Престариум

Қазақстан Республикасы 

Денсаулық сақтау министрлігі Медициналық және 

фармацевтикалық қызметті 

бақылау комитеті Төрағасының 

201 _ жылғы “____” ___________

№ _____ бұйрығымен

БЕКІТІЛГЕН

                                                            Дәрілік заттың медицинада

           қолданылуы жөніндегі нұсқаулық         

ПрестариумÒ 5 мг

ПрестариумÒ 10 мг

Саудалық атауы

ПрестариумÒ 5 мг

ПрестариумÒ 10 мг

Халықаралық патенттелмеген атауы

Периндоприл

Дәрілік түрі

Қабықпен қапталған 5 мг немесе 10 мг таблеткалар

Құрамы 

Бір таблетканың құрамында 

белсенді зат – сәйкесінше 5 мг немесе 10 мг периндоприл аргинині

             (3,395 мг немесе 6,790 мг периндоприл мөлшеріне  баламалы),

қосымша заттар: лактозаның моногидраты, магний стеараты, мальтодекстрин, сусыз коллоидты кремнийдің қостотығы, натрийкрахмалы гликоляты (А типі) 

қабық: глицерол, гипромеллоза, мыс хлорофиллині (E141ii), макрогол 6000, магний стеараты,  титанның қостотығы (Е171).

Сипаттамасы

ПрестариумÒ 5 мг: сопақша пішінді ашық-жасыл түсті қабықпен қапталған, бір жақ бетінде « » таңбасы және екі жақ бетінде сызығы бар таблеткалар.

ПрестариумÒ 10 мг: дөңгелек, екі жақ беті дөңес, жасыл түсті қабықпен қапталған, бір жақ бетінде « » және басқа жақ бетінде « »таңбасы бар таблеткалар.

Фармакотерапиялық тобы

Ренин-ангиотензин жүйесіне әсер ететін препараттар. Ангиотензин- конвертациялаушы фермент (АКФ) тежегіштері. АКФ тежегіштері Периндоприл

АТХ коды C09AA04 

Фармакологиялық қасиеттері

Фармакокинетикасы

Сіңуі

Ішке қабылдағаннан кейін периндоприл асқазан-ішек жолынан (АІЖ) тез сіңеді. Cmax1 сағаттан кейін жетеді. Препараттың биожетімділігі 65-70% құрайды. 

Таралуы және метаболизмі

Метаболизм үдерісінде периндоприл белсенді метаболит – периндоприлат (27%-ға жуық) және 5 белсенді емес қосылыс түзе отырып, биотрансформацияланады. Престариумды қабылдағаннан кейін 3 пен 5 сағат аралығында плазмадағы периндоприлат Сmах-ға жетеді. Периндоприлаттың қан плазмасы ақуыздарымен байланысуы (негізінен, АӨФ-пен) 20% құрайды және препарат концентрациясына байланысты болады. Бос периндоприлаттың Vd әр кг шаққанда 0,2 л-ге жуық.

Препарат организмде жинақталмайды. Қайталап қабылдағанда жиналып қалмайды және Т1/2 оның белсенділігі кезеңіне сәйкес келеді.Препаратты тамақ уақытында қабылдағанда периндоприл метаболизмі баяулайды.

Шығарылуы

Периндоприлдің Т1/2  1 сағатты құрайды. Периндоприлат организмнен бүйрек арқылы шығарылады; оның бос фракциясының Т1/2 17сағатқа жуықты құрайды, бұл 4 күннің ішінде стационарлық күйге жетуге мүмкіндік береді.

Ерекше клиникалық жағдайлардағы фармакокинетикасы

Егде емделушілерде, сондай-ақ бүйрек және жүрек функциясының жеткіліксіздігі бар науқастарда периндоприлаттың шығарылуы баяулайды.

Циррозы бар науқастарда периндоприлдің бастапқы молекуласының бауыр клиренсі екі есе баяулайды. Алайда түзілетін периндоприлаттың мөлшері төмендемейді, сондықтан дозаны түзету талап етілмейді. 

Фармакодинамикасы         

Периндоприл – ангиотензин-өзгертуші фермент (АӨФ) тежегіші.  

АӨФ ангиотензин І-нің қантамырды тарылтатын қасиеттері бар ангиотензин ІІ-ге айналуын катализдейді. Бұдан басқа, АӨФ альдостеронның секрециясын күшейтеді және брадикининнің қантамырды кеңейтетін қосылысының белсенді емес гептапептидке дейін ыдырауын жеделдетеді.

