Мускомед

Қазақстан Республикасы 

Денсаулық сақтау министрлігі Фармация комитеті Төрағасының 

Дәрілік затты медициналық қолдану 

жөніндегі нұсқаулық

МУСКОМЕД

▼Бұл дәрілік препаратқа қосымша мониторинг жүргізіледі. Бұл қауіпсіздігі жөніндегі жаңа ақпаратты жылдам анықтауға мүмкіндік береді. Біз денсаулық сақтау жүйесінің қызметкерлерінен кез келген күмәнді жағымсыз реакциялар туралы хабарлап отыруын өтінеміз.

Саудалық атауы

Мускомед

Халықаралық патенттелмеген атауы

Тиоколхикозид

Дәрілік түрі

Сыртқа қолдануға арналған крем 0,25 %,  30 г

Сипаттамасы 

Ашық сары түсті біртекті крем

Құрамы 

1 г кремнің құрамында

белсенді зат - 2,5 мг тиоколхикозид, 

қосымша заттар: жөке эссенциясы, натрий альгинаты, натрий лаурилсульфаты, полисорбат 80, гидрогенделген ланолин, цетил спирті, цетилэфир балауызы, стеарин қышқылы, метилпарагидроксибензоат, этилпарагидроксибензоат, тазартылған су

Фармакотерапиялық тобы

Сүйек-бұлшықет жүйесі ауруларын емдеуге арналған препараттар. Миорелаксанттар. Орталықтық әсер ететін миорелаксанттар. Орталықтық әсер ететін басқа миорелаксанттар. Тиоколхикозид.

АТХ коды M03BX05

Фармакологиялық қасиеттері 

Фармакокинетикасы

Жергілікті қолданғанда іс жүзінде жүйелі қан ағымына өтпейді.  Белсенді заттың шамамен 70%-ы препаратты жаққан жерде шоғырланады. Ақуыздармен байланысуы (негізінен альбуминмен) 13% құрайды. Тиоколхикозид пен оның метаболиттері көбінесе нәжіспен шығарылады.

Фармакодинамикасы

Мускомед құрамында белсенді зат ретінде тиоколхикозид, колхикозидтің табиғи гликозидінен алынған жартылай синтетикалық миорелаксант бар.    Гамма-аминмай қышқылы (ГАМҚ) және глицин рецепторларына селективтік аффинділік көрсетеді, бұл  жергілікті сипаттағы түйілулерде де, шығу тегі орталық түйілулерде де жүйке жүйесінің түрлі деңгейлерінде препараттың әсеріне байланысты. Орталық жүйке жүйесі тарапынан әсер етумен байланысты бұлшықет түйілулерін орташа төмендетеді немесе басады. Түйілетін бұлшықет гипертониясында бұлшықеттің созылуға қарсыласуын пассивті төмендетеді немесе ауырсынатын еріксіз бұлшықет түйілулерін төмендетеді. Мускомед кураре тәрізді әсер көрсетпейді, салдану туғызбайды және жүрек-қантамыр және тыныс алу жүйелеріне әсер етпейді.  

Қолданылуы

- ауырсынатын бұлшықет түйілулерін симптоматикалық емдеуде.

Қолдану тәсілі және дозалары

Мускомед кремін сыртқа қолданады.

Ересектер мен 18 жастағы жасөспірімдерде Мускомед кремі емдеуші дәрігердің бақылауымен тәулігіне 2-3 рет қолданылады.  Крем теріге жағылатындықтан сәл ысқылайды. Қолданылатын препараттың мөлшері ауырысыну аумағының өлшеміне байланысты. 

Препаратты жаққаннан кейін қолды жуу керек.

Емдеу ұзақтығы емнің көрсетілімдері мен тиімділігіне байланысты.

Жағымсыз әсерлері

Жағымсыз реакциялар жиілігі бойынша келесі тәсілмен жіктеледі: 

өте жиі (>1/10); жиі (>1/100, <1/10); жиі емес (>1/1000, <1/100); сирек (>1/10000; <1/1000); өте сирек (<1/10000); жиілігі белгісіз (қолда бар деректер бойынша жиілігін анықтау мүмкін емес).

Сирек

- жанаспалы дерматит, бөртпе, есекжем, бронхтық демікпе, ангионевроздық ісіну

- бас айналу, ұйқышылдық

- жүрек айнуы, құсу, іштің ауыруы, іш өту

Өте сирек

- анафилаксиялық шок, аллергиялық тері реакциясы

Қолдануға болмайтын жағдайлар

- препарат компоненттеріне жоғары сезімталдық

- тері жабындары бүтіндігінің бұзылуы

- бұлшықет гипотониясы

- жеңіл салдану

- антикоагулянттармен емдеу және қан құйылуларға бейімділік 

- жүктілік және лактация кезеңі

- балалар және 18 жасқа дейінгі жасөспірімдер жасы

Дәрілермен өзара әрекеттесуі

Дәрілермен өзара әрекеттесуі туралы деректер жоқ. Алайда басқа да  миорелаксанттармен бір мезгілде қабылдағанда сақ болу керек. 

