Бетмига

Дәрілік затты

медициналық қолдану

жөніндегі нұсқаулық

Бетмига

Осы дәрілік зат қосымша мониторинг өткізу нысаны болып табылады. Бұл қауіпсіздігі туралы жаңа ақпаратты жылдам анықтауға мүмкіндік береді. Денсаулық сақтау саласы қызметкерлері күдік болған кез келген жағымсыз реакциялары туралы дәрігерлерге хабарлауды өтінеміз.

Саудалық атауы

Бетмига

Халықаралық патенттелмеген атауы 

Мирабегрон

Дәрілік түрі

Босап шығуы ұзартылған, үлбірлі қабықпен қапталған таблеткалар, 25 мг және 50 мг 

Құрамы

Бір таблетканың құрамында 

белсенді зат – 25 мг, 50 мг мирабегрон

қосымша заттар: макрогол 2000000, макрогол 8000, гидроксипропилцеллюлоза, бутилгидрокситолуол, тазартылған су, магний стеараты

таблетка қабығының құрамы:

Опадрай 03F43159 (гипромеллоза 2910 6 мПа-с, макрогол 8000, темірдің сары тотығы (Е172), темірдің қызыл тотығы (Е172)),

Опадрай 03F42192 (гипромеллоза 2910 6 мПа-с, макрогол 8000, темірдің сары тотығы (Е172)).

Сипаттамасы

Қоңыр түсті, үлбірлі қабықпен қапталған, бір жақ бетінде өрнектелген "325" жазуы және «Астеллас» компаниясы логотипінің графикалық кескіндемесі бар сопақша таблеткалар (25 мг дозасы үшін).

Сары түсті, үлбірлі қабықпен қапталған, бір жақ бетінде өрнектелген "355" жазуы және «Астеллас» компаниясы логотипінің графикалық кескіндемесі бар сопақша таблеткалар (50 мг дозасы үшін).

Фармакотерапиялық тобы

Урогенитальді ағзалар ауруларын емдеуге арналған препараттар және жыныс  гормондары. Урологиялық ауруларды емдеуге арналған препараттар. Урологиялық ауруларды емдеуге арналған басқа препараттар, спазмолитиктерді қоса. Спазмолитиктер. Мирабегрон 

АТХ  коды G04 BD12

Фармакологиялық қасиеттері

Фармакокинетикасы

Сіңуі

Пероральді түрде қолданудан кейін мирабегрон қан ағымына сіңеді және қабылдағаннан кейін үш пен төрт сағат арасында қан плазмасында ең жоғары концентрацияға (Cmax) жетеді. Зерттеулерде дозаны 25 мг-ден 50 мг-ге дейін арттырғаннан кейін абсолютті биожетімділігінің 29%-дан 35%-ға дейін жоғарылағаны байқалды. Мұндайда Cmax орташа мәні және плазмадағы шыңдық концентрациясы (ПШК) шамасы дозаға пропорционалды шамадан көбірекке артты. Мирабегронды тәулігіне бір рет қабылдағаннан кейін 7 күннен соң тепе-тең концентрацияларға жетеді. Тәулігіне бір ретті көп мәрте қолданғаннан кейін  тепе-тең жағдайда мирабегроннің қан плазмасындағы концентрациялары препаратты бір рет қабылдаудан кейінгі осындайдан шамамен  екі есеге жоғарылайды.  

Препараттың сіңуіне тағамның ықпалы

Мирабегронның ұсынылған дозасын ас қабылдау кезінде де және одан тыс та қабылдауға болады. 

Таралуы

Мирабегрон организмде қарқынды түрде таралады. Тұрақты жағдайларда таралу көлемі (Vss), шамамен, 1670 л құрайды. Мирабегрон қан плазмасы ақуыздарымен (шамамен 71%) байланысады, сондай-ақ альбуминмен және альфа-1 қышқыл гликопротеинмен орташа дәрежеде ұқсас болатындығын көрсетеді. Мирабегрон эритроциттерге дейін таралады. Эритроциттердегі 14C-таңбаланған мирабегрон плазмадағыдан 2 есе жоғары болды. 