Периндоприлаттың  гипертензияға қарсы әсер ету механизмі АӨФ белсенділігінің тежелуімен байланысты, ол ангиотензин І ангиотензин ІІ-ге айналу жылдамдығының төмендеуіне әкеледі. Ангиотензин ІІ концентрациясының азаюы нәтижесінде плазмадағы рениннің белсенділігі екінші рет артады (ренин босап шыққан кезде теріс кері байланыстың жойылуы есебінен) және альдостерон секрециясы тікелей төмендейді. Бұдан басқа, периндоприлат брадикининнің ыдырауына кедергі жасай отырып, кинин-калликреин жүйесіне ықпал етеді. Организмде белсенді метаболит периндоприлат түзілетін ізашар дәрі болып табылады. 

Гипертензия

Престариум®жұмсақ, орташа және ауыр артериялық гипертензия кезінде  тиімді. Препарат арқамен жатқандағы, сондай-ақ түрегеліп тұрғандағы систолалық және диастолалық АҚ-ны төмендетеді.

Қантамырларды кеңейтетін әсерінің арқасында препарат жалпы шеткергі қантамырлық кедергіні (ЖШҚК) азайтады және артериялық қысымның (АҚ) патологиялық жоғарылауын төмендетеді, осылайша жүректің жиырылу жиілігіне ықпалын тигізбей, қанның реологиялық қасиеттерін жақсартады. Препарат, әдеттегідей, бүйректегі қан ағымын арттырады, мұндайда гломерулярлы сүзілудің деңгейі өзгермейді.

Бір реттік орташа дозада ішке қабылдағаннан кейін ең жоғары гипотензиялық әсерге 4-6 сағаттан соң жетеді және 24 сағат бойы сақталады. 

Науқастың препаратқа реакциясы талапқа сай болған жағдайда АҚ 1 айдың ішінде қалыпқа келеді және тахифилаксияның дамуынсызтұрақты болып қалады. Емді үзгенде тоқтату синдромы болмайды.

Ұзақ қолданған кезде Престариум® ірі артериялық қантамырлардың серпімділігінің қалпына келуіне мүмкіндік береді, резистенттіартерияларда гистоморфологиялық өзгерістерді түзетеді және жүректің сол жақ қарыншасы гипертрофиясының  регрессиясын туындатады. 

Жүрек функциясының созылмалы  жеткіліксіздігі

Престариум® жүректің жұмысын, оған алдын ала және кейін түсетін  жүктемені төмендете отырып, қалпына келтіреді. Препаратты қолданған кезде сол жақ және оң жақ қарыншаның толу қысымының төмендегені, ЖШҚТК кемігені байқалды. 

Жүрек функциясының жеткіліксіздігін емдеу үшін Престариумды® ұсынылған дозаларда қолданған кезде препаратты алғаш қабылдағаннан кейін және ұзақ уақыт қолданғаннан кейін АҚ айқын өзгергені байқалмайды.

Қолданылуы

-     артериялық гипертензияда

-     жүрек функциясының созылмалы жеткіліксіздігінде 

-     жүректің ишемиялық ауруында: сыртартқысында миокард инфарктісі бар 

    емделушілерде  кардиальді жағдайлар жиілігі азайғанда және/немесе  реваскуляризациядан кейінгі жай-күйде. 

Қолдану тәсілі және дозалары

Препаратты тәулігіне 1 рет, таңертең, тамақтану  алдында қабылдауға кеңес беріледі.  

Артериялық гипертензияны емдегенде ПрестариумдіÒ монотерапия ретінде немесе басқа топтардың гипотензивті препараттарыменбіріктіріп пайдаланады. Ұсынылатын бастапқы доза - тәулігіне 1 рет (таңертең) 5 мг, қажет болған жағдайда доза біртіндеп тәулігіне 2 талеткаға (10 мг) дейін арттырылуы мүмкін.

«Ренин-ангиотензин-альдестерон» жүйесі (атап айтқанда, реноваскулярлы гипертензиясы, электролиттік бұзылулары бар және/немесеайналымындағы қан көлемі (АҚК) азайған, жүрек қызметі декомпенсацияланған немесе ауыр гипертензиясы бар емделушілерде) айқын белсенділенгенде, бастапқы дозаны қабылдағаннан кейін артериялық қысым күрт төмендеуі мүмкін. Мұндай емделушілерді емдеуді бастағанда, қатаң бақылай отырып, 2,5 мг дозадан бастау керек. 1 ай емдегеннен кейін дозаны күніне 1рет 10 мг-ге дейінжоғарылатуға болады.

Артериялық гипертензиясы бар егде жастағы емделушілерді емдегенде дозаны 2,5 мг-дан бастап, оны біртіндеп: емдеу басталғаннанкейін бір айдан соң 5 мг-ға дейін, содан соң бүйректің функциональді  жағдайына қарай 10 мг-ға дейінарттыруға болады (төмендегікестені қараңыз).

