Метипред

Қазақстан Республикасы 

Денсаулық сақтау министрлігі Медициналық және 

фармацевтикалық қызметті 

бақылау комитеті Төрағасының 

20_ жылғы “____” ___________

№ _____ бұйрығымен

БЕКІТІЛГЕН

Дәрілік заттың медицинада

қолданылуы жөніндегі нұсқаулық

МЕТИПРЕД 

Саудалық атауы   

Метипред

Халықаралық  патенттелмеген атауы  

Метилпреднизолон

Дәрілік түрі        

4, 16 мг таблеткалар

Құрамы

Бір таблетканың құрамында 

Белсенді зат -  метилпреднизолон 4 мг немесе 16 мг,

Қосымша заттар: лактоза моногидраты, жүгері крахмалы, желатин, магний стеараты, тальк.

Сипаттамасы  

Дөңгелек, жалпақ, бір  шеті кертілген,  бір жақ бетінде сызығы бар, ақ немесе дерлік ақ түсті  таблеткалар (4 мг дозалау үшін). 

 Дөңгелек, жалпақ, бір шетінде  «ORN» және  «346» деп таңбаланған, екі жақ бетінде де сызығы бар,    бір жақ бетінде  (16 мг дозалау үшін)  орналасқан,  ақ немесе дерлік ақ түсті  таблеткалар.

Фармакотерапиялық тобы

Жүйелі қолдануға арналған кортикостероидтер. Глюкокортикостероидтер

АТЖ коды   Н02АВ04

Фармакологиялық қасиеттері

Фармакокинетикасы

Метилпреднизолонның биотиімділігі ішке қабылдағанда әдетте 80%-дан аса,  алайда үлкен дозаларды тағайындағанда төмен болуы да мүмкін.

Қансарысуындағы концентрациясының ең жоғары деңгейі 1–2 сағаттан соң байқалады, орташа жартылай шығарылу кезеңі – 2–3 сағат. 

Метилпреднизолонның плазма протеиндермен байланысуы 77%, транскортинмен аз байланысады.  

Таралу көлемі әр кг дене салмағына шаққанда – 1–1,5 л. Метилпреднизолон белсенді емес метаболиттерге дейін метаболизденеді. Қайта түзілуін қамтамасыз ететін ерекше  CYP-ферменттер белгісіз. Орташа клиренсі әр кг дене салмағына шаққанда минутына 6,5 мл құрайды. Қабынуға қарсы әсерінің ұзақтығы  – 18–36 сағат.  Препараттың 5%-ға жуығы организмнен несеппен бірге шығарылады.   

Фармакодинамикасы

Метипредтің әсері, басқа глюкокортикоидтардағыдай, цитоплазмада стероидты рецепторлармен өзара әрекеттесу арқылы реакция береді. Cтероидрецепторлы комплекс жасуша ядросына тасымалданады, ДНК-мен байланысады және ақуыздардың көпшілігі үшін гендердің транскрипциясын өзгертеді. Глюкокортикоидтар көптеген ақуыздардың, буындардың құрылысын бұзатын (ревматоидты артритте) әртүрлі ферменттердің, сондай-ақ иммунды және қабыну реакцияларында маңызды рөл атқаратын цитокиндердің синтезін басады.  Липокортиннің –  глюкокортикоидтардың нейроэндокриндік өзара әрекеттесуінің негізгі ақуызының синтезін индукциялайды, ол қабынуға жауаптың және иммундық жауаптың азаюына әкеп соқтырады.  

Глюкокортикоидтар,  Метипредті  қосқанда,  көптеген жылу, механикалық, химиялық, жұқпалы және иммунологиялық агенттерге тіндік жауаптың дамуын басады немесе кедергі жасайды.  Осылайша,  глюкокортикоидтар  симптоматикалық тұрғыдан әсер етіп, себебіне әсер етпей-ақ, аурудың білінуін азайтады.  Препараттың қабынуға қарсы әсері гидрокортизонның тиімділігінен кем дегенде  бес есе артып кетеді.

Метипредтің эндокриндік әсерлері АКТГ секрециясының басылуын, эндогендік кортизол өнімінің тежелуін қамтиды, ұзақ уақыт қолданған кезде бүйрекүсті безі қабығының ішінара атрофиясын тудырады. Кальцийдің, D витаминінің метаболизміне, көмірсу, ақуыз және липидтік алмасуға ықпалын тигізеді, сондықтан ұзақ уақыт қолданған кезде қандағы глюкоза мөлшерінің артқаны, сүйек тіні тығыздығының азайғаны, бұлшықет атрофиясы және дислипидемия байқалуы мүмкін.  Препарат сондай-ақ артериялық қысымның  және мінез-құлық пен көңіл-күй модуляциясының жоғарылауына мүмкіндік береді.  Метипредтің іс жүзінде минералокортикоидты белсенділігі жоқ.   