Метаболизмі

Организмде мирабегрон метаболизмінің көптеген жолдары, соның ішінде деалкилдену, тотығу,(тікелей) глюкурондалу және амидті гидролиз бар. 14С-мирабегронды бір рет енгізуден кейін негізгі айналымдағы компонент мирабегрон болып табылады. Адамның қан плазмасында мирабегронның екі негізгі метаболиті табылды: екеуі де глюкуронидтер (ІІ фазаның метаболиттері) болып табылады және препараттың жалпы концентрациясының, сәйкесінше, 16%-ын және 11%-ын құрайды. Бұлметаболиттердің фармакологиялық белсенділігі жоқ. 

Іn vitro жағдайларда, in vivo жағдайларда мирабегрон метаболизмінің тотығу жолында CYP2D6 және CYP3A4 ферменттерінің қатысуына қарамастан, жалпы элиминациядағы осы изоферменттердің рөлі мардымсыз.

Шығарылуы

Препараттың жалпы клиренсі (Clобщ) — шамамен сағатына 57 л.  Жартылай шығарылуының соңғы кезеңі (t1/2) – шамамен 50 сағат. Бүйректік клиренсі (Clбүй.) — шамамен сағатына 13 л, ол Clжалпышамасының 25%-на дерлік сәйкес келеді. Бүйрекпен шығарылудың жалпы механизмдері — белсенді өзекшелік секреция және шумақтық сүзілу. Несеппен бірге бөлініп шығатын өзгермеген мирабегрон мөлшері дозаға байланысты мәнге ие және препаратты тәуліктік 25 мг дозада қабылдаудан кейінгі 6,0%-дан тәуліктік 100 мг дозаны қабылдаудан кейінгі 12,2%-ға дейін өзгеріп отырады. 160 мг 14C-мирабегронды қабылдағаннан кейін радиобелгінің шамамен 55% несептен және 34% нәжістен табылды. Өзгеріске ұшырамаған мирабегронның фракциясы несептегі препараттың барлық таңбаланған изотопының шамамен 45%-ын құрады, бұл метаболиттердің бар екендігін көрсетті. Препараттың таңбаланған изотопының көп бөлігі нәжісте өзгермеген мирабегрон түрінде болды.

Пациенттердің жекелеген санаттарындағы фармакокинетиканың ерекшеліктері 

Жасы

Егде жастағы пациенттерде дозаны түзету қажеттілігі жоқ. Зерттеулерде мирабегронның және оның метаболиттерінің Cmax және плазмадағы шыңдық концентрациясы (ПШК) мәндері егде жастағыларда (≥ 65 жас) және жасырақ еріктілерде (18-45 жас) ұқсас болды.

Жынысы

Мирабегронның Cmax және плазмадағы шыңдық концентрациясы (ПШК) мәндері еркектермен салыстырғанда әйелдерде шамамен 40% және 50% жоғары. Cmax және ПШК гендерлік өзгешеліктері дене салмағы мен биожетімділігі айырмашылықтарымен байланысты.

Нәсілі

Дозаны пациенттің нәсіліне қарай түзету қажет емес. Нәсілі препарат фармакокинетикасына әсер етпейді.

Бүйрек жеткіліксіздігі бар пациенттер

Ауырлығы жеңіл дәрежедегі бүйрек жеткіліксіздігі бар пациенттерде (MDRD зерттеулері формуласы бойынша есептелген рШСЖ = 60-89 мл/мин/1,73 м2) 100 мг мирабегронды бір реттік қабылдаудан кейінгі Cmax және плазмадағы шыңдық концентрациясы (ПШК) орташа мәні осындай бүйрек функциясы бұзылмаған пациенттердегіден сәйкесінше 6 және 31%-ға артық болды. Ауырлығы орташа дәрежедегі бүйрек жеткіліксіздігі бар пациенттерде (рШСЖ 30-59 мл/мин/1,73 м2) 100 мг мирабегронды бір реттік қабылдаудан кейінгі Cmax және плазмадағы шыңдық концентрациясы (ПШК) орташа мәні осындай бүйрек функциясы бұзылмаған еріктілердегіден сәйкесінше 23 және 66%-ға артық болды. Бүйректің ауыр жеткіліксіздігі бар пациенттерде (рШСЖ 15-29 мл/мин/1,73 м2) 100 мг мирабегронды қабылдаудан кейінгі Cmax және плазмадағы шыңдық концентрациясы (ПШК) орташа мәні бүйрек функциясы бұзылмаған пациенттердегіден сәйкесінше 92 және 118%-ға артық болды. Бүйрек жеткіліксіздігінің терминальді сатысындағы пациенттерде (рШСЖ < 15 мл/мин/1,73 м2 немесе гемодиализ көрсетілген пациенттер) мирабегронмен зерттеу жүргізілмеген. 

