Левомеколь

Дәрілік затты медициналық қолдану

жөніндегі нұсқаулық

Левомеколь®

Саудалық атауы

Левомеколь®

Халықаралық патенттелмеген атауы

Жоқ

Дәрілік түрі

Сыртқа қолдануға арналған жақпамай

Құрамы

1 г жақпамайдың құрамында

белсенді заттар:    диоксометилтетрагидропиримидин 

                                (метилурацил) – 40 мг 

                                хлорамфеникол – 7,5 мг,

қосымша заттар: макрогол-1500, макрогол-400.

Сипаттамасы

Ақ немесе сарғыш реңді ақ түсті жақпамай

Фармакотерапиялық тобы

Тері ауруларын емдеуге арналған бактерияға қарсы препараттар және микробтарға қарсы препараттар. Антибиотиктердің микробтарға қарсы препараттармен біріктірілімі

АТХ коды  D06C

Фармакологиялық қасиеттері

Фармакокинетикасы

Препарат биологиялық жарғақшаларды зақымдамай тіндерге терең оңай енеді. 

Фармакодинамикасы

Жергілікті қолдануға арналған біріктірілген препарат, микробтарға қарсы, қабынуға қарсы (сусыздандыратын) әсер етеді, грамоң және грамтеріс микроорганизмдер – стафилококктарға, көк іріңді және ішек таяқшаларына қатысты белсенді.

Регенерация үдерісін көтермелейді.

Ірің және некроздалған тіндер бар кезде препараттың бактерияға қарсы әсері сақталады. Препарат құрамына кіретін полиэтиленгликольдің сусыздандырғыш әсері ас тұзы гипертониялық ерітіндісінің әсерінен он есе асып түседі.

Қолданылуы

-            аралас микрофлорамен (стафилококктарды, көк іріңді және ішек таяқшаларын қосқанда) жұқтырылған іріңді жараларды жаралану үдерісінің алғашқы (іріңді-некроздық) сатысында жергілікті емдеу.

Қолдану тәсілі және дозалары

Жергілікті. Жақпамайды стерильді дәке салфеткаға сіңіреді, онымен жараны стандартты хирургиялық өңдеуден (некроздалған тіндерді механикалық жолмен жойғаннан, сутегінің асқын тотығымен шайғаннан) кейін қопсытып толтырады.

Препарат еккіштің көмегімен катетер (дренажды түтік) арқылы іріңді қуысқа енгізілуі мүмкін. Мұндай жағдайда жақпамайды алдын ала 35-36 °С-ге дейін жылытады. Жара іріңді-некроздалған массадан толық тазарғанша күн сайын таңылады. Жара беткейі ауқымды болғанда жақпамайдың тәуліктік дозасы хлорамфениколға шаққанда 3 г аспауы тиіс. 

Емдеу ұзақтығы аурудың ауырлығына және ағымына байланысты болады және дәрігермен тағайындалады. 

Жағымсыз әсерлері

-            аллергиялық реакциялар (тері бөртулері)

Қолдануға болмайтын жағдайлар

-            препарат компоненттеріне аса жоғары сезімталдық

-            1 жасқа дейінгі балалар

Дәрілермен өзара әрекеттесуі

Басқа дәрілік заттармен өзара әрекеттесуі немесе үйлесімсіздік жағдайлары сипатталмаған. 

Айрықша нұсқаулар

Препаратты шырышты қабықтар мен ашық жараларға тигізбеу керек. 

Балалар

Жаңа туған нәрестелерде хлорамфеникол биотрансформациясы ересектерге қарағанда анағұрлым баяу жүреді. Осыған байланысты препаратты 1 жасқа дейінгі балаларға қолдану ұсынылмайды. 

Жүктілік және лактация

Тәжірибелік зерттеулерде хлорамфениколдың ұрыққа төнетін қаупі (эмбриоуыттық әсері) анықталған. Жүкті әйелдерде бақыланатын клиникалық зерттеулер жүргізілмеген. Осыған байланысты Левомеколь® препаратын жүктілік кезінде қолдану ұсынылмайды. 

Хлорамфеникол емшек сүтімен шығарылады. Лактация кезеңінде не препаратты қолдануды, не бала емізуді тоқтату керек. 

Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері   

Автомобильді немесе қауіптілігі зор механизмдерді басқару қабілетіне ықпал етпейді. 

Артық дозалануы

Левомеколь® жақпамайы препаратының артық дозалану жағдайлары хабарланбаған. 

Шығарылу түрі және қаптамасы

Алюминий немесе полиэтилен ламинатты сықпаларға 40 г препараттан салынған.

Әрбір сықпа медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

20 ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл 6 ай

Жарамдылық мерзімі өткеннен кейін препаратты пайдалануға болмайды.

Дәріханалардан босатылу шарттары

Рецептісіз

Өндіруші

«Нижфарм» ААҚ, Ресей Федерациясы

603950, Нижний Новгород қ.,

ҚҚП-459, Салганская к-сі, 7

тел.: (831) 278-80-88 

факс: (831) 430-72-28

веб сайты: http://www.nizhpharm.ru 

Тіркеу куәлігі иесінің атауы мен елі

«Нижфарм» ААҚ, Ресей Федерациясы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы 

«Нижфарм» АҚ Өкілдігі

050043, Қазақстан Республикасы, 

Алматы қ., Хан-Тәңірі ы/а, 55б 

тел.: (727) 271-99-68

факс: (727) 255-33-78

e–mail: almaty@stada.kz