Вегадерм

Дәрілік затты медициналық қолдану

жөніндегі нұсқаулық

Вегадерм

Саудалық атауы

Вегадерм

Халықаралық патенттелмеген атауы 

Жоқ 

Дәрілік түрі

Жақпамай 15 г

Құрамы 

1 г жақпамайдың құрамында

белсенді заттар: 0,643 мгбетаметазон дипропионаты (0,5 мг бетаметазонға баламалы), 10,0 мг клотримазол, гентамицин сульфаты (1,0 мггентамицинге баламалы)

қосымша заттар: сұйық парафин, ақ жұмсақ парафин.

Сипаттамасы 

Ақ немесе ақ дерлік түсті, біртекті консистенциялы жақпамай.

Фармакотерапиялық тобы

Тері ауруларын жергілікті емдеуге арналған глюкокортикостероидтар. Басқа препараттармен біріктірілген белсенді кортикостероидтар. Басқа препараттармен біріктірілген бетаметазон. 

АТХ коды D07XC01

Фармакологиялық қасиеттері 

Фармакокинетикасы

Препаратты жергілікті қолданғаннан кейін сіңірілуіне зерттеу жүргізілген жоқ. 

Вегадерм – оның әсері құрамына кіретін компоненттері байланысты болатын біріктірілген препарат. Тері арқылы сіңірілу дәрежесі қосымша заттарының сапасына және құрамына қарай, эпидермистің бүтіндігі мен окклюзиялық таңғыштың болуына байланысты анықталады. 

Бетаметазон

Жергілікті кортикостероидтар зақымданбаған тері арқылы да сіңіріледі. Қабыну және басқа да ауырсынумен жүретін үдерістер, әсіресе,терінің атрофиялық өзгерістерінің болуы сіңірілуін күшейтеді. Жүйелі қан ағымына түскен кезде жергілікті кортикостероидтар жүйелі пайдалануға арналғанпрепараттарға ұқсас әсер етеді (плазма ақуыздарымен байланысады және негізінен, бауырда метаболизмге ұшырайды). Ену үлесі дененің аймағына, терінің жай-күйіне, дәрілік түрге, пациенттің жасына және жағу тәсіліне байланысты болады. Негізгі шығарылу жолы – бүйрек арқылы.

Клотримазол

Жаққаннан кейінклотримазолдың көп бөлігімүйізгекті қабатта қалады, ал жүйелі қан ағымына сіңірілуі елеусіз болып табылады.  1% радиоактивті клотримазолды зақымданбаған теріге, сондай-ақ жедел қабынуы бар теріге жаққаннан кейін 6 сағат өткен соң, препараттың мынадай концентрациялары анықталды: мүйізгекті қабат – 100 мкг/см³, ретикулярлы қабат – 0,5–1 мкг/см³, теріасты шелі – 0,1 мкг/см³.

Гентамицин

Зақымданбаған теріге гентамицинді жаққан кезде сіңірілуі екіталай. Алайда ұзақ уақыт және терінің ауқымды бөліктеріне қолданғанда, сондай-ақ кератин қабатының бұзылуы, қабынулар кезінде, окклюзиялық таңғыш астына қолданғанда немесе үлкен аумаққа жаққанда тері арқылы тез сіңетіндігін күтуге болады. Өзгеріссіз күйде несеппен шығарылады.

Фармакодинамикасы

Әсер ету механизмі

Вегадерм үш әсер ету механизміне ие: бетаметазон дипропионатының қабынуға қарсы әсері, гентамициннің бактерияға қарсы әсері және клотримазолдың зеңге қарсы әсері. 

Бетаметазон

Бетаметазон әсері күшті кортикостероид (ІІІ әсер классы) болып табылады. Жергілікті қолданғанда бетаметазон жылдам, ұзақ уақыт бойықабынуға қарсы, қышынуға қарсы және тамырды тарылтатынәсер береді. Аллергияға қарсы әсері аллергия медиаторларының синтезі мен секрециясын төмендетудің, гистаминнің және басқа биологиялық белсенді заттардың сенсибилизацияланған жуан жасушалар менбазофилдерден босап шығуын тежеудің, айналымдағыбазофилдер санын азайтудың, лимфоидтық және дәнекер тіндердің пролиферациясын бәсеңдетудің, Т- және B-лимфоциттердің мөлшерін, жуан жасушаларды азайтудың, эффекторлық жасушалардың аллергия медиаторларына сезімталдығын төмендетудің, антиденелердің түзілуін бәсеңдетудің, организмнің иммундық жауабын өзгертудіңнәтижесінде дамиды. Оның  химиялық құрылымында фтордың болуы оның гидрокортизонның белсенділігінен 30 есеге жуық асып түсетін қабынуға қарсыбелсенділігін күшейтеді, бірақ  минералокортикоидтық белсенділікті иеленбейді. Жергілікті қолданғанда тері зақымдануларының жазылуын бәсеңдетпейді.