Бауыр жеткіліксіздігі бар пациенттер

Мирабегронды 100 мг дозада бір реттік қабылдаудан кейін ауырлығы жеңіл дәрежедегі бауыр жеткіліксіздігі бар (Чайлд-Пью бойынша А класы) пациенттерде Cmax және плазмадағы шыңдық концентрациясы (ПШК) орташа мәні осындай бүйрек функциясы бұзылмаған пациенттердегіден сәйкесінше 9 және 19%-ға артық болды. Мирабегронды 100 мг дозада бір реттік қабылдаудан кейін ауырлығы орташа дәрежедегі бауыр жеткіліксіздігі бар (Чайлд-Пью бойынша В класы) пациенттерде Cmax және плазмадағы шыңдық концентрациясы (ПШК) орташа мәні осындай бүйрек функциясы бұзылмаған пациенттердегіден сәйкесінше 175 және 65%-ға артық болды. Бауырдың ауыр жеткіліксіздігі бар пациенттерде (Чайлд-Пью бойынша С класы) мирабегронмен зерттеу жүргізілмеген.

Фармакодинамикасы

Мирабегрон – бета3-адренорецепторлардың күшті селективті агонисі. Зерттеулерде мирабегронның әсерінен қуықтың тегіс бұлшықеттерінің босаңсуы, сондай-ақ егеуқұйрықтың қуық тіндерінде цАМФконцентрацияларының артуын да көрсетті. Осылайша, мирабегрон қуықтың резервуарлық функциясын оның қабырғасында орналасқан бета3-адренорецепторлардың стимуляциясы есебінен жақсартады.

Зерттеулерде қуықтың аса белсенділігін (ҚАБ) емдеу үшін бұрын M-холиноблокаторларды қабылдаған пациенттерде де, сонымен қатар мұның алдында M-холиноблокаторлармен емделу анамнезде жоқ пациенттерде де мирабегронның тиімділігі көрсетілді. Мирабегрон сондай-ақ, әсерінің жоқтығына байланысты, M-холиноблокаторлармен емдеуді тоқтатқан, ҚАБ бар пациенттерде де тиімді болды.  

Уродинамикасы

Төменгі несеп жолдары тарапынан симптомдары (ТНЖС) және инфравезикальді обструкциясы (ИВО) бар еркектерде  тәулігіне бір рет 50 және 100 мг дозалардағы мирабегронның қауіпсіздігі және жағымдылығының жақсы болғаны, сондай-ақ мирабегронның цистометриялық көрсеткіштерге ықпалының жоқтығы көрсетілді. 

QT аралығына ықпалы

50 мг және 100 мг дозалардағы мирабегрон қантамырдың соғу жиілігі бойынша түзетілген QT аралығына (QTcI шамасы) ықпалын тигізген жоқ, бұл жыныстық белгілері бойынша бөлінген топтар үшін және пациенттердің барлық топтары үшін талдау жүргізген кезде тіркелді.  

Мирабегронды емдік дозаларда (тәулігіне бір рет 50 мг) және жоғары емдік дозаларда (тәулігіне бір рет 100 және 200 мг) пероральді түрде қайталап қабылдаудың QTcI шамасына ықпалы жекелеген зерттеулерде тексерілді

ҚАБ бар пациенттерде қантамырдың соғу жиілігіне және артериялық қысым шамасына ықпалы

Тәулігіне бір рет 50 мг мирабегрон қабылдаған ҚАБ бар пациенттерде (орта жасы 59) қантамырдың соғу жиілігі бойынша (минутына 1 рет соғу) және систолалық артериялық қысым/диастолалық артериялық қысым (САҚ/ДАҚ) бойынша бастапқы орташа мәнінің артуы байқалды (шамамен 1 мм с.б. немесе одан азға). Емдеу аясында қантамырдың соғу жиілігі мен артериялық қысым шамасының өзгерулері қайтымды болады және препаратты тоқтатқаннан кейін жоғалады. 

Көзішілік қысымға (КІҚ) ықпалы

Мирабегронды тәулігіне бір рет 100 мг дозада қабылдауды бастағаннан кейін 56 күннен соң КІҚ көтерілуі тіркелген жоқ.

