Зоксон

Қазақстан Республикасы Денсаулық 

сақтау министрлігі Фармация

комитеті Төрағасының  

2005 жылғы “22” 09 

№ 128 бұйрығымен  

БЕКІТІЛГЕН

Дәрілік затты қолдану жөнінде

тұтынушыларға арналған

нұсқаулық

(аннотация қосымша бет)

ЗОКСОН®  ZOXON®

Препараттың  саудалық атауы 

ЗОКСОН    

Халықаралық патенттелмеген атауы  

Доксазозин

Құрамы  

Белсенді зат:  

Зоксон  (таблеткалар 1 мг-нан):  1 таблетканың құрамында  доксазозиннің 

                                                        1мг-ы (доксазозин   мезилатының 1,21 мг-ы).

Зоксон  (таблеткалар 2 мг-нан):  1 таблетканың құрамында  доксазозиннің 

                                                        2мг-ы (доксазозин   мезилатының 2,42 мг-ы).

Зоксон  (таблеткалар 4 мг-нан):  1 таблетканың құрамында  доксазозиннің 

                                                        4мг-ы (доксазозин   мезилатының 4,85 мг-ы).

Қосалқы заттар: 

Зоксон  (таблеткалар 1 мг-нан): 45,000 мг микрокристалдық целлюлоза; 31,2675 мг түйіршіктелген микрокристалдық целлюлоза; 40,000 мг лактоза;  1,2000 мг натрий тұзы  А карбоксиметилкрахмалы; 0,1200 мг натрий лаурилсульфаты; 0,1200 мг коллоидты кремний қос тотығы; 1,080 мг магний стеараты. 

Зоксон  (таблеткалар 2 мг-нан): 45,000 мг микрокристалдық целлюлоза; 30,0550 мг түйіршіктелген микрокристалдық целлюлоза; 40,000 мг лактоза;  1,2000 мг натрий тұзы  А карбоксиметилкрахмалы; 0,1200 мг натрий лаурилсульфаты; 0,1200 мг коллоидты кремний қос тотығы; 1,080 мг магний стеараты. 

Зоксон  (таблеткалар 4 мг-нан): 90,000 мг микрокристалдық целлюлоза; 60,1100 мг түйіршіктелген микрокристалдық целлюлоза; 80,000 мг лактоза;  2,4000 мг натрий тұзы  А карбоксиметилкрахмалы; 0,2400 мг натрий лаурилсульфаты; 0,2400 мг коллоидты кремний қос тотығы; 2,160 мг магний стеараты. 

Шығарылу нысаны

ЗОКСОН   (таблеткалар 1,0 мг-нан): орамда 15 немесе 30 таблетка

(таблеткалар 2,0 мг-нан): орамда 10 немесе 30 таблетка.

(таблеткалар 4,0 мг-нан): орамда 30 немесе 100 таблетка.

Дәрілік нысанның сипаттамасы   

ЗОКСОН  (таблеткалар 1 мг-нан)

Бір жағында “ZX 1” бедері бар ақ немесе ақ түсті дерлік жайпақ домалақ таблеткалар. Таблетканың сынығындағы түрі: ақ немесе ақ түсті дерлік тығыз нығыздалған масса. 

ЗОКСОН  (таблеткалар 2 мг-нан)

Бір жағында “ZX 2” бедері және жартылай бөлу ойығы бар, ақ немесе ақ түсті дерлік екі беті дөңес, сопақша нысандағы таблеткалар. Таблетканың сынығындағы түрі: ақ немесе ақ түсті дерлік тығыз нығыздалған масса. 

ЗОКСОН  (таблеткалар 4 мг-нан)

Бір жағында “ZX 4” бедері және жартылай бөлу ойығы бар, ақ немесе ақ түсті дерлік екі беті дөңес, сопақша нысандағы таблеткалар. Таблетканың сынығындағы түрі: ақ немесе ақ түсті дерлік тығыз нығыздалған масса. 