Қолданылуы  

- ревматоидты артрит, оның ішінде ювенильді ревматоидты артрит, шорбуынданатын спондилитте

- жүйелі қызыл жегі, ревматидтік ауру, оның ішінде жедел ревмокардит, жүйелі дерматомиозит (полимиозит), түйінді периартериитте

- күлбірек бөртпеде

- ауыр, мүгедектікке жеткізетін аллергиялық жағдайларда, бұл кезде қарапайым ем тиімсіз: бронх демікпесі, жанаспалы дерматит, атопиялық дерматит, қансарысуы ауруы, кезеңді немесе тұрақты аллергиялық ринит, дәрілік затқа асқынсезімталдық реакциясында  

- ирит, иридоциклит, артқы увеит және ретробульбарлы невритте

- ойық жаралы колитте,  Крон ауруында 

- өкпе саркоидозында, аспирациялық пневмонитте 

- жүре пайда болған (аутоиммунды) гемолитикалық анемия, идиопатиялық тромбоцитопениялық пурпура

- лейкемия (жедел және лимфатикалық), лимфосаркома, лимфома, қатерлі миеломды ауруда

- трансплантатты бәсеңдетуге арналған  ажырау реакциясы.

Қолдану тәсілі және дозалары 

Бастапқы доза аурудың ауырлығына және дәрежесіне байланысты. Ішке қабылдауға арналған бастапқы доза әдетте күніне 8-ден 96 мг-ге дейінді құрайды. Доза оң клиникалық жауапқа жеткенде азайтылуы керек. ішу арқылы қабылданғандағы демеуші доза ең кіші болып, ересектер үшін әдетте тәулігіне 4–12 мг бір рет таңертең. Балалар үшін төмен дозалар ұсынылады. Ұзақ емдегенде препаратты күнара таңертең қабылдаған жөн.

4 мг метилпреднизолон 5 мг преднизолонға, 4 мг триамцинолон және 0,75 мг дексаметазонға барабар.

Қолданылуы

Ұсынылған бастапқы тәуліктік доза

Ревматоидты артрит:

- ауыр дәрежеде

12-16 мг

- орташа дәрежеде

8-12 мг

- жеңіл дәрежеде

- балалар

4-8 мг

4-8 мг

Жүйелі дерматомиозиттер

48 мг

Жүйелі қызыл жегі

20-100 мг

Ревматидтік атака

1 апта бойы  48 мг СОЭ қалпына келгенге дейін 

Аллергиялық ауруларда  

12-40 мг

Бронх демікпесінде

Бір қабылдауға 64 мг-ге дейін немесе тәулігіне 100 мг-ге дейін      

Офтальмологиялық ауруларда

12-40 мг

Гематологиялық аурулар, оның ішінде лейкемия

16-100 мг

Қатерлі лимфома

16-100 мг

Ойық жаралы колит

16-60 мг

Крон ауруы

Асқынғанда 48 мг-ге дейін

Ағзалар трансплантациясында

Тәулігіне 3,6 мг/кг

Өкпе  саркоидозында

Күнара 32-48 мг 

Полимиалгияда

64 мг

Күлбіреуік бөртпеде 

80-360 мг

Балаларға: бүйрек үсті безінің жеткіліксіздігінде ішке 0,14 мг/кг немесе тәулігіне 4 мг/м2 3 қабылдауға, басқа көрсеткіштерге қарай — ішке 0,417–1,67 мг/кг немесе 12,5–50 мг/м2 үш бөлінген дозаларда

 Жағымсыз әсерлері

Ауыр жағымсыз реакциялардың дамуы дозаның шамасына және емдеу ұзақтығына байланысты. Жағымсыз реакциялар әдетте препаратпен ұзақ уақыт емдеген кезде дамиды, қысқа емдеу курсы ішінде олардың пайда болу қаупі неғайбыл.   