Орталық жүйке жүйесін бәсеңдететін препараттармен, соның ішінде алкогольмен, гипертензияға қарсы дәрілермен, кураре тәрізді препараттармен бір мезгілде қолданғанда  миорелаксация күшеюі және ОЖЖ бәсеңдеуі, гипотония дамуы мүмкін. 

Антикоагулянттармен бір мезгілде қолданғанда қан кету қаупі артады

Айрықша нұсқаулар

Аса жоғары сезімталдық реакциялары дамыған жағдайда препаратпен емдеуді тоқтату керек. 

Мускомед кремін ашық жараларға түсуін болдырмай, тек зақымдалмаған теріге жағу керек. Жаққаннан кейін окклюзиялық таңғышты салмау керек. Препараттың көзге және шырышты қабықтарға түсуін болдырмау керек.

Препараттың құрамында этилпилпарабен, этилпарабен, метилпарабен бар. Бұл заттар бронх түйілуін, есекжемді, дерматитті туғызуы мүмкін, баяулатылған типтегі аллергиялық реакциялар болуы мүмкін. Препараттың құрамына кіретін сусыз ланолин, цетилстеарилді спирт жергілікті тері реакцияларының (мысалы, жанаспалы дерматит)  дамуына әкелуі мүмкін. 

Пациенттер жүктілік басталған жағдайдағы ықтимал қаупі туралы және контрацепцияның тиімді әдістерін пайдалану қажеттілігінен хабардар болуы тиіс.

Қауіпсіздігі жөніндегі жаңа ақпараттың дер кезінде алынуы үшін, дәрігерлер мен пациенттерден кез келген күмәнді жағымсыз реакциялар туралы хабарлап отыру сұралады.

Фертильділік 

Тиоколхикозид пен оның метаболиттері түрлі концентрацияларында анеуплоидия туғызу қабілетіне ие, бұл адамда фертильділіктің төмендеуінің қауіп факторы болуы мүмкін.

Жүктілік кезінде қолдану  

Тиокохикозидті жүкті әйелдерге қолданылуы жөнінде деректер шектеулі. Дәрілік зат жүктілік кезінде және контрацепцияны пайдаланбайтын бала туатын жастағы әйелдерге қарсы көрсетілімді.   

Лактация кезеңінде қолдану

Тиокохикозид емшек сүтіне енетіндіктен, оны емшек емізу кезеңінде қолдану қарсы көрсетілімді. 

Педиатрияда қолдану

Дәрілік затты балалар мен 18 жасқа толмаған жасөспірімдерге қолдануға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері   

Емдеу кезеңінде автокөлік жүргізгенде және жоғары зейін қоюды және психомоторлық реакциялар жылдамдығын қажет ететін басқа да қауіптілігі зор қызмет түрлерімен айналысқанда сақ болу қажет.

Артық дозалануы

Симптомдары: жағымсыз әсерлері күшеюі мүмкін.

Емі: симптоматикалық және демеуші ем.

Шығарылу түрі және қаптамасы

Алюминий сықпаларға 30 г препараттан салынған. 

1 сықпадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

25°С-ден аспайтын температурада сақтау керек. 

Балалардың қолы жетпейтін жерде сақтау керек!

Сақтау мерзімі

3 жыл 

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші 

«УОРЛД МЕДИЦИН ИЛАЧ САН. ВЕ ТИДЖ. А.Ш.», ТҮРКИЯ

(Багджылар Илчеси, Гюнешли, Эврен Махаллеси, Джами Йолу Джад. №50 К. 1В Земин 4-5-6, Стамбул)

“WORLD MEDICINE İLAÇ SAN. VE TİC. А.Ş.”, TURKEY

(Bağcılar İlçesi, Güneşli, Evren Mahallesi, Cami Yolu Cad. No:50 K. 1B Zemin 4-5-6, İstanbul).

Тіркеу куәлігінің иесі  

«УОРЛД МЕДИЦИН ИЛАЧ САН. ВЕ ТИДЖ. A.Ш.», ТҮРКИЯ

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның  мекенжайы:

«RIN Pharm» ЖШС, ҚР, Алматы қ., Сүйінбай д-лы, 222 Б

Тел/факс: +7 (727) 2529090

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«TROKA-S PHARMA» ЖШС, ҚР, Алматы қ., Сүйінбай д-лы, 222 Б

Ұялы телефоны +7 701 786 33 98, (24 сағат байланыста) 

 е-mail: pvpharma@worldmedicine.kz