Клотримазол

Клотримазол зеңге қарсысинтетикалық дәрі  –имидазол туындысы болып табылады. Клотримазолдың зеңге қарсы кең ауқымды белсенділікке ие. Оның әсер ету ауқымы адамдар мен жануарлар үшін патогенді болып табылатын зеңдер қатарын қамтиды. Олашытқыларға, дерматофиттерге, Aspergilus, Scopulariopsis, Trichophytonmentagrophytes, Trichophytonguinckeanum, Trichophytonrubrum, Epidermophytonfloccosum, Microsporum canis, Candida albicans-ке қарсы белсенді. 

Гентамицин

Гентамицин бактерицидтік әсері бар, әсер ету ауқымы кең аминогликозидтікантибиотик болып табылады. Бактерияға қарсы дәрі ретіндегі тиімділігі жоғары. Оның әсері сезімтал микроорганизмдер ақуыз синтезінің бәсеңдетуіне негізделеді. Гентамицин көптеген аэробты грамтеріс және кейбір грамоң бактерияларға әсер етеді. In vitro гентамицин, 1–8 мкг/мл концентрацияда көптеген Escherichia coli (ішек таяқшалары), Haemophilus influenzae (гемофильді таяқшалар), Moraxella lacunata(Моракс—Аксенфельд таяқшалары), Neisseria(нейссерий), индол-оң және индол-теріс протея, Pseudomonas (псевдомонад) (оның ішінде көптеген Pseudomonas aeruginosa(көкірің таяқшалары) штаммдар), Staphylococcus aureus (алтын түстес стафилококк), Staphylococcus epidermidis (эпидермальді стафилококк) және Serratia(серрация). Бір түрлердің әртүрлі штаммдары мен түрлері in vitro жағдайларында сезімталдықтың үлкен айырмашылықтарын көрсетуі мүмкін. Одан басқа да in vitroсезімталдық in vivoсезімталдығымен байланыспайды. Гентамицин көптеген анаэробты бактерияларға, зеңдерге және вирустарға қатысты тиімсіз. Гентамицин стрептококктарға өте аз әсер етеді.

Гентамицинге төзімділік грамтеріс бактерияларға, сондай-ақ грамоң бактерияларға да дамуы мүмкін. 

Қолданылуы 

-       гентамицинге сезімтал микроорганизмдерден туындаған салдарлы инфекциялардан ауру асқынған жағдайларда, және де осындай инфекциялардың қосылу мүмкіндігіне күдік туған кезде, кортикостероидты препараттарға сезімтал қабынбалы дерматоздар

Қолдану тәсілі жәнедозалары

Ересектер мен 12 жастан асқан жасөспірімдер  

Вегадерм жақпамайын терінің зақымданған бөліктеріне күніне 2 рет – таңертең және кешке, жұқа қабаттап жағу керек (жеңіл сипап-сылау қимылдарымен жағуға болады), бұл кезде барлық зақымданған аймақты қамтыған сияқты оны қоршаған сау терісімен бірге қамтылуы тиіс. Жеткілікті емдік әсерге жету үшін ең аз мүмкіндік мөлшерді пайдалану ұсынылады. Қолдану жиілігі мен емдеу ұзақтығын дәрігер аурудың ауырлығын ескере отырып белгілейді. 

Емдеудің ұзақтығы зақымдану дәрежесіне, орналасуына және пациенттің жүргізіліп жатқан емге реакциясына тәуелді. 

Жеңіл жағдайларда күніне бір рет қолдану жеткілікті, ауырырақ зақымданулар кезінде жиірек қолдану қажет болуы мүмкін. 

Табан дерматофитиясы кезінде емдеудің ұзағырақ курсы (2-4 апта) қажет болуы мүмкін.

Емдеу тиімсіз болса, 3-4 апта бойы емге түзету жүргізу керек. 