Қолданылуы

- қуықтың аса жоғары белсенділігі (ҚАБ) синдромы бар пациенттерде ургентті несеп шығаруды,  несеп шығарудың жиілеуін және/немесе несепті ургентті ұстай алмаушылықты емдеуде 

Қолдану тәсілі және дозалары

Ересектер (≥18 жас), соның ішінде егде жастағылар

Тәулігіне бір рет 50 мг-ден тамақтануға байланыссыз сұйықтықпен ішіп қабылдау.  

Қолдану тәсілі

Таблеткаларды сұйықтықпен іші отырып, тұтас жұтып, шайнамай, сындырмай және езбей күніне бір рет қабылдайды. 

Пациенттердің ерекше топтары

Бүйрек және бауыр жеткіліксіздігі 

Бұл препарат терминальді сатысындағы бүйрек жеткіліксіздігі бар пациенттерде және ауыр дәрежедегі бауыр жеткіліксіздігі бар пациенттерде пайдалану үшін ұсынылмайды.

Төмендегі кестеде CYP3А тежегіштерімен немесе онсыз жағдайдағы бүйрек немесе бауыр жеткіліксіздігі бар пациенттер үшін ұсынылатын тәуліктік дозалар көрсетілген.

CYP3A күшті тежегіштері (3)

Тежегіштерсіз

Тежегіштерімен

Бүйрек жеткіліксіздігі (1)

Жеңіл

50 мг

25 мг

Орташа 

50 мг

25 мг

Ауыр

25 мг

Ұсынылмайды

Бауыр жеткіліксіздігі(2)

Жеңіл

50 мг

25 мг

Орташа 

25 мг

Ұсынылмайды

1. Жеңіл: ШСЖ 60-тан 89 мл/мин/1,73 м2 дейін; орташа: 30-дан 59 мл/мин/1,73 м2 дейін; 
күшті: 15-тен 29 мл/мин/1,73 м2 дейін.

2. Жеңіл: Чайлд-Пью шкаласы бойынша А класы; орташа: Чайлд-Пью  шкаласы бойынша В класы.

3. CYP3А күшті тежегіштері

Жынысы

Жынысына байланысты доза түзету талап етілмейді.

Педиатрия

18 жастан кіші балалардағы мирабегрон қауіпсіздігі мен тиімділігі анықталмады. Деректер жоқ.   

Жағымсыз әсерлері

Жағымсыз реакциялар кестесі

Даму жиілігі бойынша санаттары: өте жиі (≥ 1/10); жиі (≥ 1/100, < 1/10); жиі емес (≥ 1/1000, < 1/100); сирек (≥ 10 000, < 1/1000); өте сирек (< 1/10 000). Жағымсыз реакциялар туындауының жиілігі бойынша әр санатта күрделілігінің дәрежесі азаю тәртібімен берілген.

MedDRA реттеу қызметіне арналған медициналық сөздікке сәйкес жүйелік ағзалық класы  

Жиі

Жиі емес

Сирек

Өте сирек 

Белгісіз жағдайлар  (қолда бар деректер бойынша бағалау мүмкін емес)

