Бетагист

Саудалық атауы

БЕТАГИСТ 8

БЕТАГИСТ 16

БЕТАГИСТ 24

Халықаралық патенттелмеген атауы

Бетагистин   

Дәрілік түрі

8 мг, 16 мг, 24 мг таблеткалар

Құрамы

Бір таблетканың құрамында

белсенді зат – 8 мг, 16 мг немесе 24 мг бетагистин дигидрохлориді,

қосымша заттар: микрокристалды целлюлоза РН 112, маннитол,  лимонның сусыз қышқылы, кремнийдің коллоидты қостотығы (Аэросил 200), стеарин қышқылы, тальк. 

Сипаттамасы

Ақ түсті дөңгелек, бір жақ беті тегіс,  басқа жақ бетінде бөлетін сызығы бар таблеткалар  (8 мг доза үшін). 

Ақ түсті дөңгелек, екі жақ беті дөңес, бір жақ бетінде бөлетін сызығы бар таблеткалар  (16 мг доза үшін). 

Ақ түсті сопақша, бір жақ бетінде бөлетін сызығы бар таблеткалар (24 мг доза үшін)

Фармакотерапиялық тобы

Бас айналуды жоюға арналған дәрілер. 

АТЖ коды  N07CA01 

Фармакологиялық қасиеттері

Фармакокинетикасы

Ішке қабылдағаннан кейін бетагистин гидрохлориді тез және толық сіңеді.    

Плазма ақуыздарымен байланысуы төмен. Бетагистин гидрохлориді бауырда белсенді емес негізгі метаболит, 2-пиридилсірке қышқылына және диметил-бетагистинге метаболизденеді. 

90%-ы бүйректер арқылы негізгі метаболит түрінде шығарылады.   

Фармакодинамикасы   

Бетагистин – гистаминнің синтетикалық аналогы. Ішкі құлақтың  және ОЖЖ-ның вестибулярлы ядроның  гистаминдік Н1 және Н3-рецепторына әсер етеді.  Ішкі құлақтағы капиллярлардың микроайналымын және өткізгіштігін жақсартады, базиллярлы артерияларда қан айналымын арттырады, лабиринтте және иірім түтіктегі эндолимфаның қысымын қалыпты етеді.  

БЕТАГИСТ латеральді және медиальді вестибулярлы ядро нейрондарындағы ең жоғары шектегі генерацияны дозаға байланысты төмендетеді.

БЕТАГИСТ бір жақты нейроэктомиялардан кейін вестибулярлы қызметтің қалпына келуін жылдамдатып, орталық вестибулярлы компенсация үдерісін жеңілдетеді және тездетеді. Бұл әсер  Н3-рецепторларына қарама-қайшылықтың арқасында жүзеге асады және гистаминді шығару  мен  алмастырудың реттелуінің жоғары болуымен сипатталады. Барлық осы қасиеттері бірігіп Меньер ауруында және вестибулярлы бас айналуда БЕТАГИСТТІҢ емдік әсерін жүзеге асырады.

Қолданылуы

- Меньер  ауруы/синдромында

- генезі әртүрлі, жүрек айнуы және құсумен қатар жүретін, вестибулярлы бас айналуға симптоматикалық ем жүргізуге 

- құлақтағы шуыл, естудің үдемелі нашарлауы (біріктірілген ем құрамында).

Қолдану тәсілі және дозалары

Ұсынылатын бастапқы доза тәулігіне 8-16 мг құрайды. Негізгі емдік дозалар – тәулігіне 24-48 мг.

Ең жоғары бір реттік доза 24 мг құрайды. 

Ең жоғары тәуліктік доза 48 мг құрайды, оны 2-3 қабылдауға бөледі.

Тұрақты емдік әсер екі апта емдегеннен кейін басталады және емдеудің бірнеше айы ішінде өсуі мүмкін. Емдеу ұзақ. Препаратты қабылдау ұзақтығы әр адамда жекелей анықталады. Препаратты қабылдау ұзақтығын емдеуші дәрігер белгілейді.   

Жағымсыз әсерлері

Жиі (³1/100 – <1/10)

- бас ауыру, ұйқышылдық 

- ыстықты сезіну

- жүректің лүпілдеуі

- төс асты аймағының ауыруы, қыжыл, жүректің айнуы, құсу

- бөртпе, есекжем, қышу, Квинке ісінуі, анафилактикалық реакциялар

- шаршағыштық

Қолдануға болмайтын жағдайлар

- бетагистин гидрохлоридіне және/немесе препараттың кез келген компонентіне жоғары сезімталдық

- феохромоцитома

- жүктілік және лактация кезеңі  

- балалар және 18 жасқа дейінгі жасөспірімдер

Дәрілермен өзара әрекеттесуі

Бетагистин –   гистаминнің аналогы болғандықтан,  Н1 антагонистерін бір мезгілде қолдану белсенді агенттердің өзара әсерін әлсіретуі мүмкін. 

Айрықша нұсқаулар

Препаратты асқазан мен он екі елі ішектің ойық жара ауруы сыртартқысында көрсетілген, бронх демікпесі бар науқастарға абайлап қолдану керек.

Дәрілік заттың көлікті немесе қауіптілігі зор механизмдерді басқару қабілетіне ықпал ету ерекшеліктері  

Шаршағыштық түріндегі жағымсыз әсердің пайда болуына байланысты әрекет ету қабілеті төмендеуі мүмкін, бұл автомобиль жүргізу және машиналарды  басқару қабілеттерін бұзады.  

Артық дозалануы

Симптомдары: ауыз ішінің құрғауы, жүректің айнуы, құсу, диспепсия, атаксия, беттің қызаруы, бас айналу, жүректің қатты лүпілдеуі, бронх түйілуі және ісіну, өте жоғары дозаларды қабылдағаннан кейін конвульсия пайда болуы мүмкін. 

Емдеу - симптоматикалық (асқазанды шаю, белсенділендірілген көмір қолдану).

Шығарылу түрі және қаптамасы

Алюминий форматурадан және баспалы алюминий фольгадан жасалған пішінді ұяшықты қаптамаға 10 таблеткадан салынған.

Пішінді 3 немесе 6 қаптама медицинада қолданылуы жөнінде мемлекеттік және орыс тілдеріндегі нұсқаулықпен бірге өндіруші фирманың голограммасы бар картон пәшкеге салынған.  

Сақтау шарттары

25оС-ден аспайтын  температурада, жарықтан қорғалған жерде сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Сақтау мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

Өндіруші

«Нобел Алматы фармацевтикалық фабрикасы» АҚ

Қазақстан Республикасы

Алматы қ-сы, Шевченко к-сі, 162 Е.

Тіркеу куәлігінің иесі

«Нобел Алматы фармацевтикалық фабрикасы» АҚ