Танакан

Халықаралық патенттелмеген атауы 

Жоқ 

Дәрілік түрі

Қабықпен қапталған таблеткалар, 40 мг

Құрамы 

Бір таблетканың құрамында

белсенді зат: құрамында 24 % гинкго гликозидтері және  6 % гинкголид-билобалидтар бар  Гинкго билоба стандартты  экстрактісі (EGb 761)- 40мг

қосымша компоненттері: лактоза, микрокристалды целлюлоза, жүгері крахмалы, сусыз коллоидты кремний, тальк, магний стеараты

қабығының құрамы: макрогол 400, гипромелоза, макрогол 6000, титанның қостотығы (Е171), темірдің қызыл тотығы (Е172)

Сипаттамасы 

Дөңгелек пішінді, екі беті дөңес, кірпіш түстес қызыл қабықпен қапталған таблеткалар, сындырылған жері – сарғыш түсті. Өзіне тән иісі бар. 

Фармакотерапиялық тобы 

Жүйке жүйесі ауруларын емдеуге арналған препараттар. Психоаналептиктер. Деменцияны емдеуге арналған препараттар. Деменцияны емдеуге арналған басқа препараттар. Гинкго билоба

АТХ  коды N06DX02

Фармакологиялық қасиеттері 

Фармакокинетикасы

Ерітінді түріндегі 120 мг гинкго экстрактісін пероральді енгізгеннен кейін гинкголид А терпендік лактондарының орташа абсолюттік биожетімділігі 80%, гинкголид В үшін - 88%, билобалидте - 79% құрады. Таблеткалар түріндегі гинкго экстрактісін қабылдағаннан кейін терпендік лактондардың плазмадағы концентрациясының ең жоғарғылары гинкголид А үшін 16-22 нг/мл, гинкголид В үшін 8-10 нг/мл және  билобалид үшін 27-54 нг/мл ауқымында болды. Гинкголид А мен В және билобалидтің жартылай ыдырау кезеңдері сәйкесінше 3-4, 4-6 және 2-3 сағатты құрады.

Ерітінді түріндегі 120 мг гинкго экстрактісін қабылдағаннан кейін экстрактінің плазмадағы концентрацияларының ең жоғарғылары гинкголид А, В және билобалид үшін сәйкесінше 25-33 нг/мл, 9-17 нг/мл және 19-35 нг/мл құрады. Байланысқан жартылай шығарылу кезеңі гинкголид А үшін 5 сағатты, гинкголид В үшін - 9-11 сағатты, ал билобалид үшін - 3-4 сағатты құрады.

Фармакодинамикасы

Танакан® EGb761 өсімдік текті дәрілік препарат болып табылады. Препараттың нақты әсер ету механизмі белгісіз. Фармакологиялық зерттеулердің мәліметтері егде жастағы субъектілерде ЭЭГ жоғарлауы болуын көріністеді (vigilance), қан тұтқырлығының төмендегенін және дені сау еркектерде (60-70 жас) белгілі бір аумақтардағы церебральді перфузияның жақсарғанын және тромбоциттер агрегациясының төмендеуін көрсетті. Бұдан өзге, иық қантамырларына тамырды кеңейтетін, аймақтық қан ағымының артуын туғызатын әсері бары көрсетілді.

Қолданылуы 

- ересектер мен егде жастағы адамдардағы когнитивті бұзылулардың  симптоматикалық емі үшін (көбінесе келесі симптомдармен білінеді: зейін қоюдың, ойлау шапшаңдығының төмендеуі, есте сақтаудың әлсіреуі, интеллектуалдық қабілеттіліктердің, сөйлеу функцияларының нашарлауы, депрессия жағдайлары, соның ішінде, жас өзгешеліктерінің нәтижесіндегі), расталған деменциясы, Паркинсон ауруы, шығу тегі ятрогендік когнитивті бұзылулары немесе депресияға немесе метаболизмдік ауруларға қатысты салдарлы когнитивті бұзылулары бар пациенттерді қоспағанда 

 - вестибулярлық аппараттың зақымдануы кезіндегі бас айналуын емдеу үшін

 - құлақтағы шуылдың симптоматикалық емі үшін 

Қолдану тәсілі және дозалары

Ішке, күніне 3 рет, тамақтану кезінде 1 таблеткадан, ½ стақан сумен ішеді.

Емдеу курсының ұзақтығы 1 айдан 3 айға дейін құрайды.

Жағымсыз әсерлері

70 жастан асқан пациенттердегі күніне екі рет 120 мг Танакан препаратының тиімділігі мен көтерімділігін бағалауға арналған бес жылдық клиникалық зерттеу барысында алынған, анағұрлым жиі кездесетін жағымсыз реакциялар (> 5%) іштің ауыруы, диарея және бас айналуы болды.

Аталған зерттеудегі жағымсыз реакциялар жиілігінің жіктемесі мынадай болды: жиі (≥ 1/100 - <1/10 дейін), жиі емес (1/1000 - <1/100 дейін), сирек (≥ 1/10000 - <1/1000 дейін).

Қолдануға болмайтын жағдайлар

- препарат компоненттеріне жоғары сезмталдық

- жүктілік және лактация кезеңі (мәліметтердің жоқтығына байлансты)

- тұқым қуалайтын фруктозаны көтере алмаушылығы, Lapp-лактаза ферментінің тапшылығы, глюкоза – галактоза мальабсорбциясы бар адамдарға

- балалар мен 18 жасқа дейінгі жасөспірімдерге

Дәрілермен өзара әрекеттесуі

Құрамында Ginkgo biloba бар препараттарды антикоагулянттармен (мысалы, фенпрокумон және варфарин) немесе тромбоцитке қарсы препараттармен (мысалы, клопидогрель, ацетилсалицил қышқылы және басқа, қабынуға қарсы стероидты емес препараттар) бір мезгілде қолдану аталған препараттардың әсеріне ықпал етуі мүмкін.

Варфаринмен жүргізілген зерттеулер варфарин мен құрамында Ginkgo biloba бар препараттар арасындағы өзара әрекеттестікті көрсетпейді, бірақ, құрамында гинкго бар препаратпен емдеу басталған кезде, гинкго препаратының дозасын өзгерткен кезде,  гинкго препаратын қабылдауды тоқтатқан кезде немесе бір гинкго препаратын басқасымен алмастырған кезде талапқа сай мониторинг жүргізу ұсынылады.

Талинололмен өзара әрекеттесуін зерттеулер, Ginkgo biloba ішек деңгейінде P-гликопротеинді тежеуі мүмкін екенін көрсетеді. Бұл Р-гликопротеин ішекте елеулі әсер ететін препараттардың (мысалы, дабигатран этексилатының) экспозициясының артуына алып келуі мүмкін. Гинкго және дабигатран препараттарын бірге қолданғанда сақтық таныту ұсынылады.

Өзара әрекеттесуіне жүргізілген бір зерттеу, Ginkgo biloba нифедипиннің Cmax артуына әсер етуі мүмкін екенін көрсетті. Кейбір пациенттерде 100 %-ға артқаны байқалған, бұл бас айналуына және қан кернеулер ауырлығының күшеюіне алып келген.

Гинкго препараттары мен эфавирензді бір мезгілде қолдану ұсынылмайды; CYP3A4 индукциясына байланысты, эфавиренздің плазмадағы концентрациялары төмендеуі мүмкін.

Айрықша нұсқаулар

Бұл дәрілік препараттың құрамында лактоза бар. Ол ту біткен  галактозаны көтере алмаушылығы, лактаза жеткіліксіздігі немесе глюкоза немесе галактоза мальабсорбциясы синдромы бар адамдарға қарсы көрсетілімді.

Патологиялық қанағыштыққа бейімділіктің жоғарылауы (геморрагиялық диатез) бар және қатарлас антикоагулянттық және тромбоцитке қарсы ем қабылдап жүрген пациенттерде Танакан® EGb761 препаратын тек дәрігермен кеңескеннен кейін ғана қолдану керек.

Құрамында гинкго бар препараттар, қан кетулерге сезімталдықты арттыруы мүмкін. Сондықтан, сақтық шарасы ретінде, Танаканды қабылдауды жоспарлы операцияға дейін  3-4 апта бұрын тоқтату керек.

Эпилепсиясы бар пациенттерде гинкго препараттарын қабылдау түрткі болатын жаңа ұстамалардың пайда болуын жоққа шығаруға болмайды.

Құрамында гинкго билоба, және эфавиренз бар препараттарды бір мезгілде қолдану ұсынылмайды.

Жүктілік және лактация

Жүктілік 

Ginkgo biloba экстрактілері тромбоциттердің агрегацияға қабілеттілігін төмендетуі мүмкін, соның нәтижесінде қан кетуге үрдіс артуы мүмкін. Қолда бар мәліметтер ұрпақ өрбітудегі уыттылығына қатысты жеткіліксіз. Препаратты жүктілік кезінде қолдану қарсы көрсетілімді.

Лактация

Ginkgo biloba немесе оның метаболиттері адам сүтімен экскрецияланатын-экскрецияланбайтындығы белгісіз. Мәліметтер жеткілікті болмағандықтан, препаратты бала емізу кезінде қолдану ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Дәрілік заттың көлік құралын немесе қауіптілігі зор механизмдерді басқару қабілетіне әсерін зерттеулер жүргізілген жоқ.  

Артық дозалануы

Препаратпен артық дозаланған жағдайлар белгісіз

Шығарылу түрі және қаптамасы

15 таблеткадан поливинилхлорид үлбір мен алюминий фольгадан жасалған пішінді ұяшықты қаптамаға салынады. 2 немесе 6 қаптамадан қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

250С-ден аспайтын температурада сақтау керек. 

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды

Дәріханалардан босатылу шарттары

Рецептісіз