Инфекциялық және  паразиттік аурулар

Несеп жолдары-ның инфекция-лары

Вагинальді  инфекция-лар

Цистит

Психика бұзылулары

Ұйқысыздық*

Көру мүшелері тарапынан бұзылулар

Қабақ ісінуі 

Жүрек тарапынанбұзылулар

Тахикар-дия

Жүрек қағуының жиілеуі 

Тамырлар тарапынан бұзылулар

Гипертониялық  криз*

Асқазан-ішек жолы тарапынан бұзылулар

Жүрек айнуы*

Ас қорыту бұзылыс-тары Гастрит

Ерін  ісінуі

Тері және теріастылық тіндер  тарапынан бұзылулар

Есекжем

Бөртпе 

Макулезді бөртпе  Папулезді бөртпе 

Қышыну

Лейкоцитоклас­тикалы ангиит

Пурпура

Ангионе-вроздық ісіну*

Қаңқа бұлшықеттері және дәнекер тіндер тарапынан бұзылулар

Тамырлар ісінуі 

Жыныс мүшелері және сүт безітарапынан бұзылулар

Вульвоваги-наль­ді

қышыну

Талдау нәтижелері

Қан қысымы жоғарылауы 

ГГТ деңгейі жоғарылауы 

АСТ деңгейі жоғарылауы

АЛТ деңгейі жоғарылауы

Бүйрек және несеп шығару жолдары тарапынан болатын бұзылулар

Несеп шығару іркілісі *

Жүйке жүйесі тарапынан бұзылулар

Бас ауыру *

Бас айналуы

*

* Тіркеуден кейінгі кезеңде бақыланған 

Күдік болған жағымсыз дәрілік реакциялар туралы мәлімдемелер

Медициналық препарат тіркелгеннен кейінгі  жағымсыз дәрілік реакциялар дамығаны туралы хабарламалар маңызды. Бұндай мәлімдеулер медициналық препараттың денсаулық үшін қаупі мен пайдасының арақатынасына үздіксіз мониторинг жүргізуге мүмкіндік береді. Медицина қызметкерлерінен кез келген жағымсыз дәрілік реакциялардың дамығаны туралы ұлттық хабарлар мәлімдеу жүйесі арқылы хабарлау талап етіледі.

Қолдануға болмайтын жағдайлар

- препараттың белсенді компонентіне немесе қосымша заттарына аса жоғары сезімталдық  

- бақыланбайтын ауыр гипертензия: систолалық қысым ≥ 180 мм сын. бағ. және/немесе диастолалық қысым ≥ 110 мм сын. бағ.

- 18 жасқа дейінгі балалар мен жасөспірімдер

- жүктілік және лактация кезеңі

Дәрілермен өзара әрекеттесуі

Іn vitro зерттеу деректері

Мирабегрон  CYP2D6 изоферменті уақытына тәуелді орташа тежегіш және  CYP3A изоферментінің әлсіз тежегіші болып табылады. Жоғары концентрацияларда мирабегрон P-гликопротеин есебінен жүзеге асатын дәрілік препараттардың тасымалдануын тежеді.

Іn vivo зерттеу деректері

CYP2D6 полиморфизмі

CYP2D6 генетикалық полиморфизмінің қан плазмасындағы мирабегронның орташа концентрациясына ықпал етуі өте төмен. Мирабегронның CYP2D6 изоферменті тежегіштерімен өзара әрекеттесуі зерттелмесе де, ол теориялық тұрғыдан да күтілмейді. CYP2D6 изоферменті тежегіштерін қабылдап жүрген пациенттерде, сондай-ақ CYP2D6 изоферменті субстраттарының метаболизмі баяулаған пациенттерде де мирабегрон дозасын түзетудің қажеттілігі жоқ.

Дәріаралық өзара әрекеттесулер

Дәріаралық өзара әрекеттесулердің көбісі босап шығуы бақыланатын таблетка түріндегі (ОБСЖ) 100 мг мирабегронды пайдаланғанда зерттелді. Мирабегронның метопрололмен және метформинмен өзара әрекеттесуіне жүргізілген зерттеулерде босап шығуы жеделдетілген (IR) 160 мг дозадағы мирабегрон пайдаланылды. 

Мирабегрон мен оны тежейтін белсенді ететін немесе СҮР ферменттері субстраттарының немесе тасымалдаушыларының бірі болып табылатын дәрілік заттар арасында, CYP2D6 субстраттарының метаболизміне мирабегронның тежегіш әсерін қоспағанда, клиникалық тұрғыдан маңызды өзара әрекеттесулер күтілмейді. 

Ферменттердің тежегіштеріне ықпалы

Мирабегронның концентрациясы («концентрация-уақыт» қисығы астындағы аудан - ҚАА) дені сау еріктілерде кетоконазолдың CYP3A/P-gp изоферменттерінің күшті тежегішінің әсер етуімен 1,8 есе артты. CYP3A немесе P-gp тежегіштерімен бірге қабылдағанда Бетмига препаратының дозасын түзету қажет емес. Алайда бүйректің жеңіл немесе орташа жеткіліксіздігінен (рШСЖ 30 – 89 мл/мин/1,73 м2) немесе бауырдың жеңіл жеткіліксіздігінен (Чайлд-Пью шкаласы бойынша А класы) зардап шегіп жүрген, СҮР3А изоферменттерінің, мысалы, итраконазол, кетоконазол, ритонавир және кларитромицин сияқты күшті тежегіштерін қабылдап жүрген пациенттерде мирабегронның ұсынылатын күн сайынғы дозасы, ас қабылдауға қарамай-ақ, 25 мг құрайды.