Жүрек функциясының созылмалы жеткіліксіздігін емдегенде ұсынылатын доза  – тәулігіне таблетканың жартысы (2,5 мг). 

Препаратты калий жинақтамайтын диуретиктермен және/немесе  дигоксинмен және/немесе β-блокаторларымен бірге қолдануды медициналық қалтқысыз бақылай отырып  бастау қажет, ұсынылатын бастапқы доза  таңертең 2,5 мг құрайды. Жағымдылығы жақсы болған жағдайда дозаны, 2 аптадан кем емес аралықты сақтап күніне 1 рет 5 мг дозаға жеткізе отырып, 2,5 мг-ға сатылап көтереді. Бұлай түзетуге  әрбір нақты емделушінің клиникалық реакциясы негіз болуы тиіс.

Жүректің ишемиялық ауруын емдегенде препаратты қабылдауды 2 апта бойы күніне 1 рет 5 мг-ден бастап, содан кейін бүйректің жағдайына қарай және 5 мг дозаның жағымдылығы жақсы болған жағдайда күніне 1 рет 10 мг-ге дейін арттыру керек. 

Егде жастағы емделушілерде емді 1 апта бойы күніне 1 рет 2,5 мг дозадан бастап, содан кейін 1 апта бойы күніне 1 рет 5 мг-ден, содан соң бүйректің функциясына байланысты 10 мг-ге дейін арттыруға болады (төмендегі кестені қара). Дозаны бұдан бұрынғы төменірек дозаның жағымдылығы жақсы болған жағдайда ғана жоғарылатады.   

Бүйрек функциясы бұзылғанда дозаны түзету  

Креатинин клиренсі (ClCr), мл/мин 

Ұсынылған доза

ClCr≥ 60

Күніне 5 мг 

30<ClCr<60

Күніне 2,5 мг 

15<ClCr<30

Күн ара күніне 2,5 мг 

Гемодиализде* жүрген емделушілер

ClCr<30

Диализ күні 2,5 мг 

*Периндоприлаттың диализдік клиренсі минутына 70 мл/мин құрайды. Гемодиализде жүрген емделушілер, препаратты диализ сеансынан кейін қабылдауы тиіс.

Бауыр функциясы бұзылғанда дозаны түзетудің қажеті жоқ. 

Жағымсыз әсерлері

Емдеу кезінде пайда болуы мүмкін жағымсыз реакциялар мынадай градациямен берілген: өте жиі (>1/10); жиі (>1/100, <1/10); жиі емес (>1/1000, <1/100); сирек (>1/10 000, <1/1000); өте сирек (<1/10 000); жиілігі анықталмаған (жиілігі қол жеткізілген деректер бойынша есептелуі мүмкін емес).

Жиі

-        жөтел (жиі құрғақ немесе тітіркендіретін ретінде сипатталатын), ентігу 

-        бас ауыру, астения, бас айналу, құрысулар, парестезиялар, дәм сезудің бұзылуы, көрудің бұзылуы, құлақтың шыңылдауы, вертиго, 

-        артериялық гипотензия

-        жүректің айнуы, құсу, іш тұсының ауыруы, дисгевзия, диарея немесе іштің қатуы, диспепсия

-        бөртпе, терінің қышуы

 Жиі емес 

-        эозинофилия

-        гипонатриемия

-        гиперкалиемия, қан сарысуында мочевина және креатинин деңгейлерінің өткінші жоғарылауы  

-        гипогликемия, 

-        ұйқышылдық,

-        синкопе, дімкәстік, көкіректің ауыруы

-        тахикардия, жүрек қағуының күшеюі

-        васкулит, шеткергі ісінулер, дене температурасының жоғарылауы

-        экзема, фотосезімталдық

-        артралгия, миалгия

-        құлау салдарынан болатын кездейсоқ жарақаттар  

Сирек

-        бронхтың түйілуі

-        ауыздың кеберсуі, бауыр ферменттері белсенділігінің және сарысудағы  билирубин деңгейінің жоғарылауы 

-        бүйрек функциясының жеткіліксіздігі, импотенция

-        беттің, аяқ-қолдың, еріннің, шырышты қабықтардың, тілдің, көмейдің, дауыс саңылауының және/немесе көмейдің ангионевротикалық ісінуі, есекжем

-        терлеудің күшеюі

-        көңіл-күйдің және ұйқының бұзылуы 

Өте сирек

-        аритмия, стенокардия, миокард  инфарктісі және инсульт (жоғары қауіп тобындағы емделушілерде айқын гипотензиядан туындауы мүмкін)

-        эозинофильді пневмония, ринит

-        панкреатит, цитолитикалық немесе холестатикалық гепатит

-        эритема (алуан түрлері )

-        гемоглобин және гематокрит деңгейінің төмендеуі, тромбоцитопения, лейкопения/нейтропения, агранулоцитоз немесе панцитопения, гемолитикалық анемия (глюкоза-6-фосфатдегидрогеназа (G-6PDH) ферментінің туа біткен жеткіліксіздігі бар емделушілерде). 