3-тен 12 жасқа дейінгі балалар 

Препаратты тек зақымданған беткейге жұқа қабаттап жағу және аздап ысқылау керек. Жақпамайдың жергілікті мөлшерін тәулігіне 2 реттен жиілетпей, аппликациялар аралығын ең кемі 6–12 сағат үзіліспен жағу керек. Жеткілікті емдік әсерге жету үшін мүмкін болатын ең аз мөлшерін пайдалану ұсынылады. Жақпамайды бетке, мойынға, бас терісіне, жыныстық мүшелер аймағына, артқы өтіс аймағына және тері қыртыстарына дәрігердің қадағалауымен жағу керек. Емдеу ұзақтығы 5–7 күнмен шектеледі.

Препаратты қабылдаумен байланысты жағымсыз реакциялар көбіне балаларда пайда болады, сондықтан дәрігердің нақты нұсқасына сай қолдану керек. 

“Айрықша нұсқаулар” және “Балалар жасындағы пациенттерге қолдану” бөлімін қараңыз. 

Егде жастағы тұлғалар

Егде жастағы пациенттерде дозасын өзгерту қажет емес.

Жағымсыз әсерлері

Тері тарапынан бұзылулар:

Сирек:

- тітіркену, ашыту сезімі, қышыну, терінің құрғақтануы, эритема, шаншу, теріде күлдіреуіктің пайда болуы, қабыршықтануы, есекжем

- препараттың қандай да бір ингредиенттеріне терінің аса жоғары сезімталдығы 

- тері түсінің өзгеруі (тері түсінің өзгеруі қайтымды сипатта ма, жоқ па белгісіз)

- терідегі жергілікті өзгерістер: фолликулит, атрофия (әсіресе бетте),телеангиэктазия, стрия, тершеңдік, созылу, тері геморрагиясы, пурпура, стероидты акне, розацеаға ұқсас/периоральді дерматит, гипертрихоз, салдарлы инфекция.

Жиі емес:

- гентамицинге жанаспалы сезімталдық (жанаспалы аллергиялық дерматит) 

- фотосенсибилизация (алайда бұл әсері ары қарай УК сәуленің әсерімен бірге гентамицинді қайталап жаққан кезде қайта басталмайды)

Эндокриндік жүйе тарапынан бұзылулар:

- эндогенді кортикостероидтар синтезін бәсеңдету

- ісінумен бүйрек үсті безінің аса жоғары белсенділігі

Қан және лимфа жүйесі тарапынан бұзылулар:

- гипохромия

Метаболизм тарапынан бұзылулар:

-  латентті қант диабетінің көріністері

Ішкі құлақ есту/бүйрек тарапынан бұзылулар

Егер Вегадерм препараты теріні ауқымды бөліктеріне немесе зақымданған тері бөліктеріне қолданылса, аминогликозидті антибиотиктерді бір мезгілде жүйелі қолданғанда жинақталған отоуыттылығы/нефроуыттылығы күтіледі.

Қаңқа-бұлшықет жүйесі тарапынан бұзылулар

- остеопороз

- бой өсуінің кідіруі (балаларда) 

Терінің ауқымды бөліктеріне, окклюзиялық таңғыштың астына және/немесе ұзақ уақыт қолданғанда

Терінің ауқымды бөліктеріне жаққан кезде терінің өзгеруіне және  жүйелі әсер ету ықтималдығы бар (бүйрекүсті безі қыртысы функциясының бәсеңдеуі).

Инфекцияларға жергілікті төзімділігінің төмендеуіне байланысты, салдарлы инфекциялардың туындау қаупі жоғарылайтынын есте ұстау керек.

Балаларға және жасөспірімдерге қолданылуы

- гипофиз-гипоталамус-бүйрекүсті бездері жүйесінің бәсеңдеуі

- Кушинг синдромы

- өсудің тежелуі, дене салмағын қоса алмау

- еңбек ісінуімен, бас ауыруымен, көру жүйкелері дискілерінің екіжақты ісінуімен қатар жүретін (бүртік іркілісінің симптомы) бассүйекішілік қысымның жоғарылауы (бетаметазонның әсері) 

Қолдануға болмайтын жағдайлар

- препараттың белсенді заттарына немесе кез келген қосымша затына жоғары сезімталдық (гентамицинмен айқаспалы аллергия) және/немесе (клотримазолмен айқаспалы аллергия)

