Улкарил

Дәрілік затты қолдану жөнінде 

мамандарға арналған нұсқаулық

Улкарил® 200

Улкарил® 400

Улкарил® 800

Саудалық атауы 

Улкарил® 200

Улкарил® 400

Улкарил® 800

Халықаралық патенттелмеген атауы

Ацикловир

Дәрінің түрі

200 мг, 400 мг, 800 мг таблеткалар

Құрамы

Бір таблетка құрамында

белсенді зат- ацикловир 200 мг, 400 мг, 800 мг,

қосымша заттар: лактоза, жүгері крахмалы, магний стеараты.

Сипаттамасы

Улкарил® 200: ақ түсті, дөңгелек, екі беті дөңес таблеткалар.

Улкарил® 400: ақ түсті, дөңгелек, екі беті дөңес, бір бетінде бөлу сызығы бар таблеткалар. 

Улкарил® 800: ақ түсті, сопақша, екі беті дөңес, бір бетінде бөлу сызығы бар таблеткалар. 

Фармакотерапевтикалық тобы 

Вирусқа қарсы дәрілік тікелей әсер ететін препараттар. Нуклеозидтер және нуклеотидтер.

АТЖ  коды J05AB01

Фармакологиялық қасиеттері

Фармакокинетикасы

Ас қабылдауға байланыссыз, препаратты ішке қабылдағанда, асқазан ішек жолдарынан ацикловирдің азғана мөлшері (20%) сіңеді.

Препараттың қан сарысуындағы жоғары концентрациясы 1,5 – 2 сағаттан кейін анықталады. Ағза мүшелерінен, тіндерден жақсы өтеді, ацикловирдің жұлын-ми сұйықтығындағы концентрациясы оның сарысудағы концентрациясының 50% құрайды. Ацикловир сарысу ақуыздарымен аз мөлшерде байланысады (9-33 %), сондықтан  ақуыздармен байланысқан бөліктерден ығыстыру арқылы пайда болатын  дәрілік әрекеттесулер шамалы.

Ацикловирді ішке қолданғанда, оның Т ½ 4 сағ. құрайды. Препарат негізінен бүйрек арқылы өзгермеген түрде шығарылады.

Ацикловирдің бүйректік клиренсі креатинин клиренсінен едәуір үлкен, бұл ацикловирдің тек қана бүйрек шұмағынан сүзілу арқылы шығарылмай, өзекше секрециясы да арқылы шығарылатынын дәлелдейді. Бауырмен аз метаболизденеді, ацикловирдің негізгі метаболиті  9-карбоксиметоксиметилгуанин, оның несептегі мөлшері препараттың енгізілген мөлшерінің 10-15 % құрайды. Созылмалы бүйрек жетіспеушілігі бар пациенттерде ацикловирдің T1/2  орташа алғанда 19,5 сағ. құрайды, ал гемодиализ жүргізгенде ацикловирдің орташа T1/2  5,7 сағ., ал сарысудағы ацикловирдің концетрациясы  шамамен 60 %-ке төмендеді.

Ацикловир гематоэнцефалиттік және плацентарлық  барьерлерден өтеді, емшек сүтімен бөлінеді.

Фармакодинамикасы

Ацикловир тимидин нуклеозидінің синтетикалық аналогы болып табылады. Вирусты жұқтырған жасушалардың тимидинкиназасы ацикловирді моно-, ди- және трифосфатқа тізбектелген реакциялар арқылы белсенді өзгертеді. Ацикловир трифосфат вирустың ДНҚ-ғы дезоксигуанозиннің орнына тұрып, соңғының ДНҚ-полимеразасын тежеп,  ондағы репликация процессін тоқтатады. Ұшық болған кезде ацикловир жаңа бөрітпенің пайда болуын алдын алады, тері диссеминация және висцералды асқыну мүмкіндігін төмендетеді, қабықтардың пайда болу процессін жылдамдатады. Белдеулі ұшықтың жедел өрбу фазасындағы ауру сезімін төмендетуге көмектеседі. Препараттың ерекшелігі және  едәуір жоғары селективті әсері оның көбінесе ұшық вирусы жұққан жасушаларда жинақталуына байланысты. Кәдімгі ұшық вирусына қарсы белсенділігі ( тип 1) цитарабиннен екі есе, идоксуридиннен-10 есе, трифлуоротимидиннен – 15 есе және видарабиннан-160 есе жоғары. 1 және 2 типтегі кәдімгі ұшық вирусына (Herpes simplex (VHS)), желшешек және белдеулі теміреткі вирустарына (Varicella zoster (VZV)), Эпштайн-Барр вирусына жоғары белсенділік танытады. Цитомегаловируске орта дәрәжелі белсенділік танытады.