-        сананың шатасуы

-        бүйрек функциясының жедел жеткіліксіздігі  

Қолдануға болмайтын жағдайлар

-        периндоприлге және препараттың басқа құрамдас компоненттеріне   немесе АӨФ кез келген басқа тежегіштеріне аса жоғары сезімталдық

-        сыртартқысында бұдан бұрын АӨФ тежегіштерімен емделу аясындағы ангионевротикалық ісіну (тұқым қуалайтын немесе идиопатиялық) көрсетілген

-        жүктілік және лактация кезеңі

-        Алискиренмен біріктіріп қабылдаған, қант диабетінен немесе бүйрек функциясының жеткіліксіздігінен (СКФ <60 мл/мин/1,73 м²)зардап шегіп жүрген емделушілер

-        18 жасқа дейінгі балалар мен жасөспірімдерге (тиімділігі мен қауіпсіздігі анықталмаған).

Дәрілермен өзара әрекеттесуі

АӨФ тежегіштері калийдің диуретиктер әсерінен жоғалуын төмендетеді. Калий жинақтаушы диуретиктер (мысалы, спиронолактон, триамтерен немесе амилорид), калий қоспалары немесе құрамында калий бар тұз алмастырғыштар сарысудағы калий мөлшерініңедәуір ұлғаюына әкелуі мүмкін. Калий жинақтаушы диуретиктерді, калий қоспаларын немесе құрамында калий бар тұз алмастырғыштарды абайлап қолданған жөн, сондай-ақ сарысудағы калийге жиі мониторинг жасау қажет. 

Диуретиктік препараттарды  қабылдап жүрген, әсіресе АҚК төмен және /немесе электролиттік бұзылулары бар емделушілерде АӨФ тежегіштерімен емдеуді бастағаннан кейін артериялық қан қысымының айқын төмендеуі байқалуы мүмкін. Диуретиктерді қолдануды тоқтату, АҚК орнын толтыру немесе емдеудің басында электролиттік теңгерімді түзету, сондай-ақ периндоприлдің бастапқы дозасын аз мөлшерден тағайындау және оларды біртіндеп карттыру гипотензияның даму қаупін төмендетеді.

Литий және АӨФ тежегіштерін біріктіріп қабылдағанда сарысудағы литий концентрациясының қайтымды ұлғаю және литийдің уытты әсері нің даму жағдайлары байқалды. Тиазидтік диуретиктерді қатар қабылдау бұрыннан бар уыттылық қаупін арттыруы және литийдің уыттылығын күшейтуі мүмкін. Периндоприл мен литий препараттарын біріктіріп қабылдауға кеңес берілмейді, бірақ ол қажет болған жағдайда қан сарысуындағы литийдің мөлшерін мұқият бақылаған жөн.

Қабынуға қарсы стероидты емес дәрілер (ҚҚСД), соның ішінде ацетилсалицил қышқылы күніне > 3г дозада АӨФ тежегіштерініңгипотензивтік әсерін төмендетеді. Бұдан басқа, ҚҚСД және АӨФ тежегіштері бүйрек функциясының нашарлауына әкелетін қан плазмасындағы калий деңгейінің жоғарылауына аддитивті әсер ететіні байқалған. Аталған әсер қайтымды сипатқа ие, бірақ сирек жағдайларда, бүйрек функциясы бұзылған емделушілерде, мысалы егде жастағы емделушілерде немесе сусызданған жағдайда бүйрек функциясының жедел жеткіліксіздігі дамуы мүмкін.  

Гипотензивтік және қантамырды кеңейтетін препараттарды біріктіріп қабылдау периндоприлдің гипотензивтік әсерінің күшеюіне әкелуі мүмкін.  Нитроглицеринді және басқа да нитраттарды немесе қантамырларды кеңейтетін дәрілерді қатар қабылдау артериялық қан қысымының әрі қарай төмендеуіне әкеп соғуы мүмкін.

АӨФ тежегіштерін және диабетке қарсы препараттарды біріктіріп қабылдау (инсулиндер, пероральді гипогликемиялық препараттар), әсіресе емдеудің алғашқы аптасында және бүйрек функциясыі бұзылған емделушілерде, олардың гипогликемиялық әсерін күшейтуі мүмкін. 

Периндоприл ацетилсалицил қышқылымен, тромболитикалық препараттармен, b-блокаторларымен және/немесе нитраттармен бірге тағайындалуы мүмкін.