- тері инфекциялары (этиологиясы вирустық, зеңдік)

- терінің кейбір инфекциялары (қарапайым герпес, белдемелі герпес, желшешек, тері мерезі және туберкулез, қарапайым безеулер, терінің ойық жаралары, розацеа, акне) 

- периоральді дерматит

- артқы өтіс айналасы жәнежыныс мүшелерінің қышынуы

- вакциналарға  реакция

- окклюзиялық таңғыштың астына қолдануға болмайды 

- шырышты қабықтарға, көзге немесе көз айналасының терісіне  жағуға болмайды

- жүктілік, лактация кезеңі

- 3 жасқа дейінгі балалар

Дәрілермен өзара әрекеттесуі

Вегадерм жақпамайының басқа препараттармен өзара әрекеттесуі анықталған жоқ. Алайда оны басқа, атап айтқанда, құрамында аниондық беткейлік-белсенді заттар бар жақпамайлармен немесе кремдермен бір мезгілде қолдану ұсынылмайды. Вегадермжақпамайын жүрекгликозидтерімен бірге қолданғанда олардың әсері күшейеді, диуретиктермен бірге пайдаланғанда калийдің шығарылуы күшейеді, гипогликемиялайтын препараттармен, пероральдіантикоагулянттармен пайдаланғанда олардың әсері әлсіреуі мүмкін. Микробқа қарсы және нефроуытты әсер беретін басқа препараттардыВегадерм препаратымен бір мезгілде немесе емдеу курсы аяқталғаннан кейін бірден тағайындамау керек. Вегадерм препаратын гениталий немесе  анальді аймаққа қолданған кезде вазелин және сұйық парафин сияқты қосымша заттар бір мезгілде пайдаланылатын латексті мүшеқаптың беріктігін азайтуы, соның нәтижесінде оның сенімділігінің төмендеуіне әкелуі мүмкін. Жергілікті қолданылғанда клотримазол амфотерицинге және басқа полиенді антибиотиктерге қатысты антагонистік әсер беруі мүмкін.

Айрықша нұсқаулар

Вегадерм жақпамайы офтальмологияда қолдануға арналмаған. Препаратты көз айналасындағы теріге және көз алмасының ашық беткейіне жағуға болмайды. Вегадерм жақпамайын қолдану салдарынан тітіркену немесе сенсибилизация пайда болғанда емдеуді тоқтатып, тиісті емді бастау керек. Егер Вегадерм жақпамайы үлкен аумаққа жағылса, атап айтқанда  ұзақ уақыт қолданғанда немесе зақымданған теріге жаққанда жергілікті қолдануға арналған белсенді заттардың жүйелі қан ағымына сіңуі күшеюі мүмкін. Бұл жағдайларда белсенді заттарды жүйелі қолдануға тән жағымсыз әсерлер туындауы мүмкін. Балаларға қолданғанда мұндай жағдайларда ерекше сақ болған жөн.

Кортикостероидтар

Жергілікті кортикостероидтыпрепараттарды ұзақ уақыт бойы қолдану, оларды жоғарыдозаларында және терінің ауқымды бөліктерінепайдалану елеулі жүйелік сіңірілуіне жәнегиперкортицизмніңклиникалық көріністерінің дамуымен жүретін гипоталамус-гипофизарлық-бүйрекүсті безі жүйесінің бәсеңдеуіне алып келуі мүмкін. Ол көріністер көбінесе кішкентай балаларда немесе окклюзиялық таңғыштарды (жөргектер сондай таңғыштардың рөлін атқаруы мүмкін) жиі пайдаланғанда  туындайды. Белсенділігі жоғары кортикостероидтармен ұзақ уақыт бойы және қарқынды емдеу кезінде терінің жергілікті атрофиялық өзгерістері мен беткейлік қантамырлардың кеңеюі дамуы мүмкін. Мұны бет терісіне ұзақ уақыт бойы қолданғанда, атап айтқанда, псориазды, эритематозды қызыл жегіні және экземаның ауыр түрлерінде емдеуде ескеру керек. Ашық жараға және терінің зақымданған аймаққа қолданудан аулақ болу керек. 2-3 аптаны құрайтын үздіксіз қолдану мерзімін мүмкіндігінше асырмаған жөн.  