Қолданылуы

- кәдімгі ұшық вирусы туындатқан тері және шырышты қабықтың жұқпалы    

  аурулары, бірінші және қайталанған генитальдік ұшықты қоса алғанда

- қалыпты иммундық статусқа ие және иммундық тапшылығына ие 

  пациенттерде жұқпалы аурулардың  қайталануының алдын алу

- желшешек  ауруы

- Varicella zoster вирусы туындатқан белдеулі теміреткі ауруы

- сүйек майының трансплантациясы жүргізілген науқастарда цитомегало-

  вирустық жұқпалы аурулардың алдын алу.

Қолдану тәсілдері және дозасы

Ересектерге

Кәдімгі ұшық вирусы туындатқан  жұқпалы ауруларды емдеу 

Препараттың ұсынылған мөлшері 200 мг-нан тәулігіне 5 рет әр 4 сағат сайын, түңгі ұйқы кезеңін қоспағанда. Жалпы емдеу курсы 5 күн, емдеу уақыты ауыр біріншілік инфекциялар болған жағдайда созылуы мүмкін.

Ауыр дәрежелі иммундық тапшылық кезінде (мысалы, сүйек майының трансплантациясынан) немесе ішектен сіңірірілу бұзылғанында препараттың мөлшері  400 мг-нан тәулігіне 5 ретке дейін жоғарлауы мүмкін. Емдеуді жұқпалы ауру басталғаннан кейін кешіктірмей бастау керек. Ауру қайталанған жағдайда,  препаратты продромалды кезеңде немесе бөртпе жаңадан пайда болған кезде тағайындаған жөн.

Кәдімгі ұшық вирусы туындатқан жұқпалы аурулардың қайталануының алдын алу

Иммундық статусы қалыпты пациенттерге ұсынылған мөлшер 200 мг тәулігіне 4 рет (әр 6 сағ. сайын), немесе емдеудің басқа схемасы – 400 мг тәулігіне 2 рет (әр 12 сағ. сайын). Кейбір жағдайларда аз мөлшерде қолданылған Улкарилдің әсері тиімді – 200 мг тәулігіне 3 рет (әр 8 сағ. сайын) немесе тәулігіне 2 рет (әр 12 сағ. сайын), немесе бір реттік жалпы тәулік мөлшерімен – 800 мг.

Улкарилмен емдеуде 6-12 айлық үзіліс жасау керек, себебі бұл кезде аурудың мүмкін болатын өзгерістерін айқындау керек. 

Кәдімгі ұшық вирусы туындататын жұқпалы аурулардың алдын алу Иммундық тапшышлығы бар пациенттерде Улкарилдің ұсынылған мөлшері - 200 мг тәулігіне 4 рет (әр 6 сағ.сайын). Жоғары дәрежелі иммундық тапшылықта (мысалы, сүйек майының трансплантациясынан кейін) немесе ішектен сіңірілу бұзылғанда Улкарилдің мөлшері тәулігіне 5 рет 400 мг-нан көтерілуі мүмкін. Алдын алу курсының ұзақтығы жұқтыратын қатерлі кезеңнің ұзақтығына байланысты.

Желшешек  және белдеулі теміреткі ауруларын емдеу

Улкарилдің ұсынылған мөлшері 800 мг тәулігіне 5 рет, әр 4 сағат сайын, түңгі ұйқы кезеңін қоспағанда. Емдеу курсы- 7 күн. Препаратпен емдеуді жұқпалы ауру пайда болған кезде бірден бастау керек, себебі емдеу  тиімділігі осыған байланысты.

Балаларға

Иммундық тапшылығы бар балаларда кәдімгі ұшық вирусынан пайда болған  жұқпалы ауруларды емдеу және алдын алу

- 2 жастан жоғары – дозалары, ересек адамдардың дозаларындай

- 2 жастан кіші – ересек адам дозасының жартысы

Желшешекті емдеу

- 6 жастан үлкен – 800 мг тәулігіне 4 рет

- 2 жастан 6 жасқа дейін – 400 мг тәулігіне 4 рет

- 2 жастан кіші – 200 мг тәулігіне 4 рет.