Үшциклді антидепрессантарды, антипсихотикалық препараттарды және нейролептиктерді АӨФ тежегіштерімен біріктіріп қабылдау артериялық қан қысымының әрі қарай төмендеуіне әкеп соғуы мүмкін.

Симпатомиметикалық дәрілер АӨФ тежегіштерінің гипотензивтік әсерін төмендетуі мүмкін.

Периндоприлмен және алтын препараттарымен (натрий ауротиомалатының инъекциясы) біріктіріп емдегенде кейбір емделушілерде реакция (беттің қызаруын, жүректің айнуын, құсуды және гипотензияны қоса) байқалды.

Айрықша нұсқаулар

Аортальді және митральді стеноз/гипертрофиялық кардиомиопатия

Престариум®, АӨФ-тің басқа да тежегіштері сияқты, митральді клапан стенозы, аорта стенозы немесе гипертрофиялықкардиомиопатиясы бар емделушілерге ерекше сақтықпен тағайындалуы тиіс.

Жүректің ишемиялық ауруы

Егер периндоприлмен емдеу барысында алғашқы ай ішінде тұрақсыз  стенокардия орын алса, онда емдеуді жалғастырудан бұрынемдеудің пайдасы мен қаупінің арақатынасына мұқият баға берген жөн.  

Гипотензия

АКФ тежегіштері артериялық қысымды төмендетуі мүмкін. Клиникалық көріністерімен гипотензия қатар жүретін аурулары жоқ гипертензиясы бар емделушілерде сирек дамиды, көбіне ол АҚК төмен (диуретиктер қабылдап жүрген, ас тұзын пайдалануы шектеулі емдәмдегі, диализдегі емделушілер, диареядан немесе құсудан зардап шегіп жүрген емделушілер) емделушілерде немесе ренинге тәуелді ауыр гипертензиясы бар емделушілерде жиі туындайды. Клиникалық көріністерімен гипотензия бүйрек функциясының жеткіліксіздігі қатар жүретін немесе онсыз клиникалық көріністерімен жүрек функциясының ауыр жеткіліксіздігі бар емделушілерде байқалды. Бұның ілмектік диуретиктерді жоғары дозаларда  қабылдау, гипонатриемия немесе  бүйрек функциясының бұзылуы салдары ретінде жүрек функциясының ауырлау дәрежедегі жеткіліксіздігі бар емделушілерде басталу ықтималдығы жоғары. Емдеудің басында және дозаны түзету кезінде клиникалық көріністері бар гипотензияның басталу қаупі жоғары емделушілерге мұқият мониторинг жүргізу керек. Кенеттен болған гипотензия миокард инфарктісіне немесе инсультқа әкеп соғатын, ишемиядан немесе цереброваскулярлық аурулардан зардап шегіп жүрген емделушілерді емдегенде осыған ұқсас  әрекетті ұстанған жөн.

Артериялық қысымы қалыпты немесе төмендеген жүрек функциясының іркілген жеткіліксіздігі бар кейбір емделушілердеПрестариумÒ қабылдау жүйелік артериялық қысымның қосымша төмендеуіне әкеп соғуы мүмкін. Бұл әдетте емдеуді тоқтатуды талап етпейтін, күтілетін әсер. Жекелеген жағдайларда, гипотензияның айқын клиникалық көріністері пайда болғанда доза төмендету немесе препаратты тоқтату қажеттілігі туындауы мүмкін. 

Бүйрек функциясының жеткіліксіздігі

Бүйрек функциясы бұзылған жағдайда (креатинин клиренсі < 60 мл/мин) бастапқы доза емделушінің креатинин клиренсіне қарай, ал содан соң емделушінің емге реакциясына сәйкес түзетілуі тиіс.

Мұндай емделушілер үшін калий және креатинин деңгейіне үнемі мониторинг жүргізу әдеттегі іс болып табылады.

Клиникалық көріністерімен жүрек функциясының жеткіліксіздігі бар  емделушілерде АКФ тежегіштерімен емдеудің бас кезінде басталатын гипотензия бүйрек функциясының әрі қарай нашарлауына әкеп соғуы мүмкін. Бұл жағдайда әдетте қайтымды сипатта болатын бүйрек функциясының жедел жеткіліксіздігінің басталғаны туралы мәлімдемелер бар.

АӨФ тежегіштерін қабылдап жүрген бүйрек артерияларының екі жақты стенозы немесе жалғыз бүйрек артериясының стенозы (әсіресебүйрек функциясының жеткіліксіздігі бар болғанда) бар кейбір емделушілерде сарысудағы мочевина мен креатинин деңгейінің қайтымды жоғарылау жағдайлары байқалды.  