Өте күшті, күшті және орташа әсерлі кортикостероидтарды бетке және гениталий аймағына аса сақтықпен және 1 аптадан асырмай қолдану керек.

Кортикостероидтарпрепараттың қандай-да бірингредиентіне аллергиялықреакция симптомдарын бүркемелеуі мүмкін.

Пациентке, бұл препаратты тек оның терісінің ағымдағы ауруын емдеу үшін ғана қолдану керектігін және препаратты басқа адамдарға бермеуі керектігін түсіндіру керек.

Антибиотиктер

Негізінен басқа аминогликозидті антибиотиктерге айқаспалы реакциялар ықтималдығы бар екендігін ескеру керек. 

Гентамицин мен клотримазолды қоса, жергілікті антибиотиктерді ұзақ уақыт бойы қолдану, суперинфекцияға төзімділік пен бейімділіктің дамуына әкеп соқтыруы мүмкін. Ондай инфекцияға күдік туындаған жағдайда, препаратпен емдеуді тоқтату және бактерияға қарсы басқа препаратпен қолайлы емді бастау керек. Окклюзиялық таңғыштарды пайдалану терінің зақымданған бөліктерінде инфекцияның дамуына қолайлы жағдай туғызады. Жүйелі әсер ететін аминогликозидті антибиотиктерді бір мезгілде қолданғанда, тері арқылы сіңірілуі жоғарылаған жағдайда, жинақталған уытты әсерінің (отоуыттылық, нефроуыттылық) туындауы мүмкін екендігін есте ұстау керек. Түрліаминогликозидтер арасында айқаспалы төзімділік бар. Жергілікті кортикостероидты препараттарды қарапайым псориазды емдеу үшін пайдаланғанда, терінің қорғаныс функциясының бұзылуы нәтижесінде үдерістің созылмалы түрге өтуі, дағдылану, жайылғанпустулалық псориаздың даму қаупінің жоғарылауы, жергілікті және жүйелі уыттылық болуы мүмкін. Аса жоғары сезімталдық белгілері немесе суперинфекциясимптомдары жағдайында,препаратты тоқтату керек. Препаратты ашық жараларға немесе бүтіндігі бұзылған теріге жағуға болмайды. Гентамицинді терінің ауқымды бөліктеріне ұзақ уақыт бойы немесе оның бүтіндігі бұзылған жағдайда қолдану, едәуір көбірек сіңірілуіне және сонымен байланысты жүйелі әсерлерінің пайда болуына алып келуі мүмкін. 

Гентамицинмен емдеу терініңтранзиторлық тітіркенуімен(қышыну, эритема) қатар жүруі мүмкін, бұл көп жағдайда емдеуді тоқтатуды қажет етпейді. 2–3 аптаны құрайтын үздіксіз қолдану мерзімін, мүмкіндігінше асырмаған жөн.

Балалар жасындағы пациенттерге қолданылуы

Осы  препаратты 2 жасқа дейінгі балаларға қолдануға болмайды. 

Бала жастағы пациенттерде  гипоталамус-гипофиз-бүйрекүсті безі осінің бәсеңдеуіне және экзогендік кортикостероидтардың белсенділігіне (жергілікті қолдануға арналған кортикостероидтардан туындаған) ересек пациенттерге қарағанда көбірек сезімталдық байқалуы мүмкін, өйткені дене беткейі ауданының дене салмағына қатынасы үлкен болғандықтан сіңуі қарқындырақ болады.

Жергілікті қолдануға арналған кортикостероидтарды балаларда  пайдаланған кезде гипоталамус-гипофиз –бүйрекүсті безі осінің бәсеңдеуі, Кушинг синдромы, желілі өсудің баяулауы, денеге салмақ қосудың баяулауы және бассүйекішілік қысымның жоғарылауы туралы хабарланды. Балалардағы бүйрекүсті бездері функциясының бәсеңдеуі симптомдарына мыналар кіреді: қан плазмасындағы кортизол деңгейінің төмендеуі және АКТГ стимуляциясына реакцияның болмауы. Бассүйекішілік қысымның жоғарылауы симптомдарынаеңбек ісінуі, бас ауыруы және көру жүйкесі дискісінің екіжақты ісінуі кіреді.

Бұл топтағы пациенттерге препаратты қолдану ұзақтығы шектеулі (4-5 күн) болу керек. 

Жүктілік және лактация кезеңі

Жүктілік

Жергілікті кортикостероидтарды жүкті әйелдерде қолданудың қауіпсіздігі анықталған жоқ. Аминогликозидтер, жүкті әйелдерде қолданылған кезде, плацентарлық бөгет арқылы өтеді және шаранаға теріс әсер етуі мүмкін. Аналары жүкті кезінде  аминогликозидтерді, соның ішінде гентамицинді қабылдаған балалардағы толық, қайтымсыз, екіжақты туа біткен кереңдік туралы хабарламалар келіп түскен. Гентамициннің жүктілік кезінде жергілікті қолданылуы туралы деректер жеткіліксіз.

Клотримазолдың жүктілік кезінде қолданылуы туралы деректер жеткіліксіз. 

Осыған қарамастан, жүктілік кезінде  препаратты ұзақ қолдану және әсіресе терінің ауқымды бөліктерінде қолдану ұсынылмайды, және мұны ана үшін пайдасының/шарана үшін қаупінінің арақатынасын қатаң бағалағаннан кейін ғана жүзеге асыру керек.

Лактация

Дәріні қолданудың жаңа туған және емшек еметін сәбиге  қатысты  қауіпсіздігі анықталмаған. Алайда жүйелі әсер ететін кортикостероидтар сүт бездерінің терісіне жаққан кезде емшек сүтіне өтеді және сондықтан да оны емшек емізу кезеңінде қолдану ерекше сақтықты қажет етеді. Препаратпен емдеу кезінде емшек емізуді тоқтата тұру немесе мүмкін болса емді тоқтату ұсынылады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Вегадерм жақпамайы көлік құралдарын басқару немесе қозғалмалы механизмдермен жұмыс жасау қабілетіне әсер етпейді.

Артық дозалануы

Симптомдары: жергілікті глюкокортикостероидтарды шамадан тыс немесе ұзақ уақыт қолдану гипофиз-бүйрекүсті безі жүйесі функциясының бәсеңдеуін туғызуы және бүйрекүсті безі қыртысының салдарлы жеткіліксіздігінің дамуы мен Кушинг синдромын қоса, гиперкортицизм симптомдарының дамуына себеп болуы мүмкін. Гентамицинмен бір рет артық дозалану, әдетте қандай-да бір симптомдардың пайда болуымен қатар жүрмейді, бірақ мұндай симптомдардың дамуына түрткі болуы мүмкін. Гентамицинді шамадан тыс әрі ұзақ уақыт жергілікті қолдану терінің зақымдалған жерінде зеңдердің немесе антибиотикке сезімтал емес микроорганизмдердің шектен тыс өсуіне әкелуі мүмкін.

Емі: симптоматикалық ем, жедел гиперкортицизм симптомдары әдетте қайтымды. Қажет болса, электролит теңгерімінің бұзылуына ем жүргізу керек. Созылмалы уытты әсері дамыған жағдайда, глюкокортикостероидтарды біртіндеп тоқтату ұсынылады.

Сезімтал емес, соның ішінде зеңдік флора айтарлықтай көбейген жағдайда, бактерияға қарсы немесе зеңге қарсы сәйкесінше ем жүргізу керек.

Шығарылу түрі және қаптамасы

15 г препарат іші лакталған, төменгі жағында латекс сақинасы бар бұрандалы пластмасса қалпақшамен тығындалған алюминий сықпаларға салынған.

1 сықпадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

Жарықтан қорғалған жерде, 25 °C-ден аспайтынтемпературада сақтау керек.

Балалардың қолы жетпейтін жерде сақтау керек!

Сақтау мерзімі 

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші 

Balkanpharma-Razgrad AD, 

Бульвар Апрельское Восстание, 68

7200 Разград, Болгария

Қаптаушы  

Balkanpharma-Razgrad AD, 

Бульвар Апрельское Восстание, 68

7200 Разград, Болгария  

Тіркеу куәлігінің ұстаушысы

Vegapharm LLP., 

Сьют 1, 5 Перси-стрит 

Лондон, W1T1DG, Ұлыбритания  

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы, байланыс деректері

«Cepheus Medical» (Цефей Медикал) ЖШС: 050000, Қазақстан Республикасы,  Алматы қ., Панфилов к-сі 98, «OLD SQUARE» БО, 807 кеңсе, телефон: +7 (727) 300 69 71, +7 777 175 00 99 (тәулік бойы) 

электронды пошта: cepheusmedical@gmail.com