Драстоп

Қазақстан Республикасы Денсаулық сақтау министрлігі Фармация комитеті төрағасының 

Дәрілік затты медициналық қолдану

жөніндегі нұсқаулық

ДРАСТОП

Саудалық атауы

Драстоп

Халықаралық патенттелмеген атауы

Хондроитин сульфаты

Дәрілік түрі

Инъекцияға арналған ерітінді 100 мг/ мл, 2 мл

Құрамы

1 ампуланың ішінде

белсенді зат: хондроитин натрий сульфаты - 200 мг;

қосымша заттар: бензил спирті, натрий гидроксиді 1% ерітіндісі немесе 0.1 М хлорсутек қышқылы ерітіндісі, инъекцияға арналған су.

Сипаттамасы

Мөлдір сәл сарғыштау ерітінді.

Фармакотерапиялық тобы

Қабынуға қарсы стероидты емес басқа препараттар. 

АТХ коды M01AX25

Фармакологиялық қасиеттері

Фармакокинетикасы

Бұлшықет ішіне енгізгеннен кейін хондроитин натрий сульфаты жылдам сіңеді. Инъекциядан кейін 30 минуттан соң-ақ ол қанда елеулі концентрацияларда анықталады. Плазмада хондроитин сульфатының ең жоғары концентрациясына (Cmax) 1 сағаттан кейін жетеді, содан соң 2 тәулік ішінде біртіндеп төмендейді.

Хондроитин натрий сульфаты, ең бастысы, буындардың шеміршек тінінде жинақталады. Синовиальді қабық оның буын қуыстарына өтуі үшін кедергі болып саналмайды. Бұлшықет ішіне инъекциядан кейін 15 мин соң хондроитин натрий сульфаты синовиальді сұйықтықта анықталып, содан соң оның Cmax48 сағаттан кейін жететін буын шеміршегіне өтеді. 

Фармакодинамикасы

Гиалин шеміршегіндегі алмасу үдерісіне әсер ететін препарат. Буындардың шеміршек тінінде дегенеративтік өзгерістерді азайтады, глюкозаминогликандар биосинтезін көтермелейді.

Хондроитин жоғары молекулалы мукополисахарид болып табылады. дәнекер тіннің, әсіресе шеміршектің әртүрлі түрлерінде елеулі мөлшерде болады (шеміршек матриксін түзетін қосымша субстрат ретінде қызмет етеді). Шеміршек тінінде фосфор-кальций алмасуына әсер етеді, сүйек тіні резорбциясын баяулатады және кальций жоғалуын төмендетеді, сүйек тінін қалпына келтіру үдерісін жеделдетеді.Шеміршек тінінің дегенерациясы үдерісін тежейді, буын шеміршегі регенерациясы үдерісін көтермелейді, буын қалтасының, буындар шеміршек беткейлерінің қалпына келуіне ықпал етеді. Синовиальді сұйықтық тұтқырлығын демейді, дәнекер тіннің қысылуына кедергі келтіреді және буын беткейлерін өздігінше майлауда рөл атқарады; остеоартриттің үдеуін баяулатады, оның симптомдарын жеңілдетеді, ҚҚСП қажеттігін азайтады. Гиалин тінінде зат алмасуды қалпына келтіреді, гиалурон түзілуін, протеогликандар және II типті коллаген синтезін көтермелейді; гиалурон, оның ішінде дәнекер тіннің ыдырауына әкелетін лизосомальді ферменттермен ферменттік ыдыраудан қорғайды

Емдік әсері емдеу курсынан кейін ұзақ уақыт сақталады.

Қолданылуы

Буындар мен омыртқа бағанының дегенеративті-дистрофиялық ауруларында:

-         шеткері буындар остеоартрозында

-         омыртқа аралық остеохондроз және остеохондрозда

Қолдану тәсілі және дозалары

Препаратты бұлшықет ішіне 1 мл-ден (100 мг хондроитин натрий сульфаты) күнара тағайындайды. Жақсы жағымдылығы кезінде төртінші инъекциядан бастап дозаны 2 мл-ге дейін (200 мг натрий хондроитин сульфаты) арттырады.

Емдеу курсы 25-30 инъекцияны құрайды. Қажет болғанда емдеу курсын 6 айдан кейін қайталап жүргізуге болады. 

Жағымсыз әсерлері

-         аллергиялық реакциялар (терінің қышынуы, эритема, есекжем, дерматит, макулопапулезді бөртпе, ісіну) 

-         инъекция орнындағы геморрагиялар

-         жүрек айну, құсу

-         өте сирек жағдайларда ангионевроздық ісіну

Қолдануға болмайтын жағдайлар

-   препаратқа немесе оның компоненттеріне жоғары сезімталдық

-   қан кету және қанағыштыққа бейімділік 

-   тромбофлебиттер

-   жүктілік және лактация кезеңі

-   18 жасқа дейінгі балалар 

Дәрілермен өзара әрекеттесуі

Қабынуға қарсы стероидты емес дәрілермен үйлестіре қолданғанда Драстоп қабынуға қарсы стероидты емес дәрілер дозасын төмендетуге мүмкіндік береді. Препарат тікелей емес антикоагулянттардың, антиагреганттардың, фибринолитиктердің әсерін күшейтеді, бұл бірге қолданған кезде қан ұю көрсеткіштерін барынша жиі бақылауды қажет етеді. 

Айрықша нұсқаулар

Педиатрияда пайдалану 

Қазіргі кезде хондроитин сульфатты балаларда қолданудың тиімділігі мен қауіпсіздігі туралы деректер жоқ.   

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Қазіргі уақытта хондроитин сульфатының артық дозалану жағдайлары хабарланбаған.

Шығарылу түрі және қаптамасы

2 мл-ден сындыруға арналған сақинасы бар түссіз шыны ампулаға құйылады.

5 ампуладан пішінді ұяшықты қаптамаға салынады. 

1 немесе 2 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

25 ºС-ден аспайтын температурада сақтау керек. 

Балалардың қолы жетпейтін жерде сақтау керек!

Сақтау мерзімі

3 жыл.

Жарамдылық мерзімі өткеннен кейін пайдалануға болмайды!

Дәріханалардан босатылу шарттары

Рецепт арқылы

Өндіруші

«Мефар Илач Санайии А.Ш.», Түркия

Рамазаноглу Мах. Энсар Джад. № 20, 34906 Курткёй-Пэндик / Стамбул, Түркия

Тіркеу куәлігі иесінің атауы мен елі

«УОРЛД МЕДИЦИН ЛТД», ТБИЛИСИ/ГРУЗИЯ

Қазақстан Республикасы аумағында тұтынушылардан дәрілік заттың сапасына қатысты шағымдарды қабылдайтын ұйымның мекенжайы 

Қазақстан Республикасы, Алматы, Түрксіб ауданы, Сүйінбай д-лы, 222б

Тел/факс: 8 (7272) 529090, www.worldmedicine.kz

Дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«TROKA-S PHARMA» ЖШС, Алматы, Сүйінбай д-лы 222-б 

ұялы тел +7 701 786 33 98, (24 сағаттық байланыс).

е-mail: pvpharma@worldmedicine.kz