Мирабегрон бүйректің ауыр жеткіліксіздігі бар пациенттерге (рШСЖ 15 – 29 мл/мин/1,73 м2) немесе күшті CYP3A изоферменті тежегіштерін бір мезгілде қабылдайтын бауырдың орташа жеткіліксіздігі бар пациенттерге (Чайлд-Пью шкаласы бойынша B класы) ұсынылмайды.

Ферменттердің индукторларына ықпалы

CYP3A немесе P-gp изоферменттерін индукциялайтын заттар плазмадағы мирабегрон концентрациясын төмендетеді. Мирабегронды рифампициннің немесе CYP3A изоферменттері басқа индукторларының немесе P-gp емдік дозаларымен бірге қабылдағанда дозаны түзету қажет емес.

Мирабегронның CYP2D6 изоферменттерімен метаболизденетін препараттарға ықпалы

Мирабегрон CYP2D6 орташа тежейді, оның белсенділігі мирабегронды қабылдауды тоқтатқаннан кейін 15 күннен соң қалпына келеді. Мирабегронды күн сайын қабылдау метопрололдың бір дозасында Cmax мәнінің 90%-ға және ҚАА мәнінің 229%-ға артуына әкелді. Мирабегронды күн сайын қабылдау  дезипраминнің бір дозасында Cmax  79%-ға және ҚАА 241%-ға артуына әкелді.    

Мирабегронды емдік индексі тар болатын препараттармен және CYP2D6 изоферментімен елеулі дәрежеде метаболизденетін препараттармен, мысалы, тиоридазинмен, 1C типті аритмияны емдеуге арналған препараттармен (мысалы, флекаинид, пропафенон) және трициклді антидепрессанттармен (мысалы, имипрамин, дезипрамин) біріктіргенде абайлап тағайындаған жөн. Мирабегронды сондай-ақ CYP2D6 изоферментімен метаболизденетін және дозасы жекелей анықтауға жататын препараттармен  бірге қабылдағанда сақ болған жөн.  

Мирабегронның тасымалдаушы-ақуызбен (P-gp) тасымалданатын препараттарға ықпалы

Мирабегрон P-gp ақуызының әлсіз тежегіші болып табылады. Мирабегронды дені сау еріктілер дигоксинмен бірге қабылдағанда Cmax мен ҚАА мәндерінің сәйкесінше 29%-ға және 27%-ға артуына ықпал етті. Бетмига препараты мен дигоксинді бір мезгілде қабылдай бастаған пациенттер үшін, дигоксин ең аз дозада қабылдануы керек. Мұндайда қан плазмасындағы дигоксин концентрациясына мониторинг және бақыланатын талдау нәтижелері бойынша әрі қарай дигоксиннің тиімді дозасын таңдау қажет. Бетмига препаратын P-gp ақуыздарымен тасымалданатын препараттармен, мысалы, дабигатранмен бірге тағайындағанда P-gp ақуызының мирабегронмен тежелуі потенциалына көңіл бөлген жөн.

Өзара әрекеттесудің басқа да  түрлері

Мирабегронды солифенацинмен, тамсулозинмен, варфаринмен, метформинмен немесе құрамында этинилэстрадиол мен левоногестрел бар біріктірілген оральді контрацептивтермен бірге қабылдағанда клиникалық тұрғыдан өзара әрекеттесулер байқалған жоқ. Дозаны түзету қажет емес.  

Басқа препараттармен бірге қабылдағанда мирабегрон әсерінің күшеюі қантамырдың соғу жиілігінің артуымен білінеді. 

Айрықша нұсқаулар

Сақтықпен:

Бүйрек және бауыр жеткіліксіздігі бар пациенттер  

Бүйрек жеткіліксіздігінің терминальді сатысындағы (рШСЖ < 15 мл/мин/1,73 м2 немесе гемодиализ жүргізуді керек ететін пациенттер) пациенттерде немесе бауырдың ауыр жеткіліксіздігі бар (Чайлд-Пью шкаласы бойынша С класы) пациенттерде Бетмига препаратымен зерттеулер жүргізілген жоқ, сондықтан препаратты пациенттердің осы санатына қолдануға кеңес берілмейді. Бетмига препаратын бүйректің ауыр жеткіліксіздігі бар (рШСЖ 15 – 29 мл/мин/1,73 м2) пациенттерде қолдану жөнінде шектеулі деректер бар; пациенттердің бұл қауымында препарат дозасын 25 мг дейін төмендету ұсынылады. Бетмига препараты бүйректің ауыр жеткіліксіздігімен (рШСЖ 15 – 29 мл/мин/1,73 м2) немесе СҮР3А күшті тежегіштерін қолданып жүрген орташа сатыдағы бауыр жеткіліксіздігімен (Чайлд-Пью шкаласы бойынша В класы) зардап шегіп жүрген пациенттерде қабылдауға ұсынылмайды.

Артериялық гипертензия 

Мирабегрон артериялық қысымды жоғарылатуы мүмкін. Тағайындар алдында немесе Бетмига препаратымен емдеу кезінде, әсіресе артериялық гипертензиясы бар пациенттерде мезгіл-мезгіл артериялық қысымды өлшеп отыру қажет.

Гипертензияның 2 сатысынан (систолалық артериялық қысым ≥160 мм с.б. және/немесе диастолалық артериялық қысым ≥100 мм с.б.) зардап шегіп жүрген пациенттерде Бетмига препаратын қолдануға қатысты шектеулі ғана деректер бар. 

QT аралығы іштен туа немесе жүре келе ұзарған пациенттер

Жүргізілген зерттеулер аясында мирабегрон емдік дозаларда QT аралығының клиникалық тұрғыдан елеулі ұзарғанын көрсеткен жоқ. Алайда  QT аралығының ұзаруын өршітуі мүмкін препаратты қабылдап жүрген пациенттер мирабегрон қолданылатын аталған зерттеулерге қатыспағандықтан, оның пациенттердің осындай санаттарына ықпалы да белгісіз. Пациенттердің осы санаттары мирабегронды қабылдағанда сақ болуы қажет.   

Инфравезикальді обструкциясы синдромы бар пациенттер және қуықтың аса жоғары белсенділігінде антимускариндік препараттарды қабылдап жүрген пациенттер 

Инфравезикальді обструкция синдромы бар пациенттердегі қауіпсіздігі бақыланатын клиникалық зерттеу Бетмиганы қабылдап жүрген пациенттерде несептің іркілуінің артуын көрсеткен жоқ. Алайда Бетмиганы инфравезикальді обструкцияның клиникалық айқын синдромы бар пациенттер абайлап қабылдауы керек. Сондай-ақ Бетмиганы қуықтың аса жоғары белсенділігінде емдеу үшін антимускариндік препараттарды қабылдап жүрген пациенттер абайлап қолданғаны жөн.  

Жүктілік және лактация кезеңі

Шаранаға ықтимал жағымсыз әсеріне жол бермеу үшін Бетмига препаратын жүкті әйелдерге және бала тууға қабілетті жастағы және контрацепция құралдарын пайдаланбайтын әйелдерге қолданбаған жөн. Мирабегронның емшек сүтінің өндірілуіне, мирабегронның емшек сүтімен бірге бөлініп шығуына және нәрестеге ықпал етуіне зерттеулер жүргізілген жоқ.  Мирабегронды әйелдерге бала емізу кезеңінде тағайындамаған жөн.  

Фертильділігі

Адамда фертильділікке мирабегронның ықпал ететін-етпейтіндігі анықталған жоқ.   

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері 

Препарат автомобильді жүргізу және механизмдерді басқару қабілетіне клиникалық тұрғыдан маңызды әсерін тигізбейді. 

Артық дозалануы

Симптомдары:

Дені сау еріктілерге мирабегронды бір рет тағайындағанда 400 мг-ге дейінгі дозалар пайдаланылды. Дозаны осындай деңгейде пайдаланғанда жүрек қағуының жиілеуі (6 ерікті адамның 1-еуі) және қантамырдың соғу жиілігінің минутына 100 рет соғудан көбірек артуы (6 ерікті адамның 3-еуі) түріндегі жағымсыз құбылыстар тіркелді. Дені сау еріктілерге препаратты 300 мг-ге дейінгі тәуліктік дозаларда көп рет (10 күн бойы) қолданғанда қантамырдың соғу жиілігінің артуы және систолалық қысымның жоғарылауы тіркелді.

Емі: симптоматикалық және демеуші ем. Қантамырдың соғу жиілігін, артериялық қысымды және ЭКГ бақылау қажет. 

Шығарылу түрі және қаптамасы

10 таблеткадан алюминий үлбірден жән е алюминий фольгадан жасалған пішінді ұяшықты қаптамаға салынған. 1 немесе 3 қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған. 

Сақтау шарттары        

300C-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы