Гидротен

Гидротен

Халықаралық патенттелмеген атауы   

Декспантенол

Дәрілік түрі        

Сыртқа қолдануға арналған 5% жақпамай

Құрамы  

Бір грамм жақпамайдың құрамында 

белсенді зат – 50 мг декспантенол,

қосымша заттар: хлоргексидин гидрохлориді, полиэтиленгликоль ПЭГ-6, этиленгликоль пальмитостеарат және полиэтиленгликоль ПЭГ-32 стеарат (TEFOSE 63) қоспасы, 2-октилдодецил миристат (MOD), жожоба майы, стеарил спирті, ланолин, вазелин, сұйық парафин, ЭДТА динатрийі, пропиленгликоль, тазартылған су. 

Сипаттамасы  

Ішінде бөгде заттар жоқ, біртекті жұмсақ консистенциялы, ақ  немесе ақ дерлік түсті өзіне тән иісі бар жақпамай.

Фармакотерапиялық тобы         

Артық тыртықтануды емдеуге арналған басқа препараттар. Декспантенол.

АТХ коды D03АХ03

Фармакологиялық қасиеттері  

Фармакокинетикасы 

Декспантенол теріге тез сіңеді. Декспантенол пантотен қышқылына  айналады және дәруменнің эндогенді бөлігімен бірлеседі. Қанда пантотен қышқылы плазма ақуыздарымен байланысады; өзгермеген күйде – 60-70% несеппен, қалған бөлігі нәжіс массасымен шығарылады.

Фармакодинамикасы 

Декспантенол - пантотен қышқылының  туындысы. Пантотен қышқылы-В кешенінің суда еритін дәрумені - А коферментінің құрамдас бөлігі болып табылады және ацетилдену, тотығу үдерістеріне, көмірсу және май алмасуына, трикарбон қышқылдары цикліне, ацетилхолин, глюкокортикостероидтар, порфириндер синтезіне қатысады. Терінің регенерациясын көтермелейді, жасушалық метаболизмді қалпына келтіреді, коллагенді талшықтардың төзімділігін арттырады. Пантотен қышқылына мұқтаждықтың артуы тері жабынының немесе тіндердің зақымдануы кезінде байқалады, декспантенолды жергілікті қолдану терідегі пантотен қышқылы жеткіліксіздігін толтырады. Препарат регенерациялайтын, метаболизмдік және қабынуға қарсы әлсіз әсер етеді.

Қолданылуы  

- кіші зақымдануларда, жарылуларда, сыдыруларда, тері тітіркенулерінде, жөргектен пайда болған эритемада, жеңіл күйіктерде, созылмалы ойық жараларда, тесілулерде, теріні ауыстырып салғанда терінің жазылу үдерісін тездету (белсенділендіру) үшін

- емшек еметін балалардың баздануын емдеу және профилактикасында

- емшек емізу кезеңінде сүт бездерінің күтімінде: емшек ұшының «құрғауын» және жарылуын емдеу  

- тері қабатының тұтастығы бұзылған кезде терінің құрғақтығын емдеу және профилактикасында

Қолдану тәсілі және дозалары 

Жақпамайды терінің зақымданған немесе қабынған бөліктеріне күніне 1-2 рет жағады. Емшек емізетін аналардың сүт бездерінің күтімі: жақпамайды емшектің ұшына әр емізгеннен кейін жағады. 

Емшек еметін баланың күтімі: жақпамайды жаялықты (жөргекті) ауыстырған сайын жағады.  

Емдеу ұзақтығы емнің көрсеткіштері мен тиімділігіне тәуелді. 

Жағымсыз әсерлері  

Сирек: аллергиялық реакциялар (есекжем, қышыну, жанаспалы дерматит, эритема, экзема, бөртпе, терінің тітіркенуі және күлбіреуіктің пайда болуы)

Қолдануға болмайтын жағдайлар  

- Пантотен қышқылы туындылары немесе препараттың басқа компоненттеріне жекелей жоғары сезімталдықта 

Дәрілермен өзара әрекеттесуі  

Басқа препараттармен өзара әрекеттесу жағдайлары белгісіз. 

Айрықша нұсқаулар  

Аллергиялық реакциялар пайда болған жағдайда, препаратты қолдануды тоқтату қажет. Көзге тигізуге болмайды. 

Жүктілік және лактация кезеңі 

Көрсеткіштер бойынша қолдану мүмкін.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері 

Гидротен жақпамайы көлік құралдарын және басқа механизмдерді басқару қабілетіне әсер етпейді. 

Артық дозалануы

Артық дозалану жағдайлары белгісіз. 

Шығарылу түрі және қаптамасы

30 г препараттан жарғақшаны тесуге арналған пластмасса қалпағы бар алюминий сықпаға салынады. 

1 сықпадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады. 

Сақтау  шарттары          

Құрғақ, жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!

Сақтау мерзімі 

2 жыл

Жарамдылық мерзімі өткеннен кейін қолдануға болмайды.    

Дәріханалардан босатылу шарттары 

Рецептісіз