- бактериялық, вирустық және зеңдік жұқпалардың дамуы немесе асқынуы,  туберкулездің қайталануы, иммуносупрессия

-   эозинофилдер, моноциттер және  лимфоциттер мөлшерін төмендеткен кезде лейкоциттердің жалпы мөлшерінің жоғарылауы, тромбоцитоз

- гиперкоагуляция, тромбоз

- гипоталамо-гипофизарно-бүйрекүстілік жүйенің басылуы, бүйрекүсті безі қызметінің жеткіліксіздігі, егер Метипред дозасы  арттырылмаса, ол артериялық гипотензияға, гипогликемияға және хирургиялық араласым, жарақат немесе жұқпа  сияқты күйзеліс жағдайларында өлім-жітімге әкеп соқтырады;   балаларда өсудің баяулауы және жыныстық дамудың кідіруі, етеккір оралымының бұзылуы,  гирсутизм,  Кушинг синдромы 

- тәбеттің жоғарылауы, дене салмағының артуы, көмірсуларға төзімділіктің төмендеуі, инсулинге және қантты төмендететін пероральды препараттарға қажеттіліктің жоғарылауы,   гиперлипидемия, азоттың терідегі тепе-теңдігі,  гипокальциемия, гипокалиемия, гипокалиемиялық алкалоз, организмде натрийдің және сұйықтықтың кідіруі   

- бас ауыру, бас айналу, тітіркенгіштік, үрейленгіштік, көңіл-қүйдің құбылмалылығы, ұйқысыздық, эйфория,  депрессия, өзіне-өзі қол жұмсауға бейімділік, тұнжырау, елестеулер, психоздар, шизофренияның асқынуы, ақыл кемдігі, құрысу ұстамалары, когнитивті қызметтің бұзылуы (амнезияны және сананың шатасуын қосқанда)   

- көзішілік қысымның жоғарылауы,   глаукома, көру жүйкесі дискісінің ісінуі,   катаракта, көздің қасаң қабығының және склераның жұқаруы, көздің вирустық және зеңдік жұқпалы аурулары,   экзофтальм

- миокард инфаркті, жүрек қызметінің жеткіліксіздігі, артериялық   гипо- немесе гипертензия, брадикардия, қарыншалық аритмия, асистолия (препаратты тез енгізу нәтижесінде), атеросклероз

- аллергиялық реакциялар, оның  өлім-жітіммен аяқталатын  анафилактикалық шок  

- жүректің айнуы, құсу, ықылық,  іштің желденуі, ауыздан жағымсыз иіс шығу, эзофагит, өңештің, асқазанның және ұлтабардың  ойық жарасы,  АІЖ-ның тесілуі және қан кету,  панкреатит

- АЛТ, АСТ және сілтілік  фосфатаза белсенділігінің жоғарылауы

- регенерацияның баяулауы, тері атрофиясы, нүктелі қанталаулар, гематомалар, жолақтар, телеангиэктазия, безеу бөртпесі, экхимоз, пурпура,  гипер- немесе гипопигментация, Препаратты тоқтатқаннан кейін 2 апта ішінде эритематоздың, ыстық теріастылық қалыңдаудың пайда болуымен сипатталатын панникулиттің сирек жағдайлары жөнінде айтылған.  

- остеопороз, омыртқаның және ұзық сүйектердің сынуы, асептикалық остеонекроз, сіңірлердің үзілуі, бұлшықет әлсіздігі,  бұлшықет  атрофиясы, миопатия 

- уролиттердің пайда болу қаупінің жоғарылауы, бүйректің зақымдануынсыз болатын лейкоцитурия, эритроцитурия, никтурия

- препаратты жоғары дозаларда қолданған кезде дімкәстік,  күшті ықылық    

- препаратты қабылдауды күрт тоқтатқан кезде тоқтату синдромы болуы мүмкін. Симптомдардың ауырлығы бүйрекүсті безінің атрофиясы дәрежесіне байланысты, бас ауыру, бас айналу, тәбетсіздік, құрсақ қуысының ауыруы, әлсіздік, көңіл-күйдің өзгеруі, летаргия, ыстықтау, миалгия, артралгия, ринит, конъюнктивит, терінің ауыртып қышуы, салмақтың жоғалуы.   Өте ауыр жағдайларда – ауыр психикалық бұзылулар және бассүйекішілік қысымның жоғарылауы, ревматизмге шалдыққан емделушілерде стероидты   псевдоревматизм, өлім.  