Бүйрек тамырларының көзге көрінбейтін гипертензиясы бар кейбір емделушілерде қандағы мочевина және сарысудағы креатинин концентрацияларының жоғарылағаны білінді, ол әдетте, әсіресе Престариум және диуретикті біріктіріп қабылдаған кезде елеусіз және өткінші сипатта болды. Бұл бұрыннан бүйрек функциясының бұзылуынан зардап шегіп жүрген емделушілерде көбірек кездесуі ықтимал. Мұндай жағдайда дозалауды азайту және/немесе диуретикті және/немесе Престариумды қабылдауды тоқтату қажет болуы мүмкін.

Гемодиализ

АКФ тежегіштерін қабылдап жүрген емделушілерде жоғары ағынды жарғақшаны (мысалы, AN69®) пайдалана отырып гемодиализ жүргізгенде  анафилактоидтық реакциялар байқалды. Сондықтан басқа типті жарғақшаны пайдаланған немесе басқа фармакотерапиялық топтың гипотензиялық дәрісін қолданған дұрыс.

Жоғары сезімталдық / анафилактикалық ісіну 

Престариумді қоса, АКФ тежегіштерімен ем қабылдаған емделушілерде беттің, аяқ-қолдың, еріннің, шырышты қабықтардың, тілдің, дауыс саңылауының және/немесе көмейдің ангионевротикалық ісінуі туралы мәлімдемелер сирек болды. Бұл реакциялар емдеу уақытының кез келген сәтінде басталуы мүмкін. Мұндай жағдайларда Престариум қабылдауды дереу тоқтатқан және симптомдары толық қайтқанша тиісіті мониторинг жүргізген жөн. Әдетте ісіну тек бет пен ерінге қатысты болса, антигистаминдік препараттар симптомдарын жеңілдетуге жәрдемдескенмен, ол қандай да бір емсіз-ақ қайтады.

Тыныс алу жолдарын обструкциялауы мүмкін тілдің, дауыс саңылауының немесе көмейдің ісінуінде тиісті шараларды дереу қолданған жөн. Шұғыл көрсетілетін көмек адреналин тағайындауды және/немесе тыныс алу жолдарының өткізгіштігін демеп отыру қамтуы мүмкін. Симптомдары толық және біржолата жойылғанша емделуші тиянақты медициналық бақылауда болуы тиіс.

АКФ тежегіштерін қабылдаумен байланыссыз ангионевротикалық ісінуді бастан өткерген емделушілер үшін АКФ тежегіштерін қабылдағанда ангионевротикалық ісінудің басталу қаупі жоғары болады.  

АКФ тежегіштерін қабылдаған емделушілерде АІЖ қамтитын ангионевротикалық ісіну туралы сирек мәлімдемелер бар. Бұл емделушілер ішінің ауырғанына шағымданған (құсу және жүректің айнуы қатар жүрген немесе болмаған); кейбір жағдайларда бұның алдында беттің ангиоісінуі болмаған, С-1 эстераза деңгейі қалыпта болған. Ангиоісінуді диагностикалау іштің компьютерлік томографиясы қамтылған емшаралар көмегімен немесе ултьрадыбыстық зерттеулерде, немесе хирургиялық операциялар кезінде жүргізілді; симптомдары АКФ тежегіштерін қабылдауды тоқтатқан соң қайтқан. Ішінің ауыратынына, АІЖ қамтитын ангиоісінуге шағымданушы, АКФ тежегіштерін қабылдап жүрген емделушілер дифференциалдық диагнозға қамтылуы тиіс. 

Тығыздығы төмен липопротеин (ТТЛП) аферезі емшарасын жүргізген кездегі және десенсибилизация кезіндегі анафилактоидтық реакциялар

Декстрансульфатты абсорбция көмегімен  ТТЛП аферезі емшарасын қабылдап жүрген емделушілерде АКФ тежегіштерін тағайындаған кезде сирек жағдайларда анафилактоидтық реакциялардың даму жағдайлары байқалды. Бұл  реакцияларды болдырмауға әрбір  аферезді жүргізу алдында АКФ тежегіштерін уақытша тоқтату жолымен қол жеткізілді.

АКФ тежегіштерін қабылдап жүрген кейбір емделушілерде десенсибилизациялаушы (мысалы, гименоптериялық умен) ем кезінде анафилактоидтық реакция басталды. Кейбір емделушілерде бұл реакцияларды АКФ тежегіштерін уақытша тоқтату арқылы жол берілмеді, бірақ олар препаратты байқамай қабылдап қойған жағдайда қайта басталды.

Бауыр функциясының бұзылуы 

АКФ тежегіштерін қабылдап жүрген, сарғаю дамыған немесе бауыр ферменттерінің деңгейі елеулі жоғарылаған емделушілер АКФ тежегіштерін қабылдауды тоқтатуы тиіс және тиянақты медициналық тексерілуден өтуі тиіс.

