Везомни

Дәрілік затты медициналық

қолдану жөніндегі

нұсқаулық

Везомни

Саудалық атауы

Везомни

Халықаралық патенттелмеген атауы

Жоқ

Дәрілік түрі

Босап шығуы өзгертілген, үлбірлі қабықпен қапталған 6 мг/0,4 мг таблеткалар

Құрамы

Бір таблетканың құрамында

белсенді заттар: 6 мг солифенацин сукцинаты, 0,4 мг тамсулозин гидрохлориді,

қосымша заттар: маннитол, мальтоза, магний стеараты, макрогол 7 000 000, макрогол 8000, тазартылған су

таблетка қабығының құрамы:

Опадрай қызыл 03F45072 (гипромеллоза 6 мПа-с, темірдің қызыл тотығы (Е172), макрогол 8000).

Сипаттамасы

Қызыл түсті үлбірлі қабықпен қапталған, «6/0,4» өрнегі бар дөңгелек таблеткалар.

Фармакотерапиялық тобы

Урологиялық ауруларды емдеуге арналған препараттар.  

Простатаның қатерсіз гипертрофиясын емдеуге арналған препараттар.

Альфа-адреноблокаторлар.

Тамсулозин және солифенацин.

АТХ коды G04CA53

Фармакологиялық қасиеттері

Фармакокинетикасы

Сіңірілуі

Әртүрлі зерттеулерде Везомниді көп рет қабылдағаннан кейін солифенацин үшін ең жоғары концентрацияға жету уақыты(tmax)  4,27 сағат пен 4,76 сағат арасында, тамсулозин үшін 3,47 сағат пен 5,65 сағат арасында ауытқып отырды. Плазмада ең жоғары концентрация   (Сmax) солифенацин үшін 26,5 нг/мл мен 32,0 нг/мл арасында, тамсулозин үшін 6,56 нг/мл мен 13,3 нг/мл арасында ауытқып отырды. «Концентрация-уақыт» астындағы аудан (ҚАА) мәні солифенацин үшін 528 нгсағ./мл-ден 601 нгсағ./мл-ге дейін, тамсулозин үшін 97.1 нгсағ./мл мен 222 нгсағ./мл арасында ауытқып отырды. Тамсулозин 70-79%-ға сіңірілгенде солифенациннің абсолютті биожетімділігі 90%-ға жуықты құрады. 

Шығарылуы

Везомниді бір рет қабылдағаннан кейінгі жартылай шығарылу уақыты (t1/2) солифенацин үшін 49,5 сағаттан 53,0 сағатқа дейін, тамсулозин үшін 12,8 сағаттан 14,0 сағатқа дейін ауытқып отырады. 

Біріктірілген препараттың белсенді заттарының фармакокинетикасы жөніндегі ақпаратты Везомнидің фармакокинетикалық қасиеттері толықтырады:

Солифенацин

Сіңірілуі

Плазмада ең жоғары концентрацияға (Сmax) 3-8 сағаттан кейін жетеді. Ең жоғары концентрацияға жету уақыты (tmax) дозаға байланысты емес. Сmax және «концентрация-уақыт» қисығы астындағы аудан (ҚАА), концентрацияның уақытқа тәуелділігі  дозаның 5-тен 40 мг-ға дейін жоғарылауымен пропорциональді түрде артады. Абсолютті биожетімділігі - 90%. 

Таралуы 

Вена ішіне енгізгеннен кейін солифенациннің таралу көлемі   шамамен 600 л құрайды. Солифенацин  плазма ақуыздарымен, көбіне α1-қышқыл гликопротеинмен елеулі дәрежеде (98%-ға жуық) байланысқан.

Метаболизмі:

Солифенацин бауырда белсенді түрде, көбіне Р450  цитохромы жүйесінің 3А4 (CYP3А4) изоферментімен метаболизденеді. Алайда солифенациннің метаболизмі арқылы жүзеге асырылатын баламалы метаболизмдік жолдар бар. Солифенациннің жүйелік клиренсі сағатына 9,5 л-ге жуықты құрайды, ал ақырғы жартылай шығарылу кезеңі 45-68 сағатқа тең. Препаратты ішке қабылдағаннан кейін плазмада солифенацинмен қатар келесі метаболиттер де теңесті:  фармакологиялық тұрғыдан белсенді бір (4R-гидроксисолифенацин) және белсенді емес үш (солифенациннің N-глюкурониді, N-тотығы және 4R-гидрокси-N-тотығы) метаболит.

Шығарылуы: 10 мг 14С-таңбаланған солифенацинді бір рет енгізгеннен кейін 26 күн өткен соң радиобелсенділіктің 70%-ға жуығы несептен және 23%-ы нәжістен табылды. Несепте радиобелсенділіктің шамамен 11%-ы  өзгермеген белсенді зат түрінде, 18%-ға жуығы N-оксидтік метаболит түрінде, 9%-ы 4R-гидрокси-N-тотығы  метаболиті және 8%-ы 4R-гидрокси метаболиті (белсенді метаболит) түрінде табылды.

Тамсулозин

Сіңірілуі

Тамсулозин үшін ОКАС түріндегі сіңірілу енгізілген дозаның 57%-мен бағаланады. Тамсулозин фармакокинетикасының дозаға байланысты болуымен сипатталады. Тепе-тең жағдайда плазмадағы  тамсулозиннің концентрациясы ең жоғары шыңына 4-6 сағаттан соң жетеді. 

Таралуы 

Плазма ақуыздарымен байланысуы – 99%-ға жуық, таралу көлемі үлкен емес (0,2 л/кг жуық).

Метаболизмі 

Тамсулозин бауырда баяу метаболизденіп, азырақ белсенді метаболиттер түзеді. Тамсулозиннің үлкен бөлігі қан плазмасында өзгермеген түрінде білінеді. Тамсулозин негізінен бауырда CYP3А4 және CYP2D6 изоферменттерінің қатысуымен метаболизденеді.  

Шығарылуы

14С-таңбаланған тамсулозиннің 0,2 мг бір рет қабылдағаннан кейін 1 аптадан соң радиобелсенділдіктің 76%-ға жуығы несепте және 21%-ы  нәжісте байқалды. Несепте радиобелсенділіктің 9%-ға жуығы өзгермеген белсенді зат түрінде; 16%-ға жуығы о-деэтилденген тамсулозин сульфаты түрінде және 8%-ы сірке қышқыл о-этоксифенокси түрінде анықталды.   

Пациенттердің жекелеген категорияларындағы фармакокинетикасының   ерекшеліктері  

Егде жастағы адамдар

Клиникалық фармакологиясын және биожетімділігіне жүргізілген зерттеулерде пациенттердің жасы 19-дан 79 жасқа дейін ауытқып отырды. Везомниді қолданғаннан кейін концентрацияның ең жоғары көрсеткіштері, жасырақ пациенттердегі жекелей көрсеткіштермен толық дерлік сәйкес келгені байқалса да, егде жастағы пациенттерде  анықталды. Везомниді егде жастағы пациенттерде де қолдануға болады.    

Бүйрек функциясының жеткіліксіздігі

Везомнидің фармакокинетикасы бүйрек функциясының жеткіліксіздігі бар пациенттерде зерттелген жоқ. Төменде көрсетілген деректер бүйрек функциясының жеткіліксіздігі бар пациенттерге қатысты препараттың әрбір компоненті бойынша жеткілікті ақпаратты көрсетеді.  

Солифенацин

Бүйрек функциясының жеңіл және орташа дәрежедегі жеткіліксіздігі бар пациенттердегі солифенациннің ҚАА және Сmax мәндерінің дені сау еріктілердегі сәйкес келетін көрсеткіштерден айырмашылығы елеусіз. Бүйрек функциясының ауыр жеткіліксіздігі бар (креатинин клиренсі ≤30 мл/мин) пациенттерде солифенациннің экспозициясы едәуір жоғары – Сmax артуы 30%-ға жуықты, ҚАА 100%-дан астамды  және t1/2 60%-дан астамды құрайды. Креатинин клиренсі мен солифенацин клиренсінің арасында статистикалық тұрғыдан маңызды өзара байланыс байқалды. Гемодиализде жүрген пациенттердегі фармакокинетикасы зерттелген жоқ.

Тамсулозин

Бүйрек функциясы жеткіліксіздігінің жеңіл және орташа түрі (30≥  креатинин клиренсі <70 мл/мин/1,73м²) немесе орташа-ауыр түрі (≤30мл/мин/1,73²) бар 6 пациентте және дені сау 6 еріктіде (креатинин клиренсі ≥90 мл/мин/1,73м²) тамсулозиннің фармакокинетикасы салыстырылды. Альфа 1-қышқыл гликопротеинмен байланысуының өзгеруі нәтижесінде қан плазмасындағы тамсулозиннің жалпы концентрациясының өзгеруі байқалған мезгілде, тамсулозин гидрохлоридінің белсенді концентрациясы, сондай-ақ өзінің клиренсі біршама тұрақты күйінде қалды. Бүйрек функциясының жеткіліксіздігінің соңғы сатысындағы (креатинин клиренсі < 10 мл/мин/1,73м²) пациенттерде тамсулозиннің фармакокинетикасы зерттелген жоқ. 

Бауыр функциясының жеткіліксіздігі

Бауыр функциясының жеткіліксіздігі бар пациенттерде Везомнидің фармакокинетикасы зерттелген жоқ. Төменде көрсетілген деректер  бауыр функциясының жеткіліксіздігі бар пациенттерге қатысты препараттың әрбір компоненті бойынша жеткілікті ақпаратты көрсетеді.  

Солифенацин

Бауыр функциясының орташа жеткіліксіздігі (Чайлд-Пью шкаласы бойынша 7-9 балл) бар пациенттерде Cmax шамасы өзгермейді, ҚАА 60%-ға артады, t1/2 екі есе артады. Бауыр функциясының ауыр жеткіліксіздігі бар пациенттердегі фармакокинетикасы анықталған жоқ.   

Тамсулозин 

Бауыр функциясының орташа жеткіліксіздігі (Чайлд-Пью шкаласы бойынша 7-9 балл) бар 8 пациентте және дені сау  8 пациентте тамсулозиннің фармакокинетикасына салыстыру жүргізілді. Альфа 1-қышқыл гликопротеинмен байланысуының өзгеруі нәтижесінде қан плазмасындағы тамсулозиннің жалпы концентрациясының өзгеруі байқалған мезгілде, тамсулозин гидрохлоридінің белсенді концентрациясы елеулі өзгеріске ұшыраған жоқ, ал белсенді емес тамсулозиннің өзінің клиренсі орташа өзгерді (32%).  Бауыр функциясы жеткіліксіздігінің ауыр түрі бар пациенттерде тамсулозиннің фармакокинетикасы зерттелген жоқ.    

Фармакодинамикасы 

Әсер ету механизмі

Везомни – бұл құрамында екі белсенді зат, солифенацин мен тамсулозин бар біріктірілген препарат. Қуықасты безінің қатерсіз гиперплазиясымен байланысты төменгі несеп жолдарының симптомдарын емдеген кезде, толу симптомдары болған жағдайда осы белсенді заттардың тәуелді емес және өзара бірін-бірі толықтыратын механизмдері бар.  

Солифенацин – қуықтың мускаринді рецепторларының, көбіне м3-қосалқы типінің селективті бәсекелес тежегіші, және әртүрлі басқарецепторларға, ферменттерге және ион өзекшелеріне ұқсастығы төмен немесе жоқ.

Тамсулозин – бұл альфа1-адреноблокатор. Ол постсинапстық α1-адренорецепторлардың, әсіресе төменгі несеп жолдарының тегіс бұлшықетін босаңсытуға жауап беретін α1А және α1D қосалқы типінің селективті бәсекелес блокаторы болып табылады. 

Фармакодинамикалық өзара әрекеттесуі 

Солифенацин қуықта м3-холинорецепторларды белсендіретін ацетилхолиннің әсерімен байланысты қуықтың толу симптомдарын (ирритативті симптомдарын) жеңілдетеді. Ацетилхолин қуық қабырғасының жиырылу функциясын белсендіреді, бұл несепті шығаруда ургентті қысылу немесе несепті ұстай алмау түрінде білінеді.    

Тамсулозин қуықасты безінің, қуық мойнының және уретраның простаталық бөлімінің тегіс бұлшықеттерін босаңсыту жолымен нәжістің шығарылу симптомдарын (обструкциялық симптомдар) жеңілдетеді. Сондай-ақ толу симптомдарын азайтады. 

Клиникалық тиімділігі және қауіпсіздігі  

Қуық асты безінің қатерсіз гиперплазиясы аясында төменгі несеп жолдарының симптомдары бар пациенттерде ІІІ фазаны клиникалық зерттеу нәтижесі препараттың тиімділігін көрсетті. Везомни қабылдаған кезде несепті шығаруда ургентті қысылуларға және несеп шығару жиілігіне, сондай-ақ несеп шығарудың жалпы жиілігіне, бір рет несеп шығаруда бөлінген несептің орташа көлеміне баға беру шкаласы бойынша симптомдарында және босап шығуы бақыланатын түрдегі (ОКАС) тамсулозинмен салыстырғанда IPSS-толуының қосалқы шкаласы  бойынша балында  статистикалық тұрғыдан маңызды азаю байқалды. Осы жақсарулар IPSS шкаласы бойынша  өмір сүру сапасы көрсеткіштерінің және Қуықтың аса жоғары белсенділігі симптомдарының айқындылығына баға берудің сауалнамасы бойынша өмір сүру сапасының көрсеткіштерінің едәуір артуымен қатар жүреді. Бұдан басқа, IPSS шкаласы бойынша жалпы балына баға бергенде симптомдарды азайтуда Везомни ОКАС тамсулозиннен кем түскен жоқ (p <0.001). 

 Қолданылуы

- монотерапияға талапқа сай жауабы жоқ еркектерде қуықасты безінің қатерсіз гиперплазиясымен байланысты, орташадан бастап күштіге дейін білінетін (несеп шығаруда ургентті қысылу, несеп шығарудың жиілеуі) толу симптомдарын (ирритативті симптомдар) және нәжіс шығару симптомдарын (обструктивті симптомдар) емдеуде.

Қолдану тәсілі және дозалары

Егде жастағы пациенттерді қоса, ересек  ер адамдар.

Ішке, ас қабылдауға қарамай-ақ, тәулігіне  1 рет 1 таблеткадан. Ең жоғары тәуліктік дозасы – 1 (бір) таблетка Везомни (6 мг/0,4 мг).

Таблетка тұтастай қабылдануы тиіс, оны шайнауға болмайды, өйткені белсенді заттың босап шығуының ұзаруына ықпалын тигізуі мүмкін.  

Жағымсыз әсерлері

Везомни солифенациннің м-холинобөгегіш әсерімен байланысты көбіне айқындылығы әлсіз немесе орташа жағымсыз әсерлерді тудыруы мүмкін. Везомниді қолданумен жүргізілген клиникалық зерттеулер барысында  ауыздың кеберсуі (9,5%), іштің қатуы (3,2%) және диспепсия (іштің ауруын қоса – 2,4%) сияқты жағымсыз әсерлер жөнінде жиірек мәлімделді. Басқа жалпы жағымсыз реакцияларға бас айналу (1,4%), көздің анық көрмеуі (1,2%), шаршау (1,2%) және эякуляция бұзылыстары (ретгроградты эякуляцияны қоса – 1,5%) жатады.  

Несепті шығарудың жедел іркілуі (0,3%, сирек) – клиникалық зерттеулер жүргізілгенде Везомни препаратымен емдеу барысында байқалған өте ауыр жағымсыз әсер. 

Кестедегі «Везомниді қабылдаған кездегі жағымсыз реакциялардың пайда болу жиілігі» бағанынан төменде Везомни препаратын клиникалық зерттеулер барысында тіркелген жағымсыз реакциялар көрсетілген.

«Тамсулозиннің жағымсыз реакцияларының пайда болу жиілігі» бағаны жекелеген компоненттерге (тиісінше, 5 және 10 мг солифенацин мен 0,4 мг тамсулозин дәрілік препараттары нұсқаулығынан деректер) қатысты мәлімделген, және Везомни препаратын қабылдаған кезде потенциальді түрде пайда болуы мүмкін жағымсыз реакциялар көрсетілген.

Жағымсыз әсерлердің жиілігі былайша белгіленеді: өте жиі (≥1/10); жиі (≥1/100-ден <1/10 дейін); жиі емес (≥1/1000-нан <1/100 дейін); сирек (≥1/10,000-ден <1/1000 дейін); өте сирек (<1/10,000), белгісіз (қолда бар деректер негізінде баға беру мүмкін емес). 