Аса нақты мөлшерді дене салмағының әр келісіне 20мг есебімен анықтауға болады (бірақ 800 мг аспау керек) тәулігіне 4 рет. Емдеу курсы - 5 күн.

Кәдімгі ұшық вирусынан пайда болған жұқпалы аурулардың қайталануы және қалыпты иммундық дәрежедегі балаларда болатын белдеулі теміреткі ауруын емдеу туралы мәліметтер жоқ. 

Шектеулі мәліметтер бойынша, жоғары дәрежелі иммундық  тапшылығы бар 2 жастан асқан балаларға Улкарилдің ересектерді емдеуге арналған  дозасын беруге болады. 

Егде жастағы  науқастарға

Қарт адамдардың ағзасында ацикловир клиренсінің төмендеуі креатинин клиренсінің төмендеуімен қатар жүреді.

Қарт жастағы науқастар Улкарилдің үлкен дозаларын қабылдау кезінде жеткілікті мөлшерде сұйықтықты алуы керек, егер бүйрек жетіспеушілігі болса, Улкарилдің дозасын төмендету туралы мәселені шешу керек.

Бүйрек жетіспеушілігі бар науқастарға

Бүйрек жетіспеушілігі бар науқастарға кәдімгі ұшық вирусынан пайда болған жұқпалы аурулардың алдын алу және емдеу мақсатымен тағайындалған ацикловирдің ұсынылған дозасы препарат концентрациясының  қауіпсіз дережесінен асатын кумуляцияға әкелмейді. Бірақ та жоғары дәрежелі бүйрек жетіспеушілі бар пациенттерге (креатинин Cl <10 мл/мин) Улкарилдің дозасын  200 мг тәулігіне 2 рет (әр 12 сағ.) дейін төмендету ұсынылады.

Желшешекті, белдеулі теміреткіні және де жоғары дережелі иммундық тапшылығы бар пациенттерді емдеу барысында Улкарилдің ұсынылған дозасы төмендегідей:

- ауыр бүйрек жетіспеушілігі кезінде (креатинин Cl <10 мл/мин) 800 мг тәулігіне 2 рет әр 12 сағ. сайын

- орта дәрежелі бүйрек жетіспеушілігі кезінде (креатинин Cl 10–25 мл/мин) 800 мг тәулігіне 3 рет әр 8 сағ. сайын.

Жағымсыз әсері

- бас ауруы, бас айналу

- шаршау, зейін төмендеуі, галлюцинациялар, ұйқышылдық немесе ұйқысыздық

- дене температурасының көтерілуі

 - лоқсу,  құсу,  диарея, іш ауруы

- лимфоцитопения,эритропения, лейкопения, сирек - лимфаденопатия

- бөртпе, фотосенсибилизация, есекжем, қышу, қызба, сирек – ентігу, ангионевротикалық ісік, анафилаксия

- қандағы мочевина мен креатинин концентрацияларының жоғарлауы

- билирубин дәрежесінің және бауыр ферменттерінің белсенділігінің    

  қайтымды көтерілуі 

- сирек – шаштың тез диффузиялық түсуі (ацикловирді қабылдаумен 

  байланысы анықталмаған)

Қолдануға болмайтын жағдайлар

-         ацикловирге немесе препараттың басқа компоненттеріне асқын сезімталдық

-         дегидратация

-         бүйрек жетіспеушілігі

-         неврологиялық бұзылыстар

Дәрілермен  өзараәрекеттесуі

Пробенецид ацикловирдің өзекшелік секрециясын тежеп, сонымен қатар  ацикловирдің қан сарысуындағы, жұлын - ми сұйықтығындағы  концентрациясын және оның жартылай шығару периодын жоғарлатады.

Ацикловир нефротоксикалық препараттардың әсерін күшейтеді (әсіресе бүйрек қызметтері зақымдалған пациенттерде).

Кальций каналдары блокаторлары және циметидин ацикловирдің AUC-ін (сарысудағы концентрация – уақыт қисығының ауданы) жағарлатып, оның бүйректік клиренсін төмендетеді, бірақ дозаны мөлшерлеу ацикловирдің терапевтикалық дозаларының кең диапазонына байланысты талап етілмейді. Ацикловирмен мофенил микофенолатын, яғни мүшелер трансплантациясы кезінде қолданылатын иммуносупрессивті препаратты бірге қолдану ацикловирдің және мофенил микофенолатының белсенді емес метаболитінің AUC көрсеткішінің жоғарылауына әкеледі. 

Ацикловирмен зидовудинді АИВ-инфекцияларында бір мезгілде қолдану бұл препараттардың кинетикасына әсер етпейді.

Айрықша нұсқаулар

Нефротоксикалық препараттармен бірге қолдану бүйрек қызметтерінің бұзылысы және ағзада су мөлшерінің жетікліксіздігі бар науқастарда  ацикловир кристалдарының тұнба түзіп, жедел бүйрек жетіспеушілігінің дамуына әкелеу мүмкіндігін ескеру қажет. Улкарилді қолданғанда бүйрек қызметтерін қадағалап тұру қажет.

Егде жастағы ауруларды емдеу жеткілікті жоғарлатылған су мөлшерінде және дәрігердің бақылауында жүргізілуі керек, себебі бұл категориядағы ауруларда ацикловирдің жартылай шығару периоды жоғарлайды.

Егер де жыныс мүшелерінің ұшығы бар әйелдердің хал-жағдайы 1-ші аптада жақсармаса, гинекологиялық тексерулер жүргізу керек. Жыныс мүшелерінің ұшығы бар ауру әйелдердің жатыр мойнының қатерлі ісігінің пайда болу мүмкіндігі жоғары, сондықтан Папаниколау тестін жылына 1 рет жатыр мойнының алғашқы өзгерістерін табу үшін жүргізу керек. Жыныс мүшелерінің ұшығын емдеу барысында жыныстық карым-қатынастан бас тарту керек, себебі ацикловирді қолдану партнерларға вирустың берілуінің алдын алмайды.         

Жүктілік және бала емізу кезеңдері 

Улкарилді жүкті әйелдерге абайлап тағайындау керек және анаға тигізетін пайдасымен,  нәрестеге тигізетін қауіп мүмкіндігін бағалау керек. 

Ацикловир емешек сүтіне енеді. Емшек еміп жүрген сәбилер ацикловирді 0,3 мг/кг мөлшерінде алулары мүмкін. Осы дәлелді есепке ала отырып, Улкарилді емізіп жүрген әйелдерге абайлап тағайындау керек.

Препараттың транспорт жүргізуге немесе потенциальді қауіпті механизмдерді  басқару мүмкіндіктеріне әсер ету ерекшкліктері 

Пациенттерді транспорт жүргізу, механикалық құралдармен жұмыс жасау және потенциальді қауіпті жұмыстармен байланысты болатын қауіп жөнінде хабардар ету керек.

Артық мөлшерлеу

Симптомдары: бас ауру, лоқсу, кұсу, диарея, ентігу, бйүрек жетіспеушілігі, летаргия, летаргия, тырысу, кома.  

Емдеу: арнайы уға қарсы дәрі жоқ, симптоматикалық және көмекші ем. Диализ жүргізу, әсіресе жедел бүйрек жетіспеушілігі бар пациенттерге ұсынылады. Бүйрек өзекшелерінде кристалдардың пайда болуының алдын алу үшін ағзаға түсетін сұйықтықтың көлемін жоғарылату керек.

Шығарылу түрі  және қапталуы

200мг, 400 мг, 800 мг  таблеткалар 

Улкарил® 200:  блистерде 25 таблеткадан. Картон қорапшада 1 блистер, қолдану жөніндегі нұсқаулықпен бірге. 

Улкарил® 400: блистерде 5 таблеткадан. Картон қорапшада 5 блистер, қолдану жөніндегі нұсқаулықпен бірге. 

Улкарил® 800: блистерде 5 таблеткадан. Картон қорапшада 5 блистер, қолдану жөніндегі нұсқаулықпен бірге. 

Сақтау шарттары

+15°С –ден  +30°С-ға дейінгі температурада, құрғақ, жарықтан қорғалған жерде сақтау керек.

Балалардың қолы жетпейтін жерде сақтау керек! 

Жарамдылық мерзімі

Улкарил® 200:  5 жыл

Улкарил® 400: 3 жыл

Улкарил® 800: 2 жыл

Жарамдылық мерзімі өткеннен кейін қолданбау керек. 

Босатылу шарттары

Рецепт бойынша

Өндіруші

«Нобел Алматы Фармацевтикалық Фабрикасы» АҚ

Қазақстан Республикасы          

Алматы қаласы, Шевченко көшесі 162 Е