Нейтропения/агранулоцитоз/тромбоцитопения/анемия

Бауыр функциясы қалыпты және басқа асқындыратын факторлары жоқ  емделушілерде нейтропения сирек басталады. Периндоприлді  дәнекер тіндердің жүйелік аурулары бар емделушілерде, иммунодепрессивтік дәрілерді, аллопуринолды немесе прокаинамидті қабылдау аясында және оларды бірге қолданғанда, әсіресе бүйрек функциясының бұзылу негізі бар емделушілерде аса сақтықпен қолдану керек. Кейбір емделушілерде бірқатар жағдайларда қарқынды антибиотикотерапияға төзімді ауыр жұқпалы аурулар туындады. Периндоприлді мұндай емделушілерге тағайындағанда қандағы лейкоциттер санын мезгіл сайын бақылау ұсыныс жасалады. Емделушілер дәрігерге жұқпалы аурулардың (мысалы, баспа, қызба) кез келген белгілері туралы мәлімдеп отыруы тиіс.    

Нәсілі 

АКФ тежегіштерімен емделгенде ангионевротикалық ісіну басқа нәсіл емделушілеріне қарағанда негроидты нәсілдерде жиі болады. Басқа да АКФ тежегіштері сияқты, негроид нәсілді емделушілерде периндоприлдің гипотензиялық тиімділігі басқа нәсілді емделушілердегіге қарағанда төмен болуы мүмкін. Бұның себебі гипертензия мұндай емделушілерде ренин мөлшерінің төмен болу аясында өте жиі болуы мүмкін.

Жөтел

АӨФ тежегіштерімен емдеу кезінде емделушіде препаратты тоқтатқан соң қайтатын өнімсіз құрғақ жөтел  пайда болуы мүмкін.

Хирургиялық араласым / Жалпы  анестезия

АКФ тежегіштерін жалпы анестезия қолданылатын хирургиялық араласымға ұшыраған науқастарда қолдану, әсіресежалпы анестезия үшін антигипертензиялық әсер ететін дәрілерді пайдаланылғанда АҚ айқын төмендеуіне әкеп соғуы  мүмкін. Хирургиялық араласымдардан 12 сағат бұрын ұзақ әсер етуші АКФ тежегіштерін, соның ішінде периндоприлді қабылдауды тоқтатуға кеңес беріледі.

Гиперкалиемия

АКФ тежегіштерімен, соның ішінде  периндоприлмен де емдеу кезінде гиперкалиемия дамуы мүмкін. Гиперкалиемия қаупінің факторлары бүйрек функциясының жеткіліксіздігі, бүйрек функциясының бұзылуы, егде жас * (70 жастан үлкен), қант диабеті, кейбір қатар жүретін жағдайлар (дегидратация, жүрек функциясының созылмалы жеткіліксіздігінің жедел декомпенсациясы, метаболизмдік ацидоз), калий жинақтайтын  диуретиктерді (спиронолактон, эплеренон, триамтерен, амилорид сияқты), сондай-ақ калий препараттарын және құрамында калий бар ас тұзын алмастырғыштарды бір мезгілде қабылдау, сол сияқты қан плазмасы құрамындағы  калий иондары артуына ықпал ететін басқа  дәрілер қолдану (мысалы, гепарин) (әсіресе бүйрек функциясы төмендеген емделушілерде) болып табылады. Гиперкалиемия жүрек ырғағының күрделі, кейде фатальді бұзылуына әкелуі мүмкін. Егер жоғарыда аталған дәрілерді біріктіріп қабылдау керек болса, емдеу қан сарысуындағы калий иондары мөлшерін үнемі бақылау аясында сақтықпен жүргізілуі тиіс. 

Калий жинақтайтын диуретиктер және калий препараттары

Әдетте периндоприлді және калий жинақтайтын диуретиктерді, сондай-ақ калий препараттарын және құрамында калий бар ас тұзын алмастырғыштарды біріктіріп қолдануға ұсыныс жасалмайды.     

Ренин-ангиотензин-альдостерон жүйесінің қосарланған блокадасы 

Сезімтал емделушілерде, әсіресе осы жүйеге әсер ететін дәрілік препараттарды қабылдағанда  гипотензия, синкопе, соғылу, гиперкалиемия және бүйрек функциясының өзгеруі (бүйрек функциясының жедел жеткіліксіздігін қоса) жағдайлары байқалды. Осыған байланысты ангиотензин-I-қайта түзетін фермент тежегішін және ангиотензин II рецепторы блокаторларын немесе алискиренді біріктіріп қабылдау жолымен ренин-ангиотензин-альдостерон жүйесінің қосарланған блокадасы  ұсынылмайды. 