Қолдануға болмайтын жағдайлар

- препарат компоненттеріне асқын сезімталдықта   

- туберкулезде және басқадай жедел ағымды немесе созылмалы бактериялық немесе вирус жұқпаларында   (тиісті химиотерапиялық қорғанышсыз)  

- жүйелік зеңді жұқпаларда  

Дәрілермен өзара әрекеттесуі

Антикоагулянттар: глюкокортикоидтармен біріктіріп қолданған кезде антикоагулянттар әсерінің күшейгені білінуі мүмкін.  Метипредті парентеральды енгізу  К витамині антагонистерінің (флуиндион, аценокумарол)  тромболитикалық әсерін потенциялайды.   

Салицилаттар және қабынуға қарсы стероидты емес басқадай препараттар:  салицилаттарды, индометацинді және қабынуға қарсы стероидты емес басқа препараттарды бір мезгілде қолдану асқазанның шырышты қабығының жара болу мүмкіндігін арттыруы мүмкін.   Метипред  салицилаттардың қан сарысуындағы деңгейінің азаюына мүмкіндік береді, олардың бүйректік клиренсін арттырады.  Ұзақ уақыт қолданған кезде   Метипред дозасын азайтқанда сақтық қажет.   

Гипогликемиялық препараттар: Метипред диабетке қарсы пероральды дәрілердің және инсулиннің әсерін ішінара төмендетуі мүмкін.    

Бауырдың микросомальды ферменттерінің индукторлары: мысалы, барбитураттар, фенитоин, примидон, карбамазепин және  рифампицин увеличивают системный клиренс метилпреднизолонның жүйелік клиренсін арттырады, осылайша,   Метипредтің әсерін 2 есе дерлік азайтады. 

CYP3A4 тежегіштері: мысалы, эритромицин, кларитромицин, кетоконазол, дилтиазем, апрепитант, итраконазол  және  тролеандомицин шығарылуды азайтады және қан плазмасында уменьшают элиминацию и увеличивают уровень метилпреднизолон деңгейін арттырады, ол Метипредтің емдік және жанама әсерлерінің күшеюіне әкеп соға алады.    

Эстрогендер:   Метипредтің әсері, оның метаболизмін баяулата отырып, күшейте алады. Метипредтің дозасын пероральды контрацептивтерді қабылдап жүрген әйелдерде реттемеу керек, олар жартылай шығарылу кезеңінің артуына мүмкіндік беріп қана қоймайды, сонымен бірге Метипредтің атипиялық иммуносупрессиялық әсерлерінің дамуына мүмкіндік бере алады.  

Фторхинолондар: бір  мезгілде  қолдану сіңірлердің зақымдануына әкеп соғуы мүмкін.  

Амфотерицин, диуретиктер және іш айдағыш жеңіл дәрілер:   осы препараттарды қабылдап жүрген емделушілердің организмінде Метипред калийдің шығарылуын арттыра алады.   

Иммунодепрессанттар: Метипредтің  аддитивті иммуносупрессиялық әсері бар, ол басқа иммунодепрессанттармен бірге қабылдаған кезде емдік әсерді және әртүрлі жағымсыз реакциялардың даму қаупін арттыра алады. Осы әсерлердің тек кейбіреуін  ғана  фармакокинетикалық өзара әрекеттесу  деп түсіндіруге болады.    

Кортикостероидтар, оның ішінде Метипред бір мезгілде қолданған кезде такролимустың плазмадағы концентрациясын арттыра алады, кортикостероидтарды тоқтатқан кезде плазмадағы концентрация такролимус жоғарылайды.   

Құстыратын ісікке қарсы препараттармен емдеген кезде қатарластыра қолданылатын құсуға қарсы басқа препараттардың белсенділігін жақсартады.  

Иммунизация: вакциналардың иммунизациялайтын тиімділігін редукциялай және неврологиялық асқынулар қаупін арттыра алады.  Емдік (иммуносупрессивтік) дозаларда  тірі вирус вакциналарымен бірге қолдану вирус ауруларының қаупін арттыра алады.    

Антихолинэстеразды дәрілер: миастенияға шалдыққан науқастарге препаратты және   антихолинэстеразды  дәрілерді  қолдану бұлшықет әлсіздігін тудыруы мүмкін.  

Басқалар:  доксакариум хлоридін және  метилпреднизолонды жоғары  дозаларда қабылдап жүрген егде жастағы емделушілерде жедел ағымды миопатияның екі ауыр жағдайы жөнінде айтылған. Ұзақ уақыт қолданылған кезде  глюкокортикоидтер  соматотропиннің әсерн азайта алады.

