Тетрациклин 3% 15г мазь

Дәрілік препаратты медициналық қолдану

жөніндегі нұсқаулық (Қосымша-парақ)

Саудалық атауы 

Тетрациклин

Халықаралық патенттелмеген атауы 

Тетрациклин

Дәрілік түрі, дозасы

Сыртқа қолдануға арналған   жақпамай, 3 %

Фармакотерапиялық тобы 

Дерматология. Дерматологиялық қолдануға арналған антибиотиктер және химиотерапиялық препараттар. Жергілікті қолдануға арналған антибиотиктер. Тетрациклин және оның туындылары. Тетрациклин.

АТХ коды  D06АА04 

Қолданылуы

Препарат ересектерге және  11 жастан асқан балаларға қолдануға көрсетілген.

- жұмсақ тіндердің іріңді инфекциялары

- фурункулез

- инфекция жұқтырған экземалар

- бөртпе, безеулік бөртпе

- фолликулит

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- препарат компоненттеріне  жоғары сезімталдық 

- 11 жасқа дейінгі балалар

Қолдану кезінде қажетті сақтық шаралары

Жоқ.

Басқа дәрілік препараттармен өзара әрекеттесуі

Препаратты құрамында металл (алюминий, кальций, магний, висмут, марганец, мырыш, темір) иондары бар сыртқа қолданылатын дәрілермен бірге қолдану ұсынылмайды. 

Арнайы ескертулер

Терең немесе шаншылған жараларда, ауыр түрдегі күйіктерде, офтальмологияда (1 % көз жақпамайын пайдаланады)қолдану ұсынылмайды.

Сыртқа қолдануға арналған бактерияларға қарсы дәрілерді пайдалану жоғары сезімталдық реакциялар дамуымен қатар жүретін организмнің сенсибилизациясына әкелуі мүмкін. 

Егер 2 апта аралығында жағдайы жақсармаса, дәрігерден кеңес алу керек.

Педиатрияда қолдану

Препарат 11 жастан бастап балаларға қолдануға рұқсат етілген. Талапқа сай және қатаң бақыланатын зерттеулер 11 жасқа дейінгі балаларға жүргізілген жоқ; осы санаттағы пациенттер үшін дозасы анықталған жоқ. 

Жүктілік және лактация кезеңі

Препаратты жүктілік кезінде және лактация кезеңінде қолдану ана үшін болжамды пайдасы шарана мен бала үшін ықтимал қауіптен асып кеткен жағдайда ғана мүмкін болады.

Алайда, ұзақ уақыт емдеу қажет болғанда, бала емізуді тоқтату жайлы мәселені шешіп алу керек, өйткені тетрациклиннің емшек сүтіне өтуінің теориялық ықтималдығы бар.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат көлік құралдарын жүргізу қабілетіне және жоғары зейін қою мен психомоторлық реакциялар жылдамдығын талап ететін басқа да ықтималдығы зор қауіпті қызмет түрлерімен айналысуға әсер етпейді. 

Қолдану бойынша ұсынымдар

Дозалау режимі 

Жақпамайды терінің зақымданған жерлеріне тәулігіне 1-2 рет жағады (окклюзиялық таңғышты төсеуге болады). 

Енгізу әдісі және жолы 

Сыртқа.

Емдеу ұзақтығы

Емдеу ұзақтығы аурудың сипаты мен ағымына байланысты, оны емдеуші дәрігер анықтайды.

Артық дозалану жағдайында қабылдау қажет шаралар

Симптомдары: препаратты терінің ауқымды бөліктеріне дұрыс қолданбағанда немесе ұзақ уақыт қолданғанда жағымсыз әсерлерінің күшеюі мүмкін.

Емі: симптоматикалық ем жүргізіледі.

Дәрілік препараттың бір немесе бірнеше дозасын өткізу кезінде қажетті шаралар

Қатысты емес.

Тоқтату симптомдары қатерінің болуын көрсету

Қатысты емес.

Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар

Препаратты дәрігердің тағайындауы бойынша қолданады.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы тиіс шаралар

Аллергиялық реакциялар:

-       дызылдау

-       тері гипермиясы 

-       ісіну

-       тітіркенудің басқа да белгілері

-       фотосенсибилизация

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек 

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

100 г жақпамайдың құрамында 

белсенді зат: тетрациклин гидрохлориді, 3,226 г (тетрациклинге шаққанда, 3,000 г);

қосымша заттар: сусыз ланолин, церезин, натрий дисульфиті (натрий пиросульфиті), вазелин.

Сыртқы түрінің, иісінің, дәмінің сипаттамасы 

Сары түсті біртекті жақпамай.

Шығарылу түрі және қаптамасы 

15 г препараттан алюминий сықпаға салынған. 

Әр сықпа медициналық қолдану жөніндегі қазақ және орыс тілдеріндегі нұсқаулықпен бірге картоннан жасалған қорапшаға салынады. 

Сақтау мерзімі 

3 жыл

Жарамдылық мерзімі өткеннен кейін қолдануға болмайды.  

Сақтау шарттары 

25°С-ден аспайтын температурада сақтау керек. 

Балалардың қолы жетпейтін жерде сақтау керек!

Дәріханалардан босатылу шарттары 

Рецептісіз 

Өндіруші туралы мәліметтер

«Биосинтез» ЖАҚ, Ресей

440033, Пенза қ., Дружба к-сі, 4, тел./факс: (8412) 57-72-49,

e-mail: Biosintez.QA@sunpharma.com

Тіркеу куәлігінің ұстаушысы

«Биосинтез» ЖАҚ, Ресей

440033, Пенза қ., Дружба к-сі, 4, тел./факс: (8412) 57-72-49,

e-mail: Biosintez.QA@sunpharma.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Сан Фармасьютикал Индастриез Лимитед компаниясы» Қазақстан Республикасындағы өкілдігі

050008,  Қазақстан Республикасы, Алматы қ., Манас к-сі, 32 «А», «SAT» Бизнес орталығы, 6 қабат, 602 кеңсе, тел. +7 (701) 991-19-56, 8-800-080-52-02,

e-mail: Pharmacovigilance.kz@sunpharma.com