Диабеті бар емделушілер

АКФ тежегіштерімен емдеудің алғашқы айы ішінде диабетке қарсы пероральді препараттар немесе инсулин қабылдап жүрген, диабеті бар емделушілерге мұқият мониторинг жүргізген жөн.

Қосымша заттар 

Анестезиямен хирургиялық араласымдар жоспарланған жағдайда Престариуммен® емдеуді операциядан 1 күн бұрын тоқтату керек.

Препараттың құрамында лактоза бар, сондықтан оны туа біткен галактоземияда, глюкоза-галактозды мальабсорбциялық синдромда, сондай-ақ лактаза  тапшылығында қолданбаған жөн.

Педиатрияда пайдаланылуы

Препаратты балаларға және жасөспірімдерге қолданудың тиімділігі мен қауіпсіздігі анықталмаған, осыған байланысты емделушілердің осы категориясына препаратты тағайындауға кеңес берілмейді.

Жүктілік және лактация кезеңі

Егер жүктілік жоспарланса немесе жүкті болып қалғаны айғақталса, мүмкіндігінше тез арада емнің баламалы түріне ауыстырған жөн.Препаратты жүктіліктің ІІ-ІІІ триместрінде және лактация кезеңінде қолдануға болмайды.

Көлік құралын немесе қауіпті механизмдерді басқару қабілетіне дәрілік заттың ықпал ету ерекшеліктері

Кейбір емделушілерде АҚ төмендеуіне жауап ретінде, әсіресе емнің бас кезінде немесе жүргізіліп жатқан емге басқа гипотензиялық дәрілерді қосқанда әртүрлі жекелей реакциялар дамуы мүмкін.

Бас айналу дамуы мүмкін болғандықтан, автокөлік жүргізгенде және қауіпті механизмдермен жұмыс жасағанда сақтық танытқан жөн.  

Артық дозалануы

Симптомдары: жедел гипотензия, брадикардия, бас айналу, үрейлену жағдайы, жөтел, электролиттік бұзылулар, бүйрек функциясының жеткіліксіздігі, шок, тахикардия, ырғақтың бұзылуы, гиперпное (өкпенің гипревентиляциясы).

Емі: 9 мг/мл (0,9%) натрий хлориді ерітіндісін көктамыр ішіне енгізу,  көлденең жатқызып, сұйықтық тапшылығының орнын толтыруға арналған ерітінділерді, ангиотензин II препараттарын және/немесе катехоламиндерді, атропинді көктамыр ішіне енгізу. Емделуші қалтқысыз қадағалануы тиіс, қарқынды терапия блогында болғаны дұрыс. Емделушінің сарысуындағы электролиттер мен креатинин мөлшерін үнемі бақылаған жөн. Қажет болғанда – кардиостимуляция (брадикардияны жою үшін). Гемодиализ (полиакрилонитрилді жоғары ағынды жарғақшаларды пайдалануға жол бермеу керек).

Шығарылу түрі және қаптамасы  

Таблетканы біртіндеп беріп тұруға арналған дозалағыш саңылауы бар полипропиленді контейнерлерде 30 таблеткадан. Контейнер құрамында 2 г сиккативті гелі бар тығыздығы төмен полиэтиленнен жасалған мөлдір емес тығынмен жабылады.

1 немесе 3 контейнерден медицинада қолданылуы жөнінде мемлекеттік және орыс тілдеріндегі нұсқаулықпен бірге картон қорапшаға салынған. 

Сақтау шарттары

Тығыз тығындалған контейнерде, 300С-ден аспайтын температурада сақтау керек. 

Балалардың қолы жетпейтін жерде сақтау керек!    

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін қолдануға болмайды. 

Дәріханалардан босатылу шарттары

Рецепт арқылы  

Өндіруші

Les Laboratoires Servier Industrie (Ле Лаборатуар Сервье Индастри), Франция 

немесе

Servier (Ireland) Industries Ltd (Сервье (Ирландия) Индастриз Лтд), Ирландия

Тіркеу куәлігінің иесі

Les Laboratoires Servier (Ле Лаборатуар Сервье), Франция

Тұтынушылардан өнім сапасы жөніндегі шағымдарды Қазақстан Республикасы аумағында қабылдайтын ұйымның мекенжайы:  

Les Laboratoires Servier ҚР өкілдігі

050020, Алматы қ., Достық д-лы 310 г, Бизнес орталық, 3-қабат

Тел.: (727) 386 76 62,  386 76 63, 386 76 64, 386 76 70, 386 76 71 

Факс: (727) 386 76 67

Электронды поштасы: kazadinfo@kz.netgrs.com