Кортикостероидтарды жүйке-бұлшықет берілімінің бөгегіштерімен (мысалы, панкурониум)  бір мезгілде қолданып жүрген науқастарда жедел ағымды миопатияның пайда болу жағдайлары жөнінде айтылған.  

Метипред пен циклоспоринді бір мезгілде қолданған кезде құрысудың пайда болу жағдайлары білінді. Осы препараттарды бір мезгілде қолдану метаболизмнің өзара тежелуін тудыратын болғандықтан, ықтимал құрысулар және басқадай жағымсыз әсерлер осы препараттардың әрқайсысын  монотерапия ретінде қолданумен  байланысты, оларды біріктіріп қолданған кезде ол жиі  пайда болады.  

Айрықша нұсқаулар

Препаратты қабылдауды біртіндеп тоқтату керек.

Препарат  артериялық гипертензияға, жүрек қызметінің іркілген жеткіліксіздігіне, психикалық бұзылуларға, қант диабетіне шалдыққан (немесе отбасылық сыртартқысында диабеті бар) науқастарға, панкреатиті, асқазан-ішек жолы аурулары (пептикалық ойық жара, жергілікті илеит,  ойқы жаралы колит немесе ішек жолының басқадай қабыну аурулары немесе қан кету және тесілу қаупі жоғарылаған дивертикулиттер) бар науқастарға, остеопорозға, миастенияға, көз ұшығына, гипотиреоидизмге шалдыққан, сыртартқысында кортикостероид-индуцияланған миопатиясы бар, бауыр немесе бүйрек қызметінің жеткіліксіздігіне, бауыр циррозына, қояншық ауруына шалдыққан,  іріңдіктер немесе басқадай пиогендік жұқпалары, глаукомасы бар адамдарға, тромбофлебитке бейім емделушілерге; жуықта миокард инфарктін баста кешкен науқастарға сақтықпен және дәрігердің  бақылауымен қолданылуға тиіс.   

Глюкокортикоидтар асқазан-ішек жолы ауруларының асқынуын анықтауды қиындатуы мүмкін, өйткені олар ауыру синдромын азайтады, сондай-ақ  гиперпаратиреоидизмнің жасырын кезеңін бүркемелейді.

Метипред салицилаттардың және қабынуға қарсы стероидты емес препараттардың ульцерогендік әсерін потенциялай алады.  

Қанның ұю жүйесі бұзылған емделушілер дәрігерлік бақылауда болуы тиіс.   При совместном применении Метипред пен антикоагулянттарды біріктіріп қолданған кезде асқазанда жараның пайда болуы және қан кетуі артады.   Антикоагулянттарды дозалау тәртібі протромбин уақытын: атап айтқанда: халықаралық қалыпты индексті (ХҚИ) бақылаумен міндетті түрде  қоса жүргізілуі тиіс.  

Метипред, басқадай глюкокортикоидтар сияқты, жұқпалы аурулардың асқынуына мүмкіндік бере алады.  Туберкулездің қайталану және желшешек пен белдеулі ұшықтың асқыну қаупі бар.     

Тірі вакциналарды   иммуносупрессия индукциясы кезеңі ішінде үлкен дозаларда жүйелік қолдануға арналған кортикостероидтарды қабылдап жүрген емделушілерге қолданбаған жөн. Вакцинаның басқа түрлеріне емдік реакция да әлсіреуі мүмкін.  Вакцинацияға дейін және кейін С осторожностью применять в  течение 8 апта бойы, БЦЖ еккеннен кейін болатын лимфаденитте,  иммунитет тапшы жағдайларда, оның ішінде ЖИТС-те немесе АИТВ жұқтырғандарға,  қолданғанда  сақ болу керек.  

Метипредпен ұзақ уақыт емдеген кезде  остеопорозы немесе оның даму қаупі бар науқастарға бифосфонаттарды тағайындау жөніндегі мәселені қарастыру қажет. Остеопороз қаупінің факторлары 65 жастан асқандар, сыртартқысында немесе отбасылық сыртартқысында сынулардың жиі болғаны көрсетілсе, ерте  басталған менопауза (45жасқа дейін),  менопауза алдындағы  аменорея және аздау дене салмағы болып табылады.  Остеопороздың даму қаупін Метипред дозасын реттеп,  оны өте төмен терапиялық деңгейге дейін төмендету арқылы барынша азайтуға болады.   

