Канефрон Н

Дәрілік затты медициналық қолдану

жөніндегі нұсқаулық

Канефрон® Н

Саудалық атауы

Канефрон® Н

Халықаралық патенттелмеген атауы

Жоқ

Дәрілік түрі

Ішуге арналған тамшылар, 100 мл

Құрамы

100 г препараттың құрамында

белсенді заттар: дәрілік өсімдік шикізатынан

                                    29 г сулы-спиртті экстрактында:                            

                               Толғақшөп шөбі                                          0.6 г               

                               Дәрілік сүйментамыр тамыры                   0.6 г               

                               Гүлшетен жапырақтары                             0.6 г               

қосымша заттар: Этанол,  тазартылған су                                                                                             

Сипаттамасы

Сүйментамыр тамырының иісі бар сарғыш-қоңыр түсті мөлдір немесе сәл бұлыңғырлау сұйықтық. Сақтаған кезде шөгінді түсуі мүмкін.

Фармакотерапиялық тобы

Несеп-жыныс жүйесі және жыныс гормондары. Урологиялық препараттар. Урологиялық ауруларды емдеуге арналған басқа препараттар.

АТХ коды G04BX

Фармакологиялық қасиеттері

Фармакокинетикасы

Клиникаға дейінгі зерттеулерде жануарлар плазмасында үш маркердің өлшемі көп мәрте енгізген кездегі уыттылық зерттеулерінде Канефрон® Н жоғары дозаларын пероральді қолданудан кейін дозаға пропорционалды әсер етуін көрсеткен. Сонымен қоса, қайталап енгізген кезде жинақталуы байқалмаған.

Фармакодинамикасы

Әртүрлі клиникалық сынақтарда Канефрон® Н қолдану несеп шығару жолдарының қабыну ауруларымен байланысты шағымдар санының жылдам азаюына әкелген. Осы клиникалық зерттеулер барысында алынған нәтижелер Канефрон® Н препаратының қабынуға қарсы, спазмолитикалық, антиноцицептивті және бактерияға қарсы әсерлерін дәлелдейді. Канефрон® Н антиоксидантты, сондай-ақ қабынуға қарсы белсенділігін байқатқан, оттегі мен азоттың реактивті формаларының физиологиялық релевантты концентрациясын төмендеткен, простагландин Е2 және цитокиндер босап шығуына кедергі болған, сондай-ақ лейкотриендер өнімдеріне кедергі жасаған. 

Канефрон® Н уропатогенді бактериялардың қуық эпителий жасушаларына адгезиясын азайтқан.

Канефрон® Н жеке компоненттерінің бактерияға қарсы белсенділігі бар және бактериялар несеп жолдарынан шайылып шығатын болғандықтан, бактерияға қарсы белсенділігін демейтін несеп айдайтын әсер береді.

Канефрон® Н тамшылары уыттылығына, мутагендігін зерттеуден басқа зерттеулер жүргізілмеген. Алайда таблеткалар мен белсенді заттарының, яғни дәрілік өсімдік шикізаты 1:1:1 қоспасының уыттылығы кеңінен зерттелген.

Канефрон® Н канцерогендік потенциалы туралы деректер жоқ.  

Қолданылуы

- жедел және созылмалы цистит

- пиелонефрит, гломерулонефрит, интерстициальді нефрит спецификалық емінде қосымша емдеу дәрісі ретінде

- несеп тастары түзілуінің профилактикасы

- несеп тастарын операциямен алғаннан кейін

Қолдану тәсілі және дозалары

Ересектерге: 50 тамшыдан күніне 3 рет.

Ауырудың жеделдігі бәсеңдегеннен кейін емдеуді 2 – 4 апта бойы жалғастыру керек.

Бір реттік дозаны таңертең, түсте және кешке қабылдаңыз. 

Қажет болғанда ащы дәмін жұмсарту үшін Канефрон® Н препаратын басқа сұйықтықтармен бірге қолдануға болады. Емдеу ұзақтығын емдеуші дәрігер анықтайды.