Везомниді қабылдаған кезде  ЖР пайда болу жиілігі 

Жекелеген белсенді заттарға қатысты ЖР пайда болу жиілігі  

Солифенацин 5 мг және10мг

Тамсулозин 0,4 мг

Инфекциялар және инвазиялар

Несеп шығару жолдарының инфекциялары

Жиі емес

Цистит 

Жиі емес

Иммундық жүйе тарапынан бұзылулар  

Анафилаксиялық реакция 

Белгісіз*

Метаболизмнің және тамақтанудың бұзылулары

Тәбеттің нашарлауы  

Белгісіз*

Гиперкалиемия 

Белгісіз*

Психикалық бұзылулар   

Елестеулер

Өте сирек*

Психоз

Өте сирек*

Сандырақтау

Белгісіз*

Жүйке жүйесі тарапынан бұзылулар

Бас айналу

Жиі

Сирек*

Жиі

Ұйқышылдық

Жиі емес

Дисгевзия 

Жиі емес

Бас ауыру

Сирек*

Жиі емес

Естен тану

Сирек

Көру мүшесі тарапынан бұзылулар

Анық көрмеу

Жиі

Жиі

Нұрлы қабықтың интраоперациялық тұрақсыздығы   

Белгісіз*

Көздің құрғауы

Жиі емес

Глаукома 

Белгісіз*

Жүрек-қантамыр жүйесі тарапынан бұзылулар

Жүректің қағуы

Жиі емес

 «Пируэт» типті тахикардия

Белгісіз*

Электрокардиограммада  QT аралығының ұзаруы

Белгісіз*

Жүрекшелердің фибрилляциясы  

Белгісіз*

Аритмия 

Белгісіз*

Тахикардия 

Белгісіз*

Ортостаздық гипотензия 

Жиі емес

Тыныс алу ағзалары, кеуде қуысы және көкірек ортасы тарапынан бұзылулар  

Ринит 

Жиі емес

Мұрынның құрғауы

Жиі емес

Ентігу

Белгісіз*

Дисфония 

Белгісіз*

Асқазан-ішек жолы тарапынан бұзылулар

Ауыздың кеберсуі

Жиі

Өте жиі

Диспепсия 

Жиі

Жиі

Іштің қатуы

Жиі

Жиі

Жиі емес

Жүректің айнуы

Жиі

Жиі емес

Іштің ауыруы

Жиі

ГЭРА

Жиі емес

Диарея 

Жиі емес

Тамақтың құрғауы

Жиі емес

Құсу

Сирек* 

Жиі емес

Тоқ ішек бітелісі

Сирек

Копростаз 

Сирек

Ішек бітелісі

Белгісіз* 

Іш тұсында жайсыздық

Белгісіз* 

Гепатобилиарлы бұзылулар   

Бауыр функциясының бұзылуы

Белгісіз*

Бауыр ферменттері деңгейінің жоғарылауы

Белгісіз*

Тері және теріасты шелі тарапынан бұзылулар   

Қышыну 

Жиі емес

Сирек* 

Жиі емес

Терінің құрғауы

Жиі емес

Бөртпе

Сирек* 

Жиі емес

Аллергиялық бөртпе

Өте сирек*

Жиі емес

Стивенс-Джонсон синдромы

Өте сирек

Квинке  ісінуі

Өте сирек* 

Сирек

Мультиформалыэритема 

Өте сирек*

Эксфолиативті дерматит 

Белгісіз*

Тірек-қимыл аппараты тарапынан бұзылулар

Бұлшықет әлсіздігі

Белгісіз*

Бүйрек және несеп шығару жолдары тарапынан бұзылулар    

Несеп шығарудың іркілуі

Белгісіз

Сирек

Несеп шығарудың қиындауы

Жиі емес

Бүйрек функциясының жеткіліксіздігі

Белгісіз*

Ұрпақ өрбіту жүйесі тарапынан бұзылулар   

Эякуляцияның бұзылуы

Жиі

Жиі

Приапизм 

Өте сирек

Жалпы жағдайдың бұзылуы

Шаршау 

Жиі

Жиі емес

Шеткері ісіну

Жиі емес

Астения 

Жиі емес

*  препаратты тіркегеннен кейін байқалған. Деректердің тіркеуден кейінгі кезеңде кездейсоқ мәлімдемелер әдісімен алынуына байланысты, жиілігін жәнетамсулозин менсолифенацинді қабылдаумен себеп-салдарлық байланысын анықтау қиынға соғады.    

Везомнидің қауіпсіздігі жөніндегі ұзақ мерзімдік деректер

Везомни препаратымен 1 жыл бойы емдеу барысында байқалған жағымсыз реакциялардың түрлері мен жиілігі 12 апталық зерттеу барысында байқалған деректермен сәйкес келді. Препараттың жағымдылығы жақсы, препаратты ұзақ қабылдаумен байланысты ерекше жағымсыз реакциялар байқалған жоқ.  

Егде жастағы адамдар

Егде жастағы адамдарда байқалған жағымсыз әсерлер жасырақ пациенттерде пайда болған әсерлерге ұқсас болды. 

Қолдануға болмайтын жағдайлар

- препараттың белсенді компоненттеріне немесе қосымша заттарына аса жоғары сезімталдық 

- гемодиализ жүргізу

- бауыр функциясының ауыр жеткілікіздігі  

- CYP3A4 изоферменттерінің күшті тежегіштерімен, мысалы, кетоконазолмен бір мезгілде емдеген кезде бүйрек функциясының ауыр жеткіліксіздігі немесе бауыр функциясының орташа жеткіліксіздігі  

- ауыр асқазан-ішек ауруларының (уытты мегаколонды қоса), миастениялардың және жабық бұрышты глаукоманың, сондай-ақ осы аурулардың даму қауіптерінің болуы  

- ортостаздық гипотензия

- 18 жасқа дейінгі балалар мен жасөспірімдерге

Дәрілермен өзара әрекеттесуі

CYP3A4 және CYP2D6 тежегіштерімен өзара әрекеттесуі

Солифенацин мен кетоконазолды (күніне 200 мг), CYP3А4 изоферментінің күшті тежегішін бір мезгілде қолдану солифенациннің «концентрация-уақыт» қисығы астындағы ауданын (әрі қарай – ҚАА) екі есе, ал күніне 400 мг дозада үш есе арттырды.  

Тамсулозинді  кетоконазолмен күніне 400 мг дозада бір мезгілде қолдану тамсулозиннің Cmax және ҚАА  сәйкесінше 2,2 және 2,8 есе артуына әкелді. 

Кетоконазол, ритонавир, нелфинавир және итраконазол сияқты CYP3A4 күшті тежегіштерімен бір мезгілде енгізу солифенациннің де және тамсулозиннің де әсерінің артуына әкеп соғатын болғандықтан, Везомниді CYP3A4 күшті тежегіштерімен біріктіріп пайдаланғанда сақ болған жөн. Везомниді CYP2D6 метаболизмі фенотиптік түрде төмендеген, немесе CYP2D6 күшті тежегіштерін қолданып жүрген пациенттерге CYP3A4 күшті тежегіштерімен бірге бермеген жөн.

Везомниді верапамилмен (CYP3A4 орташа тежегіші) бір мезгілде қабылдау тамсулозиннің Cmax және ҚАА  2,2 есе және солифенацинніңCmax және ҚАА шамамен 1,6 есе артуына әкелді. 

Тамсулозинді CYP3A4 әлсіз тежегіші циметидинмен  (әрбір 6 сағат сайын 400 мг) бір мезгілде тағайындау тамсулозиннің ҚАА 1,44 есе артуына әкелді, ал Сmax елеулі өзгеріске ұшырамайды.

Везомни CYP3A4 әлсіз тежегішімен бірге пайдаланылуы мүмкін.

Тамсулозинді CYP2D6 күшті тежегіші пароксетинмен (күніне 20 мг) бір мезгілде қабылдау тамсулозиннің Cmaxжәне ҚАА  сәйкесінше 1,3 және 1,6 есе артуына әкеледі. 

Солифенацин мен тамсулозин CYP3А4 изоферментімен метаболизденетін болғандықтан, CYP3А4 изоферментінің индукторларымен (мысалы, рифампицинмен) фармакокинетикалық өзара әрекеттесуі мүмкін. 

Басқа өзара әрекеттесулер

Солифенацин 

Солифенацин асқазан-ішек жолының моторикасын стимуляциялайтын дәрілік препараттардың, мысалы, метоклопрамид пен цизапридтің әсерін төмендетуі мүмкін. 

Іn vitro зерттеулер солифенациннің емдік концентрацияларда CYP1A1/2, 2B6, 2C8, 2C9, 2C19, 2D6, 2E1 немесе 3А4 изоферменттерін тежемейтінін көрсетті. Сондықтан, солифенациннің осы изоферменттермен метаболизденетін дәрілердің клиренсін өзгерту ықтималдылығы аз.

Солифенацинді қабылдау R-варфариннің немесе S-варфариннің фармакокинетикасында немесе олардың протромбин уақытына ықпал етуінде өзгерістер тудырған жоқ. 

Солифенацинді қабылдау дигоксиннің фармакокинетикасына ықпалын тигізбейді. 

Тамсулозин

α1-адренорецепторлардың басқа бөгегіштерін бір мезгілде тағайындау гипотензиялық әсерге әкеп соғуы мүмкін.

Диазепам, пропранолол, трихлорметиазид, хлормадинон, амитриптилин, диклофенак, глибенкламид, симвастатин және варфарин in vitro адам плазмасында тамсулозиннің бос фракциясын  өзгертпейді. Өз кезегінде, тамсулозин сондай-ақ диазепамның, пропранололдың, трихлорметиазидтің және хлормадинонның бос фракцияларын өзгертпейді. Диклофенак пен варфарин тамсулозиннің шығарылу жылдамдығын арттыруы мүмкін.

Фуросемидпен бір мезгілде қолданғанда концентрацияның біршама төмендегені байқалды, алайда бұл дозаны өзгертуді қажет етеді, өйткені препараттың концентрациясы қалыпты диапазон шегінде қалады.  

Іn vitro зерттеулер тамсулозиннің емдік концентрацияларда CYP1A1/2, 2C9, 2C19, 2D6, 2E1 немесе 3А4 изоферменттерін тежемейтіндігін көрсетті. Сондықтан тамсулозиннің осы изоферменттермен метаболизденетін дәрілер клиренсін өзгерту ықтималдылығы аз.   

Тамсулозинді атенололмен, эналаприлмен немесе теофиллинмен бірге тағайындағанда өзара әрекеттесулер болған жоқ.  

Айрықша нұсқаулар

Сақтықпен

Везомниді мына пациенттерге абайлап тағайындаған жөн:

- бүйрек функциясының ауыр жеткіліксіздігі бар,

- несеп шығарудың іркілу қаупі бар,  

- асқазан-ішектің обструкциялық аурулары бар,

- асқазан-ішек жолы моторикасының төмендеу қаупі бар,  

- диафрагманың өңештік саңылауының жарығы, гастроэзофагеальді рефлюксі бар және эзофагитті тудыруы немесе күшейтуі мүмкін дәрілік препараттарды (мысалы, бисфосфонаттарды) бір мезгілде қабылдап жүрген пациенттерге,  

- шеткері нейропатиясы бар пациенттерге,

-  QT аралығының ұзаққа созылуы және «пируэт» типті тахикардия байқалған, QT аралығының ұзару синдромы және гипокалиемия сияқты қауіпті факторлары бар пациенттерге.

Жиі несеп шығарудың басқа себептеріне (жүрек функциясының жеткіліксіздігі немесе бүйрек аурулары) Везомниді қабылдауды бастағанға дейін баға берілуі тиіс.

Егер несеп шығару жолдарының инфекциялары бар болса, бактерияларға қарсы тиісті емді бастау қажет.  

Препаратты тіркегеннен кейін солифенацинмен ем қабылдаған кейбір пациенттерде анафилаксиялық реакция байқалды. Анафилаксиялық реакциялар дамыған кезде Везомнимен емдеу тоқтатылуы және қайта жаңғыртылмауы тиіс. 

Басқа α1-адреноблокаторларды пайдаланған кездегідей, тамсулозинмен емдегенде жекелеген жағдайларда артериялық қысымның төмендеуі байқалуы мүмкін, ол сирек жағдайларда естен тану жағдайына әкеп соғуы мүмкін. Везомниді қабылдай бастаған пациенттерге ортостаздық гипотензияның алғашқы белгілерінде (бас айналу, әлсіздік) отыру немесе жата тұру және белгілер жоғалғанға дейін осы күйде қалудың қажеттілігі жөнінде ескерткен жөн.  

Тамсулозин гидрохлоридін қабылдап жүрген және бұрын қабылдаған кейбір пациенттерде, катаракта мен глаукомаға байланысты операциялық араласым кезінде көздің нұрлы қабығының интраоперациялық тұрақсыздығы синдромының (қарашықтың тарылу синдромы) дамуы байқалды, ол операция кезінде және операциядан кейінгі кезеңде асқынуларға әкеп соғуы мүмкін. Катарактаға немесе глаукомаға байланысты операция жоспарланған пациенттерді Везомнимен емдеуді бастауға кеңес берілмейді. Катарактаға немесе глаукомаға байланысты операциядан 1-2 апта бұрын Везомнимен емдеуді тоқтатудың қажеттілігі күні бүгінге дейін дәлелденген жоқ. Пациенттерді операция алдында тексеру кезінде хирург және дәрігер-офтальмолог осы пациенттің Везомниді қабылдап жүрген-жүрмегенін немесе қабылдағанын ескеруі тиіс. Бұл операция кезінде көздің нұрлы қабығының интраоперациялық тұрақсыздығы синдромының дамуына дайын болу үшін қажет.   

Везомниді CYP3A4 күшті және орташа тежегіштерімен, мысалы, верапамилмен, кетоконазолмен, ритонавирмен, нелфинавирмен, итраконазолмен біріктіргенде сақтықпен пайдаланған жөн. Препаратты  CYP2D6  изоферментінің метаболизмі бұзылған пациенттерде CYP3A4 күшті тежегіштерімен немесе CYP2D6 күшті тежегіштерімен, мысалы, пароксетинмен біріктіріп пайдаланбау керек.

