Аденопросин 150 мг №10

Қазақстан Республикасы 

Денсаулық сақтау министрлігі

Фармация комитеті төрағасының 

Дәрілік затты медициналық           

қолдану жөніндегі нұсқаулық

АДЕНОПРОСИН

Саудалық атауы

АДЕНОПРОСИН

Халықаралық патенттелмеген атауы

Жоқ

Дәрілік түрі

Ректальді суппозиторийлер 150 мг

Құрамы

Бір суппозиторийдің құрамында 

белсенді зат - Аденопросин® 150 мг белсенді кешені, 

                                   29 мг жалпы ақуызға шаққанда, 

қосымша заттар: қатты май.

Сипаттамасы

Цилиндр-конус пішінді сарыдан қоңыр түске дейінгі суппозиторийлер. Бояуының күңгірттігі басым түсті теңбіл түріндегі біртекті болмауына жол беріледі. Көлденең кесіндісінде бос стержень және ұңғыма тәрізді ойығы болуы мүмкін. 

Фармакотерапиялық тобы

Несеп-жыныс жүйесі және жыныс гормондары. Урологиялық препараттар. Урологиялық ауруларды емдеуге арналған басқа препараттар

АТХ коды G04BX

Фармакологиялық қасиеттері

Фармакокинетикасы

АДЕНОПРОСИН ректальді суппозиторий 150 мг дәрілік препаратының әсері Lymantria dispar жәндік түрінің балаңқұртынан алынған биомассаның биологиялық белсенді компоненттерінің жинақталған әсері болып табылады, сондықтан дәл осы уақытта фармакокинетикалық зерттеулер жүргізу мүмкіндігі жоқ.

Фармакодинамикасы

АДЕНОПРОСИН ректальді суппозиторий 150 мг дәрілік препаратының құрамына кіретін белсенді зат Lymantria dispar жәндік түрінің балаңқұртынан алынған биомасса болып табылады, антиоксидантты, вазопротективті, қабынуға қарсы және иммуномодулияциялаушы әсер етеді. 

Препараттың биологиялық белсенді компоненттері A2 – фосфолипаза түзілуін және простагландиндер және лейкотриендер (5-липооксигеназаны бәсеңдетеді) синтезін азайтумен арахидон қышқылының босап шығуын төмендетеді. Препарат капиллярлардың өткізгіштігін азайтады, простата ісінуін азайтып, қуық асты безінің микроайналымын жақсартады, жасушалардың апоптозын индукциялайды, сол арқылы гиперплазияланған қуық асты безінің мөлшерін кішірейтеді. АДЕНОПРОСИН препаратының әсері патогенетикалық және спецификалық емес механизмдерге орай білінеді. АДЕНОПРОСИН препараты созылмалы простатиті бар пациенттердің жалпы жай-күйін (созылмалы простатит индексін азайтады, қуық асты безінің сөлінісінде лейкоциттер мөлшерін азайтады, оның эхо құрылымының біртектілігін жақсартады) жақсартады. 

Препарат несеп бөлінудің, оның ішінде түнгі уақытта, жиілігін төмендете және дизуриялық құбылыстарды, қуықтың түгел босамаған сезімін және несеп бөлудегі қиналысты азайта отырып, несеп шығару жолдарының тонусын және төменгі сегменттерінің перистальтикасын реттейді. АДЕНОПРОСИН дәрілік препаратының антиоксидантты әсері препараттың антиоксидантты суда еритін қосылыстары есебінен липидтердің асқын тотығуын тежеуімен білінеді.

Қолданылуы

-

 простатит (біріктірілген ем құрамында)

Қолдану тәсілі және дозалары

Ректальді, бір суппозиторийден күніне бір рет (дұрысы түнге қарай, белгілі бір уақытта ғана). Препаратты дефекациядан немесе  клизмадан кейін қолдану керек. Препаратты енгізгеннен кейін пациент 30-40 минут бойына жатқан қалыпта болуы керек.

Емнің ұзақтығы орташа алғанда 1 айды құрайды. Қажет болғанда емді қайталауға болады.

Жағымсыз әсерлері

Сирек (0,01% - 0,1%) 

- диарея немесе нәжіс шығуының жиілеуі

Болжамды жағымсыз реакциялары туралы мәліметтерді хабарлау

Дәрілік препарат тіркелгеннен кейінгі  анықталған болжамды жағымсыз реакциялары туралы мәліметтерді хабарлау өте маңызды. Бұл дәрілік препараттың пайдасы және қаупінің арқатынасына мониторингті жалғастыруға  мүмкіндік береді. 

Медицина қызметкерлері және пациенттерден медициналық қолдану бойынша осы нұсқаулықтың соңында берілген мекенжайға кез келген жағымсыз реакциялар туралы хабарлауын сұрайды.  

Қолдануға болмайтын жағдайлар

-   несептің жедел іркілісі

-   препарат компоненттеріне аса жоғары сезімталдық

-   18 жасқа дейінгі балалар және жасөспірімдік жас

Дәрілермен өзара әрекеттесуі

Қазіргі уақытта АДЕНОПРОСИН препаратының басқа дәрілермен дәрілік өзара әрекеттесулерінің клиникалық елеулі жағдайлары туралы мәлімделмеген.

Айрықша нұсқаулар

АДЕНОПРОСИН дәрілік препаратын қолдану бойынша айрықша нұсқаулар жоқ.

Жүктілік

Қолданылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қолдану автокөлік жүргізу және қауіптілігі зор механизмдерді басқару қабілетіне әсер етпейді. 

Артық дозалануы

Қазіргі уақытта препараттың артық дозаланған жағдайлары туралы хабарланбаған.

Сақтау шарттары

Ылғалдан және жарықтан қорғалған жерде, 250С-ден аспайтын температурада сақтау керек. 

Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Шығарылу түрі және қаптамасы

Поливинилхлоридті/полиэтилен үлбірден жасалған пішінді ұяшықты қаптамаға 5 суппозиторийден салынған.

2 пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.  

Дәріханалардан босатылу шарттары

Рецепт арқылы

Өндіруші

«ФАРМАПРИМ» ЖШҚ

Кринилор к-сі, 5, Порумбень с., Криулень ауданы.

Молдова Республикасы, MD-4829

www.farmaprim.md

Тіркеу куәлігінің ұстаушысы

БИОТЕХНОС C.A., Румыния