10-12 сағат аралықты сақтап, кез келген  уақытта жағуына болады.

Қажеттілігіне қарай гелді бинт немесе эластикалық шұлықтың астына жағуға болады.

Емдеу ұзақтығы ісінулер мен басқа да симптомдары толық жойылғанға дейін белгіленеді.

Енгізу әдісі мен жолы 

Гель сыртқа қолдануға арналған.

Артық дозаланған жағдайда қабылдануы тиіс шаралар 

Препаратты қолдану тәсіліне орай артық дозалану қаупі жоқ. Байқамай гельдің көп мөлшерін жұтып қойған жағдайда, ауыз қуысы мен асқазанды шаю керек. Қажет болғанда симптоматикалық ем тағайындалады.

Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар  

Дәрілік препаратты қабылдамас бұрын дәрігерге кеңес алу үшін жүгініңіз.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар  

Сирек

-          қызару, қышыну, бөртпе, дерматит

-          бас ауыруы

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет 

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы 

100 г гельдің құрамында

белсенді зат – троксерутин 2,0 г;

қосымша заттар: карбомер, троламин, динатрий эдетаты, бензалконий хлориді, тазартылған су.

Сыртқы түрінің, иісінің, дәмінің сипаттамасы

Иіссіз, сарыдан сарғыш-жасылға дейінгі біркелкі мөлдір гель.

Шығарылу түрі және қаптамасы

40 г препараттан ішкі лакты жабыны, литографияланған сыртқы беткейі, жарғақша мен тығыздайтын сақинасы, бұрандалы полиэтилен қақпағы бар  алюминий сықпаға салынады.  

Әр сықпа медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі 

5 жыл.

Жарамдылық мерзімі өткеннен кейін қолдануға болмайды!

Сақтау шарттары

Құрғақ, жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары 

Рецептісіз

Өндіруші туралы мәліметтер 

ВЕТПРОМ АД, Болгария

2400  2400 Радомир қ., Отец Паисий к-сі, 26

Тел.: +35924519300.

E-mail: office@vpharma.bg

Тіркеу куәлігінің ұстаушысы

ВЕТПРОМ АД, Болгария

2400  2400 Радомир қ., Отец Паисий к-сі, 26

Тел.: +35924519300.

E-mail: office@vpharma.bg

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта) 

Қазақстандағы «ДАНСОН-БГ» ООД өкілдігі

Мекенжайы: Қазақстан Республикасы, Алматы қ., Айтиев к-сі, 46-18

Тел/Факс: +7 (727) 395 91 13

Моб. тел: +7 (701) 718 25 92

e-mail: layka16@mail.ru