Глюкокортикоидтарды ұзақ уақыт қабылдау  подавляет гипофизарлы-бүйрекүсті безі жүйесі қызметін басады, ол кортикоадреналды жауаптың екінші қайтара жеткіліксіздігінің дамуына әкеп соқтырады, ол әртүрлі жағдайларда, мысалы жедел ағымды жарақаттарда, ауруларда немесе хирургиялық араласымдарда аурулардың асқынуына және асқынулардың дамуына әкеп соқтыра алады. Метипредтің жоғары дозалары  аталған асқынулардың даму қаупін едәуір төмендетеді.   

Жағымсыз әсерлерді барынша азайту үшін  Метипредтің толық тәуліктік дозасын таңертең, кортизолды эндогенді түрде жасап шығару ырғағына сай, қабылдау керек.  

Гипотиреозға немесе бауырдың ауыр ауруларына шалдыққан науқастарда   Метипред дозасын төмендеткен жөн.

Егеде жастағы емделушілерге препарат, жағымсыз әсерлердің (пептикалық ойық жара, остеопороз және теріде жараның пайда болуы) даму қаупінің жоғарылауына байланысты, сақ тағайындауға тиіс.   

Глюкокортикоидтарды ұзақ уақыт қолданған кезде,  тоқтату синдромын және ауыр асқынуларды, өлім-жітімді қосқанда, болдырмау үшін, емдеуді біртіндеп, бірнеше апта ішінде тоқтатқан жөн.   Ұзақ мерзімдік ем жүктілік жағдайында да күрт тоқтатылмауға тиіс.  

Препараттардың құрамында лактоза моногидраты  бар, онда оны лактозаны  көтере алмайтын науқастарға ескеру керек 

Жүктілік және лактация кезеңі

Препарат  плацента арқылы өтеді және бала емізген кезде сүтке бөлініп шығады.   

Жүктілік кезінде Метипредті қабылдаудың пайдасы мен қаупін мұқият салыстыру қажет. Жүктілік кезнде  ұзақ қолдану  ұрық өсуінің бұзылуын туығызады. Ұрықта бүйрек үсті безінің  қыртысының атрофиясы даму қаупі  болады, ол жаңа туылған нәрестелерде алмастырылатын ем жүргізген жөн. Глюкокортикоидтар сондай-ақ іштен өліп туу қаупін арттыруы мүмкін.    

Метипредпен жүйелі емдеуді жалғастырған кезде бала емізбеу қажет. 

Педиатрияда қолданылуы

Балаларға қолданған кезде доза мен емдеу ұзақтығын дәрігер науқастың жасына және аурудың өту барысына қарай әр адамға жекелей белгілейді.  

Ұзақ уақыт қабылдаған кезде балаларда өсуі баяулауы және ыныстық дамуы кідіруі мүмкін.   

Дәрілік заттың автокөлікті және қауіпті механизмдерді басқау қабілетіне ықпал ету ерекшеліктері  

Препаратты қолданған кезде, препараттың жағымсыз әсерлерін (көңіл-күйдің, психиканың, құрысудың  бұзылуы, бас ауыру) ескере отырып, автокөлікті немесе басқадай қауіпті механизмдерді басқаруды тоқтата тұрған жөн.   

Артық дозаланғанда

Белгілері: препарат жедел уыттануды туғызбайды. Бүйрек үсті безінің супрессиясы түрінде білінетін созылмалы уыттануда, препараттың жағымсыз әсерлері күшеюі мүмкін.   

Емдеу: дозаны біртіндеп азайту керек, асқазанды шаю және белсендірілген көмірді  қабылдау керек, аурулардың белгілеріне қарай емдеу керек.

Шығарылу түрі және қаптамасы

30 таблетка құтыларда. 1 құты медицинада қолданылуы жөнінде мемлекеттік және орыс тілдерінде жазылған нұсқаулықпен бірге картон қорапқа салынады.  

Сақтау шарттары

15–25 °C бөлме температурасында сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Қаптамасында көрсетілген жарамдылық мерзімі өткеннен кейін қолданбау керек.  

Дәріханадан босату шарттары

Рецепт арқылы

Өндіруші

Орион Корпорейшн

Орионинтие 1, 02200 Эспоо, 

Финляндия

Тұтынушылардан өнім (тауар) сапасы туралы түскен шағымдарды Қазақстан Республикасы аумағында қабылдайтын ұйымның атауы және мекен-жайы: 

 «ВИВА Фарм» ЖШС

  2-ші Остроумов көшесі, 33,  Алматы қаласы, ҚР

тел.: +7 (727) 383 74 63, факс: +7 (727) 383 74 56;  

e-mail: viva@vivapharm.kz