Қолдану тәсілі мен мөлшерлері

Препарат асқынуларға жол берілмеуі үшін дәрігердің тағайындауы бойынша қолданылады. 

Қуық түбі безінің қатерсіз гиперплазиясын емдеу, әдетте, белсенді зат аз мөлшерленген препараттармен басталады. Бастапқы ұсынылатын мөлшер тәулігіне 1 рет 1 мг құрайды.  Аурудың уродинамикасы мен симптомдарының дербес ерекшеліктеріне байланысты, жеткіліксіз тиімділікте мөлшер 2 мг-ға дейін, әрі қарай 4 мг-ға дейін және одан соң жол берілетін ең жоғары мөлшер 8 мг-ға дейін ұлғайтылуы мүмкін. Мөлшерлеу режимін 1 – 2 аптаның ішінде біртіндеп арттыру керек. Ұсынылатын демеуші мөлшер тәулігіне 1 рет 2 – 4 мг құрайды.  

Артериялық гипертензияда ұсынылатын бастапқы мөлшер 1 немесе 2  аптаның ішінде тәулігіне 1 рет 1 мг құрайды. Әрі қарай мөлшер тәулігіне 2 мг-ға дейін ұлғайтылуы ықтимал. Жеткіліксіз тиімділікте препараттың тәуліктік мөлшерін емделушінің жүргізілген емдеуге реакциясының айқындығына және артериялық қысымның төмендеу дәрежесіне байланысты біртіндеп ұлғайту керек. Мөлшерлеу режимі 1 – 2 аптаның ішінде біртіндеп арттырылуға тиіс. Ұсынылатын демеуші мөлшер тәулігіне бір рет  2 – 4 мг  құрайды, жол берілетін ең жоғары мөлшер тәулігіне - 16 мг.  

Таблеткаларды су немесе құрамында алкоголь жоқ басқа сұйықтық іше отырып, тістеп уатпай, тұтастай жұту керек. 

Басқа дәрілік заттармен өзара әрекеттестігі 

Зоксон препаратының басқа дәрілік заттармен бір мезгілде қолданылу мүмкіндігін дәрігер анықтайды. Емделушілер препаратты дәрігердің кеңесінсіз басқа дәрілік заттармен бір мезгілде қолданбауы керек.  

Зоксон препараты мен артериялық гипертензияны емдеуге арналған басқа дәрілік заттар бір мезгілде қолданылғанда гипотензивтік әсердің өзара күшеюі мүмкін.  

Доксазозиннің диуретиктермен (тиазид туындыларымен), β-адренбөгегіштермен, фуросемидпен, қабынуға қарсы стероидтық емес дәрілермен, антибиотиктермен, ішетін гипогликемизирлейтін дәрілермен, урикозуриялық дәрілермен және антикоагулянттармен бір мезгілде қолданылуы аталған топтар препараттарының өзара теріс әрекеттесуін тудырмайды.

Қолдану көрсетілімдері

Қуық түбі безінің қатерсіз гиперплазиясы 

Зоксон қуық түбі безінің қатерсіз гиперплазиясына байланысты зәр сындырудың бұзылуын емдеу үшін арналған.   Қуық түбі безінің қатерсіз гиперплазиясы бар науқастарда Зоксонды   артериялық гипертензияның болуында да, сондай-ақ артериялық қысымның қалыпты деңгейі кезінде де қолдануға болады. Артериялық гипертензия мен қуық түбі безінің қатерсіз гиперплазиясынан бір мезгілде зардап шегетін емделушілерде Зоксон екі ауруға да тиімді әсер етеді. 

Артериялық гипертензия

Зоксон  артериялық гипертензияны емдеу үшін арналған. Егер Зоксонды монотерапия ретінде пайдалана отырып, артериялық қысымның талап етілетін бақылауын алуға қол жетпейтін болса, препаратты басқа антигипертензивтік дәрілермен (тиазидтік диуретиктермен, β-адренбөгегіштермен, кальций өзектерінің бөгегіштерімен, ангиотензин айналдырушы ферменттің тежегіштерімен) біріктіруге болады. 

Қарсы көрсетілімдері

Доксазозинге, хиназолин туындыларына немесе препараттың басқа компонеттеріне жоғары сезімталдық.

Препарат балаларға қолдану үшін арналмаған. 

Препараттың жүктілік пен бала емізу кезеңінде қолданылуы: 

Препаратты жүктілік пен бала емізу кезеңінде қолдану ұсынылмайды. 

Жанама әсерлері

Әлбетте, науқастар Зоксон препаратын жақсы көтереді. Әдетте, жанама әсерлер препаратты бірінші қабылдаудан кейін немесе мөлшер ұлғайтылғанда сирек жағдайларда ортостатикалық гипотензия түрінде (жекелеген реттерде талу жағдайы) пайда болуы мүмкін. Бас айналуы, бас ауыруы, қажу, дімкәстік, шеткі ісінулер, астениялар, ұйқышылдық, жүрек айнуы, ринит, мұрын қан кетулері, асқазан-ішек жолы тарапынан іш өту, құсу, іштегі ауырсынғыштық түрінде жанама реакциялар көрініс беруі ықтимал.

Тағатсызданудың, дірілдің, тахикардияның, жүрек қағуын сезінудің, кеудедегі ауырудың, стенокардия ұстамаларының, миокард инфарктінің,  аритмиялардың, цереброваскулярлық бұзылулардың жекелеген жағдайлары байқалды.

Сирек жағдайларда тері бөртпелері мен қышыма түрінде аллергиялық  реакциялар байқалады. Көру бұзылуының, зәр ұстамауының, приапизмнің, полиурияның жекелеген жағдайлары байқалған.

Емделушілер барлық жанама (әдеттен тыс), оның ішінде осы нұсқаулықта көрсетілмеген әсерлер туралы өзінің емдеуші дәрігеріне хабарлауы қажет. 

Айрықша нұсқаулар

Зоксон препараты бауыр қызметі бұзылған науқастарға тағайындалғанда (басқа препараттарды тағайындау кезіндегі сияқты, бауырда белсенді биотрансформацияға ұшырайды) сақтық таныту керек.

Зоксон препараты  психикалық және дене реакцияларының жоғары жылдамдығын талап ететін қызметке, мысалы: көлік құралдарын басқару, машиналарға қызмет көрсету, биіктіктегі жұмыс және т.б. теріс әсер етуі мүмкін.  

Препаратты артық мөлшерлеу

Доксазозинді артық мөлшерлеу артериялық гипотензияға әкеп соғуы мүмкін. Бұл жағдайда препаратты қабылдауды тоқтатып, емделушіні басын төмен түсіріп, шалқасынан жатқызу қажет. Артық мөлшерлеу белгілері пайда болған жағдайда асқазанды шайып, активтендірілген көмір тағайындау керек, емделуші дереу дәрігерге көрінуі шарт. Емдеу ағзаның гемодинамика көрсеткіштері мен өмірлік маңызды функцияларын тұрақтандыруға бағытталған симптоматикалық. Доксазозиннің қан ақуыздарымен жоғары байланысуын ескергенде, диализ қолдану тиімді болып табылмайды. 

Сақтау шарттары

Препаратты құрғақ, жарықтан қорғалған жерде, 10 – 25º С температурада сақтау керек. 

Балалар қол жеткізе алмайтын жерде сақтау қажет. 

Жарамдылық мерзімі

3 жыл. 

Препаратты орамында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Дәрігердің рецептісі бойынша. 

Дайындаушының аты мен мекен-жайы

Лечива а.қ. 

Кабеловнада 130, 102 37 Прага 10, Долни Мехолупы

ЧЕХИЯ  РЕСПУБЛИКАСЫ