Препараттың жақсы көтерімділігіне байланысты ұзақ қолдануға арналған. Препаратты қолданған кезде сұйықтықты молынан тұтыну ұсынылады. Пайдаланған кезде құтыны тігінен ұстаңыз. 

Жағымсыз әсерлері

Жағымсыз реакциялары жиілігіне байланысты жіктеледі. 

Жағымсыз реакцияларының туындау жиілігін бағалау кезінде мынадай санаттары негізге алынды:

өте жиі: ≥1/10 жиі: ≥1/100, бірақ <1/10 жиі емес: ≥1/1000, бірақ <1/100 сирек: ≥1/10000, бірақ <1/1000 өте сирек: <1/10000 жиілігі белгісіз: қолда бар деректер бағалау мүмкін емес

жиі:

- асқазан-ішек бұзылыстары (мысалы, жүрек айнуы, құсу, диарея)

- препарат компоненттеріне аллергиялық реакциялар (мысалы, бөртпе, қышыну)

Аллергиялық реакцияның алғашқы белгілерінде препаратты қабылдауды тоқтату керек.

Қолдануға болмайтын жағдайлар

- препараттың кез келген компонентіне, шатырлы тұқымдас (Umbelliferae) басқа өсімдіктерге (мысалы, анис, фенхель) немесе анетолға (эфир майларының компоненті) жекелей жоғары сезімталдық

- асқазан және он екі елі ішектің ойық жарасының өршу кезеңінде

- 18 жасқа дейінгі балаларға

- жүрек немесе бүйрек функциясының бұзылуы салдарынан болатын ісінулер және/немесе дәрігер сұйықтық ішуді шектеген болса  

Дәрілермен өзара әрекеттесуі

Белгісіз. Бактерияға қарсы дәрілік заттармен біріктірілуі мүмкін.

Айрықша нұсқаулар

Ұзақ уақыт жоғары температурада, түйілулер, несепте қан болуы, несеп шығарудың бұзылулары және несептің жедел іркілуі кезінде дереу дәрігермен кеңесу қажет.

Бұл препараттың құрамында көлемі бойынша 19% алкоголь бар.

Ішуге арналған тамшыларды алкоголизмге шалдыққан науқастарға, сондай-ақ маскүнемдікке қарсы нәтижелі емделуден кейін қолдануға болмайды. Бауыр немесе эпилепсия аурулары бар пациенттер сақтықпен қабылдау керек.

Сақтау кезінде сәл бұлыңғырлану немесе елеусіз шөгінді түсуіне жол беріледі. Бұл препараттың тиімділігіне әсер етпейді.

Қолданар алдында шайқау керек!

Жүктілік және лактация

Канефрон® Н препаратын жүктілік кезінде оны қолданудың пайда-қауіп арақатынасын дәрігер бағалағаннан кейін және оны қолдану жөніндегі нұсқауларды сақтай отырып, тек дәрігердің тағайындауымен қабылдау керек. Әйелдер дәрілік затты бала емізу кезеңінде қолданбағандары жөн. 

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері   

Препарат көлік басқару қабілетіне және қауіптілігі зор механизмдермен жасалатын жұмысты орындауға әсер етпейді.

Артық дозалануы 

Артық дозалану жағдайлары туралы хабарланбаған. Емі сиптоматикалық. 

Шығарылу түрі және қаптамасы

100 мл препараттан алғашқы ашылуы бақыланатын және бұралатын қақпағы, жоғарғы жағында дозалағыш тамшылатқыш құрылғысы бар күңгірт шыныдан жасалған құтыда. 

1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге жиналмалы картон қорапшаға салады.

Сақтау шарттары

Түпнұсқалық қаптамасында, 25 ºС-ден аспайтын температурада сақтау керек. 

Балалардың қолы жетпейтін жерде сақтау керек!

Сақтау мерзімі

2 жыл.

Құтыны ашқаннан кейінгі қолдану кезеңі 6 ай.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз