Бифрен

Дәрілік затты медициналық қолдану

жөніндегі нұсқаулық

Бифрен

Саудалық атауы

Бифрен

Халықаралық патенттелмеген атауы

Жоқ

Дәрілік түрі

Капсулалар

Құрамы

Бір капсула құрамында

белсенді зат – 250 мг фенибут 

қосымша заттар: микрокристалды целлюлоза, натрий кроскармеллозасы, сусыз коллоидты кремнийдің қостотығы, магний стеараты, тальк;  

капсуланың құрамы: желатин, титанның қостотығы (Е 171)

Сипаттамасы

Ақ түсті қатты желатинді капсулалар. 

Капсуланың ішіндегі зат – ақ немесе ақ дерлік түсті ұнтақ. Қысқан кезде ыдырайтын сығымдалған діңдердің немесе түйіртпектердің болуына жол берілген. 

Фармакотерапиялық тобы

Психоаналептиктер. Психостимуляторлар және ноотроптар. Психостимуляторлар және басқа  ноотроптар. Фенибут.

АТХ коды N06B X22

Фармакологиялық қасиеттері

Фармакокинетикасы

Препарат пероральді түрде қабылдаудан кейін жақсы сіңеді және организмнің барлық тіндеріне жақсы енеді,гематоэнцефалдық бөгет арқылы өтеді.   Бауырда және бүйректе таралуы тепе-теңге жуық, ал мида және қанда – тепе-теңнен төмен. Енгізілген фенибуттың елеулі мөлшері 3 сағаттан кейін несептен табылады, ал осы кездегі препараттың ми тіндеріндегі концентрациясы төмендемейді, ол ми тінінен 6 сағаттан соң да табылады. Келесі күні фенибутты несептен ғана табуға болады, препаратты қабылдағаннан кейін ол тағы да 2 күн өткен соң табылады, алайда табылған мөлшері енгізілген дозаның небары 5%-ын құрайды. Фенибут бауырда көбірек байланысады (80%), ол спецификалық болып табылмайды. Қайталап қолданған кезде жиналып қалу байқалған жоқ. 

Фармакодинамикасы

Бифрен γ-аминомай қышқылының және фенилэтиламиннің туындылары болып табылады. Антигипоксиялық және антиамнестикалық әсері басым болып табылады. Транквилизациялайтын қасиеттері бар, жадыны және үйренгіштікті стимуляциялайды, дене жұмысын атқару қабілетін арттырады; психоэмоциональді кедергіні, үрейленуді, қорқуды жояды және ұйқыны жақсартады; ұйықтатқыш, есірткілік, нейролептикалық және құрысуға қарсы дәрілердің әсерін күшейтеді. Холино- және адренорецепторларға ықпалын тигізбейді. Препарат жасырын кезеңді ұзартады және нистагмның ұзақтығын және айқындылығын қысқартады, эпилепсияға қарсы әсері бар.  

Астенияның көріністерін және вазовегетативтік симптомдарды, соның ішінде бас ауыруды, бастағы ауырлық сезімін, ұйқының бұзылуын, ашушаңдықты, эмоциональді құбылмалылықты азайтады, ақыл-ой жұмысына қабілетін арттырады.Транквилизаторлардан айырмашылығы – Бифрен препаратының әсер етуімен психологиялық көрсеткіштер (зейін бөлу, жады, сенсорлы-моторлы реакциялардың жылдамдығы және нақтылығы) жақсарады. Астениясы бар науқастарда және эмоциональді құбылмалы пациенттерде препаратпен емдеудің алғашқы күнінен бастап өзін-өзі сезінуі жақсарады, қызығушылығы және ынтасы, белсенді қызметке седативтік әсерсіз немесе қозусыз мотивациясы артады. Фенибуттың ми биоқуатын жақсартатыны анықталды.    

Қолданылуы

-      Астениялық және үрейлі-невроздық жағдайларда: мазасыздықта, қорқынышта, үрейленуде; егде жастағы пациенттерде– ұйқысыздықта, түнгі мазасыздықта; операция алдындағы күйзеліске профилактика жүргізу үшін 

-      Меньер ауруында және генезі әртүрлі вестибулярлық анализатордың дисфункциясымен байланысты бас айналулар 

-      Кинетоздардың профилактикасында (вестибулярлық аппараттың өзіне тән симптомдармен спецификалық бұзылуы: қозғалыстағы көлікте, мысалы, қайықта немесе ұшақта болуымен байланысты жалпы дімкәстік, жүректің айнуы, құсу. 

-      Балаларда кекештенуді және дене мүшелерінің еріксіз тартылуын емдеуде  

-      Алкогольдік абстиненция синдромын басу үшін кешенді емде қосымша дәрі ретінде 

Қолдану тәсілі және дозалары

Тамақ ішер алдында ішке сумен ішіп қолданады. 

Ересектерге тәулігіне 3 рет 250-500 мг-ден тағайындайды. Бір реттік жоғары дозалар: ересектер үшін - 750 мг, 60 жастан асқан пациенттер үшін - 500 мг. Емдеу курсы 4-6 аптаны құрайды.

Балаларға 11 жастан бастап - 250 мг тәулігіне 2-3 мг.

Бифренді психотроптық басқа дәрілермен біріктіруге болады, бұл оның тиімділігін арттырады. Мұндайда Бифрен препаратының және бір мезгілде қолданылатын басқа препараттардың дозаларын азайтуға болады. 

Алкогольдік абстинентті синдромды басу үшін емдеудің алғашқы күндері  күніне 3 рет Бифренді 250-500 мг-ден және түнге 750 мг-ден тағайындап, ересектерде тәуліктік дозаны әдеттегі дозаға дейін біртіндеп төмендетеді.   

Генезі инфекциялық (отогендік лабиринтит) (отогендік лабиринтит) вестибулярлық аппарат дисфункциясында бас айналуды және өршу сатысындағы Меньер ауруын жою үшін Бифренді 5-7 күн бойы тәулігіне 3 рет 750 мг-ден тағайындайды, вестибулярлық бұзылыстардың айқындылығы төмендеген кезде – 5-7 күн бойы тәулігіне 3 рет 250-500 мг-ден және содан кейін 5 күн бойы тәулігіне 1 рет 250 мг-ден тағайындайды. Ауру ағымы біршама жеңіл болғанда Бифренді 5-7 күн бойы тәулігіне 2 рет 250 мг-ден, ал содан кейін 7-10 күн бойы тәулігіне 1 рет 250 мг-ден қабылдайды.   

Генезі қантамырлық және жарақаттық вестибулярлық аппарат дисфункциясында бас айналуды жою үшін Бифренді 12 күн бойы тәулігіне 3 рет 250 мг-ден тағайындайды.  

Теңізде жүзу жағдайында шайқалудың профилактикасы үшін теңіз ауруының алғашқы симптомдары пайда болған кезде шайқалудың болжаммен басталуынан бір сағат бұрын бір рет 250-500 мг доза тағайындайды. Бифрен препаратының әсері препарат дозасын арттырған кезде күшейеді. Теңіз ауруының айқын көріністері (құсу, жүректің айнуы) бар болған жағдайда препаратты 750-1000 мг дозада тағайындаудың өзі аз тиімді болады. 

Омыртқаның мойын-кеуде бөлігінің остеохондрозы және климактериялық бұзылыстары бар әйелдерді кешенді емдеу үшін алғашқы 2 апта ішінде тәулігіне 3 рет 250 мг-ден, келесі 2 аптада тәулігіне 2 рет 250 мг-ден тағайындайды. Вертеброгендік ауыру синдромының және климактериялық бұзылыстар айқындылығы орташа болған жағдайда остеохондрозды кешенді емдеуде Бифрен препаратын 4 апта бойы күн сайын 500 мг (250 мг 2 рет) дозада қолдану ұсынылады.  

Егер бір немесе бірнеше дозаларды қабылдауды өткізіп алса, бұрыннан тағайындалған дозаларды қабылдауды жалғастырады, қажет болған кезде немесе өзін нашар сезінген жағдайда науқастың дәрігерден кеңес алғаны жөн.  

Жағымсыз әсерлері

Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1000-нан < 1/100 дейін), сирек (≥ 1/10000-нан < 1/1000 дейін), өте сирек (< 1/10000), көрініс беру жиілігі белгісіз (қолда бар деректермен анықтау мүмкін емес).   

Сирек

Иммундық жүйе тарапынан: аллергиялық реакциялар, бөртпені, қышынуды, есекжемді, терінің қызаруын қоса  

Көрініс беру жиілігі белгісіз (қолда бар деректер бойынша анықтау мүмкін емес)  

Жүйке жүйесі тарапынан: ұйқышылдық (емнің бас кезінде), бас ауыру және бас айналу (тәулігіне 2 г-ден астам дозаларда), дозаны азайтқанда жағымсыз әсерлердің айқындылығы азаяды).  

Асқазан-ішек жолы тарапынан: жүректің айнуы (емнің бас кезінде), құсу, диарея, эпигастральді аймақтың ауыруы. 

Бауыр және өт шығару жолдары тарапынан: гепатоуыттылық (жоғары дозаларды ұзақ уақыт қолданғанда). 

Психиканың бұзылуы: эмоциональді құбылмалылық, ұйқының бұзылуы (осы жағымсыз реакциялар дәрілік затты қолдануға арналған нұсқаулыққа сәйкес қолданған кезде байқалуы мүмкін).   

Қолдануға болмайтын жағдайлар

- препарат компоненттеріне жоғары сезімталдық 

- бүйрек функциясының жедел жеткіліксіздігі 

- 11 жасқа дейінгі балаларға

Дәрілермен өзара әрекеттесуі  

Бифренді басқа дәрілік заттармен, соның ішінде транквилизаторлармен және нейролептиктермен бірге қолдануға болады, өйткені олардың әсерлері өзара күшеюі мүмкін.  

Айрықша нұсқаулар

Ас қорыту жолының патологиясы бар науқастар, Бифреннің тітіркендіргіш әсері бар болғандықтан, сақтық танытқандары жөн. Бұл науқастарға төмендетілген дозаларды тағайындайды. Ұзақ уақыт қолданғанда қанның жасушалық құрамын, функциональді бауыр сынамаларының көрсеткіштерін бақылайды.  

Балалар

Препаратты балаларға 11 жастан бастап қолдануға болады.

Жүктілік және лактация кезеңінде қолданылуы 

Жүктілік немесе емшек емізу кезеңінде Бифрен препаратын қолдануға болмайды, өйткені осы кезеңде препаратты қолдануға қатысты жеткілікті деректер жоқ.   

Автокөлікті немесе басқа да механизмдерді басқару кезінде реакция жылдамдығына ықпал ету ерекшеліктері  

Препаратпен емделу кезінде пациенттер ұйқышылдық, бас айналу немесе орталық жүйке жүйесі тарапынан басқа да бұзылулар туындайды, автокөлікті басқаруды немесе басқа механизмдермен жұмыс жасауды тоқтата тұрған жөн.  

Артық дозалануы

Бифрен – уыттылығы аз қосылыс, тәуліктік 7-14 г дозада ғана ол гепатоуытты болуы мүмкін (эозинофилия және бауырдың майлы дистрофиясы байқалды). 

Симптомдары: ұйқышылдық, жүректің айнуы, құсу; артериялық гипотензия дамуы мүмкін, бүйрек функциясының жедел жеткіліксіздігі.  

Емі: асқазанды шаю. Емдеу симптоматикалық.

Асқынуларда (артериялық гипотензия, бүйрек функциясының жеткіліксіздігі) қосымша және симптоматикалық шараларды қолданады.   

Шығарылу түрі және қаптамасы

Поливинилхлоридті үлбірден және лакталған баспалы алюминий фольгадан жасалған пішінді ұяшықты қаптамада 10капсуладан.

Пішінді ұяшықты 2 қаптама медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған.  

Сақтау шарттары

Түпнұсқалық қаптамасында, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды 

Дәріханалардан босатылу шарттары

Рецепт арқылы