Бүйрек функциясының жеткіліксіздігі бар пациенттер 

Везомни бүйрек функциясының жеңіл және орташа жеткіліксіздігі бар (КК>30 мл/мин) пациенттерге қолданылуы мүмкін, бірақ бүйрек функциясының ауыр жеткіліксіздігі бар (КК≤ 30 мл/мин) пациенттерге абайлап қолданған жөн, олар үшін ең жоғары тәуліктік доза – бір таблетка Везомни (6 мг/0,4 мг). 

Бауыр қызметінің жеткіліксіздігі бар пациенттер 

Везомни бауыр функциясының жеңіл жеткіліксіздігі (Чайлд-Пью шкаласы бойынша ≤ 7 балл) бар пациенттерге қолданылуы мүмкін. Бауыр функциясының орташа жеткіліксіздігі (Чайлд-Пью шкаласы бойынша 7-9 балл) бар пациенттер сақтықпен қабылдағаны жөн (ең жоғары тәуліктік доза – бір таблетка Везомни (6 мг/0,4 мг)). Бауыр функциясының ауыр жеткіліксіздігі (балл Чайлд-Пью шкаласы бойынша 9-дан жоғары) бар пациенттерге Везомниді қолдануға болмайды.  

Жүктілік және лактация кезеңі

Везомни препараты еркектерге ғана қолданылады. 

Дәрілік заттың көлік құралын немесе қауіпті механизмдерді басқару қабілетіне ықпал ету ерекшеліктері  

Везомни препаратының көлік құралдарын басқару және қауіпті қызмет түрлерімен айналысу қабілетіне әсер етуіне зерттеулер жүргізілген жоқ.  Алайда пациент бас айналудың, көздің анық көрмеуінің, шаршаудың және сирек ұйқышылдықтың пайда болу ықтималдығы жөнінде хабардар болуы тиіс, бұл автомобильді басқару және механизмдермен жұмыс жасау қабілетіне теріс ықпалын тигізуі мүмкін.    

Артық дозалануы

Симптомдары:солифенацин мен тамсулозин біріктірілімімен артық дозалану жедел гипотензиямен қатар, ауыр м-холинобөгелетін бұзылулармен  қатарласа жүруі мүмкін. Клиникалық зерттеулер барысында байқамай қабылдап қойған ең жоғары доза 126 мг солифенацинге және 5,6 мг тамсулозинге сәйкес келеді. Бұл дозаның жағымдылығы жақсы, жалғыз жағымсыз құбылыс – 16 күн ішінде айқындылығы әлсіз дәрежедегі ауыздың кеберсуі байқалды.  

Емі 

Артық дозаланған жағдайларда белсендірілген көмір тағайындау, асқазанды шаю керек, бірақ құстырмаған жөн. Басқа м-холиноблокаторлардың артық дозалануы жағдайындағы сияқты, симптомдарды былайша емдеген жөн: 

- орталық әсер беретін ауыр м-холинобөгегіш әсерлер (елестеулер, айқын қозғыштық) – физостигмин немесе белсендірілген көмір.  

- құрысуларда немесе айқын қозғыштықта – бензодиазепиндер.

- тыныс алу функциясының жеткіліксіздігінде – жасанды тыныс алу.  

- тахикардияда – қажетіне қарай симптоматикалық ем. Бета-адреноблокаторларды абайлап пайдаланған жөн, өйткені тамсулозинмен бірге бір мезгілде артық дозалану ауыр гипотензияға әкеп соғуы мүмкін.

- несептің жедел іркілуінде – катетеризация. 

Басқа м-холиноблокаторлардың артық дозалануы жағдайындағы сияқты, QT аралығының ұзару қаупі анықталған пациенттерге (яғни гипокалиемияда, брадикардияда және QT аралығын ұзартатын препараттарды бір мезгілде қабылдағанда) ерекше көңіл бөлген жөн.

Тамсулозин артық дозаланғаннан кейін пайда болуы мүмкін жедел гипотензияны симптоматикалық түрде емдеген жөн. Диализдің тиімді болу мүмкіндігі аз, өйткені тамсулозин плазма ақуыздарымен қарқынды түрде байланысады.  

Шығарылу түрі және қаптамасы

Алюминий үлбірден және алюминий фольгадан жасалған пішінді ұяшықты қаптамада 10 таблеткадан.   

Пішінді 1 немесе 3 қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.  

Сақтау шарттары        

300C-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды. 

Дәріханалардан босатылу шарттары

Рецепт арқылы